圓方餃子粥麵

营业中

休息中

其實我都睇過好多食評，大部分都話依間嘅餃子好好味！所以今日就專程嚟深水埗圓方試一試！我就叫咗一碗魚湯韭菜餃！落單之後等咗大約五分鐘餃子就送到你前面！但可惜嘅就係湯同餃子都唔夠味！好多人講個魚湯好好味，但我就覺得湯只係睇起嚟似魚湯，因為我真係飲唔出有咩魚味！至於餃子，當然有韭菜味，但整體都係偏淡冇肉味！圓方唯一我覺得比較好嘅地方係價錢唔算貴！魚湯韭菜餃一碗26蚊！但依個理由就唔足以叫我返轉頭再去食！

我本身對餃子不太鍾情，因為普遍吃過的都覺得餃子皮很厚，所以都不會專程去吃，但朋友推介深水埗圓方的餃子，即管和他一試。入到去，可以見到兩個姐姐正忙於包餃子，全人手包製，看到未食已感覺餃子新鮮，還有幾盤剛包好的餃子可供外賣，$24一打。$24/dozen魚湯西洋菜餃浄食（$26）淨食有8隻，餃子皮薄，餡料菜的比例比豬肉多，西洋菜新鮮爽脆，奶白色的魚湯清甜，一點魚腥味都沒有。西洋菜比豬肉的比例較多魚湯韮菜餃淨食（$26）同樣淨食韮菜餃有8隻，韮菜的比例也比豬肉多，感覺健康一些，咬開已聞到韮菜獨有的香氣，喜歡吃韮菜的朋友，不容錯過。魚湯西洋菜餃子米線（$26）同樣是$26，但配了粉麵餃子就只有五隻，米線口感適中，魚湯鮮味。煎韮菜餃（$15）$15有三隻，都幾大隻，金黃香脆的外皮包着飽滿的饀料，皮不會很厚，喜歡吃香口食物的就會喜歡這個煎餃。饀料十足

好少寫食評因為本身個人好懶！之前睇到呢間鋪D報導都有讚冇彈。今日就嚟試下，叫咗一碗淨水餃（有8隻）但呢間唔寫唔得因為真係好好食！魚湯夠濃冇味精，水餃皮薄多餡。掂！

人情味濃的餃之前尼間餃店俾人大推，自己都係尼區食左禁耐，都無幫襯過，當然要去試試啦，入到鋪頭，有個位有個姐姐係到包緊餃，另外一邊係俾錢叫外賣，就叫左9菜餃加面啦（因為係下午茶叫，加面都吾過30蚊呀，抵）叫完，好快就到，d水餃吾會淋哂，皮薄，仲有d咬口，但我覺得菜同肉既比例爭少少，個面就無咩特別，但個湯我就飲哂，因爲真係好甜呀但我覺得，就未係真係好食到無得彈，但係深水埗仍然有間人情味濃既水餃店，就好少大家下次係屋企打邊爐，都可以係到買餃做配料嫁

見朋友推介出色餃子，專登走入深水埗食好嘢！環境不太差，乾淨企理小店！一入門口見伙記不停包新鮮餃子！的確餃子皮薄餡靚！價錢平宜$26有8粒，白菜豬肉或西洋菜餃都好味！足料抵食！但上海麵就很難食！我睇住伙記煮上海麵用10秒時間即上碗，已知唔夠熟透，食落口感很生硬，即是不熟，所以食幾條即放低蝦米腸，夠滑，皮薄，值得一試！煎韮菜餃，香口，不是多汁，還可以，並不特別出色！所以各位如果下次幫襯可以叫淨餃，想食麵就記得提醒伙記要煮耐一點！

晚上九點多來到深水埗,想去吃的那一間因為休息,友人說不如去吃餃子.點了西洋菜餃子及韮菜餃子雙拼($26),以及西洋菜餃子米粉($26).先說西洋菜餃子及韮菜餃子,由於上次的西洋菜餃子較第一次遜色,所以安全為上點了雙拼.韮菜餃子的韮菜很香,肉跟菜的比例剛剛,好好吃另外西洋菜餃子,這次水準有回來了,很香,西洋菜的香味一直在口中,亦帶出肉的鮮味.另外西洋菜餃子米粉,跟米粉的話價錢一樣,不過只有5隻餃子.最後本來想買一打餃子($24),閒時可以在家裡煮來吃,可惜只有韮菜,唯有下次再來.

