佐禾町居食屋

营业中

休息中

新一年配完眼鏡搵食, 見呢間係附近又抵食，刺身同壽司set一百都唔洗, 而且仲無加一添!!刺身定食 ($98)刺身有兩片三文魚、兩片油甘魚、兩片北寄貝、一隻蝦、兩片帶子同一隻原隻連穀赤貝。根本就係叫刺身拼盤的擺盤，而且每一款都好鮮甜；三文魚同油甘魚厚度適中；蝦其實唔係好知係邊一種類，不過都幾大隻仲好甜! 赤貝切哂花咁原隻上，同北寄貝一樣都爽口!  帶子鮮甜係薄咗少少。另外仲有麵豉湯、麻醬豆腐、兩隻炸餃子同湯烏冬，真係勁豐富!!!蜆仔肉麵豉湯同幼身烏冬都較清淡唔咸。壽司定食(A) ($88)壽司有三文魚(兩件)、油甘、蝦、腐皮、帶子、海膽同四件卷物。鮮度同樣，係油甘切得唔太靚仔。驚喜竟然有海膽，唔腥同算鮮，但入口有點甘苦味。一樣跟湯、豆腐、餃子，但就無烏冬。仲有另一款係熟/火炙壽司，唔鍾意食生野就最啱。另外呢度既芥茉係手磨個種，一打開就覺得好香，有夥粒感，但就唔係好辣 (直接入口都唔覺攻鼻)，鍾意辣可能要落多啲。P.S.1 舖頭門唔係透明，唔洗怕醜拉門入去啦P.S.2 麻醬豆腐同炸餃子好似唔係常設，可能會轉其他野P.S.3 估計老闆鍾意X-Japan or Hide 同....自己睇~

本着啲價錢幾抵食嘅心態嚟試，食完係絕對會再encore！我同兩個朋友都嗌咗刺身定食，廚師發辦大家都有唔同嘅刺身試😋 雖然晚市18:00後要加$30，但點都估唔到會有鮮甜嘅海膽🥹🍣🍜刺身定食 $98 (+$30)味噌湯、麻醬豆腐、雞翼同烏冬都係一般，得個湯勝在有幾粒蜆肉🤣 但啲刺身算新鮮 食落幾厚肉 咁多款各幾片係幾滿足💕🐮✨蒜片一口牛 $58啲蒜片炸到金黃色～ 一口牛好軟腍 牛味都好出🥹😋 如果有多幾粒就好!!!

🍣聽朋友講太子有間日式小店性價比極高🙈今日咁岩經過太子 所以即刻醒要試下佢因為店舖既坐位唔太多再加上星期六又撞正lunch hour我都等左差唔多20分鐘先入到去定食既選擇非常多 熟食同刺身定食都有但熱愛刺身既我就緊係揀刺身定食喇😚🍣 刺身定食 $98 ✨8.5/10雖然刺身定食只係98蚊 但一d都唔馬虎🥹包左刺身6款 沙律 前菜 麵豉湯 同迷你蔥花烏冬麻醬凍豆腐既汁好夠 豆腐入口好滑身✨炸餃子表面炸得好脆口 餡既部分都幾juicy🥟個湯烏冬仲要係得最愛既稻庭烏冬 真係好好食😍到主角刺身 每款都大大舊勁厚切 而且好新鮮平時我好怕食赤貝 因為一唔新鮮就會有臭味🥹但呢到既赤貝入口係勁鮮甜 唔會有任何異味唯一不足係呢到既刺身係餐廳指定 冇得自己揀款🥲但呢餐咁豐富先98蚊 我都冇野好挑剔佢了🤤食完都飽都飽到上心口了 呢間餐廳性價比極高不過18:00之後刺身同壽司定食都要加$30但個人認為就算$128都值得食👍🏼有經過太子既朋友 絕對值得黎呢到一試🤤📍 佐禾町居食屋 太子荔枝角道104號地舖

依間和風居酒屋小店絕對唔可以睇小，講明先依個係真食評絕無造假一口牛定食：一口牛可以算係佢地店舖名菜，嗰個口感同以往食過嘅完全唔同，加埋蒜片增香，真心無敵，我lunch望到其他枱都係食一口牛天婦羅定食：不過不失，我一直覺得天婦羅好難做得特別出色好食，皮唔厚已經無問題送既刺身夠凍唔腥我之後同班朋友得閒就上黎食，好多好好食嘅菜式，但可惜無影相，比個list大家，信我就試下：一口牛（必點）火炙左口魚壽司（非常非常非常推介）魚干雞軟骨雞皮（半軟半脆真係無得輸）

