圓方餃子粥麵

营业中

休息中

朋友介紹~咁去左就試下啦~~~門口比較熱~~~有怪味慨豆漿魚湯西洋菜上海面~~~個湯冇咩魚味 ~~西洋菜餃個諗頭比較突出~味道都OK~煎9菜餃~~~個樣幾好~~~~內容都夠~~~味道可以~鮮肉片腸~~個皮厚到爆~~唔得~肉片又少~又細~~中伏~~~~~煎到都夠香口~味道可以~不過口感硬左D......應該唔會再去食~~~麻麻地..............................

都忘記是第幾次光顧了, 每當個人沒有能量沒什麼食欲,想找吃的就會第一時間就想起這家食店.食店藏身於福華街那些排檔的後面, 平時經過一直都沒留意到, 想當初也是友人帶路知有這樣的一家食店在這.食店招牌就在門口上方, 透過玻璃門可見到店內環境.  食店內裡照明充足, 乾淨企理, 以大圓枱的格局布置, 而枱櫈之間的空間足夠, 不會有擠迫的感覺. 餐牌上的選擇主要有湯餃(可加麵底), 腸粉, 粥, 蒸飯, 菜及炸物小吃, 簡易清晰. 健康一點便點了個菜心, 魚湯白菜豬肉餃河粉跟魚湯西洋菜餃麵兩人食用. 菜心色澤翠綠, 帶丁點的菜青氣味, 入口不韌, 帶少許爽口, 吃得出菜本身的清甜. 魚湯白菜豬肉餃河粉 - 魚湯乳白, 河粉是那種比金邊粉粗少少的河粉, 上海餛飩(白菜豬肉餃)有五粒, 皮薄澄半透, 透出翠綠的餡料. 魚湯米白, 氣味清淡, 慢慢的也可聞得出那種魚湯香氣. 河粉口感幼滑不易斷, 但個人略嫌腍了一點, 如果能再黏韌一點, 必定更佳. 魚湯你當然不可用日式豬骨濃湯來比較, 因為魚湯是比較清淡的. 喝第一口的時候, 嚐不出有什麼特別, 只有在喝多兩口之後, 才慢慢覺得有種淡淡的鮮甜味.

咁岩想食餃咼，友人介紹，就試下啦！！價錢咁睇，一d抵食一d唔算平。豆漿，中伏，唔識講咩味，飲完係唔會知係豆漿嫁，玩掌門人一流丫！！西洋菜豬肉餃上海麵，嘩。。。so amazing，冇味咁，我唔能夠話清淡，佢話係魚湯，我覺得似陸麵湯多d。仲要隻餃似足超市買返黎自家煮，但我都欣賞隻餃皮幾好味，好薄，唔厚身，我鍾意個皮。 至於麵就本身好味，上海麵黎講幼身幾煙靭又唔會太一舊舊粉，但衰在。。。麵湯冇味令d麵晒左。。。。。。如果真係鍾意清而冇味就岩晒你。韮菜豬肉餃，完全冇特別，普通餃，又唔脆，反而個底林 但d涵都多既。我食蔔糕食到大，佢有出面搵唔到既好處，佢好既係有好粗既蘿蔔條，係真係好難得，第二到只係蘿蔔絲。但唔好既地方，蘿蔔條極少。。。一舊先得個兩條仔。仲要成堆粉黎既。。。粉多過料，只係睇落唔係一pack pack。。。。 價錢唔平嫁。。。十五，仲衰過舊式粥店八蚊件。。 sayorana。。。不會再試

最愛食呢到既韮菜餃子, 皮薄又滑, 多韮菜, 湯底係魚湯. 清甜濃郁, $25有淨餃8隻, 跟麵/粉就有5隻, 嫌餃子唔夠, 仲有加餃子每隻$3, 點都可以食到你飽.雖然圓方餃子係一田有得買, 自己煮始終不及堂食, 起碼無左個湯底, 雪藏左既水餃又無咁新鮮,仲有粥, 腸粉, 蒸飯有得揀, 但每次都係被吸引食左餃子

今天捉朋友一起去吃餃子，每次吃想吃清淡一點就會想起這間小店。小店位於深水埗，從地鐵站步行5分鐘就到。點了客魚湯西洋菜餃麵，西洋菜做餃子較為少見。魚湯令湯底呈奶白色，一碗有5隻餃子。賣相沒有特別，正正跟它們的餃一樣，實而不華，真材實料。這裡的麵條較粗，像平時吃車仔麵裡的 "油麵"，沒有味道，比"油麵"小很多油。餃子皮薄，餡料比例以菜較多，肉較少。吃的時候有肉汁流出，滿滿都是西洋菜的味道，口感清新。這裡可以外賣生餃子，聽聞亦不時供貨給其他食店。買一打才$24，一次過買了2底，老闆娘說放在冰櫃 (雪櫃上格) 可存放2星期，像我一樣住就近的朋友不用到一田購買，haha。

