佐禾町居食屋

营业中

休息中

天氣開始凍 想食牛丼暖下胃 行過見到呢間日本嘢有啲人排隊 時間充裕又排埋一份 好彩排咗隊 等兩枱15分鐘左右 後面越嚟越多人哈哈哈望望餐牌 四十幾蚊就有牛丼 雞丼 牛舌丼 仲送面豉湯午市滿場 等咗20分鐘左右有得食牛舌有六片左右 好冧好香 有洋葱伴碟 應該係用黑椒同醬油燒 唔會過咸 好好送飯飯俾好多我食唔曬哈哈 細食人記住嗌少飯我嗌多咗個野菜天婦羅 四十幾蚊有8件分別有冬菇 茄子 南瓜 蕃薯 除咗南瓜略嫌無甜味之外 成份天婦羅無嘢好挑剔 好好味放耐咗依然脆口 食到捧住個肚走~ 雖然午市好繁忙 得2個侍應睇曬咁多枱 但態度好好 唔該前唔該後 客人都會更有耐性等多一陣我見有啲食評話午市刺身同壽司餐好早賣曬 我臨走之前都聽到侍應姐姐話賣曬 所以建議一係早啲去(我嗰陣係2點幾) 一係就試下熟食 可能有驚喜~

環境：🌟🌟🌟🌟食物：🌟🌟🌟🌟🌟服務：🌟🌟🌟🌟 除左西餐，日本野都係好favorite，而旺角日本居酒屋都多，但今次呢間係性價比超高和食物質素好好的小店！！強烈推介✅當是8點幾去，無book到位，但好快等一台就入得，不過提提大家餐廳不收卡，只收現金。兩個人叫左細魚生拼盤，一個魚生飯，同一條鯖魚。個魚生拼盤好新鮮，二百幾蚊有好幾款魚生揀，竟然仲有海膽係入面。我本身好怕食海膽，因為好怕腥，但呢次入口好鮮甜，超抵食！魚生飯一樣好差不多5款魚生，平時食魚生飯出面都要百幾蚊左右，今次只係80幾，仲要係有質素的食物🤩🤩最後埋單，兩個人先食左300幾蚊👍👍

繼續限聚令. 試小店4人啱啱好好彩三日前Book 咗枱. 7:30到，8:00已經坐無虛席！平日星期二小店有如此生意，應該係食物質素中上先可以.Menu 內選擇不算很多，但對於小店廚房來講，就差不多了. 點了雜錦壽司(大)［尚算新鮮],椒鹽雞軟骨, 鹽燒牛舌, 燒玉子,燒油甘魚鮫,加州卷,蟹子沙律. 份量好足，完全滿足大食仔嘅我地😎Service 方面，係full house 嘅情況，一個女仔好辛苦咁滿場走，都可以有好好嘅招呼。值得一讚👍🏼👍🏼性價比高嘅小店！

朋友話想食呢間日本菜，見佢新開又係黃店，就專程嚟幫襯下😎又係好抵食又高質喎，要撐💪🏻💪🏻·💛雜錦魚生飯 $70有一大隻赤蝦、兩塊三文魚、兩塊油甘魚、兩塊帶子、黃金魷魚、芥辣八爪魚粒（相中睇唔到）、甜蛋、蟹柳望落有好多款嘅感覺，好吸引呢🤤赤蝦鮮甜，有挑埋蝦腸👍🏻黃金魷魚我第一次食，幾爽口唔錯芥辣八爪魚粒匿埋係魷魚下面，亦都係屬於爽口彈牙😚其他都係正正常常，價錢又唔貴，性價比幾高🤪·💛 火炙魚生飯 $70呢款就有五塊火炙三文魚、兩塊火灸帶子、蟹柳、蟹籽呢個相比雜錦魚生飯明顯失色啲，因為主要都係三文魚為主，較為普通啲🤣😂·💛活赤貝 $36店員推介呢款話好新鮮好多人食，咁我都見openrice多人點呢款就試試，我都係第一次食，連殼一齊上，又幾新鮮，幾爽脆👍🏻👍🏻·💛中吞拿魚腩 $58/4件呢個有筋，唔係入口即融，口感好似一般最普通嘅吞拿魚咁，有啲失望，差過壽司郎/Donki，唔推介🙈·🌟呢間正💛，會再嚟encore🤤🤤🤤下次應該會叫壽司/小食類👏🏻👏🏻