🎼🎶一個人原來都可以盡興🎵一個人食飯有咩好怕喎，享受下獨處嘅浪漫✨️有自己一個專屬Me Time也是一種幸福🥰一個人食飯的好處...可以專心地細味味道在口中的變化、慢慢感受食物的香氣和口感👍🏻我揀咗刺身定食呢度嘅lunch cp值高🍱沙律 🥗芝麻醬🧊凍豆腐蜆肉麵豉湯小食有驚喜有炸三文魚腩粒粒🤩最後有迷你蔥花烏冬有六款刺身 北寄貝 / 三文魚 / 油甘魚 / 帶子 / 牡丹蝦🦐,仲有。。。。赤貝刺身🥢🥰

其實呢間位於太子既日本餐廳我已經bookmark左好耐好耐，聽聞佢地既刺身定食非常抵食仲好高質，百聞不見如一見，終於搵到時間去試下👻🥢刺身定食($98，18:00後+$30)呢個定食包括：刺身6款、沙律、前菜、麵豉湯同埋迷你蔥花烏冬。沙律係芝麻醬冷豆腐，而前菜就係炸餃子🥟，落左單先炸所以送上嚟個陣仲係漲卜卜，食落熱辣辣㗎👍🏻麵豉湯入面仲有好多蜆添😍好有驚喜跟住就到呢個定食既主角－刺身💖當日既刺身為：三文魚、油甘魚、黃金魷魚、帶子、赤蝦同鮟鱇魚肝🐟每一樣刺身都非常新鮮，三文魚好大片而且成cm厚，油甘魚食落油脂香都幾出。帶子好鮮甜，但黃金魷魚就有少少偏鹹了。至於我自己覺得最好食既就係鮟鱇魚肝同赤蝦🦐當個定食送到上嚟，而入面竟然有鮟鱇魚肝既時候已經即刻心心眼左😍!!!因為我非常鐘意食鮟鱇魚肝🤤而質素亦無令我失望，好好食好有油香，入口即溶。除此之外赤蝦亦非常高質，蝦頭入面有極多蝦膏，多到係塊木板上面形成左一個蝦膏池🤣蝦肉亦好鮮甜同好厚，沾埋蝦膏一齊食係一絕👍🏻👍🏻不過成個餐較失色既地方就係個迷你烏冬，比較淋身唔夠彈牙，而且同刺身一齊食唔係好夾，如果可以改成冷烏冬，或者可以轉飯就會更好了🙏🏻呢個

佐禾町居食屋平時經過呢頭探凍肉舖朋友就會黎呢間到食呢由開張已經食到依家了🔸雜錦魚生丼分別有- 芥辣八爪魚🐙( 開胃 )- 黃金花枝 🦑 ( 好爽口 )- 蛋🥚 ( 好甜 )- 北寄貝🐚 ( 正常 )- 帆立貝🐚( 正常，不是厚切 )- 油甘魚腩🐟 ( 超級肥美 )- 三文魚腩🐟( 今日唔夠腩 )- 赤蝦 🦐 ( 還可以但我愛甜蝦多點 )前菜其實係一碗蜆肉海帶湯( 好彩唔係麵豉湯，我不喜)主菜來了，係滿滿刺身蒲哂係面既刺身丼飯呀！樣樣都好新鮮好好味其實成日去都係因為價錢服務質素食物質素環境$80可以食倒一個咁足料既刺身丼？係邊到搵？有既可能，但一定冇呢間咁好味我食果陣覺得青瓜絲阻住我，會夾走佢。而我又會鍾意夾哂d刺身岀黎慢慢食第二次去已經主動問我走青瓜絲及比個小木餐盤我，讚👍🏻👍🏻👍🏻加上盡左全力既日本餐廳氣氛+店內濃厚既顏色🐷🐷🐷🐷我好推薦呢間餐廳呢🏡 九龍荔枝角道104號#gd.food.gd.mood#eatwithfoodiez#日本野#良心小店 #刺身丼