原來深水埗都有老火湯水餃，之前食過太子果兩間都幾好食，今次試埋呢間叫左魚湯西洋菜豬肉水餃($25)，星期一至五魚湯韮菜豬肉水餃有$19優惠，店面都幾大幾多位，另外有魚蛋河、飯類。淨水餃有8隻，配麵就有5隻，個湯幾清甜唔太稀，唔知係咪外賣自動落左胡椒粉，胡椒味太重，水餃皮好薄好似雲吞皮咁，西洋菜豬肉既西洋菜味好濃，好少可仲可以食到咁鮮，通常出面煮到西洋菜淋曬無曬口感近近地又抵食，下次會再試下其他口味，不過都係掛住太子果間既葛菜鯪魚湯

愛餃之人必到既地方！魚湯西洋菜餃 一配有8粒，可加麵底，大大粒餃，脹卜卜，皮薄餡多，多菜少肉，食多幾隻都唔怕膩湯底魚味唔濃，但清淡，亦唔重味精，算幾好蒸蘿蔔糕，唔似出面正係得d粉，呢到好多料，食到好多蘿蔔粒、蝦米、臘腸粒另外，強烈推薦煎韮菜餃，好脆好香口，唔多油，多韮菜少肉，餡多皮薄，出色！兩個人，食到飽一飽都係$100有找，實有下次！

門面裝修毫不起眼，但餃子聽聞是大有來頭。推出包裝版只限一田百貨超市有售。魚湯上海雲吞麵$22 ~ 即是白菜豬肉水餃，皮薄又用料十足，一口咬落白菜餡料仲可以保持爽口。

這個月我又得了腸胃炎﹔鍾情於美食奈何腸胃易有毛病，加上今次細菌來得厲害，病到「五顏六色」的我只好食得清淡點便想起這裡的魚湯西洋菜餃，所以出外睇醫生「順道」餵飽自己。雖然吃過這裡的西菜餃的次數已數之不盡，但這次卻是第一次堂食，粥、飯、腸粉、炒面都一應俱全。清淡之選，隨湯餃附加清烚菜心(另外$6)，不過不失，菜心鮮甜無渣少油，已算不錯。鮮鯇魚腩粥($33)，粥底實在值得一讚，綿綿粥底入口鮮甜，沒有加入味精，質地亦在濃稠和浠爛之間取得平衡，而鯇魚腩剛浸在粥底內剛熟，魚肉質嫩滑鮮甜，為之一振。魚湯西洋菜餃(淨餃8隻、$22)，先嘗一口魚湯，味較濃鮮，魚湯內放上小量蔥花，毫不會吝惜裝飾，再嘗試魚湯中的西菜餃，皮薄餡料脹卜卜，多菜少肉的餡料，鮮甜味美之外，感覺餡料比例兩份菜一份肉，健康之外，吃多了也不會覺得飽滯。吃罷，感覺精神也好了不少，是因為西菜餃的功勞嗎? 哈哈。

 未到聖誕已食到有點滯，預計去到佳節期間，情況一定會更加慘烈。故此為了避免浪費胃部的quota未去食大餐前已吃不消，所以近來打算是吃得清淡一些，方為上策....對小弟而言，想要食得清一點的話，一碗淨湯餃再加一碟有饀料腸粉來作成午餐，已是最起碼的標準了....一聽見"圓方餃子"的名便登時想起從前在九龍城區內亦有一間同名稱的店子....未知兩者是否同屬一體呢 ?點了許多人推介的西洋菜餃。餃本身包得紥實饀料不會很輕易便被弄掉；菜啄得甚細碎份量比肉多，絕對能符合最近小弟奉行要食得健康清淡的原則，調味上亦很輕手不會太濃厚，故此一碗就算有差不多八九隻的份量是不算少的，小弟亦可以迅速解決之....呈少許偏奶白的魚湯底感覺自然沒太多後期加工味，味帶少許鮮甜甚惹人好感....腸粉皮稍嫌不夠滑偏向實身，唯一的好處是夠飽肚而已；要了豬膶作饀，膶雖甚夠"粉"但稍覺蒸得過了火喉，偏老的它就失去了爽彈口感且味偏苦了....相比起押上在店名作招牌的餃子，其他東西水準看來還是稍遜一籌.....不過這裡還有其他如生滾粥等可叫的....在下次試過後，可能會有另一個新的見解呢....

