又一川

营业中

休息中

今晚和家人來到觀塘一間小店名叫又一川。鋪頭名玩食字，唔係又一村，而係做川菜。我哋食呢度最出名嘅酸辣粉，果然名不虛傳，啲紅薯粉軟硬度適中，而且非常入味，建議揀小辣就可以，包保食到你兩行鼻涕直流，但係真係非常好味。配菜方面有幾十款任君選擇，我同屋企人就分別揀咗牛展、竹笙、冬菇等等，都算不俗。另一個強烈推介嘅小食就係脆炸雞軟骨，本來以為只有日本料理先至有呢個小食，點知係呢一度試咗真係發覺有得揮，每粒雞軟骨都系外脆內軟，而且唔會太咸，食完一粒又想食另一粒，簡直食到停唔到口，正！