九鬼居酒屋 (耀華街)

营业中

休息中

就嚟就係萬聖節啦 友人見到呢間九鬼居酒屋 就話要嚟應吓節😅 入到餐廳就見到幾多嘅日本惡魔裝飾 即刻諗返起喺日本嘅回憶我地嗌咗三串串燒 店員好細心咁介紹辣味同埋酸酸甜甜嘅串揚醬 仲另外附送用嚟清一清啲味蕾嘅椰菜絲☺️ 真係好貼心牛舌芯 呢個真係好好食 未食過啲咁腍 咁彈牙嘅牛舌 串揚面嘅蔥可以中和返牛舌嘅少少羶味 令到成串牛舌都好好食 更加有層次🥰安格斯牛肩肉 呢個牛味好突出 肉夠薄身 所以都好易咬開🤤櫻花蝦餅 呢個蝦餅幾大塊 蝦餡幾彈牙 前面兩款串揚都唔需要點醬 不過呢個蝦餅點少少辣味串揚醬 味道會有提升👍🏻鱈魚西京燒 魚肉非常嫩滑 魚油香味好濃郁 魚皮又煎得啱啱好 唔會太過燶 食落口幾皮脆肉嫩🐟鮑魚蝦湯泡飯 鮑魚已經切開咗 食得出鮑魚有落到酒去料理 所以鮑魚有少少甜味 蝦湯有淡淡蝦味 唔會太heavy🦐蟹肉蟹味噌丼 撈勻晒啲蟹味噌之後 每啖飯都會到蟹嘅鮮味 雖然丼飯唔係好大碗 但係都好滿足😐可惜今晚友人今晚有揸車 如果唔係一定開返支清酒飲 relax吓🍶

今日放假上完和諧粉彩體驗班去左銅鑼灣食晚飯約左個好耐無見既朋友傾計佢提議去耀華街呢間九鬼居酒屋我地叫左一款主食、三款小食、三款燒物同三款串揚share鮑魚蝦湯泡飯 $98主食方面我地叫左鮑魚蝦湯泡飯湯底好濃郁泡飯用左日本珍珠米吸引哂湯底既精華上面既鮑魚煮到好腍值得推介👍🏻👍🏻👍🏻💯小食方面我地叫左燒蠔、雞泡魚乾同免治雞肉軟骨串磯燒兵庫縣蠔 $38燒物即叫即燒未上碟已經聞到香噴噴😋呢款燒蠔好厚肉又夠juicy加左少少醬油更加提升左蠔既鮮味雞泡魚乾 $38雞泡魚乾燒到脆卜卜用左芥末蛋黃醬可以解膩👍🏻送酒一流免治雞肉軟骨串 $58呢款好好食將雞肉同雞軟骨撈埋一齊既串燒師傅加左生蛋黃可以點黎食食落又幾夾燒物方面我地叫左鱈魚西京燒同一夜干魷魚鱈魚西京燒 $158魚皮煎到脆卜卜肉質嫩滑唔會好多骨就算有都係大條既魚骨👍🏻一夜干魷魚 $88大大隻既魷魚燒到剛剛好肉質爽口彈牙唔會好韌同雞泡魚乾一樣都係送酒佳品串揚方面我地叫左三款: 五花肉、牛肩肉同花竹蝦慢煮五花肉 $48油脂分布得好平均唔會太油膩啱哂我安格斯牛肩肉 $68炸牛肩肉我都係第一次食炸粉夠薄入面既安格斯牛肩肉唔會過熟好正車海老 $88炸花竹蝦

🍴鮭魚籽丼 88 蚊🐟三文籽子 都算大粒爽口 魚汁 juicy飯比較軟身 加埋 d紫菜 加 d口感十分唔錯 🍴蟹肉蟹味噌丼 78 蚊🍚🦀蟹肉同蟹膏夠鮮甜 膏比較多 連埋味噌汁 撈丼飯十分唔錯 🍴鱈魚西京燒 158 蚊🔥鱈魚 魚肉整得滑得黎彈牙 魚皮都帶 d香脆 醬汁夠甜香 點 d沙律醬都好味 🍴唐揚豆腐 48 蚊🔥整得細細粒既豆腐 外面香脆 入面熱辣辣又軟滑 點 d明太子醬 帶 d creamy 同辣 都好 match 🌶️🍴安格斯牛肩肉 68 蚊🐂🍴慢煮五花肉 48 蚊🐷兩個炸串都炸得好好 外面香脆但冇整走肉既水份同香味 五花肉層次分明夠肥美 牛肉帶 d煙韌口感 肉味偏濃🐂 醬汁有酸辣汁 好惹味 而甜酸汁都同肉十分唔錯👍🏻🍴櫻花蝦餅 58 蚊🦐蝦餅薄身整得夠香脆 🔥 入面既蝦膠彈牙 帶 d香菜同櫻花蝦 幾有口感 👍🏻#五花腩 #櫻花蝦 #蝦餅 #牛肩肉 #豆腐 #西京燒#蟹肉 #三文魚 #丼飯 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value fo

