丼燃食堂

营业中

休息中

今日尖沙咀行街，到晚飯時間就去厚福街搵嘢食， 經過呢間丼燃食堂， 被佢櫥窗乜蟹都有丼嘅相片所吸引， 同朋友決定入去食晚飯。乜蟹都有丼：一定要試下呢個丼飯， 除左有海量蟹肉外，仲有蟹柳、蟹籽、蟹膏同蟹鉗超足料， 仲有四款醬汁可以選擇， 我哋揀咗明太子醬， 醬汁適中唔會掩蓋蟹嘅鮮味， 蟹肉鮮甜， 蟹膏甘香， 加上蟹子 ，口感好豐富。焦糖火焰三文魚卷：呢款三文魚卷 非常吸精，上枱嘅時候店員會點著火焰滿滿儀式感， 打卡一流。 焦糖火炙後微焦脆， 甜到恰到好處， 加上肥美嘅三文魚、 卜卜脆嘅蟹籽及醬汁， 提升了口感嘅層次。菠蘿一口牛串：牛肉肉質鮮嫩多汁略帶焦香，配搭菠蘿嘅清爽， 回味無窮。明太子翠玉瓜串：明太子醬嘅鹹香同翠玉瓜嘅青甜互相融合， 口感豐富， 加上廚師悉心嘅調味 更添惹味。價錢親民，食物都有水準，佢哋星期一至五嘅午飯時間仲免收加一 ，過幾日要再嚟食午餐。

有冇試過日式兩餸飯? 俾夠四餸五餸你!尖沙咀丼燃食堂自選四、五、六餸丼飯價錢非常親民, 選擇又多🤤 - 搵咗個鐘意試唔同魚生嘅朋友幫大家試試佢 - 三文魚、吞拿魚、帶子、赤蝦, 性價比都好高! 平日lunch仲要冇收+1～ 仲可以揀唔同醬汁 - 海膽醬、明太子醬、蜜糖芥末醬、芝士蟹籽醬, 自己揀出最愛最配搭嘅味道~ 如果好似我咁唔食生呢, 呢度都有選擇喎! 乜蟹都有丼飯係一大亮點 - 超多蟹肉舖滿飯味, 仲有香香嘅蟹膏加持, 揀埋明太子醬, 濃郁豐富😋 芝士年糕煙韌又邪惡, 鰻魚玉子燒一人一件啱啱好, 至於金龍卷, 有驚喜地店員會即場點火炙燒, 睇得又食得, 5點半後仲會有不同串燒選擇～ 餐廳成個vibe都好日式熱血🔥 餐具又好用心🤣 配合埋熱血啱聽歌單, 一路食一路想唱k🙊😂 坐得舒服, 都好適合同朋友聚餐😗

今日去咗尖沙咀一間叫「丼燃食堂」嘅日式餐廳食午餐，餐廳嘅風格係日式漫畫，由裝修、餐牌到餐具都有日式漫畫公仔嘅元素，整體黎講好有特色。而且座位都幾闊落，係尖沙咀鬧市中嘅覓食嘅好選擇。🍊 虎燃四皇丼呢個係餐廳嘅皇牌丼飯之一，魚生有三文魚、左口邊、蟹棒、赤蝦同蟹籽，全部都會用火炙輕輕燒過，令到刺身嘅口感變得半生熟，另外可以選擇四款醬汁，包括海膽醬、明太子醬、蜜糖芥未醬同芝士蟹籽醬，混合醬汁一齊拌令到丼飯更濕潤🍊 九公丼呢個丼飯嘅名好有趣，其實代表丼飯入面有9款材料，包括海膽、三文魚、三文魚籽、牡丹蝦、蟹肉、時令魚、帶子、拖羅蓉同壽司薑，成個丼飯嘅賣相好吸引，而且用料豐富，食材新鮮，每一啖壽司飯都可以配上唔同嘅魚生，口感同味道都好滿足🍊 焦糖三文魚卷呢個卷物嘅上面有炙燒過嘅三文魚、蟹籽同芝士醬，入面包裹住青瓜、玉子同蟹棒，食落去唔會好乾身，口感既有青瓜嘅爽口又有三文魚嘅軟熟，上菜時職員會點火令到碟邊有火焰嘅視覺效果📍 尖沙咀厚福街2A號地舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

