又一川

营业中

休息中

其實之前已經聽過朋友推介，不過因為我唔係住呢一區，所以其實都好少經過觀塘。不過今日難得經過就特登來試一試。其實佢食嘅嘢同譚仔三哥非常相似，都係酸辣薯粉、米線嗰啲。不過朋友就專程推介，呢度嘅酸辣土豆絲，同埋蒜泥白肉，所以今次就另外叫埋呢兩樣野來試一試。雖然蒜泥白肉入邊嘅蒜蓉唔係好夠多，不過勝在調味調得非常之好，鹹香之中帶點酸，醬油味亦都好出，而且肉的部份亦都烹調得好好，唔會過分油膩，配合青瓜，食落去好清爽好開胃。而今日嘅主角，酸辣土豆絲，亦都令我刮目相看。其實土豆並唔係啲值錢野，講真我本身無好期待，不過呢度嘅廚師，好用心咁樣將土豆切成一絲絲，配合埋辣椒同埋醋，將一樣平凡嘅食材，變得非常可口非常好味，果然唔簡單。聽朋友講，呢度嘅水煮同樣出色，希望下次有機會可以再來試一試。不過大家留意番，呢度嘅餸菜，辣味偏重，唔係好食得辣嘅朋友，就要自己衡量一下啦。

平民價川菜，又一川既酸辣粉同其他個啲重慶酸辣粉好唔同，首先佢料夠多，味又夠，配料又足。非常惹味，食少辣就已經食到成頭大汗，送上嚟又夠晒熱！除左粉之外，口水雞、水煮系列都好好味，值得再食！

又一川酸辣薯粉($22)今次終於講返香港喇，司令一向都好鍾意食辣野既。講到位於官塘既呢間呢，司令由細細個佢開張食到宜家大大個，細個最鍾意就係食呢度嘅水煮田雞。因為佢嘅田雞啲肉質好滑好嫩，辣嘅程度有四種程度比你揀，分別係微辣、小辣、中辣同大辣，底菜有青瓜、大白菜、大豆芽比你揀。 而最近司令最愛就係呢度既酸辣薯粉（淨酸辣粉，$22），夠晒酸夠晒辣！佢呢間既酸辣粉好特別，除左酸菜嚟帶起酸既味，佢仲加左酸豆角。而且湯底與眾不同，酸辣粉仲會加埋肉碎，所以個湯特別香嫁，食落口感又好！除此之外，呢度仲有好多菜都好好味，而且好多辣既菜色都夠晒麻夠晒辣，食到啲汗喺咁流添嫁😂例如：水煮系列、泡椒田雞、毛血旺、辣子雞等等，多到數唔晒😍😍諗起又流口水喇

尖椒炒肉片肉片份量都幾多,但味道和回鍋肉十分相似,好多好多油,都香,但好咸下..無問辣度,不過佢厚汁版回鍋肉既小炒,同我地四川期望有少許不同.牛展米線,粗版米線,都幾好咬,又幾飽下.第一次食感覺好像酸辣粉,今次食就無咁似了.可能每次味道都有點出入.真係幾大碗,好多粉.上次老公食小辣對佢太辣,今次叫微辣就岩岩好.牛展都幾多,幾香,湯底像用了牛肉味既野,配料有豆角碎.之前食過一次,覺得依間野幾好食喎,想再返去食.今次第二次食,覺得好咸,好多味精,口乾左好耐,飲極水都唔夠,而且炒野同理想有點出入.不太大興趣了.

上次出去食川菜既時候，朋友介紹話牛頭角有間食川菜既店舖都不錯，於是今日收工後就來到又一川試試。講真，就咁睇出面既門面，真是毫不起眼，不太吸引，但走近一看，已經看見裡面坐滿哂人，挺受歡迎，剛好有一枱客走，所以我地就即刻走入去坐下來。看了餐牌，發現選擇滿多，不少菜式都想試試，而且有不同既辣度選擇，適合不太食得辣既我們，挺細心。今次得2個人黎食，所以就點了四川酸辣粉、七味煎雞翼、水煮牛肉。呢到既菜式遷就左香港人既口味，不會加入太多紅油，減少油膩感。等了一會兒，酸辣粉就來到，分量十分足，紅薯粉非常滑溜，口感煙韌，酸酸辣辣，唔錯 。七味雞翼煎得好香口，外皮很脆，雞肉亦很嫩滑，本身以為呢個小食係辣既，但原來不是，還有少少甜味，挺有驚喜 。最後就到水煮牛肉，牛肉好嫩，完全不會覺得韌，而且切得大大塊，份量絕不欺場，配埋嫩嫩既大豆芽浸在底部，少少麻，不會過辣，正 。兩個人黎食，每人都係70蚊左右，真係好抵食，份量又多，下次可以黎再試試其他水煮、涼拌系列菜式~

