佐禾町居食屋

营业中

休息中

一直以為太子係好多西式cafe或食牛扒多原來呢度都有高質平價日本菜😍今次黎試左佢既刺身定食$88💛晚餐都係加$30 中午黎食呢個價真心抵🤩首先講左主角刺身先 真心全部都好鮮甜👍🏻平時唔係特別中意食北寄貝因為覺得冇咩味又要咬好多下😂但今次食到既北寄貝我覺得好食，甘甜得黎口感比較爽滑👍🏻其他刺身睇個樣全部都比較高質同新鮮～三文魚魚生都係好厚切～麻醬凍豆腐 配埋啲蔥味道清新🌿小食係炸餃子都唔錯 皮唔會太厚～每次黎食嘅小食間中有唔同，但係全部都好好味😋迷你蔥花烏冬都好值得讚賞😋平時啲烏冬湯多數比較淡味但呢款湯底相對出面既重醬油味 但又唔會太咸 感覺係有用心調味第一次食覺得咸咸地既烏冬更加好味🤣烏冬麵口感勁道爽滑 慢慢食都唔會浸到軟惗惗🤣

爸爸同事介紹佢黎食先知有呢間隱世高質日式店！👉🏻雜錦刺身盛(大）$398 有三文魚，油甘魚，帶子，甜蝦，北寄貝，海膽(1板)，今日無甲紋魷魚，換左螢光魷魚！全部都非常鮮味，吃得到的幸福！👉🏻壽司定食 (B）$118有火炙三文魚，虎蝦，帶子，仲有左口魚同鰻魚！炸虎蝦頭，蝦多士等等真係好豐盛，好好味！👉🏻活赤貝 $38/一隻非常彈牙，爽！👉🏻燒和牛粒串 $38/2串油香，入口即融！👉🏻鹽燒牛舌 $56/2串加埋青檸吊一吊味，好彈牙好好味！👉🏻芝士年糕 $28/2件流心芝士，正宗的外脆內軟！重點係，全日免收加一，太抵食！

💛西京燒鱈魚定食～除左主食之外 定食仲包小食 刺身 湯😋其實食完刺身同餃子都飽左一半🤣🤣刺身有三款 每款有2 3件😳份量好足之餘又好新鮮自己本身鍾意食貝類 個北寄貝又爽口又鮮甜 正😙😙（btw男朋友叫左刺身定食 俾我拎左件赤貝食 一樣好鮮甜爽口！）跟餐個湯唔會死鹹 仲要落左蜆肉煲 睇得出對食物有要求 唔係hea做👍講返主食先😂鱈魚燒得好香 魚肉超嫩滑但唔係口感好削嗰種👍👍兩大件加埋甜甜地嘅汁夠晒送飯🤩食完超超超滿足 價錢仲要唔算貴😍😍完全唔明點解lunchtime會坐唔滿🥲

呢間餐廳位於雷生春斜對面旁邊係一間出名嘅扒房（味道上我覺得麻麻）而呢間門面就相對簡簡單單今日係星期日晚上嘅八點幾等咗大概5分鐘左右就有位啦今次同朋友仔兩個人去食我就叫咗一個牛舌定食價錢大約$80有湯、前菜（炸物）、三款刺身、主食同飯雖然只係$80但係樣樣都唔Hea例如刺身有三款每款有兩件碟刺身隨時就咁嗌都值返$40炸物係好熱嘅牛脷又勁多勁好食如果鍾意食牛脷嘅一定唔可以錯過以同行嘅朋友仔就叫咗一個刺身定食大概$120刺身定食係有六款刺身當日就有赤貝、帆立貝、三文魚、北寄貝、吞拿魚個樣同味道亦都係好好刺身樣樣都係靚料係好食既總結性價比高嘅平價日本嘢會食完再食嘅又有良心

《佐禾町居食屋》太子・荔枝角道💛又到悶悶星期一，心不在焉🤭要先補充能量先可以繼續工作，由太子站行去居食屋大約5分鐘，唔算遠😙可能地點關係，中午時間都唔係太多人😐舖頭既掛布真係好靚，其他佈置都好有心思🤩＜西京燒鱈魚定食＞🐟 $98套餐包括：二件西京鱈魚，刺身三款前菜，麵豉湯同飯🍚鱈魚佢真係整得好香好滑，好過地方😍刺身有甜蝦、三文魚同帶子各二件，全部都好新鮮🥰前菜係炸蟹鉗，正常出品無咩特別，麵頭湯好味唔咸，仲有好多蜆肉同海帶，$98 蚊真係抵到不得了＜佐禾町壽司A餐＞🍣 $78 +$6套餐包括：壽司六件、卷物三件、前菜、胡麻豆腐、麵豉湯，另外加$6 有蔥花烏冬😍😋壽司好係好新鮮，仲要係細細的飯，大大件刺身嗰種，唔係用飯去整飽你🤭烏冬一定要加，$6 又抵又好食😆※全日免加一

