坤記腸粉

营业中

休息中

經過大圍，就諗起上次朋友帶我地去坤記食腸粉，所以今日經過附近又去買。本來擔心今日年初六吾知開工未。點知排長龍，要排差不多十分鐘先買到。之前食過魚蛋同燒賣都一般，所以排左咁耐，都係只買二十蚊10條腸粉。我地買左並吾係坐低堂食，而係外賣揸車去獅子亭食。山頂上景緻開揚，再加上今日風和日麗，腸粉即刻升價十倍到二百蚊啦！😜😜😜​​​打開包腸粉，有D失望，首先汁吾夠，有好多都白曬曬，腸粉有D厚，又吾夠滑。😒 同上次差好遠。靚景都補吾返。

平靚正😍不過係勁多人🧐想坐喺度食就難啲買咗會方便啲呢度都只係$19🤓值得一試👍👍#坤記腸粉 #大圍 #eatwithyuenkei #hkfoodie #foodie #food #foodlover #foodporn #foodblogger #youtuber #youtube #hongkong #hk #wheelchairvseatinginhk #wheelchairfriendly #共融 #無障礙 #相機食先

以前係街坊曾經食過嗰時覺得冇乜特別今次因為實在太肚餓，搵啲嘢頂肚，算啦就食腸粉，見到有生菜魚肉，都試吓啦點知有驚喜，腸粉同深水埗合益泰一樣咁滑、咁薄，當然要多麻醬，適量嘅豉油，炒香嘅芝麻， 再加一點點甜醬，就冇得頂估唔到生菜魚肉都好食，魚肉打得出色，冇 腥味，有咬口，又係要多胡椒粉同麻油，熱到辣嘴咁先最好食

今天途經大圍積福街的坤記腸粉，看見店內顧客並不是太多，於是便決定入內吃一個此店出名的腸粉。坤記面積很小，但售賣的食物淋淋種種，有各式其式的小食，繼有咖喱魚蛋、魚肉燒賣 和懷舊砵仔糕等等。 此外，還可作主食的皮蛋瘦肉粥、家鄕炒米粉、豉油皇炒麵和生菜魚肉湯等等。因已吃過午飯，我今天只好吃一碟十元四條的腸粉。蒸熱了的白滑腸粉是放了在鋪了一張紙的碟上，絕對有懷舊路邊feel。碟上還淋了油、豉油、花生醬和甜醬。面上還灑有美味的芝麻。趁熱吃下混了醬的腸粉，美味無窮，味道多層次。這街坊小店門面並不討好，但腸粉郤確實滑溜而又便宜。

係大圍買親腸粉都一定係坤記買，因為夠平之餘，佢仲有好多其他小食，有豬皮魚蛋燒賣生菜魚肉等等，係一條小街既舖頭仔，每一次去到都要排隊，可想而知佢係有幾多人幫襯吧！黎大圍絕對要去！

市區人第一次入大圍緊係要搵下食🤤經過見到呢間有名腸粉二話不說入咗去！嗌咗$10 四條腸粉，加$8 六粒燒賣一食Um，腸粉唔熱！！！我好怕食野係唔熱，即刻無咗最香既味道無乜味，亦唔滑醬亦都稀到無乜味，特別花生醬🤷🏻‍♀️食唔出味深水埗合益泰同紅磡林記贏到無影以上兩間我經開必食👍🏻👍🏻👍🏻坤記連普通店既腸粉都未必比得上反而燒賣有魚肉味又不錯！👍🏻服務不過不失環境都幾污糟，枱面同椅都痴粒粒一句講哂名過其實😟無下次

首先，我未見過腸粉可以禁細條，大佬我買腸粉唔係狗仔粉醬又少又乾，真係你食埋我果份以前都唔係咁，依家趕客咁款，又貴又難食，真係唔好試唔該廿幾蚊食碟垃圾，你都好意思賣比客，好心啦有無良心嫁

以前坤記真係好好食，老闆又好人，宜家醬汁又溝勁多水，浠到不得之了！做生意又唔老實！金輝D腸粉和醬汁好食好多！個案1.) 話說我買咗4條腸粉、2粒粉果、1串燒賣、2粒牛肉球。第一由於醬汁溝咗勁多水，叫阿姐加多少少醬汁，佢唔出聲黑曬面咁加咗半匙，之後佢用竹纖拮穿咗個袋，我叫佢加多個膠袋，因為穿咗，阿姐竟然話要多個膠袋就要加五毫！仲同我講話係政府要求嘅！我話：「我唔同你嘈了，一係你就同我換咗個膠袋佢！一係你就比多個膠袋我！一係我就唔買了！」阿姐聽到之後，黑口黑面掉個膠袋喺旁邊話：「要整就自己整！」個案2.) 家人最近去買腸粉時，每次都會買10蚊4條腸粉+2粒粉果，阿姐3次都詐詐帝話整多咗腸粉呀！要多2條啦！總結：我和家人以後都唔會再幫襯！！

