佐禾町居食屋

【油尖旺區】【佐禾町居食屋】之前上網見到有人講話太子有間食日本嘢性價比幾高，但係好可惜我唔記得咗佢個名，只係記得佢喺雷生春附近。咁啱同美女朋友喺呢頭，佢唔介意陪我一齊搵、一齊撞板，就入咗呢間食吓。佢先叫咗 $22 嘅「赤蝦」壽司，佢話都幾好食，因為佢唔多食魚。之後 $32 嘅「汁燒帶子」壽司佢都有食，係另外都係 $32 嘅「油甘魚腩」壽司佢冇食啫，兩者我都覺得係唔錯嘅。而我冇食嘅赤蝦，我就叫咗 $88 嘅「海膽赤蝦拖羅卷」代替。估唔到都幾好食，幾有驚喜，呢三款嘢本身都邪惡，夾埋一齊食有種化學作用。跟住叫啲串燒食吓，串燒必點嘅梗係同牛打茄輪，即係 $56 嘅「鹽燒牛舌」，係用咗牛舌心，好腍、好正。之後到各 $38 嘅「燒雞心串」同「燒和牛粒串」，前者幾足料，但係整得好乾，比較一般。後者就更加麻麻，夾硬整到啲肉勁腍但係冇晒肉味，唔得。跟住講埋 $38 嘅「燒雞尾串」，肉質夠晒嫩滑，好食。我仲叫咗 $98 嘅「燒赤魚一夜乾」，分咗兩邊，食落都唔錯，幾夠味，冇得同日本比嘅。我仲飲咗罐 $8 嘅「玉泉西柚」之下，埋單 $495。我唔知呢間係咪我想搵嗰間，不過最後食咗都覺得唔錯嘅。。。（地址：太子荔枝角道104號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #佐禾町居食屋 #太子 #旺角東 #壽司 #赤蝦 #汁燒帶子 #油甘魚腩 #海膽赤蝦拖羅卷 #鹽燒牛舌 #燒雞心串 #燒和牛粒串 #燒雞尾串 #燒赤魚一夜乾 #玉泉西柚 #1am1840 #1ambackup…查看更多

同朋友點咗兩份定食1. 刺身定食· 刺身種類：三文魚、油甘魚、赤蝦、帶子、魷魚、活赤貝。這是一個經典的組合，囊括了肥美、爽脆、甜潤等多種口感。· 主食選擇：醋飯。醋飯的酸爽可以提升魚生的鮮味，並有助於清口解膩。· 配菜： · 涼拌豆腐：清爽開胃，能平衡刺身的油脂感。 · 炆牛肉：提供了溫熱和濃郁的風味，讓整個套餐不會過於生冷。· 湯品：麵豉湯一啲都唔鹹，能喝到湯的鮮醇而不是死鹹。2. 雜錦天婦羅定食· 天婦羅種類：蝦、南瓜、秋葵。都是非常適合做天婦羅的食材。蝦提供鮮味，南瓜帶來甜味和軟糯口感，秋葵則有獨特的黏滑和爽脆。· 湯品：同樣是調味恰到好處的麵豉湯。· 芝士麻糬：外皮軟糯，內裡是流心芝士的鹹香小點，作為餐間點綴非常完美。這絕對是令人非常滿足的一餐！…查看更多

8月的呢一晚，一路搭車，一路掃下“開飯”，睇下太子呢頭附近有冇啲平平地既日式鋪，可以食個拉麵或者定食之類之後去打機，跟住就睇到呢間佐禾町居食屋啲巴打絲打既食評同食物照片，我就比佢共中一樣野吸引左，就決定係佢10點收鋪前去試試。去到本來想試壽司定食，可惜賣晒。跟住就即刻睇餐牌，就決定做番個食肉獸，叫個吉列豬扒定食。由於星期日晚，仲要係收鋪前一個鐘左右，所以唔需要等位。點完餐大約10分鐘內就上菜，我當時一路好忙按下手機，但係就感受到塊豬扒即炸好同切開既香味同熱力，之後我少有咁第一口係咬件豬扒試味，一咬落去，啲肉汁有鎖住，脆漿唔係好厚，但都黐住塊豬扒，肉味保持到，即刻就夾少少飯送口，混埋一齊好正。之後就試餃子同麵豉湯，兩樣都正常發揮，之後就係我黎既重點，就係個凍豆腐，食左熱野即刻食一啖木魚麻醬凍豆腐，即刻個人爽番晒，由熱變番冷。結果成餐我少少嘆慢版，用左25分鐘先至食完清晒，冇骨既，我平時係會食得快啲，但今次件吉列豬扒同個凍豆腐令我想慢少少落黎。最後飲埋幾杯茶，篤下手機都去到9點45分先至叫埋單起身走人。:)另外晚飯時間係有加一既，以平民化既小店黎講，真係可以值得一試再試。…查看更多

