佐禾町居食屋

营业中

休息中

端午節原來好多小店都會休息。 今日行過這間小店, 唔係好多人就入去食下。 入面唔係好特別, 但比人感覺好整潔。 日式野, 小店黎講都算幾多選擇。 我地叫左3個定食: 燒汁牛肉飯, 鹽燒鯖魚飯, 燒汁牛舌飯。 午餐有麵豉湯。 意外地麵豉湯好足味，雖然好水, 不過好好味, 海帶同蜆都好鮮味。 好唔錯。講真佢既野食賣相好平實, 但真係幾好味，即叫即煮。 足料又好味。燒汁牛肉飯, 牛肉夠薄又入味。 日本飯都煮得好有口感。鹽燒鯖魚算大條, 好嫩滑。 鹽味適中, 煎得好好。牛舌夠爽口, 又入味。 真係好難得。 本身食飯都係會食唔晒, 佢真係會令人唔想食剩。 所以, 這間小店真係令人喜出望外。

天氣一熱就好想食丼飯，lunch time近近地去咗呢間餐廳食，入面仲有yellow card可以扭😙坐底嗌完嘢食之後有一碗味噌湯，入面有2粒蜆肉係到😗#三文魚腩碎丼 ($62) 😋好味指數：(7/10) 開頭以為淨係得啲三文魚腩碎，點知一嚟到原來仲有甜蝦﹑帶子同北寄貝😍甜蝦都幾鮮甜，其他就普通，三文魚腩碎有好多，個飯食到一半已經覺得好飽😫.原來佢地午餐定食都有小小刺身做前菜👀呢個價錢咁嘅質素又咁飽覺得好抵食😙

叫左兩款午市定食，每份都係70幾有主食前菜刺身再加味增湯刺身新鮮一口牛超級軟，一啲都唔鞋唔會乾爭爭送飯一流蒲燒鰻魚十分驚喜會再次光顧 價錢亦都十分之抵除左定食見餐牌仲有一些特價飯 每款都係40幾絕對值得嚟一試

今日特登book左台滿心歡喜咁去食上OpenRice 見所有食評都唔差行到成身汗，一坐低去個洗手間要經廚房門口先去到洗手間，先嚇一嚇，成條路個地下好似水浸咁，令人有d擔心衛生情況之後叫嘢食，選擇不多之下竟然好多嘢都無，唯有叫左個壽司拼盤同幾款串燒壽司拼盤不差，感覺都新鮮但因為落單不夠2分鐘已上菜，令人覺得應該是一早整定的串燒一來到賣相不差，但一入口就覺得不是即燒比較似係一早燒定再微波爐加熱，非常失望服務態度不過不失但可能期望太高所以有點失望但到賣單，因為價錢不貴所以不敢要求太多

📍佐禾町居食屋📍太子荔枝角道104號地鋪#太子美食 #日本料理 #定食 ——燒汁厚切牛舌丼（$45）好抵！！好好食！好滿足！！🌟火炙魚生飯（$80）掂！！！！！！！下次試埋雜錦魚生飯！！高質日本餐廳黃店！！🌟芝士鰻魚卷（$62）好芝士！食完個丼再食卷！！超飽！超滿足！！🌟——人均消費：95 HKD（晚市）｜好味指數：🍔🍔🍔🍔🍔環境舒適：🍔🍔🍔🍔🫓考慮再吃：🍔🍔🍔🍔🍔

因為喺附近做嘢所以 周不是黎食好嘢 已經食過好幾次， 不過今日實在太正 一定要請食評 等多啲人知道依家餐廳 。雜錦刺身飯$75 每次都唔同款， 睇返有乜嘢時令。 所以每次都食到唔同嘅好嘢。 刺身每一次都好新鮮- 今日 嘅 刺身有: 三文魚腩 海膽 大大隻牡丹蝦 帶子 北寄貝 玉子 不知名嘅魚🤣仲有芥末八爪魚沙律。- 另一次食 有中拖! 我覺得以$75既 價錢簡直係 物超所值蒜片一口牛定食: 好食到爆， 肉質軟林甘香， 送飯一流， 而且分量好夠， 食完直情有啲滯 仲要定食套餐 連埋前菜&刺身， 大滿足刺身定食: 刺身質素 一樣咁好， 不過烏冬 冇期望中好食。 價錢和 質素黎請都係 咁刺身飯正好多壽司 套餐: 相對其他 的套餐 比較普通， 冇驚喜。 西京燒銀鱈魚: 食得出係真。銀鱈魚， 而且有兩大塊銀鱈魚。價錢同質素 相符。加分位:wasabi係新鮮貨午餐定食 特價丼物 抵食。其他食評:由於 餐廳用 珍珠米， 熱食嘅時候 米飯比較軟， 唔係好啱我食餐廳屬於中小size, 去到要等一陣間位。totally worth the wait tho!!!