本身諗住去食午市刺身定食或者壽司定食。到去爆晒，要等大概3張枱。都等左差唔多成半個鍾先有位。等到有位入去叫野食，才知道刺身同壽司定食都冇，十分失望。咁就點左一個吉列豬扒飯同雜錦魚生飯。每個飯都送左個湯，不過就一般，唔夠熱，如果熱會再好啲。先黎左個吉列豬扒飯，其實係滑蛋豬扒飯，開頭黎睇落去個樣係ok,不過拎起啲豬扒就發現啲飯好多水，水汪汪咁，完全唔掂，吉列豬扒好大陣油益味，可能啲油番炸左好多轉啦。食左一半就冇食喇 ，真係食唔落。個魚生飯就算可以啦，刺身係ok既，不過啲飯就真係唔得喇。唔夠黏，有醋味既，口感一般。本來仲想叫啲小食既，不過最後都冇叫到。餐廳較少，比較迫，但都是可以的。員工態度都可以，如果能一早講有啲咩係冇既話，我諗我應該會冇咁失望。

同事介紹左我食呢間日本料理，因為好近我返學既地方、所以食飯時間約埋同學仔一齊去試下，高質素既日本料理，價錢亦都好高，但呢間質素好但價錢親民。我覺得日本料理要試好唔好食，最好就係試下魚生飯，叫左一個三文魚腩碎同刺身飯，我覺得佢既魚生好新鮮，而且份量亦夠大份，就算男士食都夠飽，而且刺身種類亦好多款。

今日嚟開附近，聽朋友講最近呢度開咗間新嘅日式料理就嚟試一試。店舖外裝修走日式原木風格，連門口都跟足日本餐廳，少少透咁好似日本大廳啲屏風，即使就咁係條街行過都會俾佢吸引到望一望👀門口已經擺放少量餐牌，唔駛$50就有野飲同野食，而款式選擇亦唔少，雞牛豬魚都齊，十分吸引😍入到餐廳見到牆上掛滿類似日式浮世繪壁畫，同時店內裝修風格貫徹始終，採用大量木質材料，透露出傳統日式氣息，使用黃燈感覺更溫暖。💛🥢帶子$28兩件 油甘魚$28兩件 三文魚$22兩件 蟹肉蟹膏$24兩件 先叫個壽司開始呢一餐，帶子夠鮮甜，油甘魚同三文魚都切得夠肥厚，蟹膏亦夠甜唔腥，值得一讚係軍艦壽司嘅紫菜唔淋夠脆，呢個價錢絕對抵食😋🥢火灸三文魚腩$30兩件 火灸左口魚邊$32兩件 推介🔥火灸後迫出三文魚同左口魚嘅魚油，令口腔充滿魚油嘅甘香，火灸左口魚特別好食，夠肥美爽口🤓壽司質素頗高，食得出材料新鮮😋🥢軟殻蟹反卷$48四件軟殻蟹炸得香脆，亦都食到蟹肉，唔係一層好厚炸粉，再配上青瓜同蟹籽，饀料十足，大大件好滿足。計返一件只係要$12咋🤩🥢日式牛肉鍋 $62除咗壽司當然要試埋熟食😌牛肉份量十足，食極都仲有，但略嫌牛肉唔夠嫩滑。勝在湯

佐禾町居食屋 (太子)-原來呢度新開左一間居酒屋！仲要見到Lunch set超抵！所以要去試吓先得🤪 入到去環境唔錯，裝飾好靚，除咗大大隻嘅裝飾仲有連儂牆💛 食物正常發揮，薑汁雞肉飯食落有啲甜味🤣-Lunch Set🔍 燒汁牛肉飯 $44（連麵豉湯）🔍 薑汁雞肉飯 $44 （連麵豉湯）-📍佐禾町居食屋 (太子)太子荔枝角道104號地舖

閒日1pm左右經過，見唔駛等位，午餐價錢又相宜，於是就初次幫襯。原本想叫嘅三文魚腩飯已經賣哂，於是改叫雜錦魚生飯（已經係最後一客）。午餐跟一碗麵豉湯，湯入面有幾隻蜆肉，相當有誠意。魚生飯上桌，比預計的豐盛，有牡丹蝦、三文魚、北寄貝、吞拿魚蓉、雞蛋燒、芥末八爪魚、魷魚、蟹柳。牡丹蝦夠大隻夠甜美，三文魚又肥又厚，芥末八爪魚雖然唔係咩貴價嘢，但係我不嬲都鍾意食，雞蛋燒頗有驚喜，有一種微焦嘅味道。若要吹毛求疵，就係我個人向來唔鍾意食假蟹柳，唔知下次可唔可以走蟹柳換多片蛋呢？整體分量幾夠，男士應該都夠飽。環境係街坊小店，算乾淨企理，服務唔錯。埋單$70唔駛加一，性價比高。