今次到朋友帶隊搵食，酸辣粉，我好耐都無食過啦！門面並不華麗，但就我在珠海澳門食過嘅酸辣粉小店都係差不好的格局! 拍青瓜比起 酸，咸，辣還多了一樣，就是辣椒的香味，醬汁味道非常好，但是錯在青瓜，青瓜皮太厚，而且帶苦澀味，因為沒有足夠的甜味，影響了整碟味道! 酸辣粉少辣萵荀，竹笙，薯粉，湯底味道好足，有麻，酸，辣味，薯粉好Q,好彈牙，好大碗，兩個人分，都多到食唔晒，最離譜係咁大碗都係三十蚊左右，太過份了!所以係好抵食，值得推介的!

今晚突然間想食啲辣野，同事介紹觀塘有間四川菜不錯，一於試下！餐牌Hello Kitty碗，住家Feel！叫左我最鍾意既酸辣粉，唔太酸少少辣夠晒開胃，而且紅薯粉夠晒彈牙煙煙韌韌！蒜泥白肉，蒜味唔太夠，但腩肉份量十足，仲有青瓜丁一齊煮balance番無咁油膩。酸辣土豆絲，只有辣味無酸味，但算炒得有穫氣，每條土豆絲爽脆有口感。食辣野飲下冰凍啤酒夠晒舒暢！

一星期後，我地又回到呢間川菜館。係門口等左5分鐘，有諗過如果等超過5分鐘就會過檔，去隔離食泰國野。最後大概2分鐘就入到喇！今次再一次食水煮牛肉，不過轉左配冬菇豆卜，大白菜底，加多半隻口水雞，小辣，另加兩碗白飯同汽水。今次維持水準，牛肉鮮嫩，豆卜入味，冬菇都幾好食，唯一係姐姐落單時大白菜聽錯左係芽菜，而我地兩個都唔食芽菜既，不過佢地都即刻整番個大白菜比我地，呢個服務態度好好，應該嘉許。口水雞好味，少少辣，雞都幾滑，不過可以多番少少花生碎就perfect喇！

想食辣野，當然上OPENRICE搵下科啦，見到呢間又一川好似唔錯，一於去試下。兩個人叫左水煮牛肉+金菇底、涼拌海蜇、蒜泥白肉水煮牛肉勁大，牛肉同金菇都好多好多，中辣我就已經食到冒晒汗，不過用嚟送飯又真唔錯。涼拌海蜇其實同蒜泥白肉有少少似，不過前者既青瓜切絲，後者就比較大件，睇得出佢地都幾細心，青瓜都會因唔同食材嘅口感而唔同處理方法。

門口都幾唔顯眼，似尋常家庭小館，但味道絕不尋常！兩人唔太肚餓，只叫左酸辣紅薯粉、炒土豆絲、蒜泥白肉，所有菜色都可以揀辣度。紅薯粉味道都 OK，不過配菜就爭啲。炒土豆絲夠乾身爽口，都幾辣下。蒜泥白肉就出色囉，不過如果有多啲蒜泥仲開心。

天時暑熱，最好就係去食壽司、冷麵之類，但今晚我就選擇左去食辣野，因為實在太耐無食辣野，而且好想試一下食完辣野，即刻飲大啖冰凍既汽水果種透心涼感覺，諗起都想即刻去食。今次希望近近地係觀塘區，係openrice 揾到呢間，見評價不俗，一於就呢間啦。去到見full 哂，等左大概5分鐘就入得，店面感覺似家庭式經營，事關裝修都少少似屋企既牆、門等等。兩個人叫左一客水煮牛肉，加金菇及菜、白肉同埋海蜇。上水煮牛肉時打左個突，因為真係好大碗！入面勁足料，淨係睇金菇都起碼有兩大包！牛肉嫩滑，夠入味，個汁撈飯一流！食食下白肉同海蜇都到齊，兩碟都勁大碟！白肉仲要係厚切！仲有好多青瓜，份量完全可以比4個人食㗎！最後賣單不用$200！超級抵食！