呢間「丼燃食堂」真係正到爆！主打日式火炙刺身丼飯同卷物，最啱我呢啲刺身控！仲有大胃王丼飯挑戰，夠晒刺激！成間店以日本相撲手做主題，周圍都係自家設計嘅老虎圖案，連菜名都玩嘢到極，夠晒過癮✨➖➖➖🔥「A5牛牛牛牛卷」$98一上枱就着火！店員會喺你面前點火，成個畫面震撼到呢～卷物外層燒到脆卜卜，焦香十足！今次試咗焦糖三文魚卷，上面啲三文魚同沙律醬燒過之後，味道層次即刻豐富晒👍🏻熱辣辣入口，個焦糖面脆到似食緊creme brulee咁！用嘅係炙燒三文魚腩，魚油香爆棚，仲帶住陣陣煙燻味～中間夾住蟹柳、青瓜同玉子，簡單得嚟又夠晒夾！➖➖➖🎁「丼燃係盲盒」$198玩嘢到極！真係估佢唔到入面有咩刺身～一打開盒，嘩！中獎咁款：海膽、拖羅、油甘魚、赤蝦、蟹肉、三文魚籽！刺身新鮮到不得了，份量仲要夠晒多！下次唔知會抽到咩呢？真係好似玩扭蛋咁過癮🤪➖➖➖🐯「虎士山丼」$148一上枱就俾面頭啲黑松露吸引住！仲有三文魚蓉同吞拿魚蓉堆成小山丘～入面仲有蟹肉同帶子，炙燒過嘅香味真係無得頂！加埋三文魚子同海膽醬，鮮味爆燈💥 呢個配搭真係冇得輸！

this local donburi restaurant just opened another branch in the heart of TST, so this time we made sure to try out their sushi rolls that come with an epic fire show (we only saw it after we’d ordered our donburis the first time at the MK branch)We got the signature 𝗚𝗼𝗹𝗱𝗲𝗻 𝗗𝗿𝗮𝗴𝗼𝗻 𝗥𝗼𝗹𝗹 金龍卷 𝗛𝗞𝗗𝟲𝟴, which was packed with fried unagi (eel), crispy sweet potato, fresh cucumber and crab roe. What really stole the show for us was the delightful contrast between the creamy mushiness of the sweet potato a

本身以為呢一間舖頭剩係得旺角先有，但原來而家尖沙咀都已經有分店😍今日喺尖沙咀做完Facial經過見到呢一間舖頭，就決定食佢。佢哋平日嘅午市套餐係唔使加一，平均60幾蚊就可以食到，真係好抵！午市時段5:30就完㗎啦，所以如果想食午市套餐就要係五點半前order la👍🏼。🐒挑機丼燃大胃王💰$298👉🏻甜蝦，牡丹蝦，赤蝦，蟹肉，蟹鉗，蟹棒，蟹籽，三文魚，三文魚籽，時令魚(當日係油甘魚)，鮑魚，帶子，拖羅，拖羅蓉，鵝肝今次我就嗌咗一個大胃王share，除左貪佢打卡able之前，仲可以試哂佢地全部既刺身，就好似過橋米線一樣乜都有🤣啱晒我乜都想試咁多款唔同嘅刺身，啲飯其實好多但感覺都唔夠，因為食每一啖刺身都要送飯🍚我哋兩個人食都夠飽。🐒蟹籽沙律💰$38另外佢哋個蟹籽沙律都好夠沙律醬，而且青瓜都好爽🥒所以食落整體都唔會好膩，價錢都好抵，所以鍾意食沙律嘅人唔可以錯過

今日去尖沙咀，途經厚福街時，見到一間裝修充滿趣味同正能量嘅日式餐廳～丼燃食堂，呢度主打刺身丼飯等日式食品，每一款都精緻又有創意🥰九公丼九公丼入面有海膽、三文魚、三文魚籽、牡丹蝦、蟹肉、時令魚、帶子同拖羅蓉，賣相精美，每一款都鮮甜又新鮮乜蟹都有丼原隻蟹蓋蓋住成碗飯，皇牌食品之一，每一口都食正豐富嘅蟹膏蟹，好味又滿足。乜蟹都有丼原隻蟹蓋蓋住成碗飯，皇牌食品之一，每一口都食正豐富嘅蟹膏蟹，好味又滿足。