荔枝角道開咗間新嘅日本嘢，原本諗住去食金鳳嘅，排長龍😳😳😳見隔離舖頭開咗新嘅日本🇯🇵食店，唔使排隊就幫襯下啦😍😍入到去其實都爆曬場，坐低咗見隔離枱嗌咗個壽司拼盤，好吸睛❤️特長三文魚壽司，帶子壽司都好新鮮🤩🤩燒油金魚鮫好高質🤪🤪超級厚肉，燒到好脆身，性價比真係好高☺️☺️燒三文魚頭都好高質，新鮮熱騰騰😄😄好骨膠原💕💕再嗌左豆腐蔬菜🥬鍋，係甜甜的壽喜燒湯底🥰🥰佐禾町居食太子荔枝角道104號地舖

住附近嘅關係，見到佢嘅飯餐都幾平，而且又係黃店，所以去幫襯下幫襯左幾次，試左4款唔同嘅飯餐火灸三文魚丼都幾大塊，厚薄適中，不過唔係腩位加上價錢比市面低，唔好期望有肥美鮮甜感，但食落口都算新鮮不賴，而且有好多塊完全夠餸飯吉列豬滑蛋丼（唔知有冇叫錯名🙈）因為外賣關係，俾蒸氣焗到唔太脆口，味道不過不失鰻魚丼（強烈推薦）熟食飯餐，佢應該係性價比最高，鰻魚份量都幾多下，切得好大塊，而且味道可以拍得住有啲賣緊九十幾蚊既鰻魚飯，唔食魚生嘅又想幫襯可以試吓薑汁雞肉飯可能唔係間店嘅專長，味道同賣相方面都比較差，雖然食到薑味同埋見到薑絲，但啲雞粒好淡味，食左幾啖已經食唔落去，不過可能唔嘴刁嘅男士會覺得還可以（事關我另一半食話都唔係太差）最後補充：間店俾嘅飯量係超多，女仔可能未必食得曬😆啲飯係珍珠米，感覺高質好多

Hidden gem in Prince Edward!!平到不能相信，咁有良心真係驚老細做唔耐喎...最緊要仲要啲野好食，staff又nice🥺🥰好有心嘅小店好值得瘋狂幫襯！❤️一口牛真係好好味...牛舌都唔錯！仲要大大份💕仲同我講可以下次自己帶酒黎飲添呀！ 🍻 咁好嘅店邊到搵先！！服務都Perfect池！個個同事都好親切又真心唔hard sell❤️有啲覺得太熱情添呀！仲會一路食一路好主動又遞碗又遞紙巾等等💪🏻

早兩日我朋友生日約食飯佢話想食日本野 我就醒起有同路人share過哩間新開冇耐既食店諗住去支持小店地理位置幾好 一出太子站再直行幾分鐘就到鋪面唔算細 坐落都幾舒服一睇個menu嚇親40蚊一個飯 真係有d擔心小店咁平頂唔頂得住租我同朋友一行三人 叫左一份蟹籽沙律 一份玉子燒一碟中吞一份細既雜錦刺身兩碗刺身丼同一碗雞肉飯雞肉飯同刺身丼份量非常多！絕對飽肚又好食！最想讚既係雜錦刺身（有海膽 三文魚 甜蝦 帶子等）三文魚厚切 海膽我平時都好怕食到有腥味哩間既海膽唔腥仲要係鮮甜好食個種中吞鮮味 不過可惜佢冇大吞可以俾我食但係$28兩件 真心抵服務態度非常好 個日鋪頭收十點 我地坐到九點半 其他客人都走曬 服務員仲好好態度幫我地斟茶全單盛惠$488 （每人消費大概$162左右）咁既服務 食物 同價錢！值得一去再去！P.S. 個日有幸見到老闆 係個好nice 好有熱誠既靚仔

平時好中意食日本野既我，行開金魚街見到有間新開既日本野，位置又幾就腳，出地鐵站行5分鐘就到，就走左去試下。咁去到就已經見到有迷你連儂牆，我同朋友都寫左張😋咁我就試左個雜錦魚生飯，啲魚生好厚好好味，絕對對得住呢個價錢！牛粒串又好彈牙有口感唔韌，面豉湯味道岩岩好，唔會太咸，又有幾粒蜆肉咬下，幾有誠意，又好飲過吉xx既湯！我覺得太子黃店唔多，呢間新開啲野食算唔錯，至少唔洗食黎食去都係茶餐廳先啦😂😂😂中意食日本野既朋友可以試下呢間。而且又夠薑喺疫情下開張，希望愈做愈好💪🏻💪🏻💪🏻

Great Japanese food, very decent pricing. All sushi and sashimi was fresh, service was great, restaurant is casual style no frills. Food came out so fast but was such a high quality. Pleasantly surprised! They had some specially priced meals for dine in and take out too. The only thing was the restaurant being a little cold if you sit near the air con vents.