九鬼居酒屋 (耀華街)

营业中

休息中

喺耀華街原來開咗好多新嘅舖頭🤣有好多唔同嘅餐廳！好似好多都好正，甜品就揀咗食甜姨姨，最近勁hit🤣不過都要食咗正餐先！就揀佢隔離九鬼日本居酒屋！入到去，感覺好舒服，而且人流唔算多，可以慢慢食慢慢傾密偈🤣今日由於想留肚，就叫輕食小小嘅！！唔食carbonhydrate 啦！！叫咗烤銀雪魚 $158超級滑同嫩！！！好正！！！入面啲魚肉入口即溶，超高質！！！另外都有叫油甘魚鮫🤣配個汁食一流！有柚子味嘅鼓油！點咗魚肉之後個味完全升華咗🥰好厚肉！正呀！！不過我會比較鍾意食銀雪魚多啲hehe仲叫咗串燒，雖然都唔平🙈🙈平均$48一串蘆筍，鏝魚，五花肉，雞，牛舌！樣樣都好高質，食第一啖已經係心入面wa wa聲🤣其中雞同牛舌係最正！！！雞難得炸完入面仲係好嫩好juicy而且好入味，少少咸咸地好好食！！！而牛舌超厚切，入面係難得仲好嫩，粉紅色嘅！！真係好得！！仲有叫下小食！炸雞軟骨同帆立貝他他🤣帆立貝他他我哋落太多青檸汁，所以偏酸，但夾紫菜食好有特色🤩👍🏼👍🏼仲叫咗刺身油甘魚🥰好高質！厚切！新鮮❤️❤️

開業咗大半年 裝修以武士為主題嘅居酒屋🏮餐廳主打日式串揚 亦有多款燒物同小食🍢係bellofood近期到訪過性價比最高嘅居酒屋😳-黎得呢度就梗係要試串揚啦🍢牛舌芯嫩滑厚切 慢煮五花肉肥美邪惡野菜類推薦日本山藥 爽口好味😛佢地嘅炸漿係特別調製 食完都唔會話好膩!配上啤酒真係不亦樂乎🍻-🐟鱈魚西京燒 $158一上枱已經聞到魚油香味🤤鱈魚外皮燒得香脆 內裏肉質極嫩滑點埋美乃滋就層次豐富啲 唔點就鮮味突出啲!-🍢九鬼關東煮(一人前) $88魚湯每日新鮮自家熬煮 鮮甜暖和 啖啖幸福嘅感覺🤎包含咗竹輪 大根 福袋 白魚板 豆腐同墨魚卷 墨魚卷墨味重🦑 豆腐非常嫩滑真心每款都好好味 大推☺️-🍘黑松露牛肉可樂餅 $58可樂餅由大廚自己手打 誠意十足😚入味嘅薯蓉好綿滑 夾雜著粒粒肥牛配上秘製新鮮黑松露醬 好惹味🤤佢地嘅可樂餅仲會定期轉口味添😛

今晚放工帶媽咪去咗銅鑼灣食日本野，嚟到呢間位於耀華街的「九鬼居酒屋」，店內環境簡約時尚，頗具格調，座位頗舒適～餐廳主打日式小食、燒物、煮物、串揚、關東煮等等，選擇豐富安格斯牛肩肉先叫咗三款日式串揚～厚切的安格斯牛肩肉，炸到外脆內軟，牛肉味好香濃，加咗少少日式芝麻醬，更加滋味櫻花蝦餅吉列外層金黃香脆，蝦餅口感彈牙，加咗櫻花蝦，所以多咗櫻花蝦嘅獨特香氣，蝦肉味道亦更加突出！配上餐廳秘製辣醬，好好食車海老蝦肉鮮甜美味，結實又彈牙，蝦頭仲有唔少蝦膏椰菜絲沙律品嚐完炸物可以食椰菜絲沙律清新味蕾，口感爽脆又新鮮鱈魚西京燒富光澤嘅銀鱈魚西京燒，連埋魚皮一齊燒，多咗份魚油香，魚肉仍然保留鮮嫩口感，好正呀九鬼關東煮一人前每款關東煮物各有一件：白魚板、厚揚豆腐、墨魚卷、福袋年糕、竹輪、大根。關東煮湯底好鮮甜，仲有蘿蔔嘅清甜～厚揚豆腐好滑且有彈性，同一般嘅港式豆腐唔同！鰻魚丼最後仲有鰻魚丼🍚鰻魚有四小件，厚切又肥美，啖啖肉，充滿魚鮮味！配上粒粒分明的日本珍珠米飯，不得了哦，夠哂飽肚