星期六下午去食，都等左15分鐘位，入到去都坐得舒服，亦有茶提供，我地就叫左兩個set~刺身定食$98（18:00後+$30）配：刺身6款（赤貝、三文魚、油甘魚、帶子、生蝦、北寄貝）、沙律、前菜（餃子）、麵豉湯、迷你蔥花烏冬Lunch 100蚊有找嘅刺身定食真係值得一讚，赤貝係好鮮甜，其他刺身都好厚身，都唔會好腥，仲有前菜係炸餃子，都好okay，只係烏冬淋左少少，但成個set cp值都好高！壽司定食＄88（18:00後+$30）配：壽司6件（三文魚、帶子、油甘魚、海膽、魷魚、生蝦）、卷物3件（玉子壽司）、沙律、前菜、麵豉湯壽司嘅魚生同刺身嘅味差唔多，都係好食，對得著個價錢，海膽就差少少，有少少咁腥，但都要重申係對得著個價錢！

《不負責任食評—佐禾町居食屋》評分：🌕🌕🌕🌕總評：價格相宜，大件夾抵食，質素唔錯叫咗兩個餐再加幾個小食都係每人$200有找，會再翻兜——————————————《刺身定食》總共有六款刺身，上網睇到每一日嘅款式都會有少少唔同個人覺得最抵食就係嗰隻赤貝好多時出去食一隻都要4-50蚊刺身都新鮮，質素唔錯本身跟餐係烏冬但係可以免費轉壽司飯或白飯《炭燒鰻魚定食》一上枱睇落其實有少少失望鰻魚唔算好肥美，比較瘦削，而且份量偏少食落就都係一般急凍鰻魚嗰種口感，無乜驚喜下次會主要食返佢啲壽司或者刺身《日本生蠔》肉質飽滿、味道鮮甜，食完好滿足《燒油甘魚鮫》外皮燒到有啲焦脆，油香十足建議要放少少七味粉同埋檸檬汁，超好食！《和牛粒串燒》見$38兩串就嗌黎食下一食就超級失望因為其實佢唔係真正嘅牛肉粒而係用類似漢堡扒嘅肉嚟整成粒狀燒同我想像中嘅出入太大唔會再encore

太子日本菜黃店🤨🤨之前見到好多人都介紹呢間，之前專登去試下係咪真係傳說中咁好食先🫠❤️ 刺身定食 $98刺身定食有味噌湯，麻醬豆腐，炸餃子，刺身拼盤同烏冬～麻醬豆腐正常發揮無咩特別😂炸餃子就唔熱既，可能係預先整定，但都算脆，只係配沙律醬有d搞笑🤡值得一提係味噌湯有幾粒蜆肉，加左少少分🤣刺身方面就真係有少驚喜，本身呢個價錢都無expect有咁多款😝帆立貝，三文魚，油甘魚，北寄貝各兩件，另外仲有一隻蝦同生蠔😆刺身比想像中新鮮，食落都有鮮味，魚都幾肥美，只係隻蠔略嫌太腥😵‍💫😵‍💫但呢個價位食到呢個質素既刺身幾surprise! 烏冬係扁烏冬，唔煙韌，唔係讚岐/稻庭烏冬，醬油湯底，呢個就真係for你食飽only，麻麻地🥲❤️ 壽司定食（B）$88定食B主要係火炙/熟既壽司，都多選擇但食材都係同上面嗰d差唔多，都唔錯但刺身好似食得開心d，另外可以加$6配烏冬，呢個定食本身係壽司，唔加都應該夠飽😎另外發生左都少少搞笑既小插曲，因為之前網上見呢間都多人排隊，餐廳開12點，我地大概12:10到，落單既時候店員同我地講話未有壽司飯唔落得壽司住🫣話要1230先可以開始落單，而我係唔明點解唔可以落住先，你到時

