佐禾町居食屋

营业中

休息中

#chuchu食在太子📍 佐禾町居食屋嗰日同朋友約左食呢間💛小店，成日見人讚，就黎試吓，裝修唔會話好fancy，但係真係好抵食，今次散嗌，下次要食定食！—————————————————————❣️ 雜錦壽司 大$268三文魚x4油甘魚x2 帶子x2 甜蝦x2 北寄貝x2鰻魚x2 三文魚子x2 海膽×2，total 有18件壽司，飯嘅size唔大，但都算新鮮！如果刺身再凍小小就好！.❣️蒜片一口和牛 $58#chuchu推介 好好好好食！！！！真係入口即融，有牛味，雖然58蚊但份量都唔小！！.❣️西京燒銀雪魚 $108老是常出現，因為是🐷的最愛！好好食！好滑，又抵食！.❣️ 鹽燒牛舌 $56/2串燒得好香，連平時唔食牛舌嘅🐷都食左舊，加左青檸，冇咁核突，都幾彈牙，唔似同牛打茄輪.❣️牛油炒雜菌 $48超香牛油味！好味的！🫶🏻—————————————————————不專業評分👅好味指數:8/10💰性價比:8/10👍🏻推薦:8/10—————————————————————🏡地址: 佐禾町居食屋 (太子)太子荔枝角道104號地舖—————————————————————#chuchu食日本野———

之前同朋友食過一次，覺得幾抵，朋友又話佢嘅魚生飯好食，今日一於就再去食多次！😋今次叫左個三文魚腩碎丼，呢個算係定食，包麵豉湯，個麵豉湯好大碗，又足料！有海帶同蜆肉仔！🤩個丼都唔差，就咁睇以為好細碗，但佢三文魚腩個量都唔少！分分鐘仲多過D飯！lol個人建議加埋D蔥一齊食，咁就冇咁滯胃~個飯仲包左北寄貝同帶子刺身！真係好抵食！佢仲有幾塊紫菜，鍾意食紫菜嘅朋友可以用泥包手卷，不過個人唔食紫菜，冇咩評價，但摸到D紫菜係脆嘅！👌🏼一碗飯一碗湯，兩樣加埋真係好飽！想平平地食魚生丼嘅可以去試下！😉

嘩嘩嘩，係社交平台見到好多人推薦太子荔枝角道佐禾町居食屋嘅定食，就咁望到張相同個價錢其實都幾吸引，係一百蚊內有個賣相咁吸引既套餐，作為一個貧窮人士就一定立即狗衝去體驗一下。咁舖頭外都有唔少人排隊，但可能早果批人食完就好快就可以進入餐廳內。入到餐廳內第一眼見到好多充滿日式畫掛在係牆上面，其實都幾有感覺。我就坐係近出餐位到，不時都有餐係我頭上擦過，如果我個頭動作大小小都會撞到個餐，真係要好小心。落左單之後就等左十分鐘，就已經上餐。開頭見到個餐真係擺得好有美感，食物既賣相都好吸引。烏冬的味道略為淡，炸餃子就正常味道但略嫌沒有岩岩炸起既溫度，凍豆腐好好食，麵豉湯入面意外地發現有蜆，壽司的鮮味很足，唯一美中不足係吞拿魚蓉的口感不太好。如果$100來講，我覺得用餐體驗都ok。如果未試過都可以去試下。

估唔到我第一次打食評就係俾咗呢間餐廳今日下午六點左右，我入餐廳跟店員講：兩位店員：有冇book位我：冇佢：冇book位就坐逼啲我哋冇所謂照坐，叫完嘢食坐喺度等嘅時候，我頭頂突然之間喺度漏水，原來滴緊冷氣機水，仲要滴到成枱都係我同店員講：我哋想調位，因為呢度係咁滴水佢：唔好意思，我哋位全部book咗，唔可以調（但見到有4至5張空枱）我：冷氣機水濺到我人同枱面都有店員冇理會，就咁抹下張枱面上嘅冷氣機水就算我再要求調位或者有冇隔板可阻擋滴水，佢仍然冇理會我，跟住我同佢講唔食，直接走了！其實滴冷機水唔係問題，但至少你要在意客人用餐感受，及幫助客人解決問題，呢間餐廳比我感覺係完全無幫助客人的意欲。如果要我全餐飯被冷氣機水滴濕或濺到食物上，我寧願唔食。貼錢買難受奉勸各位唔好食呢間店，完全不顧客人感受

