坤記腸粉

营业中

休息中

去沙田游水之前 就決定左游完水嚟呢度食野發覺呢度原來係一間廢置左既小學隔離我叫左6蚊腸粉(4條)+5蚊牛肉球(兩粒)啊姐落多多醬汁 令腸粉同牛肉球都有足夠既醬汁覆蓋最後食完再叫多一杯豆漿(5蚊) 大大杯 唔錯

今次要試試大圍出名既坤記腸粉。下晝兩點幾入到去, 竟然要排隊買嘢, 等左幾分鐘, 終於輪到我, 我要了一份腸粉 ($6 - 4條) 及燒賣 ($5 - 5粒), 呢度主要做街坊生意, 見阿姐都記得一些街坊的口味, 仲逗小孩玩哩, 人情味十足。 腸粉食時熱辣辣, 雖然係工場交來既行貨, 但係唔知點解會咁好食, 配上甜醬, 芝麻同花生醬, 非常惹味, 仲好飽肚添。此店還有其他小食, 更有白粥炒麵豆漿, 下次要逐一試試啊!!

三月中旬．晴天氣熱得早，五月未夠，已感受到熱浪。入大圍搞飯局，約了師傅在附近喝茶。早了點來，也想周圍走走，先在這裡吃早餐。是一間西村內的腸粉店，看外表，以為賣的是即拉腸粉，但原來是「六蚊十條」的工場腸粉。要了五元，腸粉夠熱，幾滑，沒有什麼米香。不過下足紅橙啡醬﹝註1﹞，加了芝麻，味道也不會太差。喝了杯凍豆漿，但也一身汗。夏天來了！註1：紅醬 ~ 甜醬橙醬 ~ 辣醬啡醬 ~ 麻醬

燒賣 + 牛肉 : 一般腸粉 : ok~叫左支茶飲~ 好平好似6蚊 XDDD不過真係好熱係度食~~~~久唔久行過大圍都會食既~一 間小食店~次次都人山人海...可能因為平~!?

今日黎食早餐,所以叫6蚊腸粉有4條,5蚊燒賣(五粒),5蚊魚旦(五粒),3蚊牛肉(一粒),19蚊食蚊好飽吓腸粉:6蚊得4條算貴~味道幾好,麻醬芝麻甜醬辣醬咩都要,辣醬比一般果D辣燒賣:好普通,一般咁有d粉,算ok魚旦:算好食,幾彈吓,魚味冇咩,不過係咁多醬既情況下冇咩緊要牛肉:牛肉味冇乜仲好粉,好在只叫左一粒總結:唔叫燒賣牛肉的話算,叫左就拉低到ok~仲有幾多其他野食可以再試一次

I just wanted something simple, something hearty and something I can just enjoyed and depart with a smile. It does not have to be a fancy dish that gives me such pleasure, street food, soul food or even fatty food would do just fine. Sometimes the perfect meal is just a simple meal which cheers me up the most. A recent article in The New York Times, titled First Camera, Then Fork talks about the trend of people taking food pictures and how this "hobby" of photographing food can be a more accurat

開業至今,最喜歡呢度既"事頭婆"在腸粉落大量既醬料,唔會別家的就住就住除咗腸粉好吃,生菜魚肉也很好吃,但其他就......,特別係燒賣、魚蛋、粉果,真係差咗好多

看見食評很好，自己家在大圍，沒有理由不去一試這天同蝦子餅去碰碰運氣(有時假期沒有開門)，終於很幸運地有得食腸粉 - 好一般，唔夠滑，硬硬地豬皮 - 干淨，沒有毛毛，入味，算唔錯蘿白 - 夠霖但無味....要辣...但都唔辣既其實，在我雲疊花園商場7仔旁邊有個無名小檔，佢d腸粉好味好多，仲有架喱汁都好好味，又便宜....大家順路的話必定要試試