今日叫左12蚊腸粉6條同8蚊豬皮.👍🏻呢間腸粉由細食到大每次都keep到水準每次都夠滑 唔會蒸到太乾都唔會蒸到出水都唔會太油平民高質美食👍🏻必點⭐️台面有得自己任加醬.👍🏻豬皮冇沙 煮到夠軟身 小小爽口但調味可以再重手d唔係必點 但鐘意可以試試.⭐️評分：味道：4/5 腸粉5分 豬皮3.5分環境：2/5 老店小店 環境點都唔會好咖啦服務：-/5 冇咩服務可言 但勝在人情味衛生：2/5 都係一樣 街邊小店抵食：4/5.

正常情況普通日子，有疏落食客情況下，老鼠仍跑到枱面走動，真嚇人！向負責人投訴，負責人竟然問我：是否怕老鼠？我不作聲，負責人：其實老鼠並不可怕，D嘢好食就得啦。另一名負責人：地下路邊，係會多D老鼠架啦！我無語。

我最愛食呢啲香港小食架啦！腸粉加辣魚蛋加豆漿， 簡直就係絕配！呢度個舖頭名就係叫腸粉！換言之呢度最出名都係腸粉呀！佢真係特別滑特別好食再加試上本人 最鍾意去啲up dum地方食野！真係好有味道！

如何回到當時。。。。歌仔就唱完啦，入番正題先。每次嚟呢到食嘢都會諗起兒時啲成長片段。細細個嘅早餐除咗菠蘿包加阿華田外，這就是炒米粉，又或者腸粉，燒賣加白開水。見今日收工想到大圍嘆夜茶，點知裕富小廚原來一早倒閉了。咁又見到周邊餐廳要排隊入場進食，個肚又肚餓又咕咕聲，唯有搵啲小食啦。開頭諗住掉轉去龍津買啲小食，但又唔想行番轉頭，就去坤記食腸粉。無諗過，冇咗豬皮食。以前途經時，必定豬皮蘿蔔魚蛋，再加5蚊腸粉。估唔到依家加價為10蚊或12蚊腸粉。魚蛋加價為8蚊，燒賣亦一樣加價。不過水準依然咁掂，仲係咁好味。再加上，每次進食都會諗起細細個家人買俾我食，自己慳埋啲零用錢嚟呢到食。真係希望老闆仲會繼續用心烹調每一道小吃，繼續讓我懷念懷舊小吃。

除咗深水埗合益泰之外，聽講大圍坤記腸粉都好正。之前每次經過都排晒長龍，食客甚至企喺馬路邊食，認真誇張。傳說中嘅滑溜腸粉，今日終於有機會一試。我係平日早上9點半去到，無人排隊。最出名嘅係腸粉，我當然唔會錯過啦，$12/6條，$10/4條，加多份燒賣 $8/6粒。腸粉最重要係醬汁同芝麻，當然乜都落齊啦。懷著期待的心情去食第一啖。嗯，滑嗎？係滑嘅....！特別滑嗎？又唔係wo~ 我感覺上一般腸粉店食到嘅無乜分別。究竟點解經常要排長龍呢？一個謎

係大圍住左十幾年，已經食左好多年，以前好好食。呢兩年紅左開始愈黎愈貴，，12蚊得6條，又冇咁好食。叫佢走芝麻多甜醬，佢連豉油都走埋，乾掙掙咁好難食。有啲名過其實！

在大圍居住既我，眼見有好多新食肆開張，亦有好多舊食肆可以站住腳。而我今次光顧既係一間店鋪少少，而又毫不起眼既小食店。雖然坤記毫不起眼，但就係大圍屹立左好耐。相信都有十幾年啦。味道應該有保證。今次咁岩行經附近而又未食早餐，所以諗住幫襯下。。。其實我已經好耐無黎食過。店面同以往一樣，價目表全是人手寫係彩色卡紙並貼係落單位置既頭頂上。今次叫左6條膠粉$12 同魚蛋$8，價錢同份量好似俾以往便宜。。但見負責既人唔同左，唔知係咪易手左。。。番到屋企打開，見到d腸粉無嘜豉油同醬。。。而咖哩魚蛋又唔入味，完全無哂腸粉魚蛋既精髓。。。失望。