今日難得冇落雨就出左黎太子食日本野😋😋 餐廳唔大，應該得十令張四人枱左右，好彩早少少到唔洗等位～Lunch Set Menu:餐廳走平民日本野路線，多數都係$100樓下就食到 仲要唔洗加一～壽司定食（A）+ 烏冬 $94 🍜🍱🍣由落單到有野食等左起碼三四個字，但餐廳唔多人，而加其他食客都已經上晒菜，出餐真係出奇地慢😟 趕時間就唔建議大家食但一上枱見到賣相咁靚仔覺得等待係值得的！一百蚊唔洗有咁多野食真係好抵，前菜仲要有兩隻炸蠔，真係喜出望外～ 💁🏻‍♀️麻醬凍豆腐 -正常發揮～ 預計到的味道，豆腐冇話好滑💁🏻‍♀️炸蠔 -外表炸到好酥脆，蠔就冇話好新鮮，但食完兩隻真係好滿足💁🏻‍♀️迷你蔥花烏冬 -呢個就唔建議大家加錢食，因為麵質都幾淋，加上個湯冇咩層次，純粹係醬油加水💁🏻‍♀️麵豉湯 -湯入面有粒粒蜆肉，幾足料～但味道就冇話好好味💁🏻‍♀️至於重頭戲壽司🍣值得highlight既係帶子、牡丹蝦同三文魚 ，好鮮甜，好食～ 魷魚上面竟然有海膽！真係估佢唔到，海膽就冇話好鮮甜 但起碼唔會苦先。其他壽司就不過不失～ 呢個價錢食到咁多野真係好滿足！性價比爆燈💡

喺花園街買完嘢，突然想食魚生飯，於是行過荔枝角道幫襯佐禾町居食屋。呢度全日免收加一，叫個雜錦魚生丼，先嚟碗麵豉湯，雖然都係一般貨色，但湯入面有三粒蜆肉，算係較有誠意。魚生丼幾大碗，面頭鋪滿刺身，有三文魚，油甘魚，帶子，北寄貝，玉子各兩件，牡丹蝦一隻，仲有黃金魷魚同芥末八爪魚，都幾大堆頭。我覺得最正係牡丹蝦，大大隻，又夠鮮味，蝦頭仲有少少蝦膏，好正；三文魚同油甘魚幾厚切，亦肥美；經醃製過嘅黃金魷魚同芥末八爪魚非常入味，送飯一流。美中不足係冇日本酸薑提供，食唔同魚生時未能夠重置味蕾。

今日約左朋友食飯，朋友係小資食家，專登揀左呢間上網見到CP值高又評價唔錯嘅佐禾町居食屋。去到先知喺我以前跳舞studio對面，隔離金鳳都有食過，但的確無留意過呢間，不過見佢裝飾乾淨，但都有一定年月了，究竟點解嗰陣無食過呢🧐我糾結左要唔要刺身定食好耐，但最後都係揀左蒲燒鰻魚定食($82+15)，因為佢都包左三款刺身🤤 朋友就叫左西京燒鱈魚定食($98+15)嚟到都驚左一訝，因為好豐盛🤤 雖然睇menu都知包左主菜+刺身3款+前菜+麵鼓湯，但無諗過會有呢啲食材🥰麵鼓湯以為係普通野，但佢裏面除左有好多海帶之外，仲有幾粒蜆肉，唔係就咁攞粉沖嗰種🍲刺身三款都唔hea，每款都有兩塊，而且刺身都新鮮，唔係求其打發你走🍣本來以為前菜會係普通料，中華沙律、味付螺肉嗰啲，點知登登登登，竟然有蒜蓉焗蠔出現😱 蒜香仲要好惹味，係隻蠔比較細隻，略嫌唔夠食🥲主菜鰻魚都好好食，好柔軟，我平時食鰻魚都會驚有骨拮親，但呢度絕對唔駛驚🥰 都試左朋友少少鱈魚，其實本身我唔太鍾意食魚，餐廳係絕對唔會點佢嗰個，但試落都幾好食，甜甜地☺️呢間餐廳絕對係可以encore再嚟多次，CP值實在太高😍 見到佢其他menu，唔要定食，丼飯價

