古今二 (荃新天地)

营业中

休息中

荃灣行完街食乜好？超級龍卷風 $88size都大，入有鰻魚、海老、芝士🧀️青瓜、脆片，無諗過鰻魚同炸蝦，有8舊咗多，都算抵食，值得一試。清酒煮蜆 $128加左酒將鮮甜吊出，蜆肉肥，份量唔少，呢個天氣飲岩曬，飲完心都暖。鹽燒鯖魚 $68落左鹽同胡椒粉醃滿魚身再煎，一啲都唔腥，真心唔錯。古今日式煎餃（6隻） $56餃子即叫即煎，共有六隻，咬落幾JUICY。@kokon2.tw🎈古今二🎈荃灣荃新天地1樓116號鋪.....

古今二 呢間「古今二」係我第二次回訪，食物質素依然高質，今次係同朋友一齊嚟荃灣食野，朋友住天水圍，叫我揀餐廳，我一諗就諗起「古今二」，佢哋係一間中高價位嘅日式餐廳，而且距離荃灣西鐵站只需要行七分鐘， 沿途可以經過天橋， 對輪椅人士來說十分方便。呢間餐廳除了有傳統的壽司之外，裏面嘅菜式仲有創意壽司，講到環境就十分安靜，好啱坐低聚會傾計，餐廳裝修大多數係木製加混合少少工業風，餐廳通道算寬闊，輪椅人士入去食絕對唔係問題！1.超級龍捲風$88（9/10）每舊壽司入面有炸蝦、芝士、鰻魚同脆片，每一啖都係非常滿足， 一碟有八舊壽司，份量非常足夠， 加上有少少酸酸嘅汁作調味，令到整個菜式唔會好膩！2.清酒煮蜆$128（10/10）入面每一隻蜆肉都非常肥美又清甜又無沙，一上桌已經聞到陣陣清香嘅酒味，令人食指大動，當中份量都好足夠，大約有20隻蜆以上，除咗用清酒煮之外，仲加海帶布、洋蔥同菇湯底好清甜，搞到我好想再叫多次清酒煮蜆！3.大阪自家製炸雞$78（10/10）呢個炸雞雖然一碟只有五舊，但每舊炸雞起碼有一個乒乓球咁大，食起嚟非常夠熱，炸到外脆內軟，肉質又夠嫩滑，仲可以點沙律醬，我呢排戒酒，如果唔係一

今次又嚟到古今二，不過係荃灣分店， 餐廳係開放式座位，用間隔分隔餐廳與商場， 裝修 簡潔，光線充足，亦有自來光日式麻醬豆腐沙律豆腐沙律啲豆腐冰冰地軟滑，入口融化，麻醬都很多，全部生菜都撈咗芝麻醬， 醬汁好開胃三文魚牛油果卷(6件)三文魚好軟熟，卷物都包得好好，沒有散開， ok蜘蛛 (5件)蜘蛛其實係軟殼蟹卷，有兩件係有軟殼蟹腳， 成條卷有完整一隻軟殼蟹，軟殼蟹炸得香脆配合埋醬汁都唔錯埼玉網燒牛舌(4件)牛舌燒得好香脆，食落一啲都唔肥膩鹽燒白鱔白鱔食落好得意，QQ彈彈咁，個白鱔皮又燒得好香脆，成個口感有脆有軟