呢日到訪位於尖沙咀厚福街，一間主打食丼飯同卷物嘅餐廳。裝修佈局好有趣，滿滿元氣，令人精神為之一振。餐廳有多款丼飯及卷物選擇，同時亦設有自選丼飯，既有刺身魚生選擇，亦有熟食選擇，可謂滿足唔同朋友嘅需要。九公丼 ($178) - 呢個真係大滿足，賣相一流。入面有多款刺身，包括有三文魚、三文魚籽、海膽、牡丹蝦、蟹肉、帶子和拖羅蓉等， 各款刺身新鮮好味，值得推介。乜蟹都有丼（$138）- 鍾意食蟹嘅朋友一定唔可以錯過呢個丼飯，入邊有蟹膏、蟹鉗、蟹子、蟹棒，連蟹蓋都有。味道夠晒豐富，整體質素非常不錯，性價比非常之高。招牌火焰卷物 - 金龍卷（$68）- 另一個打卡菜式，店員送上金龍卷時會在碟邊點火，非常有氣勢。卷物入面有鰻魚、青瓜、炸蕃薯及炸葱絲，口感好有層次，加埋面頭嘅沙律醬及蟹籽，非常惹味。

琴日晏晝去咗尖沙咀厚福街嘅丼燃食堂，食咗佢哋嘅燒牛舌丼，真係好味到無得輸！😋首先，牛舌的質感超級薄而有咬口，燒得剛剛好，唔油膩，口感一流！上面嘅醬汁帶有少少甜味，仲有香蔥點綴，真係好Match！✨價錢方面，午餐只需$78，性價比高！💸 覺得有啲單調，仲可以加配$10要溫泉蛋。環境方面，餐廳嘅設計好有特色，色彩繽紛，感覺好輕鬆，非常適合朋友聚餐。🎉總結：如果你係牛舌愛好者，絕對唔可以錯過呢個燒牛舌丼！👍🏼😋食評總結：- 🌟 燒牛舌質感薄而有咬感- 💰 價錢實惠- 🎨 環境舒適

旺角人氣海鮮丼飯專門店最近在尖沙咀大熱開幕，主打性價比丼飯及卷物。必試招牌火焰卷物!!🔥- 焦糖三文魚卷 HK$68 🔥🐟氣勢磅礡噴火卷物!!三文魚油脂香氣十足，加上燒得香脆焦糖層，甜中帶鮮層次豐富!!加上火焰效果超吸引!!- 乜蟹都有丼 HK$138 🦀🦀誇張蟹量滿丼!!鮮香蟹肉碎拌上咸香明太子醬，加上蟹鉗及炙燒蟹柳，蟹肉滿滿!!鮮味之最蟹膏配上爽脆蟹籽，超滿足!!- 九公丼 HK$178 🍱貪心之選一次擁有!!整個海鮮丼滿滿食材絕對滿足!!而且超高性價比連海膽及牡丹蝦都有，非常抵試!!- 桂花冷泡茶 HK$15 🌼芳香甜美!!滿滿清新桂花香氣，配上茶甘香氣，非常解膩!!- 原味波子汽水 HK$22 🍾

呢度出名食丼飯，唔食魚身既話都可以揀火炙丼, 配埋海膽醬幾得意~三文魚燒完特別香, 仲有左口魚邊油份好重又厚身。另外加埋蟹棒, 赤蝦同埋蟹籽, 豐富!九公丼就主要食刺身, 三文魚, 三文魚籽, 海膽, 牡丹蝦, , 帶子, 全部都好新鮮。拖羅蓉同埋蟹肉拌飯一流~哩度既卷物都好signature, 金龍卷會絕對係打卡叫, 店員係碟邊點火, 都燒得幾耐下添, 慢慢影都得~ 睇得之餘味道都好好, 加左軟殼蟹脆卜卜口感更加正又好味~~!!