因為係黃店，朋友介紹就去試吓。佢開12點，咁12點入去餐廳，首先樓面女職員態度差，無禮貌（其實我見到咁都想走，不過朋友話試咁就算）點知坐低就話廚師未返，刺身未有。咁好啦，叫個鰻魚定食，等左35分鐘先有。麵鼓湯有色無味，鰻魚飯其實真係好難唔好食，但佢真係唔好食，個鰻魚汁勁咸，個set既幾件刺身叫正常，但枱面既茶係無味，都係有色無味既。朋友叫既秋刀魚，佢話正常味。不過叫做黃店，所以我寫評語已經客氣左。不過真係無下次

無諗過為左呢間舖要第一次係openrice留言。總結係如果你想感覺唔良好，歡迎幫襯呢間舖。If you ever want to be mistreated or disrespected，this is totally your destined choice! Extremely disaster!朋友們睇到呢間小店既留言，大家就一早預約，Booking 為6:30p.m. 我地四個都好期待一試，亦都因為疫情之後第一次見面，滿心歡喜。今日我準時到達，一入去我話已book位，店員無問我貴姓booking就立即請我出去，話要人齊先可以入座。我當時心諗，無限時都唔可以入座？因為今日天氣有啲熱，我就禮貌話3個朋友已出地鐵站一齊行緊過唻(朋友們剛打完比我)。佢聽都無聽就趕左我出去。當時出面仲有兩位客人等緊位。根住5分鐘後，我見個店員行出唻叫兩位客人入去，我都不以為意。只係隱約聽到兩位食客態度有少少不滿話: 「吓。而家又有位啦？」再過3分鐘，3個朋友們到左之後我哋準備入去。店員同我地講已經full左，無位。我好出奇，但我地有留位。佢話:我地只留枱5分鐘。你地要重新係外邊等位。我望望裡面，見到之

今日叫左一份刺身定食，有三文魚，帶子，赤貝，生蝦，北寄貝，油甘魚，味道相當晤錯，伴碟重有烏冬，麵豉湯，麻醬豆腐，蒜蓉蒸蠔，另外叫左一份鹽燒牛舌，不過冇乜味同埋太硬，再加椒鹽雞軟骨，好脆口，我地額外再追加一份赤貝，因為太好味，另外叫左一條琴日從日本飛機直送嘅目仁奈，鮮甜好味，最後當然糸雞泡魚干，一流

之前見到推薦，剛好去到旺角就順路？來打卡這間在太子的良心小店啦💛點了一份蒲燒鰻魚定食，包括前菜，刺身3款，麵豉湯和白飯，落單之後大約10分鐘左右就拎到😋回家打開看到飯和鰻魚是分開裝，3款刺身也擺得整整齊齊，感覺店家真的是很細節欸👍鰻魚醬汁味道濃郁，不過肉質比較緊緻偏瘦🙈飯上的飯素好好味，米粒軟硬適中，刺身用料新鮮夠清甜，前菜炸雞炸衣不厚雞肉嫩滑有少少juicy，麵豉湯都足量好飲😋蒲燒鰻魚定食 7.0/9不得不說店員真是超nice，不僅可以在店內吹冷氣坐等外賣，還會倒水給我真的是沒想到欸欸欸～疫情期間外賣自取過無數次，第一次碰到等外賣店家還會主動提供水的欸～超滾動der💛