之前好少行到入耀華街，今次同朋友黎食左間居酒屋，又係懷緬去日本嘅時刻。呢個九鬼嘅畫風我覺得幾型格架，一入門口就見到呢個大璧畫，別具特色👻雖然居酒屋應該要嗌下酒，見到佢餐牌寫有兩小時清酒任飲，但係我地本身好少飲酒所以係無嗌架哈哈哈🤣海膽鮭魚籽九鬼手羽，呢個好香炭燒味道，少少辣，好好食黑松露薯條，估唔到日本野有得嗌，正啊炸物：牛舌芯，安格斯牛肩肉，車海老。炸物同樣出色，尤其啲牛夠厚同好入味。鱈魚西京燒🐟同預期中一樣面頭燒得好香好滑啊條魚非常滿意！！只係食嘅時候要小心啲因為都有啲細骨。既然嗌左魚當然要配埋個飯，嗌左個蟹肉蟹味噌丼，呢個丼飯啲蟹肉對得住個價錢無呃秤呀，係足夠撈到成碗飯👍唔錯👍

今晚約左朋友係銅鑼灣食飯，黎到呢間好有日本感覺既居酒屋食串燒小食聊聊天。兩個人點了幾串串燒、兩個小食同埋一個主食，過了一個很chill的晚上。-甲羅燒$88去居酒屋必點嘅甲羅燒，我地都覺得好好味，有飯同紫菜夾埋一起食，感覺好夾，白飯可以中和蟹膏既咸味，十分推介！-半熟玉子伴海膽鮭魚籽$38見到玉子上有金箔有驚喜！一口小食，食落有少許酒既味道。-蟹肉蟹味噌丼$78原來又係蟹膏加味噌飯，好好味，但主食黎講蟹肉同整個丼飯份量比較少。-燒物：油甘魚鮫$148魚燒得好好味，沒有魚腥既感覺，好少食魚既我都食到。-串揚：安格斯牛肩肉$68/銀雪魚$68/車海老$88呢度既串燒係用吉列炸既，牛肉咬落好嫩多汁，好有牛味。銀雪魚都唔錯，唔乾唔腥。而車海老好有蝦味，肉質唔會梅，唔錯！呢間居酒屋既食物好有驚喜，味道唔錯，係約朋友傾計飲酒既好地方。

難得假期，帶大胃之母過海夜蒲上次佢飲咗人生第一次sake就愛上居酒屋，今次呢間對佢嚟講都有驚喜雖然牛肉好吸引，但鱈魚更吸引，西京燒法燒到外皮脆卜卜，肉質鮮嫩，唧啲檸檬汁落去，再點吓沙律醬，一級棒呢間串揚亦不俗，櫻花蝦餅真係蝦香撲鼻，同樣炸到脆身車海老係原條嘅大蝦，皮炸得好薄脆，但肉身又熟又嫩，蝦頭都炸到可以完全食落肚淋上特製嘅醬料，絕對係味覺嘅昇華冇諗過牛脷可以炸，亦可以咁厚，咬過勁嫩滑，如此口感，毋須杯中物已自醉燒蠔又係歎為驚人嘅傑作，火候控制好好唔會老，味道鮮味極致大阪燒份量好充實，兩個人食半個都見飽，麵粉同材料嘅比例恰到好處，所以唔會滯酒盜芝士開頭食會好鹹，但食吓配吓酒，嗰種鹹香、魚香同奶香，同味蕾化為一體一入嚟就見到好多酒樽，點都再嗌返杯呢杯sake睇樽身似西酒多啲，飲落都唔似傳統sake，有啲汽甜甜地，但帶有米香大胃之母就飲青檸梳打，酸酸地極開胃

