一鳴拉麵

营业中

休息中

前兩日天氣比較凍，好想食啲熱辣辣有湯嘅野，見到附近呢間拉麵舖評價唔錯，所以決定試一試佢!平日7點幾去到門口已經有人排隊，睇黎生意幾好，係呢個位置應該都係做街坊生意。等咗幾張枱就可以入啦~睇menu發現原來呢間除咗拉麵仲有好多其他野食，串燒、玉子燒、炸物等，都幾吸引。我揀咗黑蒜油拉麵配叉燒，麵就選擇咗太麵。碗麵有好香嘅黑蒜油味，湯底濃厚，豬骨味濃，又唔會太咸。麵底爽口，麵質軟硬適中。碗麵仲有半個溏心蛋，溏心蛋煮得啱啱好，有流心蛋黃，抵讚！兩塊叉燒都好香口，如果油脂再多啲就更完美，因為個人比較中意肥啲嘅叉燒。仲叫咗杯青蘋果一千零一夜，係青蘋果青檸薄荷特飲，杯野飲嘅顔色有啲似洗潔精，不過都幾好飲嘅！下次有機會想試下啲串燒同玉子燒，見到隔離枱叫咗好似都唔錯。

之前嚟大埔附近做野個陣已經留意到「一鳴拉麵」哩間日式拉麵小店，今日終於有機會可以初試美食。門面及店內都裝潢甚具和風味道，木製家具加上暖色柔和嘅燈光，真係好似去咗傳統日本拉麵店咁呀。講埋美食先，「一鳴」哩到嘅午餐有4款拉麵可供選擇，另外可加$20/$30轉成連小食貼飲品嘅套餐，性價比超高。我同友人就分別揀咗「黑蒜。鳴」同「香菜。鳴」拉麵🍜 「黑蒜。鳴」顧名思義就係黑蒜油豬骨濃湯拉麵，黑忟忟嘅湯底充滿香濃嘅黑蒜香氣，但又唔會搶過豬骨濃湯味道。小妹就揀咗直麵加豬軟骨做配料，豬軟骨細細粒咁而且煮得好稔好稔👍🏻「香菜。鳴」就係近排大熱嘅芫茜湯底，綠油油嘅豬骨湯底好吸晴，芫茜嘅清新可以中和番豬骨湯嘅油膩感，啱哂鍾意淡口味嘅友人。友人揀咗日式叉燒同曲麵，曲身麵條更能提高掛湯能力，每啖都掛滿芫茜香氣👍🏻兩款小食炸雞同日式煎餃我地都試咗，一客有4件可以開心share ，兩款小食都好唔錯，夠脆身但又可以保持肉汁唔會過份乾身👍🏻

朋友介紹底下入左黎大埔試下呢間拉麵店,無論門口又或者裡面既格局都做到好日本FEEL,入到去有一條長形既單人枱似足日本既居酒屋.對於我呢個芫荽愛好者黎講咁一定要食佢地既芫荽湯底啦(拼豬軟骨),其實佢地重有其他唔同既口味好似豬骨濃湯,黑蒜等等.價錢方便非常平民化$60就有交易啦!芫荽湯底個湯勁濃郁勁正(未試都已經好大陣芫荽味,芫荽控真係要試)麵質亦有唔同選擇迎合唔同人雖要.豬軟骨肥瘦適中入味唔咸份量岩岩好.

🍜𝔸𝕞𝕒𝕫𝕚𝕟𝕘 ℝ𝕒𝕞𝕖𝕟🍜鰻魚玉子燒 黑蒜豬骨濃湯拉麵 牛柳串燒 鷄翼串燒 豬頸肉串燒 乳酸蘇打⊹ 大埔區小舖 店內裝修有日本特色 有四款拉麵供選擇 麵條款式、麵質、蔥份配料和辣度可自由選擇我們點了黑蒜豬骨濃湯拉麵 自家黑蒜油 黑蒜味很突出湯底較為厚身曲面掛湯力 點了鰻魚玉子燒和串燒 鰻魚玉子燒 嫩煎蛋皮層層交錯 嫩嫩的口感 微微甜 濃郁蛋香 滿足✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：𝟛.𝟝/𝟻𝚁𝚎𝚟𝚒𝚜𝚒𝚝﹕𝟜/𝟻𝙿𝚛𝚒𝚌𝚎﹕ $𝟚𝟘𝟘/𝙝𝙚𝙖𝙙˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 一鳴拉麵𝔸𝕞𝕒𝕫𝕚𝕟𝕘 ℝ𝕒𝕞𝕖𝕟 大埔運頭街𝟚𝟘-𝟚𝟞號廣安大廈地下𝔼舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

