又一川

营业中

休息中

小小的一間店舖裝修簡單，七八張枱下午全都滿座，我們怎能不激動地辣一下！？上菜有點慢，大概人客多而人手只有兩個，可以理解。四季豆很香口但鹹了點，另外肉是較肥的。口水鷄好正，七十元有半隻鷄，又香又滑送飯一流。我建議大家叫飯來伴着吃！看著旁邊很多都叫了酸辣麵再加這些小菜，就覺得過多辣味一起吃，分不了層次吧！

之前已經食過呢間餐廳嘅米線，好香又夠辣，今日想吃辣的慾望又來襲，於是自己一個去食。我點左豆卜木耳豬紅米線中辣，由於下午茶時段，好少人，落完單無幾耐就煮好了。米線佢地用嘅係叫珍珠米線，質地比平時食嗰啲實同硬，粗身啲彈牙啲，吾容易淋b b,啱我食，我最怕好淋嘅米線。豆卜索左湯超好食，好香，吾係硬倔倔好乾身嗰種豆卜，細細粒切半食，好入味。豬紅亦彈牙，吾會一夾就散，至於木耳，我個人比較執著，以為係大大塊切絲嗰種(水餃裏面嗰啲)木耳，原來係細細塊圓轆轆嗰種雲耳。坊間經常將雲耳叫作木耳，誤導了食客。我喜歡木耳卻不喜愛雲耳，希望坊間的米線店不要再將這两種食品混為一談。我喜歡他們的米線有酸豆角和金針作配菜，而不是一般的芽菜和韭菜，中辣也很辣，不過本人太愛吃辣，可能大辣才滿足。而我也很大食，一碗的份量不夠飽，如果能再多一點米線會更完美。我會再來作戰的，整體的而且確是值得再來光顧的。

黎又一川食野既次數已經系數吾盡啦今次叫左一個毛血旺（大辣）+雞翼，田雞粉絲（特辣加麻），挑戰最大辣道毛血旺（材料：芫荽，大白菜，萵荀片，青瓜片，大豆牙，午餐肉，牛柏葉，豬紅）湯底散發出香濃既麻辣味，辣道吾會太辣，熱辣辣即叫即整，材料細細舊，超正而粉絲既辣道都吾會太辣，對於我黎講可以接受，粉絲既湯底都好足料，鍾意食辣既人一定要去又一川試下啦

一行入去，嘩好似返左大陸咁，門口兩位大漢會打量下你，跟住繼續食花生飲啤酒。好啦個格調唔岩，就試佢碗酸辣掂唔掂，碗野係ok既除左略微多左啲油浮下浮下。最大鑊既其實係我邊食啲店員就邊望，好似想幫手喂埋你等你快快趣食完讓返個位出黎總括而言，無下次

今日食左位於觀塘既又一川店面唔算大，大約10張枱左右，但位置唔算逼，同三五知己傾計十分適合味道偏咸但送酒一流既炸雞軟骨，去到一定要點!!米線不過不失涼拌木耳味道好好，但可惜唔夠凍涼拌海蜇唔錯，咸味同辣配合得很好水煮田雞雖然好好食，但份量超少，為一好既係可以選擇大白菜或者豆芽菜打底食物份量偏少，如果想試多幾款食物就要叫多d朋友一齊去啦！另外每款食物都可以選擇辣度，分大中小，怕辣既朋友都可以一齊食＼(^o^)／

同事介紹離APM不完既四川小食店。店面唔算太大，應該10張枱左右，10點後仍然好多客人，我地6個人都要同另外2人拼格坐水煮田雞，味道OK,但份量超少，可選豆芽菜或大白菜做底一班餓鬼涼拌海蜇我印象中食左一口就被班餓鬼搶晒涼拌木耳唔錯，味道辣度都好調合，不過可惜唔夠凍米線，不過不失雞軟骨反而係全餐最好食!!!!有時係觀塘搵唔到食咩都可以去哩間試下~環境，食物味道都OK不過店員態度就唔好太高要求

大部分人黎又一川都係食酸辣粉，不過佢地既小菜其實更出色。我每次都會點酸辣土豆絲。最怕土豆絲非手切，因為會軟弱無力，但尼到睇得出係手切出黎。醋既酸味加上少少辣味，令平凡既土豆絲都變得好出色，配飯一流啦。

作為一個辣不死星人，對辣的熱愛和執著一度讓我覺得香港很少有食肆辣的這麼夠味。一家不起眼的小店，朋友說好吃，我一開始是不信的，當我看到上桌的酸辣土豆絲。顏色，香氣，就知道，這地方來對了。這土豆絲經過浸泡，洗走了澱粉，過油炒，不會軟軟的，吃起來很有嚼勁，也因此吸收了大量的油，但是，醋，辣椒的配合，減少了油膩的感覺，正夠味，一盤可以下幾碗飯 可能是個人口味，水煮牛肉反而沒有酸辣土豆絲這麼令我欣喜，土豆絲是驚艷，水煮牛肉只是啊，並不難吃。 另一個出色的菜品是炸雞軟骨，鬆脆，雞軟骨本身的質感也很好。混搭椒鹽，吃了會感覺停不下來

