圓方餃子粥麵

营业中

休息中

這一間餃子店，近來好像有不少報道，引致經常經過都發現人頭湧湧。有天午膳早了出發， 來一試究竟。不知天氣轉變，又或者什麼原因，皮膚又變差了，今次便不吃煎餃， 本來吃煎韭菜餃理應非常吸引，但結果只吃湯餃。魚湯韭菜餃，五隻韭菜餃浸在不算太濃郁的魚湯之中，再加一個上海麵。魚湯不算非常濃郁，也沒有感覺到魚腥味，輕微鮮味，配合餃子味道也不錯。麵條不太多，輕輕的一個，不消10分鐘便吃完。餃子果然是這間店子的出色之處，韭菜餃非常薄皮，餡料也非常充足，韭菜豬肉的成份的比例剛剛好，香味十足。只＄30有找，有五隻餃子＋1個上海麵，質素不錯，非常划算。

在深水埗經過這間「圓方餃子粥麵」，見店入面幾有人氣，於是入去試吓。既然將餃子放店名前頭，加上隔離左右的食客都係食餃子，肯定是主打項目。叫了個魚湯西洋菜餃，好味！相對皮厚令人飽肚的北方餃子，此店的餃子較適合南方人口味：皮薄餡靚，尤其是西洋菜好新鮮，肉與菜的比例拿捏得很好較。可惜的是個魚湯冇乜味，純以湯計算就遠遜太子的「美味餃子店」了。至於十五元三隻的煎韮菜餃更是精彩，韮菜餡料綠油油，而且做到爆汁效果，是我近期在九龍這邊吃過最佳的煎餃也。

好食到喊！價錢大眾！26元8件！皮薄！餡勁靚！湯不會太濃！粒粒都好易入口！食到唔想停！仲設有外賣，可以買回家同家人分享！好多街坊都幫襯！一出地鐵站就係 位置方便！

近排見到介紹，覺得超吸引，專程去試下！本身很喜歡餃子.....更喜歡小店！晚上8點來到，也要排隊，好彩不是太長龍！點了淨西洋菜餃，朋友要了蒸排骨飯套餐！西洋菜餃十分好味，餃皮又滑又薄，屬於上海雲吞那類；而餡料好新鮮，西洋菜味突出，真的不錯！另外，魚湯底也出色，啖啖魚味，我真的飲清光.......朋友的蒸排骨飯也不錯，排骨是每件也有軟骨的那種；另配油菜及魚湯！最後，再外賣了一打韮菜生餃回家！環境：光猛乾淨服務：建議如要問野，最好搵老闆娘或是收銀哥哥，佢地會又熱誠又用心回答！店員就只可以作簡單落單，問少少野也即變澳牛服務，仲要冇人地咁快靚正！真心推介：餃子又平又正！

煎韮菜餃（$15/3隻）👅呢到既煎韮菜餃係我暫時食過最正！😳😳啲餃子比平時個啲大隻😆一咬啲汁爆哂出黎💦💦韮菜同肉既比例岩岩好👍🏻好鮮甜😋😋個皮厚薄good fit而且煎得好脆，唔會油淋淋🤗🤗好快一個人k哂三隻仲唔夠喉添🙈

天氣凍, 想買D餃子打邊爐,近排網絡上熱捧圓方餃子, 星期六晚去開深水埗食野, 就順路想買D餃子星期日夜晚打邊爐.星期六晚大約7:30 行去購買, 門外排了大約6-8人等候入座堂食,有個叔叔坐响門口(老板)包緊餃子. 咁我就入去櫃面話想買餃子.櫃面話今天賣晒. 心想老闆坐响門口包緊餃子, 你同我講賣晒, 有無搞錯呀.好, 算數,明天再來買星期日下午大約3:00再去, 當時唔見老板坐响門口包緊餃子,入去問櫃面話想買餃子. 答案都係今天賣晒當時真係想爆粗, 你地係唔係做生意架.你食物幾好食都好, 無得賣即係無得食, 無食過就唔會知道好唔好食.我就會blacklist 你, 無論你幾好食,我都唔會幫親, 世界上唔係得你一間餃子店. 希望你早日結業