路過大埔巧合想吃拉麵，於是決定和男試一嘗一鳴拉麵。餐廳位於小巷裏，日式拉麵店風格的門面，內部比較細（是日本拉麵小店的樣子）有四款$60起的拉麵供選擇。麵粉款式、麵質、蔥的份量、配料和辣度都可自由選擇。我們各點了一碗豬骨濃湯拉麵和黑蒜豬骨濃湯拉麵，小食點了炸雞。奶白色的豬骨湯入口順滑，湯底十分濃郁。麵條選了太麵，非常掛湯。叉燒有兩三塊，肉質有咬口，與湯底很配。與豬骨濃湯相比，黑蒜豬骨濃湯拉麵的黑蒜味很突出，黑色的湯底，賣相也很特別。豬軟骨肉質軟腍，有入口即化之感。（比叉燒好食）麵的份量適中，飽！兩碗麵都配有半隻溏心蛋，恰好的熟度和味道，和湯一起放進口裏百味交雜！（雖然咁食唔正宗）炸雞方面，經典日式炸雞的味道，一份有四件，每件都很大塊，肉質嫩，沾了配上的芥末醬挺好吃。

工作關係，早上來到大埔。辦完事後差不多十二點，看見差不多午膳時間，便相約在附近工作的朋友一起吃午飯，順便聚一聚舊！ 朋友推介吃日本拉麵，於是我們便來到運頭街這家一鳴拉麵。我們十二點十五分辨到達，但門口已排了四五人…但店員服務十分周到排隊時已給了我們餐牌和點菜紙下單，省卻等候食物的時間。店內裝修十分有日本特色，而且值得一讚時他有很多單人的位置。讓一個人也可以享受日本美食！桌上放了調味品、筷子和水壺，好讓我們自己招呼自己serve ourselves，既方便又快捷！黑蒜 鳴 (⭐⭐⭐⭐⭐)這個黑蒜湯底絕對是誠意之作 - 豬骨濃湯配上自家黑蒜油，黑蒜油吃起來十分香口，但不會蓋過豬骨味的鮮味。質感方面湯底較為厚身，配上掛湯力十足的拉麵，每一啖都發吃到湯底的精華。配料方面選了豬軟骨，肥瘦適中，而且有十分香的醬油味。一份兩件，令人停不了口。香菜 鳴 (⭐⭐⭐⭐⭐)朋友選的這個香菜湯底也十分不錯，絕對是芫茜愛好者的不二之選。相比起黑蒜湯較為味道輕，散發著淡淡的芫茜味。炸雞 / 餃子(⭐⭐⭐⭐💢)另外我們選擇加錢配了小吃，分別時炸雞和餃子。炸雞是即叫即炸的，吃起來還是熱辣辣，十分脆口。餃子一份四隻，是

今日行經大埔口痕想食拉麵，但行來行去都唔覺有，，，就上左openrice到搵到呢間門面似日本拉麵店既感覺黎食。原來這間店不在咩咩里中心位置，而係living plaza（12蚊店） 後一，兩條街。入到去個menu選擇都幾好，，麵既軟硬度，麵條都有兩款，直麵同太麵（曲麵）.甘我哋就叫左一碗黑蒜，鳴，同一個香菜，鳴，香菜鳴就係而家好heat 既芫荽（茜），，醬混入豬骨湯底。追加左豬軟骨同蛋，同埋我哋轉咗做套餐加多30蚊有一杯特飲同埋，可以選餃子或者炸雞，咁我哋選咗餃子同炸雞同埋一杯西柚特飲同埋乳酸特飲。嘩，，個黑蒜湯底好香，豬骨湯好濃麵，叉燒有點普通，而個芫茜醬，，真係冇得頂，，食正潮流，芫茜控真的不能錯過，豬軟骨既口感同味道不錯。蛋都好正，餃子外皮好脆，炸雞好juice 好正，加多杯乳酸特飲如同在日本一樣，，，好掛住呀！性價比極高，，正

