坤記腸粉

营业中

休息中

食完元氣,下晝仲需要食d野...因為之前食左好多錢,所以唔可以再食貴野...踩單車去大圍,之前睇過openrice的食評,呢度都d食評都唔錯,就黎呢度試下...4點9,黎呢度買腸粉都係要排隊,都幾多人下...五蚊五條腸粉,沙田區都算少有的抵...通常出面的都係五蚊四條或五蚊三條...腸粉軟滑,咬落唔會太淋,配埋麻醬更滑,甜醬ok甜,芝麻就更香...食完飽哂,好過去食快餐...

很久沒有去大圍了, 今天一早, 帶了家中生了病的小動物去看vet, 便想起坤記, 腸粉加豆漿, 成個幾月第一次在外面食早餐。街坊嘢, 簡簡單單, 腸粉既熱又軟, 不像其他死實實的, 最特出的是那些芝麻粒, 好香, 真係趙落好香; 豆漿應該自家做的, 好鞋, 有渣。簡簡單單的店子, 相信只有舊區才見到。

大圍舊墟歷史已經相當悠久，在靠近火車站的屋宛算較為新淨外及熱鬧，靠近大埔道及城門河的一方就顯得清靜及古老；坤記落腳於已停辦的大圍公立學校旁，更有兩扇牆壁圍起，自成一國。聽聞多人談到大圍舊墟內有幾間出名的食店，而街坊亦首推這間以小食作主打的腸粉店；就如筆者所言，腸粉是香港的本土文化及傳統街頭小食，上至八十下至三歲都喜歡，故適逢是日到中旅社辦點事，順這過來一試。五元五條的腸粉，外邊已經小有，份量及價錢不用懷疑；雖然是由供應商強記交來的，但米香味及滑漏程度不俗；人流多但亦能做到腸粉夠熱，處理得當；醬油及甜醬味道都不錯，但辣醬就不可以了。看見其他客人點選了不同的食品，例如白粥、魚肉生菜、碗仔翅、炒麵、燒賣粉果、煎壤三寶…，但主打都是這裡的腸粉，可想而知。坐在路邊，感受一下大圍舊墟的古舊風情，回想一下獅子山隧道未通車前這裡是九龍入新界必經之地，都幾有趣。

今日要去銀行攪D野，所以食晏個陣落左大圍，記得曾經有好多食評話呢度吾錯，所以黎試下，呢間小食舖都幾易搵，不過就係細D同埋對正馬路邊囉。我叫左五蚊腸粉加四蚊蘿蔔，腸粉果然吾“立”，好爽口，而且D豉油又吾太咸，我淨係加豉油同花生醬都已經好好味，另外D蘿蔔都好淋好甜，襯埋D腸粉豉油，簡直係一流，九蚊雞食到飽飽。仲有就係老闆娘不但有親切既笑容，而且服務態度仲好好添!

路经此處，覺得肚餓咪叫咗腸粉加蘿蔔，两樣都好味蘿蔔好甜，只不過9元就食到好飽。

在此看到此店的食評吸引的腸粉相片令我專程到大圍一趟試食正呀！腸粉爽、滑、香，配上滋味的醬汁，真的無得彈！豆漿都好正，有豆味，打完波整杯豆漿都幾正嫁~~腸粉$5/五條豆漿$4/一杯抵食抵食~!! ^^

腸粉五蚊有五條, 唔淋, 口感好, 好抵食, 故長期有人龍出現.

原本想去合發吃粥, 但巳到落場時間, 粥就無得吃, 想想不如到新大利吃個下午茶, 行下行下, 見到一石屋門前有條隊, 細看下, 見到"坤記腸粉"個招牌, 是賣一些街坊小吃, 如魚翅魚肉湯, 粉果燒賣等等,為了試新野, 都人迫人排埋一份, 叫左$5o既腸粉,同熱豆漿, 腸粉煙韌帶點黏性, 又熱辣辣, 正! 而豆漿相對較為遜色, 雖說有豆味,但可惜豆渣隔得不清,飲落有"鞋"口感覺。又忽發傻想: 腸粉另人開胃, 粉腸另人倒胃, 請小心留意看此食評之主題為:, 請不要誤看為