次次想食壽司郎嘅時候見到大排長龍都總會令我卻步真係唔預返一兩個鐘都唔洗旨意食🥴不過食平價壽司刺身又唔一定去壽司郎嘅都可以支持下小店呢間位於太子嘅平民日式料理小店雖然店面小小環境唔大但食物都幾多款式壽司/刺身定食 丼飯 鍋物 串燒 小食價錢亦唔算太貴刺身定食壽司/刺身定食一共有三款每款定食包括咗壽司或刺身 前菜 沙律 麵豉湯 烏冬真係幾豐富六款刺身有三文魚 油甘魚 甜蝦 帶子 魷魚 白子每款都有兩片刺身全部都好厚切好新鮮 又有鮮甜味一啲都唔腥 有驚喜！唔知哪裡來的勇氣試食白子估唔到又接受到個質感而且唔會太腥👌🏻前菜係炸雞翼炸起熱辣辣外皮好脆 啖啖肉🤤冷盤係涼拌豆腐淋上胡麻醬係面味道幾開胃蔥花烏冬一小碗用醬油做湯底普普通通比較腍身唔彈牙麵豉湯都較淡味不過都有粒粒蜆肉係裡面壽司定食壽司定食大致上都差唔多一共有六款壽司 三件卷物壽司都好大件帶子 油甘魚 生蝦 北寄貝 魷魚 玉子小卷質素都唔錯 夠多款式而且樣樣都好新鮮壽司飯亦夠黏 唔會太散前菜 冷盤 麵豉湯都一樣就唔再講但個人覺得刺身定食較抵食！幾抵食嘅日式料理小店壽司刺身以$70-80價錢來講算高質！服務都唔錯！不過衛生方面可以有待改善

今晚嚟開太子買嘢，見到舊式牛扒店隔離有間日本小店，朋友話想食日本野，所以响呢度等位，都要等左半個鐘😅門口有兩塊黑板寫咗部分吸引人嘅menu 價錢都幾大衆化雜錦壽司(大)十八件，飯唔算好大舊，幸好魚生都新鮮。鹽燒牛舌非常厚切兼且用黑椒和鹽調味恰到好處，燒得夠哂火喉惹味又不會太乾身燒魚鮫，兩塊大大件，外皮香脆，加上青檸檬汁，減少魚腥味。可惜餐廳比較細，少座位，坐得比較擠逼。

呢間小店性價比超高，最平嘅丼物$45就有😦不過小編都係揀咗比較豐富嘅定食，點知質素都唔差，最鍾意係佢嘅刺身🤤如果下次再食，一定會試吓佢嘅魚生飯！🤩==============================🍱 佐禾町居食屋 @saga.town📍 太子荔枝角道104號地舖 ⏰ 星期一至日 12:00 - 16:00; 18:00 - 22:00==============================1️⃣ 【鹽燒鯖魚定食🍱】$68定食有三款刺身、前菜、白飯同面豉湯前菜係海藻，酸酸甜甜幾開胃🤪刺身方面好驚喜😍有帶子、甜蝦同三文魚🍣每樣都鮮甜又夠凍，最怕係食到啲唔新鮮又唔凍嘅刺身，不過呢間做得好好，溶冰做得好，味道又鮮美👍🏻😋鯖魚方面正常發揮，調味剛好，肉質都唔會太柴🤤面豉湯比較一般，味道偏淡，水嘅比例偏多，不過湯料竟然有蜆肉，幾驚喜😚（🔥 怒食指數：8.5/10）==============================🔥 評分：環境：7/10 味道：8.5/10性價比：9/10服務：8/10總分：8.1/10==============================

