一鳴拉麵

营业中

休息中

今次黎到大埔既一鳴拉麵，環境裝修都唔錯，疫情下座位分隔井井有條，座位間都有間板，食得就夠曬安心放心喇！環境方面，好有日式feel，d燈仲要係紅色既，好有特色，而且好多日本元素係入面，好多d舊式木枱木椅，感覺好舒服，最緊要係佢有d日本歌係到，聽落都幾舒服。食物方面，叫左2個拉麵，先講下麵既軟硬度先喇，可以自已擇既，本人就推薦普通，因為軟硬夠適中，入口好疫口感，但又唔會太難咬。湯底方面，好濃郁既湯底，飲得出唔係用粉開求其hea你既，飲落好creamy，味道偏清同淡d，所以飲埋d湯都okay，唔會太咸同口喉。叉燒方面，夠曬圓同大件，肥瘦都好平均，食落幾香口，味道都算濃，配埋個湯就一流。