圓方餃子粥麵

营业中

休息中

本身自己好喜歡食餃子，近年喜見香港開多左餃子店，多左選擇。 不過今次食既係深水埗既老店 《 圓方》。 圓方宜家已經由家族第二代經營，不過餃子依然堅持每日人手包。一入店鋪就見姐姐密密手，係咁包餃子。<餐牌>八隻湯餃只係26蚊。餃子種類唔多，只有西洋菜餃韮菜餃，另有上海雲吞。 <西洋菜湯餃 $26/8隻>做到皮薄餡靚呢四隻字。餃子皮好滑好薄，唔似灣X碼頭果D淨係食皮都飽咁厚。 西洋菜餃子菜多肉少較健康，菜食落係爽口既。 湯餃配既湯係奶白色既魚湯，味道較為清淡，有需要可自行加鹽調味。 <韮菜煎餃 $15/3隻>上台時熱辣辣，應該新鮮煎好先上台。外皮煎到金黃色，好香脆。 韮菜餃韮菜味濃，一邊食餡料既肉汁係咁必出黎，好正。

之前係飲食男女介紹過圓方餃子，又聽到朋友話專登去深水埗食自認係餃子專家，等我試下係咪真係咁好食價錢比餃子連鎖店平，街坊價平時食開白菜豬肉餃，見呢到招牌係魚湯西洋菜餃，好喇就等我試一試便知龍與鳳魚湯都算濃，一碗有8隻，皮薄且滑餡都唔少食完唔會口渴，証明無落味噌而煎餃只得韮菜一款，$15三隻，唔算特別平，煎餃皮略厚，但好多汁，一咬就咇晒d汁出黎，可惜用太多油煎，外皮好多油總括黎講，味道都算ok，如果經過附近都會去食多次，但就未必會專登去食

魚湯上海雲吞丶魚湯西洋菜餃：上海雲吞系指白菜豬肉餃，質素唔算話好正要必試，但如果喺附近都可以一試，畢竟呢個價錢有8粒。三款湯餃都系以魚湯為底，上枱聞落同一般加啲鹽加啲油加啲雞粉嘅湯底差不多，不過飲落都有淡淡魚味，唔系香濃，亦唔會腥。

女朋友有啲唔舒服，諗住食下粥，醒起圓方好似除左水餃仲有粥同面，就去左食晚餐。叫左煎韭菜餃（$15三隻），好大隻，餡多，煎得剛剛好，有肉汁女友叫左鮮牛粥，我叫左所豬潤粥，兩碗都好多送，差唔多有十舊豬潤多到食唔曬！

因為工作需要，有時候都要出去深水埗做嘢，出到嚟深水埗就梗係想食好嘢啦！由細到大喺深水埗都食過唔同嘅好嘢，唯獨是呢間咁出名嘅餃子店係未黎過！今次就你會一會佢！聽啲朋友講呢度嘅餃子真係好好味，好味道要買返屋企擺定喺雪櫃度得閒拎出嚟整幾粒食。咁我嚟到就梗係要嗌一碗餃子試吓啦！我好鍾意食韭菜，所以嗌咗呢款韭菜餃。一黎到我就試咗個湯先，非常濃郁嘅魚湯啊！好鮮甜好好味，令到我根本就想飲晒個湯！試吓啲餃子，咦，其實真係好普通咋喎！我覺得如果100分，個湯係有70分，剩低嗰30分就係啲餃嘅⋯⋯完全係名過於實囉！反而個湯就真係想encore！如果再要我等位，先至食到呢個餃，我就情願去第二間食喇

今日咁啱落去深水址,咁就順道去福榮街圓方食餃子。之前係報紙見過有介紹,咁就黎試下啦~由於太多人喇,都要搭枱先有得食添諗左一陣,都係要一碗魚湯西洋菜餃啦，一碗8隻皮薄餡靚，菜多肉少啱比例食落無渣，魚湯底清甜可口煎韮菜餃一碟3隻金黃色，咬落皮脆餡料充足，如能少油更就更加好啦我見外賣圍起每隻都只係$2，仲平過自己包餃子，咁就買了西洋菜餃、韮菜餃和白菜餃各一打返屋企打邊爐食,煮麵食又得！😋👍👍

