南越南咖啡廳

营业中

休息中

今次呢間越南野，係朋友介紹，佢係一間樓上Cafe，但裝修令人好舒服，門面亦都好大方一嚟到，我哋即刻叫咗個凍香茅青蘋果茶同凍金橘檸檬綠茶，佢一嚟到嘅時候覺得內容非常特別，而且自己到，感覺可以飲幾杯我哋叫咗個招牌金邊粉，料足，味濃，非常好味第一次食越南嘅沙律，呢個係扎肉沙律，食到下面啲汁開始多，有點酸味，好好味呢個南越南蟹肉醬加脆頭餅，非常創新，個醬好特別，必試料理呢個好似薄餅嘅食物，係脆米紙薄餅，非常有新意好欣賞呢間餐廳嘅廚師，最後買單都係$300到，食到咁創意嘅料理，真係抵晒

約左友人去食飯簡左呢間越南餐廳由於7：00-7：15pm冇得經openrice book位嘅關係，所以決定walk-in大約晚上七點去到餐廳嘅時候唔算多人，即刻可以入座，餐廳環境乾淨，舒適係同朋友聚會，傾計食野嘅好選擇好足料嘅金邊粉，裏面有牛肉片、牛面頰、牛腱、牛筋、牛丸同油炸鬼。牛面頰好腍而且唔會好痴牙，亦好重牛味另外有一小節油炸鬼，當索左啲湯就更加好味。湯底方面十分濃郁，揀左中辣都幾辣下，唔食得辣嘅話可能要揀原味或者小辣😂，但係唔覺重味精，配上軟滑帶有小小煙韌嘅金邊粉，好惹味

前排朋友介紹呢間餐廳啲嘢好食，今日終於有機會同老公嚟試喇～餐廳位於旺角726美食塔1樓，入面啲裝修都幾打卡able南越蟹肉醬配脆球餅 $68脆球餅造型可愛，而且好脆口，一咬落去連我老公都話聽見都覺得脆蟹肉醬入面有好多蟹肉，連埋啲青瓜同蘿蔔絲一齊食，清新開胃。脆米紙薄餅 $54米紙又薄又脆，上面有啲醃蘿蔔、越南香腸同千島沙律醬，食落鹹鹹地又酸酸地咁，味道豐富，香口惹味，必點！炸素食春卷 $42一份有六條，熱辣辣新鮮出爐，夠熱夠脆；夾塊生菜再點埋個酸辣汁食，好食到我哋瞬間就清曬苗族椰汁淡咖哩湯米線 $72咖哩湯底勁香椰汁味，香而不膩，好正！！米線煮得啱啱好，又滑又彈牙而且非常入味，好食！南越滴漏咖啡 $30望落好似齋啡咁，其實個底有煉奶，攪埋一齊飲，一啲都唔會酸／苦，味道香醇濃郁柑桔檸檬綠茶 $23老公點嘅，冰同飲品會分開上，幾細心。

平時都中意食pho, 今日同朋友去左726食新派越菜依度環境唔錯, 樓底高加埋落地大玻璃, 空間感好夠。Shake Shake 雞軟骨雞軟骨加上辣椒粉已經好香口, 配上青檸加點清新又好夾, 帶淡淡香茅香氣, 仲可以自己shakeshake, 有創意扎肉沙律扎肉, 沙律菜仲有蘿蔔同青瓜絲, 食落好fresh, 加入左花生粒, 口感幾豐富! 醬汁酸酸地好開胃。南越式法包一份切開兩件, 同朋友share岩哂, 滿滿既餡料加埋酸酸甜甜既醬汁, 味道似千島醬, 法包微微脆, 好味辣招牌金邊粉叫左小辣, 辣道岩岩好增添風味但唔會over, 湯底本身夠濃, 金邊粉索左d湯夠味好好食。餸方面真係幾豐富, 有齊牛牛尾腩牛根牛丸同埋肥牛, 好抵食!推介依度既特飲雲朵咖啡,賣相靚之餘又飲到espresso既香, 下層係tonic water, 好match!