睇飲茶男女介紹話好食，所以同男朋友走去試吓。當然要點招牌菜水餃啦，男朋友鍾意食腸粉，再叫多碟齋腸。首先講腸粉，唔夠彈牙，以前唔覺深水埗個間米芝連腸粉有幾好食，不過比較完，終於明白了，原來腸粉可以淋bat bat~另外，水餃，塊皮好薄，入面餡好多，而且菜同肉嘅比例剛剛好，入面嘅菜亦好新鮮，不斷有人包，食落好青新，符合而家多菜少肉原則，同埋成日出街食，油多肉多，今日終於可以清清腸胃，感覺好舒服，覺得好健康。我哋試咗西洋菜同韮菜，個人覺得西洋菜好食D, 韮菜嘅感太搶，不過除咗個腸粉失敗咗d, 水餃真係好有住家feel, 而且皮係超薄，另外記住如果想食煎餃，唔好太早去，佢要中午時間先有

最近都很愛吃餃子既野食 跟住同事講起有間不錯係深水埗 而且好底食 就決定去試下 果然$25已有8粒 湯韮菜餃我地再叫左煎既韮菜餃 比湯還好味 肉汁更多 可見我地真係好愛餃菜餃 😂😂 之後我地再叫左非主打既煎蝦米腸 同 蒸叉燒腸 蝦米腸我還挺喜歡 腸粉極'林' 但同行者就覺得麻麻 因太'林' 而叉燒腸就真的不太OK 所以連相都冇影到

一直鍾意食餃 故間唔中都會周圍食下 最鍾意既一定係新蒲崗小店蒸韮菜餃 不過自從換左工後少經新蒲崗 因而想尋找新食餸地方 睇過網上介紹圓方就去試下用餐當晚7點到達餐廳 餐廳係半空狀態 半開放式廚房 睇到廚房清閒坐低點左淨西洋菜餃 同著黃色圍裙既姐姐點完食物 睇落似老闆既男人仲問係咪落左單 感覺對食客尚算周到等左10分鐘 眼看一袋袋外賣都已經送出 廚房得閒到停晒手 就知道係漏單....而漏單既解決方式係重新入單 而唔係即時煮返比你 結果係見住同檯 遲10分鐘入座 點相同食物 再遲5分鐘入座既煎餃都已經上檯都未見我碗淨水餃蹤影等足20分鐘 發晒老脾 姐姐先施施然上菜食物質素魚湯西洋菜餃 $25@8隻湯餃係即煮皮薄餡 食到有西洋菜而唔係菜碎湯 冇特別 有其他比呢度更好既魚湯 只可以話唔太鹹 未至於難飲 但亦唔好有期待總結食物質素唔係太差 但人既質素唔得原本見門口姐姐不停手包餃 打算買生餃返屋企煮麵都因是次用餐不快而放棄念頭 去得小店食 唔求有服務 如果食用時餐廳係人滿以致漏單尚可接受 但喺咁空閒既情況下都漏單就係餐廳質素問題 只係基本一間餐廳最基本要求 香港已經越黎越少小店 如果小店本身都唔

小狗老細成日都好想試下哩間餃子店終於有時間去試一試入去得一個感覺係好乾淨好企理有時小狗公主好怕去一d餃子店地下唔乾淨 枱面痴笠笠既 有d 燈光仲暗暗地 不過哩一間完全無哩個感覺 好白淨無痴笠笠 仲有好大個電視睇 我地叫左煎韮菜餃同埋魚湯西洋菜餃同豆漿豆漿唔係好甜 味道岩岩好煎韮菜餃 煎得好好 仲好多汁魚湯好香 一d腥都無 連小狗老細咁怕魚既腥味都飲到西洋菜餃好香 門口有一個姐姐親手包既 包得好好 唔會散開 如果大家有時間去開深水埗就去試下啦