午市主要以定食為主，價位介乎於$4x至$6x左右。除左日式定食都有壽司、刺身，價格亦都相對高番啲🍣但賣相望落唔錯 下次再黎一定試下！🌟吉列豬扒飯 ($45)份量唔大 比平時食嘅便當/定食再細少少，飯上面有豬扒同滑蛋🍳個蛋係唔錯嘅，但係啲飯就略嫌太濕😥豬扒炸粉太厚而且肉質稍韌🤥唔太推薦！🌟燒汁厚切牛舌丼($45)呢個飯就相當有驚喜啦🤩牛舌厚薄適中而且份量俾得足，印象中都有5-6塊😙而且煮得夠淋夠入味。可以一試！！餐廳只收現金，係確確實實嘅小本經營💛午市價位非常親民，推介俾追求CP值嘅朋友😆味道：🌕🌕🌕🌗🌑環境：🌕🌕🌕🌗🌑價錢：🌕🌕🌕🌕🌗

⭐️#黃店《#佐禾町居食屋》🇯🇵🍱🍣🧏🏻‍♀️要係香港搵到食物質素好又便宜既日本菜唔容易！見呢間評價好好又好抵就試吓啦，但食完未去到好滿足嘅感覺🙈。⚠️如果經過都可以去試吓支持吓小店，因為真係唔算貴。1. #雜錦刺身拼盤（細）🐟🐠🦐：有海膽。三文魚。北寄貝。油甘魚。甲紋魷魚。帶子。甜蝦。⏩份量唔少，不過樣樣都正正常常咁又未去到好新鮮肥美🙈由其海膽，本身期望好鮮甜，雖然唔腥但無乜味🤥，其中一舊食落異奇黏口，呢個口感我諗唔係個個都接受到🌚，另一舊都有少少味既。味道：7.5/10Price: $2082. #火炙左口魚邊壽司（兩件）🍣：呢個唔錯，燒過後魚油好豐富，半融保有口感，唔腥。味道：8.6/10Price:$323. #日式牛肉鍋🍲：🤩肥牛份量好多👍🏻肉多過🥬。有啲洋蔥大白菜豆腐蛋。⭐️個壽喜燒湯底好夠味，咸甜帶肉味，唔會得個甜字。正😋味道：8.8/10☑️Price:$624. #燒汁厚切牛舌丼🍱：賣相就吸引。但食落啲珍珠飯好唔掂❌唔夠熱，有啲一塊塊痴實左，有啲又好鬆散🌚飯量好多，但冇汁送飯。🤷🏼‍♀️牛舌厚薄適中，好軟熟，唔係燒個種口感，似滷多啲，無乜調味。（最後靠小小黑椒同燒汁味既洋蔥撈飯食

之前聽人講太子有間食日本嘢嘅黃店，又好食又抵！就趁着放完假之前去試一試可能早去到雖然舖頭世都咁岩有位錯，坐低咗之後就全部都要等位啦，店員有禮貌，有文宣，有Yellow咭。。。。Set lunch 都有幾款，最後叫上一個刺身定食，一個魚生丼飯啲嘢食都好快到，同埋睇多幅圖都知道整得好靚仲好好食，個丼飯仲有大大隻蝦，刺身定食都好好食，尤其是個烏冬有蔥油味第一次食呢啲刺身飯係會食得飽不過係位置少咗啲食完就即刻走啦費事阻住人哋個位。有機會要再嚟幫襯因為真係有好食又平！Total $160幾蚊

一直以黎我都覺得黃店既食物麻麻，每次食完都唔會想黎第二次，但今次呢間小店卻令我想短時間再黎!! ☺️雖然座位同環境狹窄，但高性價比既食物，有笑容既職員，都令我留下深刻印象。6點黎到既我仲諗住入座等，但原來餐廳要人齊才可入座，好彩友人早收工，否則唔知等幾耐先有位。星期五晚6點半已經滿座，唔想等既朋友，其實可以電話預約。我同友人都中意食炸物，所以先柯打吉列炸蠔 $38/6隻炸蠔新鮮炸出黎，雖然粉厚左d，但炸得岩岩好，食果陣仲要爆汁，結果漏到一枱汁😂。當晚同場有幾位男士吹水食串燒，同職員表示，即使已經點左好多串燒，但都仍然繼續柯打牛舌，更講左一句「你地呢度d牛舌好味丫嘛!!」😏。我同佢地意見一致🤤，覺得牛舌串燒係必食之選!! $52/2串厚牛舌以鹽同黑椒調味，肉質爽彈，口感好好，以$26一串既價錢黎講，相當合理。壽司點左兩款卷物，分別係炸蝦反卷$48/6件同炸軟殼蟹反卷$48/4件呢兩款卷物比軟遜色，除左size比較細卷外，味道亦麻麻。首先炸蝦已經細隻，卷物再切到咁細卷，食落無蝦味😥，加上炸得未夠脆，食落更無層次；軟殼蟹卷都有同樣問題，食唔出蟹味；要食卷物既頭尾先食到蝦、蟹分別。海膽甜蝦拖羅卷