之前睇中咗耀華街幾間餐廳都想逐一試試，其中有一間叫做「九鬼居酒屋」。基本上經過門外都會被佢嘅霓虹燈所吸引👺🚦。餐廳面積唔大，但環境都算幾四正，而且日本風牆畫亦係一大賣點，佢絕對係一間型格居酒屋🏮。店員們幾好禮貌，熱情招呼，如果嗌酒，佢更加會詳作介紹。呢度以輕食作為主打，例如各式小食以及串燒等。大部份食物(刺身除外)定價都唔過$100，算幾抵食👍。不過留意返，佢哋主要作佐酒用途，所以份量偏少。炸白蝦仔($78)，佢係精選菜式，不設於常規餐牌上。🦐炸白蝦仔份量激多，雖然個碟唔大，但我諗入面有超過100隻‼️。蝦身呈白色，連殼原隻炸酥脆無比，簡單用鹽同檸檬汁調味已經好正。即使蝦仔細細，但都好重蝦香。味噌燒羊架($168)，燒羊架已經算係餐牌中比較貴嘅菜式，一客有兩件。🐐羊架味道幾獨特，一般羊架都會用香草調味，但佢以味噌取替，所以散發出另一種鹹香，同時並能蓋過咗羊嘅羶味。另外，羊肉肉質唔韌，整體值得一試。九鬼關東煮一人前($88)，湯底有兩款選擇，分別係鰹魚湯同鯛魚湯(+$10)，我哋要咗前者，湯頭幾清甜，又夠熱。🍢關東煮一人前即係雜綿，每款食材各一件，包括竹輪、大根、墨魚卷、厚揚豆腐、福袋年糕

九鬼，是以前認識日本戰國時期的水軍名將姓氏，來到這裡也有很濃厚的武士色彩，也少不了那個signature 的霓虹燈logo!今次黎食晚餐，呢到唔似好大路既日本餐廳，有好多各種刺身同壽司做主打，反而以好多特色fusion食品同小食做賣點，而且味道真係好唔錯！好有新鮮感！首先係帆立貝他他，非常之鮮味！可以自由配搭，多檸的話就係清新，少檸就咁食就係食帆立貝既鮮味，仲可以配搭紫菜同埋壽司豉油！有非常多重口味及選擇，滿足食刺身同埋前菜吊胃口既願望！之後叫左兩個油甘魚繼續滿足，分別係刺身同魚鮫，係意外地好食！刺身方面可以話係日本食店應有發揮，鮮、油、厚度都有水準，至於魚鮫令我好深刻係啖啖肉，啖啖都非常嫩滑入味！食完好似食完成條魚咁！之後繼續食特色小食、分別係燒物同埋好懷念既關東煮，燒物既擺設非常靚，而且佢燒既功夫真係一流，能夠將各種食材應有既汁鎖住，有外脆內軟既效果，即使係露筍都好好食！關東煮佢有兩個湯選擇，叫黎都諗住係懷念下，個件覺得一定無日本便利店做得咁大眾好味，但呢到用既係偏方，帶住藥材同甘苦味既魚湯做底，有興趣可以試試！

🍴炸白蝦仔 HK$78鹹香惹味，酥脆無比，送酒佳品。🍴日本南瓜牛肉可樂餅 HK$58雖然牛肉較少，唔太食得出，但南瓜蓉甘甜細滑，可樂餅外脆內軟。🍴磯燒兵庫縣蠔（每隻） HK$38蠔肉肥美胞滿，蠔味十足，連埋汁水一啖放入口，細嚐原汁原味。🍴一夜干魷魚 HK$88經一夜干處理後，口感緊緻卻不失彈性，魷魚香味更濃縮，燒一燒已經帶出風味。🍴燒牛骨髓 HK$108牛骨髓主要由脂肪組成，燒烤後油香極重，當成醬配多士食非常香口。🍴九鬼手羽 HK$38雞皮燒得焦脆，雞肉幾滑，特製辣醬辛香惹味。🍴練梅烤野雞 HK$128雞皮薄而脆，雞肉脂肪少，肉質結實有彈性，一啲都唔鞋，梅香入味。🍴櫻花蝦餅 HK$58、車海老 HK$88、鹽麴雞 HK$48、慢煮五花肉 HK$48、安格斯牛肩 HK$68、牛舌芯 HK$48薄薄一層吉列脆皮夠乾身，追求原汁原味嘅話就咁食已經好滋味，點少少辣醬更加惹味。車海老大大隻，肉爽鮮甜，酥脆蝦頭蝦味香濃。鹽麴雞嫩滑多汁。五花肉軟腍富油香。📍九鬼居酒屋銅鑼灣耀華街21號華耀商業大廈地下7號舖