今日難得放假，突然好想食拉麵，就問下朋友有咩好推介，佢就推介左間大埔嘅拉麵店我去食啦一去到哩間餐廳，就覺得朋友無介紹錯，店鋪都好有日式feel,而且鋪內都係靚，甚至座位都似正宗拉麵店，可以睇到廚房整拉麵嘅過程，真心好尤其係哩段時期，彷彿好似去到日本到至於野食方面，咁我就叫左個「焰鳴」嘅地獄式豬骨湯底嘅豬軟骨拉麵啦，再額外加左個蝦花蝦添。 一講起哩個拉麵，認真地高質，湯底濃郁得黎，唔係死咸，而且豬軟骨整正好腍，真係一啖接著一啖咁食，拉麵份量都好足，價錢都算正常 另外，老闆都好細心，哩度嘅拉麵可以揀配料例如蔥落多少同埋拉麵辣度幾多，咁我就點左2隻辣椒，辣得黎剛剛好，好有水準 👍至於小食同野飲方面，我見隔黎枱點左個炸雞黎食，咁我貪心又點埋一份 而個炸雞係即叫即炸，好香口，再點埋個沙律醬，真係覺得唔夠喉 食左咁多比較濃味嘅野食，咁我就叫左杯青檸青蘋果梳打去中和下個味蕾，佢地嘅野飲都好心機整，唔係糖水咁，係酸酸甜甜，而且又好大杯，CP值超高總括而言，哩間餐廳我一定會再返去再食，食物高質得黎，個格局都好有日本feel，等我下次叫埋朋友去食勻曬唔同湯底拉麵先，諗起都流口水

這間小店的位置在小巷，不是在大街上，反而有一種日本小店的味道😊內裏有吧枱亦有二人餐椅，整個色調和氣氛也很像日本的拉麵店。點餐紙可供乘客自行選擇配料、麵條軟硬度等等。猶豫了選擇一鳴還是黑蒜鳴，最終決定是比較特別的黑蒜鳴😍湯麵來到先試一口湯底，既有濃郁的豬骨濃湯味，聞起來也有一陣黑蒜味，不會死咸，湯底出色。麵條我選擇了在其他拉麵店沒有的曲面，吃起來較有靭勁，湯亦掛汁👍🏻乳酸梳打也不錯，酸酸甜甜，如果是夏天喝的話更好更解渴！餃子是最遲來到的，但是十分驚喜，餃子皮很脆，咬下去後，內裏肉汁很多，配上特製醬油，令人不斷想吃下去午餐有套餐可選擇，拉麵配小食和飲品，不用100元，性價比超高👍🏻👍🏻👍🏻👍🏻

呢間係大埔好出名嘅拉麵店出晒名又平又好食門面裝修仲好有日式裝修風格午市佢就限定四個湯底選擇小食其他嘢就只有晚市先會提供$60就有一餸拉麵，價錢可以講係相當優惠加$20再有飲品同埋炸雞或者餃子我就叫咗個香菜·鳴湯底配豬軟骨另外再追加左紫菜粟米叉燒蟹柳同埋糖心蛋個湯底好濃厚仲有芫莤迷最鍾意見到嘅綠色湯底成個湯都散發着淡淡的芫莤味配埋煮得軟硬適中嘅直麵口感相當唔錯叉燒肥瘦比例適中份量亦都有唔少對比起叉燒我個人咁鍾意呢個豬軟骨勁入味不特止軟骨，肉同埋脂肪分布得好好唔會話有一樣野獨大加上份量好多啱晒我呢啲食肉獸呢個黑蒜·嗚湯底嘅拉麵湯底亦都做得非常之出色保持一貫拉麵湯底濃厚嘅特色入口會有少少漿嘅感覺鍾意油脂口感比較高嘅朋友一定要order糖心蛋亦都做得唔錯從佢嘅蛋白可以睇得出經過長時間嘅慢煮先可以達致咁樣嘅顏色但仲保持到蛋黃呈流心狀態確實唔容易炸物方面亦都做得幾出色尤其是係呢個炸雞保持到肉質嘅嫩滑餃子亦都值得一試唔會炸過油飲品方面就叫咗乳酸梳打同埋西柚梳打食拉麵飲起泡水同時間亦都可以中和返湯底嘅膩配搭相當之唔錯