南越南咖啡廳📍旺角上星期同fd去咗mk食fusion 越南菜🇻🇳值得一試😋苗族椰汁淡咖喱雞肉湯米線朋友唔食牛肉 所以就叫咗雞肉湯米線🍜 一上枱已經聞到椰香味 雞肉份量幾多 雞髀肉好嫩滑 咖喱味唔算好濃 可以飲埋啲湯🤣南越炸豬肉春卷港式春卷食得多 今次就試下越南春卷😛 春卷熱辣辣 好香脆 食落唔會好油膩 唔錯😋扎肉米紙卷米紙卷有六大舊 每舊都好大條🤣 饀料夠多 仲有大大舊扎肉 米紙好煙韌 點埋花生醬好夾😆南越法式麵包烘完嘅法包份外香脆 入面有豬耳、紅蘿蔔、青瓜、雞絲同肝醬 口感豐富🥰南越蛋咖啡 第一次試南越蛋咖啡☕️ 上面有一層焦糖蛋醬 下層係咖啡 好特別😆

呢一間特色越南餐廳我已經食過三次 今次的起心肝寫食評 因為呢度嘅嘢食真係值得一讚同一般傳統嘅越南餐廳唔同 佢哋嘅食物好有創意 餐廳設計玩味十足 今次試吓啲唔同嘅菜式 前菜叫咗高樓米塔 同埋五香豬腩配鍋巴 高樓米塔好有特色 係用揸咗嘅米粉 配上香葉同泰式臘腸 再淋上特製嘅牛肉湯汁 撈埋一齊食 米粉好香脆 口感豐富 臘腸煙韌 好有特色豬腩鍋巴每次來都點 豬腩用咗少少滷水汁醃製 加埋脆鍋巴 一啖咬落去 又香又脆 另外都再試埋個南越法式麵包 好足料 有扎肉蔬菜絲雞肝醬等等 夠飽肚最後加埋個招牌金邊粉 香濃嘅湯底加埋新鮮嘅牛肉 ，正飲品叫咗金桔檸檬綠茶同埋斑斕龍眼茶 兩個都好清甜好好飲～ 買單每人$200唔使 性價比高

老公👨🏻‍🦱放假唔鍾意留喺屋企🏠梗係周圍逛👯‍♀️最方便梗係出旺角行吓啦🏃🏾行過👫🏻諗返起上次食嗰間越南🇻🇳菜都好好味😋舊地重食😚上次就食夜晚🌙今日嚟個Lunch☀️中午時段都幾多人喎😘周圍望見個個都叫～招牌金邊粉🍜賣相好吸引👀唔怪得知個個都叫啦👍🏻真係好好味😋一啖一口牛肋骨好林，好滑嘅金邊粉😋啖湯仲👏濃郁嘅越南🇻🇳香草味😘Shake Shake豬軟骨～卜卜脆係我擊愛❤️如果食得辣🌶️嘅可以shake埋啲辣粉落去😅但我哋食唔到太辣🌶️😅😅我極力推介~五香豬腩伴鍋巴😚好好味😋豬腩唔係太肥、吾油膩，因為佢底有塊米通，得三件我已經食咗兩件😋扎肉沙律🥗～老公👨🏻‍🦱本身對沙律係麻麻哋嘅、因為佢話沙律🥗冇乜嘢特別、但係佢今次讚不絕口喎😅佢話個醬汁好新鮮😝好有初戀嘅感覺喎🥰😂😂😂😂老公👨🏻整杯～南越滴漏咖啡☕️飲完再加熱水再嚟滴漏😋一樣咁好味😋我叫個杯～微藻檸檬薑茶😘配合而家嘅天氣啱啱好👍🏻老公👨🏻話下次再嚟搵初戀喎❤️

🎃今晚試左間新派越南fusion菜🥢😆位置在旺角彌敦道726號（即係好多食肆果棟大廈）無論係餐廳環境、食物質素、價錢方面都幾唔錯，值得推薦😎🐽招牌金邊粉 $88有牛肉、牛尾、牛筋、牛丸、油條等等🐮，都幾豐富，個湯好好味😋🐽Shake shake 雞軟骨 $52呢個連紙袋上，好似麥當勞shake shake薯條咁，自己落辣椒粉再shake shake shake，最後可落D青檸汁，呢個好香口我中意呀😍少少辣、多多趣🔥🐽扎肉沙律 $48擺盤好靚，砌到成坐山咁，打卡一流📸醬汁酸酸甜甜咁，幾fresh🌈🐽烤蔞葉春雞（半隻）配青蘋果條$88上檯賣相好吸引，燒春雞即使係雞胸都唔會好鞋口，雞皮燒到脆脆地，配埋沙嗲醬食又幾match! 不得不提鋪係面頭既烤紫菜！咸香惹味，好似食緊零食咁😂🐽鹹檸七 $18 正常味道😛荔枝雲朵咖啡 $32，荔枝mix coffee，飲落去唔似咖啡，似有酒精既cocktail🍹，幾得意。