身體要健康，飲食要均衡。外食族要做到多菜少肉，真不容易。尤其是早餐，往往要光顧那些提供新鮮沙律的高檔咖啡店，動輒要近百元一份的早餐。此店九時開始營業，對於我來說是晚了一點點。但為了一份相宜價格的多菜少肉早餐，就把早餐時間推後一點點。水餃有西洋菜、白菜、韮菜。今早選了西洋菜。餃子絕對以菜為主，加了少量肉末。餃皮非常滑，用筷子夾不穩，要動用匙子幫忙。菜不夠多嗎？跟餃可加7個大洋要一小盤菜心，今早的蔬菜部分超標完成了。

深水埗找不困難，地道的有很多價錢也很廉宜。想食北方餃子有幾間，今次慕名係黃金附近的餃子店午餐。叫了招牌的韮菜魚湯餃。餃子皮薄身大隻飽滿，要嚼兩口先食到一隻。內裏菜多少肉，菜鮮香，會覺得食完好fresh。它不是地道的厚皮餃子令人飽肚的，食了八隻湯餃，再來一份煎餃，這也是係店內留意到眾人的食法。湯底用魚湯，微甜的魚湯，不太夠味也沒有腥。隨了不同饀料的餃子，還有套飯，對面大姐叫了蒸魚腩飯，看來魚很滑，大大碟也不貴。不過這間店客似雲來，正常食飯時間要等位。

深水埗圓方餃子真係唔係雜誌推介都唔識佢😂😂😂估唔到入邊寬敞乾淨又明亮，比維記同劉森記環境絕對出奇地優勝! 👍👍餃子方面獨當一面的出色，西洋菜餃超好味，果種嘅鮮係難以形容，餃入面嘅菜饀係just right 唔會太腍，白菜味(又叫上海雲吞，其實唔係幾正宗，因為無蝦子同菜肉餡嘅味太淡😎)可免，專食韮菜或西洋菜好ok👌👌👌本人唔太鍾意韭菜餃都覺得煎韮菜餃好脆渥渥， 不過無新假期講得咁誇爆汁喎。其他粥呀腸粉都係伏，粥嘅口感怪怪，葱花都乾癟暗色，食慾大減。腸粉更是terrible, 腸粉勁厚， 粉漿味重但不香， 餡料甚少整體似食齋腸。最後食完買左3打生餃子回家，$2/粒絕對係平過自己包! 報告完畢。價錢大眾化獨立包餃子位滿足龐大外賣生料需求西洋菜餃無得輸，菜鮮脆清新， 配魚湯一流煎韮菜餃$15/3隻 ， 未至於爆汁但煎得好黃金色，又脆皮， 小二，同我嚟到一碟!目測已睇到皮有幾厚嘅叉腸。。。豬膶粥$30 算貴， d葱乾到。。。好彩我其實唔食葱姐食飽飽可以打包生料， $2/粒，抵過自己包

第一次幫襯，買左半打生西洋菜餃，半打生韭菜餃，一共24定25蚊，真係便到笑。第二日蒸熟來食，餃子都唔細粒架，正常size，西洋菜餃好鮮甜，韭菜餃都好好味，好似自己包個d甘，皮薄餡靚，粒粒好足料，味道剛剛好，蒸熟後粒粒晶瑩剔透，價錢又平民，呢間絕對係值很推介！

小妹住左係付近咁多年, 深知實在太多美食!圓方, 只可以用平靚正黎形容!!!! 小妹用鍾意叫淨魚湯白菜豬肉餃, 貪多幾粒餃魚湯, 清甜好味, 有淡淡的魚味, 唔似其他的味精湯白菜, 新鮮, 爽口, 姐姐不停地包, 保證不是隔夜餃豬肉, 鮮甜, 唔會有臭豬味, 而且肥豬肉唔多, 十分健康! 餃子皮, 非常的薄, 入口好滑, 輕輕就可以咬開餃子皮, 口感十分好! 仲要付送2條新鮮青菜, 爽口又新鮮!