今日同人妻去荃灣買新鞋😈我哋又係到諗食乜好😩😩然後大家都突然同一時間爆岀一個概念😈食日本野！因為啲男人唔食😩細嘅又唔食得多…今次係😂😂😂佢帶我黎，然後我話：我都食過呢間😆心有靈犀呀！食物日式麻醬豆腐沙律我哋習慣食嘢之前先食草😂因為要食少啲🤏🏻🥹啲茄好新鮮，酸酸甜甜！超開胃🤤。啲豆腐凍凍地，但一樣勁香豆味！加上超多麻醬😂😂😂正到呢～～點減肥呀鹿兒島黑豚肉荔枝串燒呢個不得了！超甜荔枝加上焦香嘅肉味🤤🤤🤤好彩嗌一串share🥲我哋只係口痕🫢如果唔係實會狂食….小食真係必嗌呢個🩷🩷🩷午夜牛郎、金龍卷我哋都知呢間啲名好正，所以習慣咗先睇咩材料🤣🌌午夜牛郎 - 三文魚、牛油果、芝士全部都係我哋鐘意食😳再睇一睇個名😂😂😂中午時間，2個人妻去搵午夜牛郎🤭仲要食埋～～～何等幸福☺️佢個飯圈係脆脆嘅～～超級好食！小朋友都食得🐉金龍卷呢個有三文魚、芝士、炸蝦超鐘意呢個🩷今日一個外脆內軟，另一個外軟外脆😂😂😂牛郎粒菊花想入非非😈😈😈岩鹽燒虎蝦人妻話想食蝦，黎到見到咁大隻虎蝦😳超彈牙！新鮮蝦🫢其他荃灣其實有好多選擇，不過我哋覺得呢度係坐得最舒服！食嘢梗係要打卡🤭呢個位影相超級正…今日唔算好太陽，但係望出去好舒服…

21/1/2024📍古今二上次食過呢間餐廳嘅卷物 覺得幾好食 今次試埋其他野食 一樣唔錯👍🏻 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨日式麻醬豆腐沙律 （$78）好大兜沙律🥗沙律菜幾新鮮 唔會苦 麻醬嘅量夠撈晒全部沙律菜 豆腐嘅份量都幾多 幾香幾滑 加埋蟹籽食更加有口感👍🏻✨富士山 （$88）Menu有好多款卷物揀 好難揀 樣樣都想試🤣而呢款餡料有鰻魚、牛油果🥑上面仲有成座山咁嘅脆片同蟹柳呢幾樣食材非常夾 食落每一啖都大滿足！太約有十件 都算抵食✨辣味三文魚壽司pizza （$98）話說我哋係貪得意先試下壽司pizza係咩料預咗係伏㗎啦😌嚟到佢係壓扁咗嘅紫菜包飯 然後再包天婦羅炸粉攞去炸 最後面頭有啲辣味三文魚同脆片因為炸完 ”pizza” 底都好多油 有啲扣分食落脆脆哋 味道都唔錯 感覺幾新奇 冇想像中咁伏✨牛肉壽喜鍋 （$208）雖然佢會貴過其他壽喜鍋 不過個size 都會大啲入面有好多娃娃菜、金菇、蘑菇 仲有豆腐同主角牛肉😍牛肉沾埋蛋汁都幾滑 （雖然唔知係咪日本蛋）啲肉亦都唔會太多肥膏 有肉味最鐘意啲煮到淋晒配料 索晒甜甜哋嘅壽喜燒汁 勁好食🤤⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

特色卷物居酒屋 - < 古今二 >係荃新而地見到餐牌既卷物好有特色 就決定入去試一試啦😋特式卷物 :金龍卷 + 煙花（6件）🍙🍣佢地係一齊上碟既我比較中意「煙花」用咗辣味三文魚同辣味吞拿魚 微辣幾惹味加上有脆片係面頭 多左層豐富口感另外佢地招牌既「金龍卷」🍙係用三文魚黎包住炸蝦天婦羅既加上忌廉芝士 脆中帶軟 口感非常有趣🧡清酒煮蜆既蜆都好大隻肉好飽滿湯底清甜 雞軟骨都幾大碟 炸粉唔會話太厚都係日式定番小食🫶🏻😋

依間間中我就會幫襯，因為選擇真係好多又有特色真係唔會食厭！而且都係可以keep住水準今次試左辣妹($72)，係辣味三文魚、炸蝦再加芝士，配搭特別得黎都好好食，辣味三文魚味道濃郁好香再配埋炸蝦同芝士口感又脆又柔滑仲叫左富士山（$88），有蟹子、蟹柳、鰻魚、牛油果同脆片，味道幾夾，入口各款食材都唔會搶咗其他食材嘅味道，口感都好豐富，再加埋個醬甜甜地另外試咗個雜錦天婦羅（ $88 ），有蝦、秋葵同紫薯咁，炸得好好，唔會好油炸粉又唔厚！秋葵仲有魚肉喺入面，好有心思最後仲有自家玉子燒（ $55 ），係凍食嘅，但個面就有燒過同加左芝士、蟹籽咁，甜甜地幾好食依家真係幾次去食唔同嘢都幾好！