一向鍾意簡簡單單的我, 連食都覺得Simple is the best! 鮑參翅肚唔啱我, 最Cheap嘅白粥腸粉反而成日掛住哂. 今朝趁晏起床,一於食個 late breakfast, 我呢個大圍街坊首選嘅一定係坤記腸粉, 平時食開個個都知好嘢, 無吔好講, 但今日想比啲意見, 希望有所進步:1.腸粉$5有４條, 粉質好醬料足就梗架啦.............但係今日腸粉唔夠熱, 個心有啲凍!2.鱼旦平時都幾好, 今日............................唔知係咪轉咗供應商, 實的的, 無鱼味!3.米粉OK4.皮且瘦肉粥OK地方雖小, 但清潔及衛生很重要, 眼見載腸粉等食材的器皿隨意擺放, 途人不小心一咳, 小朋友貪玩一摸就很容易中招, 想到這裏喉嚨已有點痕癢, Anyway, 坤記腸粉要繼續穩守「大圍街坊首選」呢個朵就要有所進步啦!

住沙田咁耐都唔知有間坤記賣腸粉的睇 openrice 食評先知 , 平時經過都唔會留意 平時食腸粉都係去酒樓 , 粥麵店多今次 $10碟腸粉都幾多 , 比酒樓 , 粥麵店多腸粉新鮮熱辣 , 有白芝麻 , 花生醬多 , 甜醬超多D腸粉夠滑 , 加上醬多, 味道合格有如 比酒樓 , 粥麵店好味！$10嘅價錢 , 我覺得好抵食

又見簡陋門口，食野唔洗囉籌。今天要多一點食物，如下 :腸粉 - 好! 夠滑又唔散，可以比較的沒有多少間;炒麵 - 細心，好味;炒米粉 - 都好吃，味道適中;魚肉翅 - 不錯，不似行貨;白糖糕 - 十分好味，數量有限;砵仔糕 - 要了白色及黃色各一件，出奇地好;盡管地方簡陋，乃是開心的一餐，必然會再光顧，事因就近也有賣類同食物的一間粥店，食物質數可是天淵才之別，有機會再細說。

今日又打風，無咩心情出街，所以中午就落去買腸粉食。我地買左腸粉、魚蛋、炒米粉。腸粉整得好滑，感覺上好新鮮，好味! 不過今次比d 醬汁太少，只食到鼓油味。但呢個腸粉本身真係做得幾好，我之前成日在葵涌廣場食，果度水準就差好遠。魚蛋都ok，不過不失。炒米粉味道都ok，都算多配料，而且都幾大碟!整體都算好好，好味又抵食! 得閑食下都唔錯。

小弟本身住大圍~睇openrice聽呢間腸粉好抵食, 順道試試. 當晚7:00 p.m, 見到冇咩人即刻入場試食. 叫個10蚊腸粉 (5蚊4條)+10蚊咸肉糭+5蚊豆漿......味道方面:腸粉: 口感幼滑 + 豉油, 甜醬 味道不俗咸肉糭: 冇咩特別, 一般咸肉糭味道, 味道可以豆漿: 好淡, 冇咩甜味 (證明佢冇咩點下糖, 夠健康)p.s: 食過今次, 以後行徑都會再去食

夜晚得返自己一個在大圍其實我諗住去強記食雞粥. 行左去強記... 見到碗雞粥勁大碗, 足夠4個人share我得自己一支公... 見到碗粥真係... 都係等下次多d 人先去食啦見到坤記仲開, 去食個腸粉都好, 雖然朝早食過叫左腸粉同好味豬皮腸粉$5 4條, 觀塘既要$5 3條.的確係食得出滑d. 但未夠好味到令我一食就覺得好掂只覺得佢算平而且做得唔差.叫佢落完多d 花生醬都依然冇乜花生醬味.豬皮$8 有7-8塊左右. 唔明點解叫"好味豬皮". 又唔係有咩好特別既味道食第一塊o個塊仲要未煮林添. 好彩之後o個d 唔係, 我幾驚佢指既好味豬皮係半熟豬皮冇乜特別, 不過$13 就做左晚餐

食完失望既西多士, 返到大圍諗住食少少野, 竟然見到坤記今日無休息wor, 實在太開心喇!!!因為住咗大圍咁耐, 知道坤記好出名但就從末試過腸粉 - 5蚊4條, 食落去好滑, 好香米味, 甜醬麻醬岩岩好, 不過見到係來貨但都咁出色, 真 係抵佢咁出名呀