旺角要上樓嘅餐廳有好多， 呢間越南餐廳算係裝修都非常精緻， 佢有好多小食， 令我最難忘嘅係米紙薄餅， 上面有臘腸和蔬菜， 口感非常特別。 喜歡甜又鹹嘅朋友可能會十分喜愛。 招牌金邊粉就好足料， 但係就不算特別 ，所以都不多介紹了。

南越南Fusion菜餐廳【Nam Việt Nam Café】2020年尾於旺角彌敦道開業，由「越南粉教父」陳希裕主理。旗下越南餐廳曾創日賣400碗越南粉紀錄。餐廳以創意融合世界各地的烹調方法，為傳統越南美食注入嶄新元素。南越蟹肉醬 配 脆球餅 ($68)脆球餅圓碌碌炸得金黃，賣相可愛。吃時注入蟹肉沙律醬、青瓜片及紅蘿蔔絲，外層卜卜脆內裡酸甜鮮香，很醒胃的一道前菜。脆米紙薄餅 ($54) 由南越的街頭小食「越南薄餅」改良而成，底層米紙薄薄的很鬆化，面層放上越南臘腸、蝦乾、醃蘿蔔絲、酸瓜，加上千島醬汁及是拉差，酸甜中帶鹹香，又滲著微微辣度，味道與口感都很豐富。五香豬腩伴鍋巴 ($60) 香脆鍋巴上放上肥美五香豬腩肉，入口滿嘴油香，爽口滋味，邪惡又令人難以抗拒。配合大量酸瓜粒及千島醬，大大減低了飽膩感。 招牌金邊粉 ($88)湯粉結合南越、老撾、法國等口味，經多番改良而成。湯頭集牛隻五個部位，加上洋蔥、薑、蒜頭熬煮24 小時，喝下牛味濃郁帶膠質，甜美不油膩。金邊粉由越南新鮮空運，爽滑煙韌掛湯力強，吃得到米香。配料有牛肉、牛面珠 、牛筋、牛尾、牛肉丸、油條，份量滿滿口感多層次。吃金邊粉時沾些

We suggested to have Vietnamese food for lunch and planned to go to NAM VIET NAM CAFE. It was located at Nathan Road, few minutes walk from Mongkok MTR.They served a wide range of Vietnamese cuisine such as snack, skewer, salad, platter, pho, banh mi, bun cha, rice, desserts and drinks etc.    Lychee espresso tonic with rose bubble - The waiter recommended us not to mix them together so that we can taste espresso and rose bubble individually. Espresso was bitter, with strong coffee taste and yet

越南野就食得多啦~新派越南菜都真係第一次食☺️環境仲超有feel 超級推薦大家去😏———————————————————🍴嫲嫲南越湯招牌金邊粉($88)中意牛🐮既朋友真的不能錯過😍因為入面全部都同牛有關🤣湯底超重牛味但又唔會好膩👍🏼加埋啲青檸落去仲帶點清爽添入面全部餸都係牛 有牛肉片 牛面珠 牛筋 牛尾同牛丸真係超級豐富🤓而金邊粉係偏幼身個啲 又唔會話煮到淋晒 幾好~———————————————————-🍴南越蟹肉醬配脆球餅($68)呢個又係估唔到幾好食👍🏼蟹肉醬幾fresh 唔會好膩唔好睇佢細細碟 但都夠實滿咁多個波波不過可能價錢上 比起主菜就貴少少但都值得一試既~———————————————————🍴Shake Shake雞軟骨($52)有名你叫shake shake雞軟骨梗係有得自己shake啦 上碟個陣會連埋個紙袋你可以自己加辣粉嚟shake食落都幾惹味 因為連埋啲香料一齊shake幾推薦大家嗌呢個☺️———————————————————🍴烤蔞葉雞配青蘋果條(半隻$88)呢個都係招牌菜之一食落有啲香茅味 個皮都幾脆😏雞又唔會好柴👍🏼青蘋果條超fresh 覺得太油既話食一條既話