叫咗一個刺身定食，和一個燒鯖魚定食（其實仲有一個壽司定食，不過無影相）刺身定食最貴，百零蚊左右，其他就80幾多d。- 壽司定食的刺身好鮮味，不過佢烏冬就淡味少少感覺一般。- 燒鯖魚定食唔錯，魚燒得幾好味，出面脆脆地，入面d魚飲都唔鞋。每個定食都會跟一個胡麻豆腐，同埋一個小食。夜晚嚟食，餐廳坐唔滿（唔算好多位），唔驚排隊。老闆娘非常有禮，餐廳環境乾淨。…查看更多

♡刺身定食 $138：- 三文魚、油甘魚，赤蝦，帶子，魷魚，活赤貝- 蔥花烏冬，胡麻豆腐，前菜，湯品刺身味道鮮甜，食得出係新鮮貨。口感好好，三文魚同赤蝦都好厚，食落好有滿足感😆♡椒鹽雞軟骨 $48:非常脆口，椒鹽味啱啱好唔會太鹹。♡吉列炸蠔 $30:蠔味重，但系唔會腥😍超好味丫～♡軟殼蟹天婦羅 $56:即叫即炸，粉漿岩岩好，勁脆口，鍾意食軟殼蟹絕對不能錯過🤩👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻刺身品質一啲都唔差，物超所值丫😆再加上前菜同迷你烏冬仔，啱晒小鳥胃嘅女仔😝炸物都系新炸好先上，味道香脆可口，超抵食🥰…查看更多

一個人唔知食咩好，突然想食魚生飯，膽粗粗即管試下！有個魚生丼定食，完全唔駛用腦諗，馬上柯打試試！個定食黎到絕對有驚喜，除咗碗靚靚魚生飯，仲有麵豉湯、麻醬豆腐，同埋一個小菜，其他地方通常係幾條支豆又或者醃菜，呢度竟然係一碗牛腩，又甜又淋，好得👍🏻魚生飯既魚生款式大路，但份量好足，而且夠新鮮，性價比高，食哂真係勁飽，$120埋單真係抵到震！唯一唔掂係個麵豉湯，淡而無味，可惜！位置好易搵，就喺太子金鳳隔離…查看更多

佐禾町居食屋 難得出太子，又有機會搵下食，試下其他小店💛💛平民價錢又有質素嘅日本菜🤤兩條友食唔到咁多，但太多野想食😆😆😆所以盡量唔叫飯、麵類嘅野唔錯唔錯，有機會要再去食過😋…查看更多

和朋友許久沒見，相約在太子吃個quick lunch，選了佐禾町居食屋。我們接近2pm才到達，過了繁忙的午市時段，不用等位便能入座。餐牌上的選項以和風定食最多，而刺身定食、壽司定食及魚生丼定食都只是各得一款。壽司定食及魚生丼定食更是隨機，不設自選，交由廚師發辦。魚生丼定食 ($108)，丼飯配胡麻豆腐、前菜及湯品。魚生丼用料豐富，有赤蝦、海膽、帆立貝、三文魚等共7款刺身，還有甜蛋。除了赤蝦外，每款刺身都有2件，刺身味道都算鮮甜，沒什麼雪味。能吃那麼多件刺身，好滿足！簡簡單單的胡麻豆腐，豆腐的豆味夠香，配上淡淡芝麻醬香及木魚碎的鮮香，對味的小吃。前菜是芝麻雞翼，炸得夠脆口，又能保持肉汁。唯一就是味增湯稍稍淡口一點。…查看更多

前一日打電話去訂枱食晚餐 晚餐有加一同家人第一次食呢間 記得帶cash 因為只收現金睇餐牌 雖然無圖 但出黎既食物 都有質素 有意外驚喜同家人叫左三支啤酒 $15 一支 食炸墨魚咀 $58正 叫左三個 送啤酒鹽燒三文魚頭 $48 好食 推薦 無腥味玉子燒 $42 必食 5甜 好香叫左4個定食壽司定食 $138 新鮮 醋飯正佢個面鼓湯 有蜆肉 無沙魚生丼定食 $108刺身定食 $138 可以幫襯小店 又可以食日本菜 屋企人都覺得性價比 好高 大家不妨一試 食左$881 家人都食得開心 員工都默默地收野 同出餐落單 好忙碌 也沒有怠慢…查看更多