銅鑼灣耀華街鄰近時代廣場，附近一帶酒吧林立，但係呢條街寧寧舍舍有間以居酒酒屋，以日本料理及尤其日式炸串燒作賣點嘅食肆，簡直就如漆黑夜中的燈火一樣咁明亮，從外面望入去見到佈置同餐廳名好貼切，又係時候試一試新餐廳👍裝修日式簡約風格，環境裝修整潔鮮明，門口牆身一幅大型壁畫相當吸睛，適合打卡人士取景，而且餐廳牆身亦掛有多幅日本武士戰鬼圖畫，真係周圍都係鬼👍餐廳提供多款日本小食，炸串燒等食物，亦有黑板寫上廚師推介及時令食材推介，而且呢間居酒屋仲有任飲2小時清酒選擇，適合好酒之徒可以豪飲一番。🌟　燒蠔 $38/pc燒蠔體形正常，無乜出現縮水情況。將燒蠔原隻放入口中，蠔味一湧而上，燒肉及蠔汁極為鮮甜，而且肉質Creamy，必點👍🌟　一夜干魷魚 $88魷魚燒至非常乾身，配上醬油一齊食非常香口，而且廚師切功一流，每條大小差唔多，抵讚👍🌟　燒牛骨髓 $108鵝肝就食得多，燒牛骨髓配蒜蓉多士都係第一次。牛骨髓燒出至油香十足，而且牛骨髓質感軟腍，同香脆嘅蒜蓉多士互相輝映，加上牛骨髓牛味出眾，配上蒜片一齊享用，極品👍🌟　練梅烤野雞 $128野雞肉充滿油份雞肉汁，外皮焦香焦脆，咬落肉質嫩滑，有賴廚師燒烤時間掌握得

收工嚟到銅鑼灣，周圍搵下有咩好嘢食，係時代廣場附近就搵到呢間居酒屋。餐廳入面有唔同風格既日本武士掛畫同霓紅燈掛飾，係幾有Feel既。一開始我地就叫咗個雞泡魚乾（$38），魚味都足夠，配埋芥末蛋黃醬，味道好夾，令魚乾更有層次感，唔會太寡，呢個價錢嚟講十分抵食。另一個小食叫咗一口芝士（$28），一客有三塊，上盤時熱辣辣，芝士入口即溶，真係有種外脆內軟既感覺。芝士份量我覺得足夠，唔會覺得太膩。仲想食多少少炸嘢，就叫咗個黑松露薯條（$48）。本身對係居酒屋食薯條無太大期望，但呢個薯條真係令我地有啲喜出望外。薯條用料好新鮮，薯味十足，亦都好香脆；配合個黑松露醬真係會點唔停手，十分鐘唔洗就食曬。到主菜喇，我地先係食咗個銀雪魚西京燒（$158）。魚皮燒得香脆透薄，魚身軟滑易入口，我覺得淨係食魚肉，唔點醬更能食出鮮味。之後我地再點咗三個串燒（安格斯牛肩肉（$68）、串揚五花肉（$48）、東海老（$88））。我最鍾意安格斯牛肩肉串燒——肉味濃郁，配合返面頭既胡麻醬已經好滋味，十分推薦。當然，串揚五花肉亦唔差，燒肉唔太肥，厚實得嚟都算嫩滑；而東海老（花竹蝦）都好正，蝦頭炸得香脆，蝦身肥美，食完另外兩串再食

星期日晚有fd約我去cwb食居酒屋，入到門口成幅牆係鬼嘅塗鴉，真心正。環境好好，中間又有食客揾你吹水，成個氣氛都好唔錯。仲比我知其中一個侍應都係個資深動漫迷，同佢傾左好耐偈😂當然都係要講番食物質素方面啦，試左好多樣野，講下幾樣我中意食嘅: 汁燒五花肉 $78五花肉燒得岩岩好，唔柴咬落去多汁，我個fd覺得淡味但我覺得調味啱啱好😋一夜干魷魚🦑 $88燒得恰到好處，一咬即開😋牛舌芯 $48驚喜嘅，因為我本身唔太食厚身嘅牛舌，怕太難咬，點知咬落去十分軟腍，而且包住個層麵衣又唔厚。推薦👍🏻鐵板A4近江和牛 $128呢個不得了。上枱見到已經流口水。望住上面d壽喜燒汁同埋大蔥不得了，老闆都同我地講食之前撈一撈上面隻蛋黃。係蛋黃同汁嘅加持下，入口即溶既和牛整體味道再上升多個層次，連啲大蔥食埋🤤