激抵食lunch set💛💛🍣.感謝大家對小弟嘅厚愛🤘🏻上次長洲post短時間reach到大約12萬觀眾，而且仲會一直上升🙌🏻今次繼續post平靚正嘢！.1️⃣壽司定食B（$88）套餐有9件壽司，沙律前菜麵豉湯，+$6有蔥花烏冬，啱晒一眾大胃王sss。先係兩件炙三文打頭炮，夠長夠大條🫣加分！燒得有魚油香之餘唔會燒焦舊飯。再嚟係牡丹蝦，有炙香，飽滿，個人覺得唔炙會鮮味啲🤣然後係炙魷魚，賣相滿分，食落還ok。易咬開但味不算太鮮。帶子！大隻同完整，加上面頭嘅燒汁甜甜地，jeng🐚鰻魚大條抵食，味道同出面差唔多。青瓜卷作肚皮填充物是常識吧😚值得一提係個蕃薯仔小食表皮有微微燒過，脆脆地幾得意💛.2️⃣刺身定食（$88）主要有三文油甘劍帶子牡丹北寄🐣雖然厚度有待豐滿（咩形容🤣），但$88無投訴！唔用炙吧方式令三文魚、帶子、油甘、蝦、劍魚腩鮮味保留，試到原汁原味鮮甜！.性價比：🌕🌕🌕🌕🌗美味度：🌕🌕🌕🌕🌑獨特性：🌕🌕🌖🌑🌑.📍佐禾町居食屋 (太子)🍣太子荔枝角道104號地舖.@saga.town #佐禾町居食屋 #太子黃店 #深水埗黃店 #旺角黃店 #sushi #sashimi #黃店 #黃色經濟圈 #黃

星期日的中午，因為疫情，街上有點冷清。但這食店卻是滿座及等著外賣的人們。我哋二人有點貪心，叫了三個餐。雖然驟眼看，份量不是很大，但唔知是否我哋食力弱，還是米飯足，最後我倆都感很飽足。燒汁牛舌定食$68先來，有湯，內有蜆肉、海帶，湯不會太鹹太濁。牛舌大大件，不算薄，不過伴著的洋蔥就太鹹了，很快便食晒碗飯。因為湯不鹹，所以最後喝返啖湯沖淡了。老公叫了壽司定食$88，壽司飯不大，不過果片刺身又長又厚，很正，十分滿足啊！蝦也大大隻，連蝦頭都嚐一口，幾鮮味。還叫了一個$60的雜錦魚生丼。魚生不是粒粒碎碎，是完整一片片，又厚又多款，鮮味十足。我覺得它就算$80都值。整體刺身質素與價錢一併，真的非常超值。難怪不懂分好味與否的老公都大讚，有機會帶埋阿仔來嚐。

《佐禾町居食屋》太子14日又14日暫停晚巿，飲食行業的確好難捱💪💪艱難日子都希望可以先撐良心店💛尋日約左朋友喺旺角處理事務，所以推薦不如去佐禾町💛今次已經係第二次去，絕對係CP值超高，位置末必係太方便，但其實由太子站行過黎都只需要幾分鐘，希望大家都支持下❤＜壽司定食 A＞$88 +$6轉蔥花烏冬＜壽司定食 B＞$88 +$6轉蔥花烏冬大家睇一睇圖片已經睇得出個份量😆而且用料不錯，這個價格相對這個質素係winwin的😌個人比較喜歡點定食，因為種類多岩我咁貪食既人🤭壽司🍣全部大大件，加埋都真係好飽😝推薦大家+$6 轉蔥花烏冬＜燒汁牛舌定食＞$68份量比想像中多，刺身好新鮮仲有3款咁多，好滿足到食慾😋牛舌好軟綿綿，入哂味好好餸飯😄※全日免加一服務費

今次已是第三次來這間舖頭了，最初是偶然經朋友介紹一起來的。之前試過它的熟食和壽司都很高質，性價比很高，魚生都很大片和新鮮，稍為美中不足的是熟食稍鹹。今次叫了雜錦壽司（大），雖然冇海膽所以轉了做三件蟹膏軍艦，但各款魚生都十分新鮮，例如蝦如果不夠新鮮的話咬落去會起膠的，這個蝦卻很爽甜，但今次最令人驚喜的是鰻魚壽司，十分好味、肉質彈牙，現在真的很少能吃到這樣的鰻魚了，通常在壽司舖吃到的都是軟林林的，下次一定要試吓佢的鰻魚丼😋