📍Address: 尖沙咀厚福街2A號地舖💰Spending: $150 per head (Dinner)—————— ฅ՞• •՞ฅ ———————丼燃食堂真係好特別，單係個名就已經夠吸引，菜式名仲充滿創意，好有動漫風格！呢間店人氣爆燈，無論堂食定外賣都好多人幫襯。埋位後，感覺好似入左二次元世界，食完之後元氣滿滿，值得一試！A5牛牛牛牛卷 $98呢個卷物係整晚嘅亮點之一！上枱後店員仲會點火，超級驚喜，絕對係打卡神器！和牛油脂豐富，配埋卷入面嘅青瓜同蛋，非常夾，口感層次好豐富，入口即溶又唔膩丼燃小老闆 $128呢個刺身併盤真係性價比高，刺身肥美又厚切，每款都有少少，食落去超滿足，啖啖鮮味，好正！牛奶滑蛋雞牛丼 $138呢個丼飯真係有驚喜，雖然刺身先係主打，但呢碗飯真係唔輸蝕！滑蛋好 creamy，雞肉又脆又嫩，牛肉油脂香氣十足，配埋飯真係非常match，好有層次感！

😎😎而家唔只可以去popxxxx抽盲盒，連食嘢都有盲盒🤣抽盲盒最刺激嘅就係永遠有一顆期待的心，好新奇好好玩，餐廳刺身丼飯盲盒，裏面唔會知道係啲咩刺身，心諗最希望會有拖羅，一打開10分有驚喜，刺身非常新鮮多款，好好味。 餐廳設計好有心，玩味重，裝修好特別，啱晒呢一代嘅年青人，打卡一流，勁到連紙巾都係玩味好重⭐️⭐️刺身和打卡火焰卷唔錯👍🏻原來之前旺角已經有一間，呢幾個月喺尖沙咀新開，真係要去試吓。

丼燃食堂(香港)，位於香港尖沙咀厚福街2A號地舖。金龍卷$68 ～ 店員送上金龍卷後，會在碟邊點火，火炙料理打卡一流。卷物餡有青瓜絲、炸蕃薯和炸葱絲，面層有鰻魚，口感豐富。 九公丼$178 ～ 有多款刺身，三文魚、三文魚籽、海膽、牡丹蝦、蟹肉、帶子、拖羅蓉和壽司薑， 刺身新鮮，賣相精美。 牛奶滑蛋雞牛丼$138 ～ 除了刺身丼，仲有雞牛丼， 滿滿的雞肉和牛肉，肉味香濃，軟滑的蛋汁撈飯一流。 推介給喜歡丼飯和卷物的朋友， 值得一試。

呢間餐廳喺旺角係人氣排隊王🔥見佢係尖沙咀厚福街新開左間分店，即刻去試吓❗️成間舖連同個Menu都好有漫畫風😆餐廳提供超多款丼飯選擇🙌🏻有各種刺身類🍣、蟹🦀、鰻魚🐟、牛🐮通通都有🤩🤩而且佢價錢真係超親民‼️大部份小食都係20幾蚊就食到🤯刺身拼盤亦都唔貴，一百幾蚊就有交易🤝🏻味道亦都非常有質素，回頭率係勁高呀👍🏻-MENU▫️ A5牛牛牛牛卷 $98 ★★★★☆店員一上菜就會即刻點著個火🔥呢個presentation真係超級吸睛呀🤩A5和牛嘅油脂味好香🤤而且上面加咗脆炸蒜片做點綴，令到成個卷物又香又脆口😋一件接一件，6件真係唔夠喉呀😭▫️ 丼燃小老闆 $128 ★★★★★大癲‼️$128就食到咁多款刺身😱全部都切得好厚身🤏🏻仲要食得出真係極之新鮮🥹赤蝦、三文魚、吞拿魚、帶子、油甘魚各兩件🐟三文魚腩真係勁好食😭😭呢碟係一定要嗌呀‼️▫️ 乜蟹都有丼 $138 ★★★★☆有成個蟹蓋喺面真係勁得意🥰同埋真係冇欺騙消費者，堅係乜蟹都有😂蟹膏、蟹鉗、蟹子、蟹棒、連蟹蓋全都有🦀🦀整體嚟講好豐富好抵食😋▫️ 鰻魚玉子燒 $28 ★★★★☆呢個價錢一定係冇可挑剔❗️玉子燒好大嚿，甜甜地之餘仲有啲沙律醬吊味🍳食落好滿足，唯一