香港是美食天堂, 相信大家都會非常認同, 香港有各式各類、五花八門的美食, 而且香港人對飲食的要求也越來越高, 無論在店鋪裝飾和食物賣相方面都比以前講究了很多,食店要有新鮮獨特的元素才能吸引客人。這裡的大廚Justin 擅長創作新菜色, 知道他要以越南菜做創作主題, 看來也是吸引,當然很有興趣的來看過究竟, 便即時相約好友來試一試。飲品方面, 來個斑蘭龍眼茶解渴, 味道清爽而冰涼可口，唔錯。好友點了微藻檸檬薑茶, 藍色的外表，打卡一流。選了三款小食, 先來SHAKE SHAKE 雞軟骨用一個紙袋盛上, 先把辣椒碎同香料放入紙袋內, 然後SHAKE SHAKE幾下, 便可食用, 雞軟骨口感脆身, 配合香料非常惹味。再來脆米紙薄餅, 在紙薄餅上加上越南香腸、秘製酸瓜、檳榔葉等配料做成，紙餅薄非常香脆，跟配料同吃, 效果相當唔錯。最後有NVN高樓米塔, 以白色炸米粉疊高成為一座小山丘，食之前先淋上以香茅、青檸葉等香料製成的濃湯，炸米粉沾上濃湯, 再配以臘肉, 滿足味蕾之餘又夠創新。主菜環節有招牌金邊粉, 配料包括有牛肉片、牛面頰、牛腱、牛筋、牛丸同油炸鬼等，湯底用牛隻五個部位，熬製出來, 味

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️ 之前聽朋友介紹呢一間係旺角嘅特色新派越南餐廳，見今日嚟開買board game，終於有機會嚟試吓🙃⭕️ 招牌金邊粉：勁深色嘅湯底原來係用左牛面頰同牛尾等五個部位熬煮24小時，所以特別濃郁鮮甜🐮金邊粉晶瑩透徹，雖然幼身但係煙韌掛湯🍜💯配料亦相當豐富，有牛肉、牛筋、牛尾、油條等，不愧係招牌👍🏻⭕️ shake shake 雞軟骨：連雞軟骨都可以shake shake😆紙袋入面裝咗炸雞軟骨同香茅炸蒜等配料，附上辣椒粉同青檸，可以按自己喜好加入分量就可以shake～💃🏻雞軟骨炸得香酥脆口，shake完更加香口惹味🤤⭕️ 扎肉心內美米紙卷：「心內美」是什麼東東？原來係一種紫紅色既蘿蔔，具清熱排毒功效🥕呢款米紙卷用上心內美、青瓜蘿蔔絲同扎肉，再附上柔滑濃郁嘅花生醬，一個感覺幾健康又好味嘅配搭。⭕️ NVN高樓米塔：不愧係「高樓」米塔，份量十足🛕炸米粉脆卜卜，配上臘腸粒、花生粒、炸蒜頭同紅蘿蔔絲🌈 淋上酸甜嘅特製醬汁會聽到「炸炸」聲，然後米粉就會變返熟悉嘅軟腍質感，一種菜式雙重口感💕⭕️ 柑桔檸檬綠茶：一個冇得輸嘅配搭，味道酸咪咪又唔會太甜，柑

前幾天，天氣突然轉涼，搞到屋企的金魚都凍死咗幾條。趁今晚收工之後無咩嘢搞，就又落去旺角金魚街買番幾條金魚。買完魚，例牌行程就係去食嘢。朋友推介上樓吃越南嘢，my favorite 啦!呢間越南餐廳位於商廈的1樓，裝修比起平時去開的地下街舖越南餐廳明顯靚好多好多，而且好有越南特式，周圍都有越南咖啡的佈置。食品、飲品選擇都有很多，價錢合理，唔貴，幾抵食。【香茅青蘋果茶】呢個飲品好有特色，將啲青蘋茶注入個酒樽內，讓客人自己倒出來。味道好青新。【微藻檸檬薑茶】呢杯薑茶顏色好靚，充滿東南亞風情，味道方面，薑味和檸檬味都好平衡。【Shake Shake雞軟骨】呢個係小食。用紙袋入住香脆的雞軟骨，客人自己將啲辣椒粉加入去，然後起勢咁搖勻佢。成功了! 少少辣，多多脆! 好味!【扎肉沙律】呢個沙律主要有芽菜、青瓜、生菜、甘荀、花生粒，當然唔少得的係扎肉。味道清爽，好開胃。【招牌金邊粉】賣相好得，好精緻。湯底好濃郁。肥牛充滿牛肉味，牛腩、牛筋都好腍，食牛筋時，好似食花膠咁，個口被膠著，超正!【烤萋葉春雞配青蘋果條】同樣地，賣相靚。燒春雞香噴噴，應該係有特別的香草，聞到都食慾大增。外皮香脆，肉質嫩，配上特別