銅鑼灣耀華街就不嬲都好多餐廳，平時都係去百樂中心多，今次經過地舖呢間居酒屋，見咁耐無食過就嚟試下啦。一夜干魷魚 $88魷魚燒得啱啱好，完全唔韌，一咬即開唔使扯，簡單用青檸調味已經好好味😋👍🏻雞泡魚乾 $38咬落煙煙韌韌，餸酒一流汁燒五花肉 $78燒到好香，五花肉肥瘦相間牛舌芯 $48平時串燒食開就係比較爽口既質地，今次炸既就係好淋既質地，我朋友好鍾意>>安格斯牛肩肉 $68食落較牛舌有質感，略嫌炸粉微厚>>串揚銀鱈魚 $68外脆內嫩，無腥味鐵板A4近江和牛 $128呢個又係好好味，和牛入口即溶！好想不停地食😋👍🏻磯燒兵庫縣蠔 $38/隻啲蠔都幾肥美，脹卜卜，咬開有海水味燒豚肉車厘茄卷 $28入邊除咗豚肉同車厘茄之外，仲有埋芝士，一啖咬落去車厘茄會爆汁九鬼手羽 $38呢個係辣嘅單邊雞翼，係幾辣下，不過我幾鍾意個調味櫻花蝦餅 $58一上枱已經聞到好大浸蝦味，一路食會食到粒粒蝦肉，有口感日本南瓜牛肉可樂餅 $58食落有好綿密嘅口感

假期前夕 朋友想約出黎飲嘢吹下水 對於唔好杯中物嘅我黎講係有啲難搞嘅 不過為左滿足朋友嘅願望 就搵到呢間食物酒精俱全嘅居酒屋 果然無令我失望 啲嘢食真係唔錯 唔似平時啲bar淨係得啲送酒小食🤭我地嗌左個軟殼蟹沙律，西京燒銀鱈魚, 燒牛舌芯，車海老，燒牛肩，蟹肉蟹膏丼銀鱈魚嘅份量都算大 油份非常豐富 但係入口嘅感覺唔係油淋淋 而係非常juicy，味道都十分鮮甜，魚皮燒得十分香脆而串燒方面都好用心，平時出邊食嘅串燒都係最多醃過下調過味，但係呢度嘅串燒係有一層薄薄嘅炸漿喺面 令到佢更香口 送酒係唔錯嘅 而且仲會準備埋沙律我哋refresh 佢嘅牛舌生熟都掌握得十分好 咬開入邊係仲有少少粉紅 但係又唔會過生，肉質十分嫩，而車海老係原隻大蝦 佢燒到連個頭都脆到可以食埋 而蝦肉都好彈牙😋p.s.佢呢度每張枱嘅筷子托都好可愛㗎而且每一位店員都好友善 會同客人打成一片 亦都好用心咁介紹每一款食物 盡量滿足客人的需要

呢間真係hidden gem!好有驚喜！平時居酒屋都係貴夾唔飽🤣 同友人都係抱住呢個心態去 點知呢間價錢平得來quality都好好！油甘魚鮫 ($148）因為怕d串物唔夠飽 我地食左兩款魚share 呢個一上菜 嚇親 勁大份 😳 呢個價錢來講真係好抵！煎到個皮好脆～不過都係中意食鱈魚多d🤣芝士年糕 ($25）食食下突然發現有special menu 有芝士年糕同黑松露可樂餅 我地即刻問師傅可唔可以轉 點知已經開始左準備無得轉 但師傅請左我地食 超感動🤣 仲要芝士年糕好抵！$25咋！同埋真係炸得好香好脆 係我食過最好食既芝士年糕🥰🥰串揚我地就試左total 6款 包括五花肉/牛舌/櫻花蝦餅/生竹蝦/ 山藥/練梅烤野雞 最中意五花肉😋油脂分布好平均！食落都唔會覺得好漏☺️山藥都好特別！好似好少係出面食到🤔依家仲有sake pairing $260有得試6款！sake迷必去！