今次黎到大埔既一鳴拉麵，環境裝修都唔錯，疫情下座位分隔井井有條，座位間都有間板，食得就夠曬安心放心喇！環境方面，好有日式feel，d燈仲要係紅色既，好有特色，而且好多日本元素係入面，好多d舊式木枱木椅，感覺好舒服，最緊要係佢有d日本歌係到，聽落都幾舒服。食物方面，叫左2個拉麵，先講下麵既軟硬度先喇，可以自已擇既，本人就推薦普通，因為軟硬夠適中，入口好疫口感，但又唔會太難咬。湯底方面，好濃郁既湯底，飲得出唔係用粉開求其hea你既，飲落好creamy，味道偏清同淡d，所以飲埋d湯都okay，唔會太咸同口喉。叉燒方面，夠曬圓同大件，肥瘦都好平均，食落幾香口，味道都算濃，配埋個湯就一流。

在入店前需要客人量度體溫，做足防疫措施，但如果能加設搓手液在門口會更好。店舖環境很像舊式日本的拉麵店，牆上面貼有很多不同的日式海報，很復古的感覺，而且也有吧枱和普通座位枱，枱與枱之間也有隔板做隔離，有做到基本衛生措施。食物的款式也很多，而且價錢也合理，點了秘製地獄醬豬骨湯底，它的麵和叉燒的份量也很足類，也可以自己選擇麵的種類，配菜等，如果能加設自行選擇湯底的濃度會更好，因為湯的濃度很濃，未必每個人都接受得到。另外，也點了芝士粟米玉子燒、鹽酥雞和串燒，而且份量也很多，而且芝士的份量也很足夠。不過提醒大家芝士粟米玉子燒要熱食才好食，因為芝士凍了會變硬，硬了芝士就不好食了。而且他的串燒烤熟的程度也剛剛好，串燒配點鹽酥雞的沙律醬都很好食！！

大埔人氣拉麵🍜由於座位較少，繁忙時間需要等一陣午餐價錢貼地 $60元可有4款湯底選擇🤤學生優惠仲可以減$10，$50真係性價比很高🤭香菜。嗚用清新芫茜醬放入豬骨湯底整碗湯都是綠色😍鍾意芫茜的人真係大愛❤️芫茜味道超濃🤩多葱令湯底更清新😚麵底是直麵🤩吸盡湯底精華本身麵底份量都適中，食完十分飽，要加底都只需$5，好平豬軟骨😍比叉燒更好食😋超級入味，偏向似甜味的瑞士汁，一口大小，方便入口半個糖心蛋🥚流心狀態配料有木耳，葱花，一片紫菜等黑蒜。嗚豬骨湯配自家製黑蒜油黑蒜很濃味太麵即曲麵，口感同直麵有少不同，我自己較喜愛，湯底更掛麵叉燒大約2塊，肥瘦均勻加$30，跟一小食加一飲品炸雞🍗4件或餃子🥟4件煎至外皮香脆

性價比超高嘅大埔拉麵店😍Lunch同老婆去到，見到差唔多坐滿人🥺店內位置不多，好好彩有最後嘅二人位置！呢個係拉麵選擇有四款拉麵選擇，老婆鍾意食芫荽，佢揀咗香菜鳴！ 我就比較喜歡重口味，我就揀咗黑蒜鳴。每款拉麵都只係$60！非常實惠，仲有已經每碗拉麵配上半隻糖心蛋😍配料可以自己選擇叉燒定係豬軟骨😏仲要多香蔥都唔使加錢🤔點解呢間店可以咁好你都見到香菜鳴，滿滿的綠色，我老婆話唔開心味道除咗有豬骨味之外仲有芫荽嘅香味。老婆覺得異常地夾 豬軟骨材料亦都非常之多！佢話估唔到$60都咁好食，仲要咁有誠意！以我嘅黑蒜味，味道好濃郁，香濃嘅黑蒜味😆下次都會繼續幫襯因為真係超高性價比。我覺得係大埔人嘅福利

又要搵日本野食, 因為冇得去旅行…. 呢日就搵間拉麵食! 呢間一鳴拉麵係大埔既一條巷仔入面~ 呢條巷都有好多野食~! 我地叫左焰鳴同黑蒜鳴, 焰鳴其實係秘製地獄醬豬骨湯底! 湯底夠哂熱辣辣! 而家呢個咁凍既時候飲啖湯真係好暖胃! 對比起豬軟骨我就中意叉燒多D! 叉燒先夾日本拉麵! 而佢既叉燒都幾厚肉同大塊! 我仲加左粟米同櫻花蝦! 食落好正! 好有咬口! 而個隻留心蛋就夠哂畫龍點睛! 黑蒜鳴就其實係黑蒜油拉麵! 黑蒜油味好香! 令人忍唔住飲哂全部湯! 晚市快D 開番… 下次要黎試下佢D 小食同串燒!