經朋友介紹，來到這川菜館。地方不大，但來的人也不少。這土豆絲是經推介的，真的不錯。土豆絲本身很清淡，而與辣的調味配合在一起之後就非常的惹味。正。這味蒜泥白肉的味道也很好。雖然是肥了一點，但總是有藉口說不介意吧。而這裡有青瓜放在下面也是不錯的，因為可以溝淡一下吧。這個皮蛋就太特別了，蛋白的部份是透明的，而味道也頗清淡，不像平常吃慣的那樣濃味。但卻因為太淡及太特別而沒有太多同枱的人吃它。最後一款小吃是夫妻肺片。不同的餐館都會有不同的材料，這裡主要用了牛展及豬頭肉。味道不錯，小小的麻辣，加小小的酸醋味。很好。主吃便是這款酸辣珍珠米粉。湯的味道不錯，香辣味適中。而外加的豆卜更吸收了湯底的精華，很惹味。可惜的是這款珍珠米粉。質感與米線很相似，滑滑韌韌的，但本身卻沒有甚麼味道。吃不慣，也不喜歡吃！

香港川菜一向麻麻，同國內d川菜差幾皮喺Sydney downtown d川菜反而幾正，因為澳洲政府嘅輸入專材計畫就包括廚師在內，短短十年間由只有圾垃食物到周圍都食到好嘢，日本菜，越南，Thai, Korean, European, etc etc。全部越黎越好，香港真係收得皮，租貴搞到好多餐廳用料差左，煮嘢食又求其左，比以前差好多呢間都算ok la叫左夫妻肺片，但入面只有牛𦟌，切到好大塊小小so gei豬耳, 同青瓜。都算，預左唔同。調味ok gei, 不過冇正宗川菜咁香，我叫左加麻，都係唔點麻，唔香果下幾失望 不過都食得下, 味道算不錯嘅酸辣粉紅薯粉有點太"un", 食得真心累，食左1/4 only湯，好過譚仔d酸辣湯少少，but still not impressed  而且不嬲食辣都唔會肚屙，今日有d，I think I won't visit this restaurant again.

 觀塘既又一川, 聽個名就知道係川菜類既, 食店出打係四川類既薯粉環境麻麻, 只係幾張圓枱配一細細張櫈, 地方叉窄, 啱人少少, 快食快走味道真係不錯, 我同友人點左薯粉, 而薯粉上面可以再配料我地分別加左, 蘿白,木耳, 豬肉粒友人點左花生, 金菇, 豬肉粒基本上食物材料正常冇乜特別, 最重要係佢湯底既調味, 同咪薯粉夠吾夠爽口薯粉粗身煙UM 夠咬口, 要口趙好多下先食到, 呢個係薯粉既特式另外, 湯底有點像酸辣粉既湯底, 不過著重酸而且有幾濃既豬肉味, 令人開胃, 而辣度方面, 可以同STAFF 講叫佢調教!總括而言, 係一間觀塘區食薯粉不錯既選擇!GOOD!

因我地好多人, 所以要等一陣先有位. 又一次家庭聚餐, 大吃大喝. 8個人一共食左$640, 飲左十几支獅威.老豆專注飲啤酒, 全程食雞軟骨, 雞翼尖, 手拍青瓜, 夫妻肺片. 尼D好送酒. 我都有食青瓜, 酸酸辣辣, 好開胃. 不過青瓜只係小辣, 老豆都頂唔順. 夫妻肺片就個個都鐘意食, 入面有豬耳, 牛展及青瓜, 小辣唔算太辣, 個個都食到.而我同家姐最喜歡食辣, 叫左水煮牛肉大辣, 鐘意個白菜底, 好入味. 就其他人唔係好食辣, 叫左水煮田雞及水煮魚小辣. 大豆芽底及蒿笋底, 多D口味. 蒿笋是要另加錢的. 但係好滑好清新. 田雞好新鮮, 好搶手, 一陣就夾晒, 佢地話下次可以叫埋椒田雞, 應該都几好食. 另外, 仲有肉片炒飯, 四季豆炒腩肉, 口水雞, 同埋一碗紅薯粉. 今次口水雞叫左小辣, 個個都話好味, 尼個都係必食之選, D汁夠味, $60有足半隻雞, 算係抵食. 紅薯粉唔辣, 自由加汁加味, 不過我就唔鐘意佢太淋. 不過總之, 尼餐算係抵食啦.