好多食物本來是很平凡，好多時係感受都令整件事都加分了，例如餐肉煎蛋麵、叉燒蛋飯加豉油、燒賣加辣椒油⋯太多太多數不清，全部野都好平但係食個時真心會覺得爽架喎。好似講到好頹食咁，其實呢D野先係有要求，就講餐蛋麵，餐肉要煎過，唔好齋淥熟佢，同太陽蛋先係最完美，就算街上成日見，都唔代表好食，我地想食的係一種感覺，一種誠意。就例如餃子店，香港地多多都有，左近總有一間八方等緊你（佢都好食），但係好食同唔好食都各有店在。今日要介紹既係一陣屋企味的圓方餃子。其實呢次我都係路過Hea食，睇睇餐牌，非常平民化，容易入手，聽過佢的大名，就試佢招牌魚湯上海雲吞麵。一來到，見到奶白色的魚湯，已經好興奮，馬上飲一啖，真心很清很淡，但又唔係冇味，係淡鮮味，沒有味精的「確喉」，唔錯。睇睇上海雲吞，似廣東水餃，唔似平時雲吞咁薄皮同帶黃色，佢係厚少少同白色，但又唔係粉皮咁厚，食落去唔糊口，最讚係菜餡，入面的香菜味突出！係好單純的菜肉味，係有媽媽包餃的味道再講上海麵，平時我都好唔鍾意食呢款麵條，偏焾唔彈牙，揀佢係明挑機心態，結果有驚喜（可能係口味問題，未必正宗），佢係似米線咁既質地，再硬身D，撈埋魚湯食，大滿足也。你問我有

好鍾意食餃子，早排雜誌報導過呢間，收藏左好耐。今日旺角行街，就行埋去深水埗食餃子吧，幾有誠意幫襯，不過就令我好失望。西洋菜湯餃子，魚湯底魚味淡，偏咸，似有味精，餃子細粒，咬落彈性太多，仲有啲肥豬肉係咬唔爛要吐出黎，真係食到好肉酸，選料完全唔得，西洋菜味弱，豬肉無鮮味，同食雪藏餃差唔多。菜心老，唔靚。煎餃大隻過湯餃，皮薄脆，餡較豐富，不過就好油下。貢丸幾好味大粒，但應該用來貨唔係店自己整，個湯係一樣。食過一次要blacklist永久不來，早知喺太子食美味餃子店，後悔。邊食仲邊有小蚊滋飛黎飛去，大佬而家已經唔係夏天，都搞成咁？令人覺得好唔乾淨好唔舒服，貼錢買難受！

今日由公司一位韓國女同事引薦，我哋嚟到深水埗圓方餃子粥麵搵食，鋪頭座位唔算多，全部都係一張張圓台襯托返間鋪頭嘅名，好用心呀！鋪頭主要係食餃子、粥、麵。我叫左一碗荔灣艇仔粥（$19），再加一份煎韭菜餃（3粒$15），首先講吓碗粥，材料十足，我用匙羹「了」一下，「了」到滿滿既免治牛肉，而且d肉打得好碎，我快手將肉同粥底撈埋一齊，好快熟哂。真心驚喜，因為碗粥好豐富，而且嘅粥軟綿綿，一d都唔水，重點係冇加味精！而家喺市面好少食到啲咁靚嘅粥！另外，餃子都做得相當出色，首先，餃子係煎到金黃色，食落香脆可口又唔油膩！真心！我係一個唔鍾意食餃子嘅人食完都想再encore！決定要將間咁正既小店介紹俾好d朋友知！小店食物既好味，價錢大眾化，環境又乾淨，邊有得輸呀

真係好嬲食完野同櫃臺姐姐埋單順便講要兩打餃子錢就收左轉個頭後面個店員就隊左盒野俾我番到屋第二日打算開盒煮黎食點知打開個盒得一打餃子錢就識收聽又聽唔清仲收左我兩打錢就算我再去佢又肯俾番一打我都哂左我時間車馬費

我本身對餃子都無咩興趣...不過，早左端午節嗰時，有報導介紹過這間餃子店賣的咸肉粽好食，於是就一直bookmark左...今日終於去試下有幾正平日一至五下午茶時段，$19一碗，更加抵食下午茶時間，都唔洗食咁多，所以叫左一個淨西洋菜餃（$26有8粒）奶白色魚湯鮮甜，餃子皮薄，餡料多菜少肉😱😱係我食過最好食嘅餃子!隔離枱坐的是常客，仲食到爆汁添!煎韭菜餃（$15有3隻），睇落比湯餃大隻。即叫即煎，可能要等耐少少。咬落好多汁，外皮脆卜卜。聽到隔離3位女仕，話齊齊外賣幾打番去打邊爐，搞到我都有興趣買😁佢地話可以放冰箱一星期。最後，我都幫人買了一打韭菜餃，即叫即包，好新鮮（可能其實係呀姐包唔切，無存貨）＊外賣係要自己喺出面排隊，就算你堂食，都要埋左單先可以買嫁!下次經過嘅時候，至少一定要來買番打西洋菜餃同埋要試下$20蛋黃咸肉粽!兩個人真係一次過食唔到咁多款野。