預訂就有好多季節性食材可以選擇性價比高預訂咗生蠔🦪松葉蟹海膽最好味係最細隻嘅黃金武士松葉蟹可以加錢拆肉店家推介左日本白象拔蚌，勁鮮甜帶子、三文魚腩刺身、三文魚子燒牛舌都係唔錯嘅…查看更多

我都好少會一間舖頭寫2次食評，但這個真是好味又扺食，見這小店通關後也靜了很多，希望可以多啲人認識這高質小店。今次我唔係食壽司🍣，係外賣吉列豬扒定食。預先打電話叫定，外賣攞到番屋企開始食都有成3個字，但塊吉列豬扒都冇淋，下面的蘿蔔絲有點像半熟般，還可以連飯一齊食，吉列豬扒肉質淋，夠厚夠硊，個人喜歡肥些重好。小食份量都唔小，蘿蔔夠淋入味，肉是有些咬口那種，小食未必次次一樣，試過是牛舌或炸年糕，都好味😋。麵鼓湯🥣啲海帶很多。…查看更多

I recently had a pleasant dining experience at Sagatown Jpfood. The restaurant offers a variety of Japanese cuisine at a fair price. However, it's important to note that they only accept cash payments. While the dishes we ordered didn't exactly match what was described on the menu, the overall quality of the meal was satisfying. The authentic flavors transported me to Japan, creating a memorable dining experience…查看更多

今日與同事滿心歡喜去太子大角咀附近搵野食，本應食呢間日本餐廳附近的一間出名的雞米線店舖，去到見到有人龍。由於我哋要趕返去返工，就轉食前幾個舖位既呢間日本野。係門口，見唔到餐牌，只見寫各種種類野食，係唔知有咩野食及本住日本野唔會太難食既想法下開左門，行左入去。眼見唔算好多人，都好快搵到一張四人檯坐低左。我本應想食日本餐廳講常都會有既網燒牛扒定食，但好似餐牌上無。諗左一陣⋯⋯就跟隨旁邊既女同事叫左蒜片一口牛定食，等左一陣，野食就到喇！哇哇哇！上檯時個女定食都多配菜，有蟹籽蟹肉豆腐、兩隻炸蠔、麵豉湯、主菜（一口牛）同白飯。正當我地兩個肚餓既同事想開動既時候，旁邊的同事叫我即刻試個一口牛先，心諗難道係好韌嗎？？於是我係好奇心驅使下⋯⋯都試左第一舊⋯⋯一咬！哇個感覺都唔似牛肉既？？似而家新興既植物肉既鬆軟質感。同事即刻翻餐牌看看，究竟有是否用「植物肉」？但又都睇唔到。食食下個質感又有少少似牛丸/午餐肉既漢堡感覺，完成無平時食開骰仔牛既肉質感。味道亦是漢堡牛肉的味道，正常發揮。其實未至於難食，但完全震撼了同我們對一口牛的認知，大改三觀。與自己期望有落差，所以只可以講是與「事實」不符。 感覺有點被騙⋯⋯但我地最後order軟殼蟹反卷同埋三文魚壽司，都因為個牛肉大震撼都未有討論。我個人認為三文魚壽司是好味同新鮮。🍣…查看更多

刺身定食有五款不同刺身，包括三文魚、赤蝦、赤貝、帶子等，每款刺身都新鮮，有驚喜。另外套餐配有烏冬、味噌湯、木魚豆腐及炸魚。整體來說，份量足夠。和牛粒定食搭配白飯、味噌湯、炸魚及刺身。和牛粒口感柔軟，大小相對較大，配合醬汁味道不錯。服務員態度友善，會留意客人需要。…查看更多

🔹刺身定食🐟 ($108)三文魚正常質素，都厚切嘅🫡但蝦就一般🥹唔算好新鮮 扇貝係最好食😋大粒得嚟亦有鮮味 （🪖唔肯定啱唔啱）鯛魚、油甘魚都幾新鮮👍🏻但係赤貝就有啲腥🥹🥹🔹壽司定食🍣 ($98)每客定食都唔同，我見自己同隔離枱都唔同 我嗰份有三文魚、扇貝、蝦、鯛魚、三文魚籽、魷魚海膽😋其中魷魚海膽係最甜☺️☺️冇腥味👍🏻👍🏻兩份都有跟一份烏冬/飯🍚同凍豆腐 我覺得烏冬幾好食😋有菇味，好啱我胃口，幾出色🧡豆腐都係冇咩特別，唔係特別滑亦唔係唔好食 都係正常發揮.小食佢就有餃子同埋章魚小丸子🧆餃子都ok 但係章魚就成粒太淋🥹.評分♡👅味道：7/10👀回頭率：7.5/10🤙🏻性價比：8/10…查看更多