那天晚上和朋友在尖沙咀逛到餓，經過厚福街，見丼燃食堂主打日式丼飯，就入去試下。門面不算張揚，有點像日式小食堂的格局，坐得算舒服。店員手腳快，一坐低就遞上麥茶！這裡主打自選丼，概念幾過癮，像吃車仔麵但升級成刺身，全部自己話事。我這種選擇困難症患者，跳過了自選區，瞄準店家配好的兩款丼飯。乜蟹都有丼聽個名就知係食蟹。一上枱，視覺先贏：蟹肉絲、蟹棒、蟹膏，再加2隻蟹鉗同卜卜脆的蟹籽，真係將「蟹」拆解到極致。入口蟹膏甘香突出，蟹肉鮮甜，撈埋醋飯同蟹籽一啖放入口，層次很多很豐富。九公丼朋友點的更豐盛，海膽、三文魚、三文魚籽、牡丹蝦、蟹肉、帶子、拖羅……擺到滿一滿，幾乎睇唔到飯。海膽creamy無腥味，拖羅油脂香潤，牡丹蝦爽甜，每樣食材都新鮮，無欺場。爆蔥鵝肝多士小食方面，爆蔥鵝肝多士值得一讚。鵝肝煎得外脆內軟，油香澎湃，配上大量炸蔥絲同烘得脆身的多士，邪惡但滿足，咬落「咔嚓」一聲，好滋味。焦糖燒菠蘿串最後以焦糖燒菠蘿串收尾，菠蘿燒得暖甜多汁，面頭焦糖脆片微微焦香，解膩又清爽。…查看更多
。焦糖三文魚卷，呢個焦糖三文魚卷真係好得意，會噴火嘅。侍應送上來以後，即刻用火槍點火，好啱打卡。面頭微微燒過嘅三文魚帶啲焦香，咬落去外層微甜香脆，裡面卷住嘅蟹籽卜卜脆，加埋青瓜，玉子同蟹棒，口感好豐富:)。雙餸“三揀二” 丼，揀咗牛舌同鯖魚。鯖魚燒得皮脆肉嫩，魚油香濃但唔會腥，上面灑咗少許芝麻同蔥花，吊味一流。牛舌厚度切得啱啱好，燒得淋滑又彈牙。飯底用咗日本珍珠米，吸滿鯖魚同牛舌嘅肉汁，每一啖都好滿足
。自選丼飯，今次試試八餸丼飯，滿滿一碗真系海鮮盛宴。丼飯揀咗火炙，珍寶赤蝦超大只，肉質爽甜彈牙。鰻魚片燒得香軟入味，北極貝鮮甜爽口。火炙三文魚同左口魚邊油脂爆燈，入口即化。日本帶子厚身又Creamy，每種刺身都好新鮮鮮甜。下麵飯底調味唔錯，飯底醋味溫和，刺身鋪到滿一滿，撈埋wasabi同醬油，每一啖都系大海嘅味道
。