唔知由幾時開始好多人鐘意食餃子，所以突然多左好多餃子店(?)。以往來來去去都係識嗰間，近年餃子店多到食都食唔哂。圓方餃子係其中一間on list想試好耐的，一直未搵啱機會，週日去到深水埗，一定要順個便食啦。以餃子店黎計，面積都算大，可以容納不少人，店面呈長形，一律圓枱，週日正午去到，只有兩張空置枱，不過人氣店即是人氣店，人地好多客的，你地盡量坐(逼)埋一枱啦餐牌供應幾款湯餃，包括白菜豬肉、西洋菜、韭菜餃，煎餃只有韭菜一款，另有丸粉麵、粥品、腸粉、飯，價錢唔貴。湯餃定價$26/8隻，可加麵底、油菜；粥品$10-$21；生滾嘅就$32-35，我地仲要食下一餐，一人點一份淨湯餃就埋單，人均30蚊食到七分飽，難怪都咁多客人。本來以為只有餃子食，想不到都幾多選擇。魚湯上海雲吞、魚湯西洋菜餃 $26上海雲吞係指白菜豬肉餃，質素唔算話好正要必試，但如果喺附近都可以一試，畢竟呢個價錢有8粒。三款湯餃都係以魚湯為底，上枱聞落同一般加啲鹽加啲油加啲雞粉嘅湯底差不多，不過飲落都有淡淡魚味，唔係香濃，亦唔會腥。餃子皮薄身晶瑩，食落都好滑溜，餡料方面唔算好飽滿，菜多肉少，食肉獸可能會覺得有點空虛。白菜豬肉嗰款會

圓方...係! 不過唔係講緊Element嘅圓方! 係深水埗福華街嘅圓方餃子! 聽身邊一啲朋友討論深水埗有一間20幾年歷史嘅餃子老店幾好味...所以就慕名而來試試! 佢哋除咗餃子之外, 仲有生滾粥, 粉麵, 同蒸飯! 咁當然佢哋最出名嘅就係手工餃子! 而且價錢絕對唔貴...所有湯類餃子通通都只係＄26一碗...一碗八隻! 如果跟粉麵就一碗五隻!呢次我哋就order咗一碗上海雲吞, 一碗西洋菜餃同一碟煎韭菜餃! 上海雲吞同西洋菜餃同樣都係放入魚湯上枱, 味道清甜. 餃子都算皮薄餡多! 不過我都係比較鍾意佢嗰個煎韭菜餃. 一碟只都只不過$15...入口好juicy...皮薄餡多!👍

餃子控又突然心血來潮想食! (目標係食勻全香港的餃子~哈哈)印象中這家餃子好像出現過媒體的訪問和介紹, 而我又從來未食過的 今天去開深水埗點都要試一試! 店內還會見到幾位呀姨不停地包餃子, 貨如輪轉應該非常新鮮!煎韮菜餃 ($15/3隻)有圖有真相! 餃子大大隻, 煎到金黃香脆~ 勁香口! 饀料份量十足勁多韮菜, 又多汁, 調味剛好不會太咸, 皮亦夠薄不怕成口粉皮~吃落蠻像我媽媽在我小時候經常包的餃子味道,  對我來說有一份特別的親切感~.魚湯上海雲吞 ($26)湯是奶白色的~魚味很濃郁~ 好像沒有味精, 感覺健康點! 不過會有一點點我會怕的魚腥味~ 雲吞皮薄有住家味~不錯.鮮滑牛肉腸 ($18)價錢是便宜, 但味道真心一般粉皮太厚牛肉又太少, 且腸粉皮不夠滑又糊, 有陣粉味....下次還是只吃餃子雲吞就好了!

今日同朋友黎到深水步既圓方食餃子，因為有我地中意食既韮菜餃!由於位於深水步，食物價錢都偏平。先講最好食既煎韮菜餃，餃子非常大隻,一份$15有3隻。餃子皮薄餡靚，用煎既方法非常惹味!韮菜非常多!中意食既朋友必點!想猜咁熱氣的話可以點魚湯韮菜餃，魚湯清甜，食唔到有味精!餃子同樣非常足料!蜜汁叉燒腸不過不失，腸粉皮唔算厚,但叉燒份量略嫌少左D。但$16呢個價錢亦好抵食，不妨一試。最唔滿意一定係蘿蔔糕，有一浸UP味，非常難食。