老公知我鍾意食日本野有日話要帶我去食又平又正嘅良心小店我地收工去到都6點30分左右因為我地即興食就無卜枱同埋係平日諗住唔洗卜都得點知去到全場滿晒！得返一張要搭枱 店員問我地介唔介意緊係唔介意啦～最緊要有位！ 一睇個餐牌 嘩 樣樣都咁抵食嘅？四十幾至九十幾蚊 一個丼飯心諗應該都好細或者唔太好食 老公知我鍾意牛舌又想食刺身就叫咗個牛舌丼$44同一個火炙魚生丼$70因為我地諗住咁平 應該好細碗所以想再叫刺身 想叫拖羅刺身 點知佢賣晒再想叫油甘魚刺身 佢又賣晒嗚嗚 咁無辦法啦 唯有食住先啦 唔夠食先再叫啦！ 每人有一碗味噌湯 有蜆肉 紫菜係入面 幾足料 味道都唔錯！牛舌丼上菜先 我忍唔住食咗一啖牛舌整得幾淋身 幾好食喎 同埋都有4-5大塊44蚊嚟講 真係勁抵食佢個汁似出面牛丼連鎖店個味撈飯食好正 老公咁大食食完都話飽 之後到我嘅火炙魚生丼啦一睇個賣相好正呀火炙三文魚燒過之後充滿油香 入口即溶送飯一流 中間仲有一塊帶子同火炙蟹柳唔會太單調 我最後仲食唔晒啲飯好彩無眼闊肚窄 再叫其他刺身如果唔係就實食唔晒 整體真係超級抵食 絕對係平民飯堂♪(๑ᴖ◡ᴖ๑)♪

這天在附近辦了緊要事，鬆了口氣，決定吃了一頓暢快的午餐。來到一間日式餐廳，叫的是一客午餐定食，應該錯不到那裏去。沒料到定食的前菜居然有大蝦刺身，蝦大隻不特止，蝦肉鮮爽彈牙，令人愛不惜口！主打的一大條銀鱈魚，經過西京燒的處理，魚油居是肥美泛濫的，魚肉自不然潤滑甜美，趁以少少沙律醬，一啖一啖的和著美味的白飯送入口中，滋味之處無法言諭！此外，跟餐的味噌湯雖然略為淡口，倒也夠熱，吃口飯再喝口湯亦為不錯。又試了一餐不俗的日式午餐呢~~

聽聞呢間係手足開嘅舖頭，而且性價比極高，所以決定嚟幫襯下佢！本身係想食佢個午市刺身拼盤，好可惜去到嘅時候已經賣晒。於是點左一個壽司餐，咁多件壽司，連埋湯，沙律，炸物都係$78。好抵玩。我覺得壽司都算新鮮，咁啱帶子賣晒，有幸地轉左海膽俾我，海膽係好鮮甜。三文魚切到好長，好滿足。炸物係炸蠔，味道都唔錯。湯都係正常嘅麵豉湯。唯一有啲失色嘅係個沙律，其實佢好足料，但係可能係啲吞拿魚醬令到佢濕答答，水份太多過水。感覺有啲奇怪。如果想食記得book位，舖頭唔算大，加埋限聚原因，每枱淨係可以坐兩個人，好full。

因為朋友咁啱係太子上堂所以就約左佢係太子食lunch係openrice搵下邊間好食朋友又話呢間店聽講好好食 咁我地就決定黎試下嚕係出面等緊朋友果時見到好多推介食品樣樣睇到都好好食🤩咁啱我地好彩，果時完全唔洗等位一黎就入得去啲野食真係好抵..日本嘢係香港黎講咁既價真係好少見好多嘢想試 但我真係太怕凍冬天食魚生我應該會凍到傻正所以我決定食個牛舌飯 (不過要留意返可能會無架，因為呢個係限量架)上到黎嚕好吸引 個味噌湯好好飲裡面仲有蜆肉仔😍牛舌飯係完全suprise左我...真係好好食牛舌個軟度好適中，一咬唔會覺得難咬或者太"淋"下次一定會再黎試多啲唔同嘢真係完全喜出望外呀Cp值高，但重點係味道好出色😍好推薦大家試下

去了太子區，搵良心外賣。外賣價錢都幾平， 見到好耐未食過嘅魚生飯，雖然呢啲食物係應該堂食，可以慢慢歎，但由於疫情關係所有餐廳還是停晚巿，沒有辦法之下都要叫做外賣，挺著打一個鐘頭食物不會變壞而吃壞肚子的冒險，買雜錦魚生飯回家。開門時見到內裡有很大的連豬和pepe, 門口poster, 立場鮮明。回到家， 吉列豬扒飯，燒汁牛肉飯隔一小時當然差很多，但味道都正常。反而凍食的雜錦魚生飯仍然好味， 魚生有八個款式， 而且質素很高， 吞拿魚魚生還有炙燒過，第一次吃吞拿魚魚生居然會有爽口的感覺， 唯一缺點是壽司豉油太少，不夠混飯吃，但足夠蘸魚生吃。＄70的雜錦魚生飯，絕對超值，食緊＄120質素。麵豉湯竟然有蜆肉，雖然有一點點的砂，是來貨問題，但是誠意可嘉。推薦。fb區區食玩遊，太子 佐禾町居食屋