今日嚟到銅鑼灣一間算係隱世嘅日本菜食lunch餐廳佈置好有特色，係日本「鬼」頭哈哈睇下午市定食先所有定食包括：「沙律」酸酸地嘅沙律醋醬汁令成個沙律十分醒胃「關東煮大根」關東煮湯汁完全滲入晒整舊蘿蔔一咬開更加見到連最中間！嘅部份都非常入味清甜令人十分懷念日本嘅味道～主食我哋分別叫咗以下兩款：「西京燒銀雪魚 $128」西京燒即以味噌，味醂，日式料理酒，糖烹調銀雪魚肉質好嫩滑，略帶一點奶油嘅味道，魚油味香使用味噌醬醃製後，甜甜鹹鹹的味道配上白飯真係停唔到口！再加上魚肉本身一片一片入口即溶嘅口感，好好味！「九鬼嘉隆（時令海產）$148」係一碟六款嘅刺身拼盤分別有帆立貝，鯛魚，甜蝦，北寄貝，墨魚，三文魚子每款刺身都好新鮮特別喜歡嘅係帆立貝，口感滑順又好大粒總括而言，係一間令我搵番日本味道嘅小店食材用料新鮮，必定再次光顧！

Weekend約左舊同事食飯，以前係銅鑼灣返工，最鍾意就係時代廣場附近既耀華街，成條街都係餐廳，同事想食日本野，見到呢間新開既居酒屋，仲要weekend 都有set lunch 就決定入去試試😌入到去環境唔錯，坐得舒服我點左一份九鬼嘉隆（時令海產）($148)朋友就要左份西京銀鱈魚($78)每份套餐都會跟白飯，大根同沙律因為寫時令海產，所以預先完全唔知有咩，但絕對有驚喜😍海產夠哂新鮮，帆立貝非常厚肉爽口，甜蝦味道鮮甜，魷魚就較煙韌咬口朋友對自己點既銀鱈魚亦讚不絕口，話魚肉香而不油

星期五又到小勺的日子，朋友相約到耀華街呢間居酒屋，因為有清酒放題，只係$260，作為愛酒之人既佢即刻仆黎！餐廳地方不大，但好有風格，店員態度很好，又會介紹唔同既清酒～食物方面，主打都係居酒屋作風，所以好多串揚選擇，其實係香港又真係無食過！都好期待！先叫３串，有牛舌，鱈魚，同牛肩肉。牛舌一咬確實有驚喜，厚切得來很有肉汁，肉質嫩滑，炸漿唔厚，好似比日本既更好吃！除左串揚，仲有飯類／關東煮，因為實在好耐無食關東煮，叫左一份來吃，湯底比普通日本便利店的多左陣香味，甘甘地很甜～還有我最愛既年糕福袋！最後必試的是鰻魚飯，鰻魚睇落同平時既差唔多，但口感卻差好遠！真係超級好食！口感淋滑，不是即食鰻魚那種膠膠既感覺，真的好回味！！

一入去呢個主打串炸嘅居酒屋，真係即刻勾起去大阪旅行通天閣食串炸嘅回憶啊~ 講返店舖嘅環境先，整體整潔舒適，服務周到，好啱約朋友去飲返兩杯～啲相比較綠因為有呢個燈🤣所以唔好介意😛🔸半熟玉子半海膽鮭魚籽$38賣相精緻，食落味道層次豐富。🔸味噌燒羊架$168羊架非常Tender，羊肉咪濃。🔸炸串（牛舌心$48、車海老$88、安格斯牛肩肉$68）炸皮薄脆唔會太油膩，做得幾好～配上一大碗椰菜絲，另有兩款醬汁，酸酸地好開胃。🔸關東煮（福袋年糕$38、白魚板$28）湯的大根味濃郁，白魚板食落好軟綿～🔸蟹肉蟹味噌丼$78蟹膏撈飯呢個配搭真係無得輸😋見到呢度原來仲會搞清酒放題，啱晒中意Sake嘅人～