星期五晚想食日本野🍣所以星期四揾到呢間餐廳就book定位星期五晏就餐廳whatsapp confirm booking雖然佢hold 錯時間同人數 但都有禮貌咁幫我更正返 所以問題不大至於食物方面 我地叫左雜錦壽司（大）件數有十八件 雖然舊飯係細左啲 本身以為舊飯細可能會唔飽 但因為啲魚生都大塊 所以食完基本上已經飽肚了 美中不足係軍艦既紫菜好快就「林」左 唔脆另外仲叫左炙卷左口魚背同軟殼蟹反卷 炙燒左口魚背真係好好食 入口即溶 魚油係個口入面浪浪下 好正 軟殼蟹反卷都唔遜色 一卷有四舊 隻軟殼蟹炸得岩岩好整體黎講 性價比高 抵食之餘 食物質素同外觀都對得起個價錢

雜錦魚生飯已食過好幾次，每次都會點雜錦魚生飯，食材唔錯，性價比👍🏻特級火山卷見到後面枱點，就叫黎試下🤭 蟹子超新鮮，食到baba聲。朝鮮餃子鍋餃子係炸既，食落仲系脆脆地。鍋入面有菜，金菇，豆腐，冬菇👍🏻炒雜菜

💖佐禾町居食屋💰人均$100 dinner平時聽人講太子好多好西食，所以去發掘吓！真係比我發現有好多小店真係又抵食又高質🤤依間丼飯嚟講真係唔算貴，而且刺身好新鮮！d三文魚厚到呢~鍾意食三文魚嘅朋友，依間真係誠意推介❤️❤️❤️

同朋友Lunch係太子搵到呢間「佐禾町居食屋」，見價錢都算係合理，咁就去睇下佢哋嘅質素如何啦😝鹽燒鯖魚飯🐟$45朋友1號叫左呢鯖魚飯食，小編當然率先幫佢試一試味先啦😂味道唔錯，最緊要無魚腥味，加兩滴青檸汁係面食更帶出其鮮味👍燒汁牛肉飯$45朋友2號叫左呢個牛肉飯，小編又幫佢試一試味先😂味道亦都係唔錯，牛肉嘅份量亦都多，係燒汁少左啲啲，如果多返啲啲汁就好，少左啲汁望落個飯有啲乾乾地😝但整體黎講 都相當唔錯，因為朋友2號清哂，一粒飯都冇剩🤣蒲燒鰻魚飯$62最後就係小編嘅蒲燒鰻魚飯出場啦😂首先鰻魚嘅份量都算叫做適中，呢個價錢 有呢個質量都算係咁架啦😋之後味道方面 都相當不俗，蒲汁方面相比起牛肉飯多，所以黎講都非常好送飯🤤

午餐時間～～平日放假～今次我又嚟到呢間好味的日式居食屋，食佢既午市定食套餐啦😂午市定食套餐都有12款套餐比大家選擇😍今次想試下新口味，本人未試過既口味，就係「蒲燒鰻魚定食」話明定食，呢個套餐相當豐富，首先有一碟原條切件鰻魚（鰻魚口感爽口，都算入味）、麵豉湯（裏面有蜆肉同海帶），今次去食刺身就有不同啦（ 三文魚、甜蝦、北寄貝）而涼拌小食都爽口，味道都係咁好味😋味道：3/5環境：4/5衛生：4/5抵食：4/5餐廳：佐禾町居食屋地址：太子荔枝角道104號地舖

平日的日子放假～午餐時間又到啦～～今次去一間好好味的日式居食屋，食佢既午市定食套餐先😌午市定食套餐都有12款套餐比大家選擇😍每次都眼花撩亂地去選擇食邊款好😂但其實本人最鍾意食就係「蒜片一口和牛定食」話明定食，呢個套餐相當豐富，首先有一碟蒜片和牛、一碗麵豉湯（裏面仲有蜆肉）、三款刺身（三文魚、甜蝦、帶子各2件）和涼拌海帶🥰每次去食刺身和涼拌小食都有機會不同，但味道都係咁好味😋味道：4/5環境：4/5衛生：4/5抵食：4/5

太子想搵壽司店都不太容易，今日終於搵到💛💛😍😍我點了壽司🍣set，有我喜愛嘅帶子😍😍午餐其實有其他平啲嘅丼飯，不過太耐冇食過壽司，今日食貴少少 （我記得呢set應該$80樓下）味道不過不失，不過有前菜，湯，沙律，係附近冇嘜壽司店，都會繼續黎，不過下次可能食平少少要丼飯😋 （朋友食魚生飯，都不錯）店員介紹炸雞皮，我從來未食過，今日一試，好好味！即炸入口香脆，而且食落唔油膩，大家可以食唒一串😋😋😋😋今次經驗係小食好味，壽司一般，但可以繼續再黎💛