平時去親呢度食都係食西洋菜湯餃多今日想食下煎韮菜餃, 但如果食湯餃+煎餃就好似貴得濟+多得濟 ($26湯餃+$15煎餃)所以就配左個叉燒腸粉 (煎韮菜餃$15, 叉燒腸粉$16)煎韮菜餃好好味 不過如果少多d油會更好 (5分我俾4分)叉燒腸就簡直扣晒所有分 (5分我俾0分)一條腸粉可能只得3至4分1條 係有叉燒粒係入面d叉燒粒仲細過出面珍珠奶茶入面既珍珠食齋腸好過!!好後悔試左腸粉, 下次都係繼續食返餃子算啦!!

我最喜歡一餐入面有不同的東西，所以中餐入面餃子一向不是我杯茶，因為叫一碗裏面有咁多隻，一隻出錯就滿盤街落索。最近發現圓方，是因為經常見到教會朋友買外賣，一開始不以為然，但有次他們帶我吃健康飯，梅菜蒸鯇魚晚餐跟菜及飲品只是40大元，讓我大開眼界。福華街雖跟福榮街只有一街之隔，但人流就少很多，這條街的食客也比較街坊。是晚就打風，不想自己煮但又想食清d，於是就諗起這裡的餃子。叫了西洋菜湯餃跟菜心，總共$35元正，算好平了！打開外賣盒生嚐一口魚湯，沒有很重魚味但清清地是個易入口的湯底，起碼不是味精重或滾水的湯底。菜心份量少，不叫也罷。主角餃子看樣都知個皮好薄好滑，我的奇怪習慣是經常把餃子旁的皮整走，以免吃得太多碳水化合物。但這個餃子的皮滑滑的，跟湯同吃也不覺得飽 內裡的西洋菜及豬肉加了少少麻油調味，55比例剛好，豬肉沒有好肥，爽口的西洋菜並沒有韭菜那麼重味，絕對是清爽佳品！一個人輕易的KO了8隻中等身型的餃子，作為輕食真的好適合！以黎番教會及要快速外賣又多個選擇了！圓方除了招牌餃子外還有很多其他選擇，如果無足夠食客絕不會有咁多選擇的，見店家還有生餃及已包裝的急凍餃子賣，真厲害！👍

去深水埗買野，順便食埋晚飯，行吓行吓經過呢間餃子店，好似好多人啊，就入去試一下啦我叫左韭菜餃子河，唔錯皮薄～魚湯好好飲，佢哋嘅食物偏淡，呢到好在絕無添加味精飲完好多啖都唔使飲水。但味道偏淡重口味嘅人應該會唔鍾意啲粥好淡, 豬潤腸粉一般

黎呢度既原因，就係要品嚐一下呢度啲餃子有咩咁把炮。圓方賣餃子賣到包裝都出埋，連超市都搵到你都咪話唔勢利。其實行到入去都睇到，街坊一個接一個入去，咁大地方都爆晒人，可能由於食物價格相宜，質素又不俗既關係。我地總共叫左3款食品，分別係煎韮菜餃,湯西洋菜餃同埋菜肉雲吞配上海湯麵，再加左豆漿。三款我最愛食個西洋菜餃，首先呢度啲餃既皮係好薄好薄，但薄得呢又唔穿。佢張西洋菜既汁全部都鎖左喺餃入面，咬落好juicy，啲西洋菜香不封不動咁送入口。而個煎菲菜餃都好味既，但我就略嫌佢煎燶左少少啦，外皮有啲硬同脆。菜汁依舊都鎖係餃入面，不過我覺得油太多會影響左韮菜味道，當然嗜煎炸野既你哋係不容錯過。而菜肉雲吞比較遜色既原因係白菜冇咁香濃，皮一樣係好薄，但包法同餃子無異。而個上海麵反而不太值去食，因為真係冇特別。而佢湯底只係好清既湯，唔落調味就太淡了。最後，杯豆漿就不過不失喇，沒期望，只為解渴。埋單成為$74蚊2個人，確實係抵食。

因為這間粥面店就在我家附近，所以我已經關顧前後有四年多了。我大多數都是在下午茶時段才來吃。從四年前的$13一碗，到今天的$19一碗，短短的幾年加價幅度還蠻大的。以前$13一碗時還有六顆餃子，現在$19一碗卻祇有五顆餃子，面的分量比四年前也少了。服務人員的態度也不友善，可能是他們常年都在這家小店工作，對外面的事物接觸得少，脾氣自然不耐煩。自從蘋果日報介紹了這間粥面店後，食客變多了，生意也特別的旺。這又再次印證了我經常說的報章宣傳的影響力。老實說我打從第一次吃他們的餃子就覺得麻麻而已，我之所以還會光顧不是因為他們的餃子做得比別家好吃，我是沖著那碗乳白色的湯底而來的。雖然店家強調他們的湯底是魚湯，但一點魚腥味也沒有。喝進嘴裡感覺十分清甜，不會有口渴的感覺。當我生病沒有胃口吃東西時，才會光顧這家粥麵店。一來湯底清爽，二來分量小，適合生病胃口小的人。其它的食物如:蘿蔔糕、炒麵、腸粉等等......，對我來說都衹是一般而已。吃過一次也就沒再品嚐了。如果有一天遇到胃口不好或想吃清淡食物時，不妨來嚐嚐這裡的餃子湯麵，但不要期望過高啊！