九鬼居酒屋在輝華街地鋪，大大個將軍logo係餐廳既中心，九鬼係偏向時代感既居酒屋，店員服務親切常加茶，店內有大量唔同款式sake, 岩哂喜歡飲sake既朋友。帆立貝他他，帆立貝已切為碎粒狀，口感彈彈！topping有 wasabi作調味，更添鮮香感覺，用紫菜包住食，層次更豐富！鱈魚西京燒，魚油味好出，魚皮煎到香脆，肉質又夠嫩滑，大大塊幾厚肉！有入口溶化既感覺。Shio kiji雞和安格斯牛肩肉炸串，粉漿真係與別不同！夠脆身沒有油膩感，非常好食！入面既肉都夠juicy,即叫即整熱辣辣。鮑魚蝦湯泡飯，非常高質既泡飯，湯頭用上蝦殼蝦頭做膽，味道非鮮香入味，鮑魚切片，口感煙un新鮮！非常加分。

😋[]小店裝修有特色，牆上既壁畫同埋霓紅燈都好特別，就連筷子托都好日式好有心思🥰🎈軟骨漢堡扒伴金文拔芝士&洋蔥果醬 $88 + 醬油漬玉子 $8⭐所有定食包括沙律、主食、白飯、關東煮大根首先沙律份量以日式套餐黎講算好多，因為講常都係一小碗，今次一碟份量👍🏻沙律菜新鮮，醬汁酸酸甜甜好開胃，不過我覺得偏酸左少少😅另一配角關東煮大根，蘿蔔煮得好淋好入味，仲要冇渣👍🏻👍🏻至於主食軟骨漢寶扒好正，有口感又厚實，配埋洋蔥好正(我平日都唔多食洋蔥😅)呢個洋蔥有少少似蘋果焦糖洋蔥，配埋漢堡扒超夾😋😋另外火炙芝士亦都好香好味😋🎈吞拿魚三色丼（醬油漬赤身、拖羅蓉、赤身）$158朋友就揀左三色丼，不過吞拿魚三色丼賣哂，問我地介唔介意轉海膽·拖羅蓉丼。我朋友係海膽fans就當然冇問題😂😂海膽睇相都知比得多，仲要又甜又新鮮，朋友食得好滿足，覺得賺咗🤣🤣拖羅蓉creamy又有油香，仲有埋三文魚子同埋甜蛋👍🏻👍🏻👍🏻🎈九鬼冷泡茶 $10🎈青檸梳打 $10

最近又有好事發生，當然要揾個地方Chill下歎下，食番餐好嘅慶祝一下。今晚來到銅鑼灣<九鬼居酒屋>，試下關東日式串揚小食。餐廳人氣頂盛，平日晚上都吾少客人，不過餐廳座位都夠闊落，坐得都幾舒服，好啱同朋友一邊食飯，一邊傾計。餐廳另外一邊還有Bar枱位，啱曬酒鬼吖！！～食物方面，都有吾少選擇，關東煮、燒物、串燒、串揚、丼飯、烏冬、野菜、煮物，而且仲有多款精選小食供應。<練梅烤野雞 $128>烤野雞是較為多肉的雞腿部位，雞肉烤得夠香而帶微焦。雞肉的肉質依然保持到非常嫩滑，而且仍然帶有肉汁。值得一讚嘅係，雞肉應該用上日本梅酒來醃製，所以吃的時候，散發著一種淡淡的日本梅酒味道，非常特別，而且仲相常好味，亦並非其它日式居酒居能夠嘗到的獨特味道。我們試了三種串揚，全部都非常好食，值得推薦。銀鱈魚：炸得非常香脆，魚肉依然夠滑夠嫩安格斯牛肩肉：牛肉味道頗濃，而且仍然帶有肉汁，肉質鬆軟櫻花蝦餅：蝦肉炸得外面香脆，肉質彈牙<鮭魚籽丼 $88>鮭魚籽粒粒都非常新鮮，顏色鮮明吸引，入口味道極為鮮甜味美，配上日本珍珠米飯及醬油，鮮甜味道更為突出。<鰻魚丼 $

今次嚟到銅鑼灣試日本嘢😝鋪面裝修好用心😍😍，直情有返咗鄉下嘅感覺🥰🤣仲有好多好qq嘅公仔🤣朋友特別鍾意肥超人🦸‍♂️～Lunch set有唔同定食可以選擇，主要係丼飯🥸跟餐有沙律同關東煮大根，做醒胃前菜唔錯😆明太子蓉火炙左口魚裙邊丼定食 ($98)呢個真係超高汁🤤三文魚籽嘅口感加上左口魚火炙嘅香味😻不得了！順帶一提連啲飯都係暖嘅～吞拿魚三色丼 ($158)醬油漬赤身、拖羅蓉同赤身帶嚟唔同嘅口感～赤身比較有咬口🧐所有食材都算新鮮，食落有少少甘香🥸～相比起左口魚丼呢個就冇咁有驚喜，不過以呢個價錢食到咁嘅質素算係相當抵食😆飲品方面我哋試咗青檸梳打同冷泡茶😇青檸梳打酸味都幾勁🤣不過夏天熱辣辣飲就啱晒～而冷泡茶我同朋友都好鍾意，茶底係帶菊花香味嘅😚😚