上次已經嚟過一次~覺得佢嘅刺身都算新鮮，今次索性過嚟試佢嘅刺身定食❤️由於刺身係當時發板嘅，所以都唔知上菜嘅時候自己係食咩㗎😂 隨時可能都會食仲自己唔想要嘅刺身~整體嚟講，刺身定食都不過不失，味道還可以，大份都夠新鮮，唯獨是定食入面個烏冬已經索曬水， 已經淋曬冇咁好食😰😰$98已經算幾抵另外，叫咗份牛舌定食，牛舌定食份量一時時，上次去嘅時候牛舌多到爆炸， 今次去嘅時候牛舌少咗1/3， 不過味道還可以，68蚊嚟講不過不失，都算淋身👌夠飽呢間嘢我都會再幫襯，下次要試埋佢嘅壽司定食先❤️#黃怪獸 #黃怪獸覓食 #太子美食 #香港特色 #日本 #日本菜 #japan #japanesefood #yum #yummy #foodie #foodblogger #foodiehk #hk90s #hkfood #hkfoodie #食好d食平d #食好西 #食好d #食食食 #食 #壽司 #刺身 #sushi

前前後後過黎食咗五次，試過壽司＆刺身定食，鰻魚定食，天婦羅定食，牛舌丼飯，覺得係值得推介嘅同路人店舖！原因主要有兩點：1. 嘢食好味，佢嘅魚生食得出好有鮮味，可以感覺到食材檔次（或者處理方法）高過壽x朗（呢個係基本要求啦，但好多日本料理舖都做唔到）；鰻魚好鮮甜多汁，冇腥味；牛舌厚切，爽朗彈口；而佢嘅前菜每次都唔同，有時候係豆腐，有時候係貝類，但都幾開胃。2. 價錢有競爭力，呢間嘢嘅定食系列最貴（刺身定食98＋晚市額外30蚊）都係128，但會食到比較貴嘅食材（例如虎蝦刺身，海膽），對比啲連鎖壽司舖，如果叫同樣等級嘅嘢，分分鐘會更加貴。而且有平價且質素高嘅選擇，例如68蚊嘅定食系列，甚至係48蚊嘅丼物，都好值得食。

聽同事介紹，係太子金鳳大餐廳附近有間日本野幾好食，叫佐禾町居食屋，所以就去試下😍我自己就叫咗一個三文魚腩碎丼，叫之前其實都有定心理準備一定係切頭切尾的位，不過諗住都係三文魚腩嘅話應該唔差啩....上到嚟就真係有啲失望~其實佢嘅味道係ok嘅，不過就真係見唔到有三文魚腩嘅肉喺入面，腩位有啲特徵，佢成個三文魚肉碎入面都唔見有😢佢打算將佢變做三文魚碎我哋就食唔出睇唔出？？ 我頂多只可以話佢將三文魚腩入面嘅三文魚部位「可能」有混搭到，但係最香最肥美嗰層，最外面嘅三文魚腩你唔會見到~所以我將佢夾起咗畀大家睇~不過好彩食落去都算新鮮，而且佢配搭油金魚同帶子都仲係有鮮味，所以食落都滿意😀而且價錢唔貴，$68👍🏼👍🏼仲包埋一碗湯性價比都可以㗎啦~不過建議寫住三文魚碎會好啲，唔應該寫三文魚腩碎😂😂😂身邊幾位朋友就食熟食，我自己就冇試過，不過成個套餐都係68蚊，都係包六塊刺身，有餃子有湯，有飯有主食，其實都算幾抵👍🏼唔排除下次我去試下佢嘅熟食，再同大家講下味道😁整體嚟講我覺得都算ok，68蚊嘅價錢嚟講，免加一仲有刺身有湯，而且的刺身都有鮮味，還可以啦， 性價比還好👍🏼#太子美食 #太子 #食好d食平d #食

出菜非常慢，必須要耐心等候，食物質素一般般，以這個價錢周圍都有，可能質素仲比佢哋好，服務態度非常差。佢地明明係餐牌寫住六點後需要加收15蚊，但我係五點50分入坐，五點55分佢幫我落單，埋單嘅時候我問佢點解要收多我15蚊，佢話當我六点鐘入座，如果以佢噉樣講嘅話就冇必要寫喺個餐牌度，係度誤導顧客，又或者如果佢態度好啲我覺得15蚊可以當係 Service charge，所以食完都背脊骨落，唔會有下次!!差、差、差

食物不過不失。服務差。在店只有一半客人時也強迫搭台，說繁忙時間一定要搭台，空台已預留給人。但到食完，也不見再有其他客人。😕😕防疫意識非常差，強迫搭台，但不提供膠板間隔。