見有唔同平台都有介紹過呢間餃子店，今日經過深水埗一於黎試下!整體感覺似係粥品腸粉類做主打，menu有三分二都係粥同腸粉，淨低三分一就係飯同粉麵類。黎得當然試下魚湯西洋菜餃麵!感覺上有點齋，而麵係粗身上海麵。魚湯一入口，好滑好清甜係一個好厚身既魚湯黎!好好飲!餃子中型，唔細唔大。質感唔係一般餃子皮，似係魚皮餃既餃子魚，比較有彈性。饀料方面西洋菜同豬既比例約三比一左右吧!多汁之餘，又好香西洋菜同豬肉味麵我就唔太鍾意，因為我本身唔鍾意粗身麵，鍾意爽口既幼麵多啲。但佢入口係滑身既質感，唔會太腍。蠔油菜心呢份菜真係唔合格。。。上既時候睇色澤已經知唔新鮮。菜比較黃同暗啞，食落比較老同多渣，蠔油太少了。所以話做飲食，貨源好重要!33蚊一但午餐算係咁，但粉麵類唔cum飽，做下午茶會好啲

這間出名吃餃子的店子，很有歷史，今天餃子癮起，即刻去深水埗食😀餃子絕對唔會失望，好好味，皮脆餡香。我點的是韭菜煎餃子，size 幾大，多菜小肉，正合我心意。如果喜歡多肉的話，可能覺得無咁好食。一咬落去會爆汁，因為每隻都係即煎的，所以千奇唔好一大啖咬落去，如果唔係會燙傷個咀。我食餃子鍾意加醋，放在匙羹上點黎食，咬開等啲汁滴落個匙羹，跟住食果時再倒返落隻餃到，一滴都唔曬😜呢間野出左名食餃，我今日仲叫左一碟滑牛腸，um...我覺得叮叮即食點心果隻腸粉仲好食啲😂

星期六出開深水埗當然要去合益泰食下腸粉牛肉啦，去到關了門裝修十分失望，點算好呢！一於去食豆腐花和煎豆腐去到又是裝修，發生咩事呀全部都裝修，在十分無助之際發現這間「圓方餃子粥麵」門口有雜誌的報導，而且望入店裏座無虛席，當下決定入去試一試。魚湯上海雲吞 - 新鮮魚湯配上上海雲吞魚湯的鮮味豐富了雲吞裏豬肉的味道實在妙，而且雲呑的份量也不小有八大隻實在正煎韮菜餃 - 煎韮菜餃味道一流，外皮香脆一口咬下充滿肉汁而且餡料十足蜜汁叉燒腸 - 這個蜜汁叉燒腸令人十分失望皮厚叉燒切得十分細粒全無叉燒味，實在不應在這間買餃子的舖頭裏出現時菜 - 時菜新鮮食落爽脆只是比較細碟而已這間以餃子為名的店舖，餃子造得出色值得再來，以後去深水埗又多一個選擇了😄

跟住偽文青呢個餃子控去食餃子啦🙊$15/3隻重量級韮菜煎餃 仲有西洋菜湯餃😍配魚湯極力推介西洋菜餃必食😊其實呢兩種餡料都係賣飛佛！=============================呢間圓方餃子粥麵開業超過二十多年 老字號 人手製作餃子馳名 人手打造的餃子皮 皮薄軟滑 即使係湯餃 皮都不會穿 完整無缺 皮薄得餡料清晰可見 .以西洋菜餃子為例($26/8隻) 菜肉比例各半 多汁 肉質鮮嫩 加上餃子吸收了奶白色魚湯既精華 口感更香滑 魚湯 無添加 無味精 偽文青飲哂成碗湯🙊🙈實在太正 太好味啦🤤.而煎韮菜餃 煎得金黃香脆 睇見都流口水😊 大個隻湯匙😀 而且餡料足又juicy，咬落去，肉汁都飛出黎，唔好咁心急，慢慢食，以免辣親！.*有街坊推介 腸粉同糭都好味 偽文青一個人去就食唔到咁多😛唯有下次帶多個人去 可以試多d啦😂===========================圓方餃子粥麵 (深水埗)深水埗福華街104號