nine ghosts izkaya!haven’t been to izakaya for so longmy friend suggested to try this izakaya with nine ghosts inside after work today.wasn’t bad, with a very wide range of choices ranging from 関東煮 to 関西’s 串カツ🤤this shop is always so quiet.. and there is 0 customer there i feel so sad for them cause their food was so good!! however it is really quite pricy if you want to leave feeling full - food are not expensive but all in a tiny portion we ordered not a lot today:3 kushikatsus including-ox ton

銅鑼灣遠離time square既一條小巷，有一間隱世於鬧市中既小居酒屋，簡單的日式風格裝修，門口有一幅大型壁畫，是惡鬼的樣貌，但仔細一看，其實是日本武士，甚有特色👺入到去都忍唔住打卡幾張😆午市12點開始，我和朋友11:45到，可能剛開門，又是下雨天☔️店面冷清，但這種鬧市中寧靜的感覺，看著外面淅瀝的雨點，呷一口暖茶，別有一番風味😌食物方面，午市有6款選擇，有冷暖丼飯，都是定食的形式，，配有沙律、主食、白飯、招牌關東煮大根😄👍🏻入口即化，熱辣辣，暖入心我朋友不食生，所以㨂了饅魚丼，肥美的饅魚新鮮烤好，表面塗上厚厚甜甜的醬油，外脆內軟，十分滋味😋放在白飯上，饅魚的油脂滲透入飯粒，聞上去十分可口😌而我就㨂了甜蝦、帆立貝丼，有三隻大大的甜蝦、2粒甜美的大帆立貝刺身，沾上新鮮的washabi, 每一啖都係享受，食完刺身，都飽了7成了～👍🏻😆最後我地還叫了居酒屋必食的雞泡魚干😍才$38一大碟！非常抵食👍🏻👍🏻九鬼特別調製了芥末沙律醬，食落出奇地相襯😯😯不經不覺就坐了一中午，味覺同視覺都滿足了👍🏻雖然選擇較少，但貴精不貴多，可以一試☺️☺️

In need of a quick lunch before work, I decided to try Kuki Izakaya. A small izakaya at night but during the day they offer lunch sets that all include a salad, main and oden.The restaurant is spacious with flashy hip drawings. It wasn't too busy during lunch time. Perhaps due to the location as this area is more known for drinking than actual food.Menu is in English and Chinese.The salad was a fine. Vegetables were fresh and crisp. There was a few bits of salmon roe tossed in with a light drizz

銅鑼灣耀華街越開越多食肆，已經變咗一條食街，當中亦都有好多特色餐廳，所以我哋今日特登嚟到睇吓有啲咩食。離遠已經比呢一間日式風格嘅餐廳吸引住，由門口望入去，有好多用霓虹燈造成嘅裝飾，特別係佢砌成左一個日本武士頭盔，非常型格。餐廳雖然唔係好大，但係入邊嘅裝飾都非常精緻，周年筷子座都好特別，係一隻貓嘅公仔。我哋兩個人去食，叫咗一個鰻魚丼，同埋一個吞拿魚三色丼。兩個都係午市定食，有前菜沙律，同埋關東煮蘿蔔。首先講吓鰻魚丼，鰻魚嘅份量都非常之多，比平時食到嘅較為厚身，可想而知佢用料都比較充足。另外燒汁都非常濃郁，配合鰻魚非常好食。再加上配有玉子燒，同埋日本出產嘅珍珠米，配搭得非常之好。另外係吞拿魚三色丼，入面有吞拿魚拖羅，吞拿魚茸，同埋吞拿魚腩，切得好厚身，成本都應該好高，好有心意。而家夏天，處理刺身食材係非常重要嘅環節，好容易就會變壞，但係餐廳嘅刺身都非常之新鮮，儲存方面功夫做得好好。再加上表面有一隻醃咗嘅蛋黃，配搭吞拿魚茸食係非常之好味。整體來講係一間唔錯嘅餐廳，食飯可以去試一試，質素都唔錯㗎！