呢間日本居酒屋餐廳🏮CP值極高高高～～～🌟食物平，無限時，高質素聚會活動一流✨ 金龍卷三文魚🍣芝士炸蝦卷🍤有好多件😆三文魚肥肥淡淡芝士香味吾會喧賓奪主👍🏻✨蜘蛛🕷️好可愛既名字🤣😂原來係軟殼蟹卷🦀軟殼蟹好大隻炸到外皮好香脆入邊仲有牛油果🥑蟹柳好足料(⁎⁍̴̛ᴗ⁍̴̛⁎)✨龍卷風沙律🥙蟹柳比例勁多佢個沙律醬勁特別～～～第一次嘗試，醬汁係有少少辣食完會好開胃🤤停吾到✨清酒煮蜆蜆大大粒，份量好多味道清甜👅入邊仲有海苔清淡得黎又帶一份清甜🫶🏻

喺附近剪完頭髮，肚餓，就近搵咗間日式餐廳醫肚，性價比都唔錯喎。煙花飯卷包裹住油潤嘅三文魚，上面再鋪上吞拿魚，口感軟滑，香口嘅脆片點綴，味道微辣，而且層次豐富金龍卷炸蝦外皮酥脆，蝦肉爽口鮮味，配埋芝士一齊做餡，飯卷上面鋪上厚切三文魚，再點上蛋黃芥末醬，味道同口感都非常豐富，真心值得一試清酒煮蜆大大隻肥美鮮甜嘅蜆肉用清酒去煮，蜆肉都滲透住淡淡嘅酒香味。配上洋蔥、海帶、海鮮菇，好fresh。天氣凍凍地飲返碗湯，十分暖胃炸雞軟骨色澤金黃誘人，外層酥脆可口，軟骨甘香惹味，亦可配上沙律醬，又係另一翻風味

壽司吃多了，就會想改變一下，而卷物能給人更多的發揮空間，特別是這間專門做卷物的店，又可以吃又可以打卡！火山（１２８元）來到還會點火，儀式感滿滿的，打卡必選！上面的是大量的蟹柳沙律，混合上大量的沙津醬，搭上下面的青爪卷一起吃，既清爽，又解膩，蟹柳的量非常足！煙花（７９元）上面的是辣味吞拿魚肉加魚蓉，下面的是辣味三文魚，前者口感綿滑，後者嫩滑有彈性，配上脆片增加口感，味道帶點微微辣，挺令人回味的。自家玉子燒（５５元／６件）口感嫩滑，有蛋香，配上大量的沙律醬，再經過火炙增香，最後放了點魚子增加鮮味！櫻花蝦茄子燒（６８元）中式的燒茄子就吃得多，但日式的還是第一次吃，口感非常嫩滑，味道是日式鹹甜口味，亦加了點櫻花蝦來增加口感和香味。芝士午糕（２６元）炸得外脆內軟糯，又有芝士流心！

二訪Fusion卷物日式餐廳，食物質素依舊高水準🔻金龍卷 💰98店內招牌嘅金龍卷，一份有8塊，用三文魚包住炸蝦天婦羅，仲有忌廉芝士，將好多仲味道融合於口中，又軟又脆嘅口感好驚喜☺️🔻龍捲風沙律 💰76好鍾意呢度嘅沙律，配料有蟹柳、中華沙律、蟹籽、生菜、粟米脆片等，加上有小小酸辣嘅醬汁，口感超豐富又好開胃😍估唔到沙律菜都可以咁好食😋🔻清酒煮蜆💰128蜆肉好新鮮肥美，完全唔會食到沙，碗湯好好飲，可以飲到海鮮嘅鮮味同清酒嘅鮮甜☺️所以最後成煲清酒煮蜆連湯都冇剩🙈🔻煙花 💰79呢款壽司爆多吞拿魚😍中間仲有三文魚，面頭仲有粟米脆片同蟹籽，食落去口感好得意🙈而賣相這些有啲似煙花🎆今次坐左窗口位，同朋友一邊嘆壽司一邊慢慢傾計好chill～