偶然開工前都會想食粥 同 腸粉!但深水步區黎講,粥點真的太多!! 因自己工作關係,看見某幾間較有名氣的粥店廚房及其工地較污濁而產生了壞印象,剩下的沒什麼可選擇!!小弟已光顧此店 5,6次了! 進入店內給我的印象永遠是清潔整齊!!連長長的廚房都用玻璃半透明的設計!可知道此店的廚房剩係得這一個其他粥店多數都係有兩個廚房,比你睇得到既廚房叫做光淨!第2個廚房拎黎煲粥既就污濁得很!每次小弟食既早餐都不會有變!一個艇仔粥,白腸! 簡簡單單一個組合,已經讓人飽肚暖胃!而且待應仲唔會等你叫到先埋黎待應係見到你似乎有心水 就主動走埋黎!呢一點值得加分啦!!其實粥店味道黎講間間差唔多本人但求一個舒適同清潔既環境去進食就好滿足呢間真係做得到!!

到黃金商場購物, 順道一試這間上海雲吞店, 街市還未見有太多西洋菜買, 應該未到季節口喎? 四時左右, 店內只我一人幫襯, 其中一位男員工幫我落單, 表情十分不高興的樣子 應該與我無關啩?下午茶時段, 半飽不餓, 要了一山碗”魚湯西洋菜雲吞”, 上檯時的賣相平平, 碗夠大, 湯多, 幾粒蔥花, 雲吞浮面幾件. 如果以上海雲吞的大小而言, 這店的屬中小型, 雲吞完好無缺, 勝過很多自命上海正宗的名店.但正宗上海人煮雲吞, 是不會用魚湯或甚麼高湯的, 全都只是用醬油和麻油開水, 再加些少蔥花和蝦皮, 這才可以突出雲吞餡料內的菜和豬肉香味.咬一口, 看見餡材料, 菜多肉小, 七成半菜, 兩成半肉左右, 健康得很, 但唔太合胃口, 食開的上海貨式, 最好當然係六成菜四成肉啦. 有西洋菜的味道, 但欠新鮮豬肉的香味, 雲吞皮偏淋, 未知是材料問題, 還是否煮得耐有關?

見到食評至知有呢間野, 真背...........食評有讚有彈, 但始終都要自己試過至可比評語.裝修比其他粉麵店靚, 夠光猛同乾淨, 但亦如有食評話齌, 有陣味, 但又未至於係"押"味, 但又真係有陣味囉, 即使我已經唔係坐廁所門口.............叫左碗魚湯西洋菜餃麵($21), 麵係得上海麵, 可揀米粉或河粉, 要麵有5粒, 淨餃有8粒.魚湯係白色, 但係冇魚味, 係白色有少少咸既湯, 要加自帶的鹽至好味D, 佢唔叫魚湯好過.淡淡的湯加上冇味既上海麵, 真係唔多好食, 好彩佢過西洋菜餃好好食, 夠晒味, 雖則菜多肉少, 但勝在調味調得好, 又夠大隻, 所以拉番好多分.見佢原來可以買生既餃子, $20/1打, 在家打邊爐或淥麵一流!!!!  下次都係買生既西洋菜餃慢慢嘆!!!!!

又係深水埗搵飯食，好耐無黎呢度食，由於去地鐵站會路過，就來食下吧!!!之前無食過佢地既飯餐，所以今次試下蒸魚餐，西洋菜餃面同齋腸!!!蒸魚飯餐包括梅菜蒸鯇魚，油菜，汽水or豆漿o魚湯，魚很新鮮，配合梅菜同豉油，很好下飯;飯好大碗，講真，呢個餐兩個女仔夠食有餘;蠔油生菜很脆綠，份量不少，不賴!!而魚湯是有魚味，沒有味精，但偏清淡，當然我寧要清淡不要味精!! P.S.原來碟魚唔記得影相!!腸粉，呢個麻麻，質感粗糙不滑溜，沒什米香，份量是很多，但不推介!!!西洋菜餃面，餃子很出色，十分飽滿，材料主要是西洋菜同少少豬肉，食一口，滿口西洋菜味道，正呀!!但上海面則很差，口感偏淋，無味，湯底說是魚湯，但感覺比之前那碗更淡，下次還是光食餃好了!!!走時於門口見到生餃子一打才$20，買回家當一餐飯食都好呀!!!揾日揾日 ~~~~~~~

個肚餓餓地, 又入深水埗食豬潤腸.豬潤腸腸紛滑, 豬潤粉非常好食, 如果豬潤多一些更好.水餃麵水餃大, 水餃餡足而且皮薄, 個麵厚實, 湯底清甜.豆漿濃郁很好喝, 而且大大杯很抵. 炸兩裡面脆外面薄, 好食!