去開觀塘就搵下有咩食呢間評價幾好，試試佢先啲姐姐服務態度幾友善我叫左呢個鮮牛肉酸辣粉唔係講笑，好大碗鮮牛肉唔韌湯底味好濃，配料有金菇、花生、豆角、芫茜、酸菜，底有生菜，好多料但中辣其實唔係好夠辣，都唔夠酸我呢啲重口味，如果更多酸會更好

同朋友突然想起食四川野，兩個人便坐言起行朋友帶路飛快前往目的地是次來到官塘又一川呢個街地點好方便，條街好多小巴安坐後我們很快地點好了食物，先來試試簡單麻辣皮蛋溏心皮蛋好似水晶狀，沒有多餘繁複的調味淋上辣油灑上椒碎，味道野味，唯一美中不足是不太辣和朋友大家分享少少以保留(食力)應付接下來的美食兩個人沒有選太多,祇挑了兩款美食,四季豆炒腩肉清甜的四季豆配上肥瘦均勻的腩肉加入甜甜辣辣的醬汁同炒，紅椒蒜頭樣樣齊簡單又味美，不過有點像中式菜肉鬆四季豆然而卻很滋味，而腩肉口感爽滑柔軟吃四川菜當然少不了水煮系列水煮魚片，多種香料及四川花椒煮出麻辣湯底來調味成碗湯辣油面，湯汁裡面的芽菜吸收了麻辣精華和魚肉鮮味，魚肉質感超嫰滑自己喜歡吃辣，每一口都是享受朋友是這裡常客而對這款水煮魚片讚不絕口無論味道和份量都讓人滿意，一個滿足的晚上!會找機會相約多些朋友，再多試一些其他菜式

店名：又一川地址：觀塘宜安街25號地下好味指數：8／10價錢：$30田雞芝士腸紅薯粉 麻中辣 紅薯粉粉條水準不定，有時好爽，有時好腍。但配合湯底來吃還是很好的。好少地方酸辣粉會有田雞配，而呢度只係加$8就有得食到嫩滑可口的田雞。 酸辣粉湯底好足料，有酸豆角和金針菜等出面好少食到的配料。 紅薯粉份量亦很大。店名：又一川地址：觀塘宜安街25號地下好味指數：8.5／10價錢：$28田雞貴林米線 麻中辣 如果說每一區總有自己最喜愛的食店，那又一川便是我在觀塘區的最愛。 好少地方酸辣粉會有田雞配，而呢度只係加$8就有得食到嫩滑可口的田雞。酸辣粉湯底好足料，有酸豆角和金針等出面好少食到的配料。 米線份量亦很大。 

四川酸辣粉叫咗大辣紅薯粉走莞茜走花生墨魚丸 - 麻麻地, 唔夠彈牙，勁膠冇下次紅薯粉 - 彈牙, 口感cutie;p豬 - 彈牙, 口感cutie, 冇豬臊味...;p其實特辣太辣大辣又唔夠辣可以點做？

真係好中意食呢間既酸辣粉，今次叫左小菜都好驚喜！原來小菜仲好味道！今次既主角，口水雞！見到佢排到咁好睇已經食指大動。雞好滑，唔算太麻但好辣好野味，最中意伴埋啲蔥一齊食超香口！下次再黎都會再點！大腸酸辣米線變左配角添！唔識死叫左小辣，超辣！唯有慢慢食，都好味道！大腸好份味好足料

今晚和家人來到觀塘一間小店名叫又一川。鋪頭名玩食字，唔係又一村，而係做川菜。我哋食呢度最出名嘅酸辣粉，果然名不虛傳，啲紅薯粉軟硬度適中，而且非常入味，建議揀小辣就可以，包保食到你兩行鼻涕直流，但係真係非常好味。配菜方面有幾十款任君選擇，我同屋企人就分別揀咗牛展、竹笙、冬菇等等，都算不俗。另一個強烈推介嘅小食就係脆炸雞軟骨，本來以為只有日本料理先至有呢個小食，點知係呢一度試咗真係發覺有得揮，每粒雞軟骨都系外脆內軟，而且唔會太咸，食完一粒又想食另一粒，簡直食到停唔到口，正！

好多人推薦過又一川，不過我覺得又一川既米線太彈牙，所以多數都係食粉絲，唔好以為粉絲會好少，份量多到食唔曬架。粉絲比起米線索湯好多，如果唔食得太辣唔好選太辣，因為粉絲會令你吸曬所有辣椒，辣油。平時水準都唔錯，但今次食竟然冇咩味，冇鹹味，食落有少少古怪，唔知係咪廚師放假？