龍捲風沙律份量十足嘅沙律，貌相吸引，最底新鮮係沙律菜同中華沙律，再加海量嘅蟹柳絲，上面鋪脆片同蟹籽，脆口又爽口，加上獨特醬汁，食落零舍開胃又好味。照燒雞肉串燒雞肉串燒夠嫩，用照燒汁燒食落甜甜地，又惹味！自家玉子燒玉子燒表面加左芝士同蟹籽去燒，令甜甜嘅玉子燒多左一層香氣同口感，好食。富士山以蟹柳絲疊高扮富士山，上面再鋪上脆片，外表吸引。至於，卷物入面就有鰻魚，牛油果，可以搭配蟹柳絲一齊食，每次都有唔同比例同口感，卷物一口大細，唔會太多飯，濕潤好味道。超級龍卷風同樣有我鍾意嘅鰻魚，不過呢款再夾埋海老同芝士，食落更加邪惡惹味，味道更加濃郁，有用上青瓜平衡返味道，呢款我覺得更好食！餐廳座位舒適，假日休閒嘆美食真寫意。

今日Lunch 行過呢間古今二，又幾好view 幾舒服喎，就決定入去食少少嘢。午餐有烏冬、丼物、定食等等，但佢呢度出名食卷物壽司，就叫咗一份金龍卷、海鮮味噌湯。再加咗一客章魚燒同燒雞翼。海鮮味噌湯有蜆、有蝦、又有海帶，比一般味噌湯更加鮮味。最鍾意嘅金龍卷就軟芝士炸蝦卷，食落實在又香口。章魚燒都有街頭小食嘅質素。串燒雞翼就即叫即燒，皮脆肉嫩。去呢度食一定要坐外面啲位，望住外園景特別空曠，食餐飯都好味啲。

今日近近地就去荃灣 荃新天地一期“古今二”食日本野。兩個人我地點左“”蜘蛛卷“96”同“”金龍捲“98”。仲有個“”龍捲風沙律“76。一串“”鹿兒島黑豚荔枝串燒“32，一串“”黑豚豬頸肉串燒“”28，一份炸雞78。蜘蛛卷入面包住炸軟殼蟹，每一啖都食香脆啖啖肉嘅味道。金龍卷即係天婦羅炸蝦。龍捲風沙律幾出色，沙律菜好新鮮爽口，配有海量嘅蟹柳絲，最中唔會有太多沙律醬，入口就會清新一啲。兩個串燒都做得好好，荔枝味中和油膩。頸肉喺厚切，彭拜肉汁。炸雞都做得不錯，有六大件，熱辣辣外脆內軟的雞肉10分嫩滑， 另外個沙律醬幾特別有少少蒜蓉味，將個炸雞提昇左。依間之前食過一次，今次都繼續保持到水準 。

清酒煮現是一道精緻的海鮮料理，以清酒為基底烹煮海鮮，使其保持鮮嫩的口感和原汁原味。岩鹽燒虎蝦大大隻烤至鮮嫩多汁，保留了虎蝦的天然甜味。秘製蒜香牛油燒帆立貝是一道帶有濃郁蒜香味的菜餚。內裡鮮嫩多汁，搭配蒜香牛油增添了豐富的風味。三文魚牛油果卷是一道創意的海鮮菜品。將新鮮的三文魚和牛油果卷成卷物！蜘蛛軟殼蟹非常鮮甜，這道菜用料相當豐富，包括軟殼蟹、青瓜絲、牛油果和蟹柳。這道菜也是餐廳的招牌菜，口感多樣，每一種材料都帶來不同的美味。