一鳴拉麵

营业中

休息中

從港島老遠去大埔一日遊😎，見食評專登去試這店🍜，食物好係不容置疑，性價比可以媲美出名麵店，最重要小店姐姐非常親切，給我行個方便給我一個小幫忙，非常感動😍，有人情味的小店，這是意想不到的，可遇不可求一定要推薦！從來不寫食評，這是我意料驚喜的好店，一定要推💖💖

天氣轉凍，大埔會比其他地區更凍，呢啲時間最啱去食湯面。搵咗呢間試湯拉麵同明太子玉子燒。Lunch Time去，不過等位都要等一陣。一碗芫茜湯底拉麵，配日本叉燒。喺有淡淡香菜清香嘅豬骨湯，對於鍾意食開芫茜的人來說，喺會覺得唔夠勁，可以再加料。建議走辛辣醬/叫少少辣，以免搶去芫荽味。一碗黑蒜湯底拉麵，配日本叉燒。鐘意食開濃湯底的人，呢碗好啱你，入口夠濃味，而且蒜味好香，呢碗抵讚！明太子玉子燒呢個都係即整即上，好夠熱好夠新鮮，想食多份小食，不防一試！拉麵價錢方面真係抵過出面好多，一碗面只係$60-70，不過位置有少少隱蔽，但開GPS就搵到嫁喇。

除咗大埔超級城個邊，近大埔火車站個邊其實都唔少野食！呢間居酒屋唔推薦唔得！單睇裝修已可以呃住自己去咗轉日本！入面位唔多，但好多選擇，我地兩個人叫咗一個炒麵、一份明太子芝士玉子燒同埋一份串燒牛舌。先講炒麵，炒得好乾身，麵就好好食，不過雞肉就有啲「鞋」身，俾佢80分啦。到明太子芝士玉子燒，呢個不得了，超正呀！入面芝士真係拉絲㗎！加埋明太子醬，唔會太「流」，份量好夠！至於個牛舌都係正，好厚但好夠淋，不過就貴咗啲$58得4舊。

平日星期一我哋入咗大埔食拉麵！拉麵店以木為主，格調模仿日本屋台。疫情關係無得去旅行，唯有食返碗拉麵當去咗... 同日本一樣，拉麵都可以揀選唔同湯底、麵條同軟硬度。特別嘅係麵條可以選擇直麵或太麵。 我哋叫咗一碗黑蒜.鳴豬骨濃湯直麵配豬軟骨、一碗香葉.鳴芫荽醬豬骨湯太麵配叉燒、一份炸雞軟骨。 黑蒜.鳴豬骨濃湯直麵配豬軟骨黑蒜豬骨湯味道濃郁，濃湯配上拉麵很好吃！可以飲曬成碗湯！唯獨豬軟骨碎上，建議配叉燒。流心蛋都唔錯，真係識流！ 香葉.鳴芫荽醬豬骨湯太麵配叉燒賣相相當唔錯，湯底好夠綠！如果鍾意芫荽嘅朋友，可以試吓。不過個人就比較鍾意黑蒜湯底。兩片叉燒都好大塊，夠軟淋！ 炸雞軟骨份量比想像中多，配上蛋黃醬冇得輸！ 枱面仲有部份醬料比我哋自由添加！最鍾意佢嘅芝麻同埋辣油～放少少落個拉麵度更加好吃！

我同2位朋友去食，叫咗3個麵，再加2個小食，埋單220元，人均消費73元。冇收服務費。我食過呢間餐廳好多次，每次都覺得好好味。食咗都有二年，水準都keep到！呢間店都幾受歡迎，成日排長龍，而且店內位置唔算多，如果大家要食，要畀啲耐性等下位！或者非繁忙時段去食，我上次1點40分到去食，唔使等好耐就入得。

今日喺大埔墟體育館做完運動，記得朋友講過附近有間幾出名嘅拉麵店，作為一個拉麵控當然唔會放過依個機會啦😎拉麵除咗可以揀湯底，仲可以揀埋麵條、麵質、要幾多蔥、要叉燒定係豬軟骨、辣唔辣🌶唔只餐牌多選擇，枱上面都擺咗調味料畀大家自由加🧂一場嚟到就決定試下「限定·鳴」($88)，今日係魚介豬骨濃湯，湯底果然名副其實非常濃厚😍麵條揀咗直麵🍜有啲拉麵店嘅叉燒係薄切，而依度嘅叉燒算係比較厚，咬落去有啖啖肉嘅感覺，而且食到叉燒有輕輕燒過嘅香味，如果燒耐少少多啲焦香味就更好🔥溏心蛋非常出色，單係睇到半生熟嘅蛋黃已經知道烹煮時間拿捏得非常好，而且夠晒入味👍本身碗拉麵係包咗半隻溏心蛋，但係我食完半隻都覺得意猶未盡，強烈推薦大家要追加一隻溏心蛋🥚做完運動想解下熱，所以另外嗌咗一杯青蘋果白桃乳酸梳打($28)🍹，亦都好適合配搭埋濃味嘅拉麵除咗拉麵同飲品之外，亦都可以嗌串燒、玉子燒、炸物等等屋台料理，可惜今次得自己一個食唔到咁多，惟有留返下次食喇🤤

無意中發現大埔墟呢一間充滿日本特色嘅拉麵，一入到去就見到有吧枱可以望住師傅煮嘢食，有幾張小枱。見到牆身貼滿唔同特色同意思嘅日本海報，真係好似去咗日本嗰啲居酒屋咁。呢度下單嘅方法係自己圈出自己嘅個人喜好，我哋都叫咗黑蒜鳴豬軟骨曲拉麵同焰鳴叉燒直拉麵🍜，然後軟硬度，辣度等都可以因應自己嘅喜好去選擇。麵一上，就聞到一陣陣嘅蒜香味同埋豬軟骨配合櫻花蝦味。個人認為食麵既主角係湯底，兩者一啲都唔油膩同鹹，秘製湯底配合小小既辣粉去刺激味蕾，好爽至於配料豬軟骨同叉燒，量多之餘仲入口即融小食方面，我哋叫咗芝士粟米玉子燒，粟米粒粒分明，芝士溶咗喺蛋之中，味道適中，就連我唔太鍾意食芝士嘅人都覺得好好味。溫馨提示，呢個要趁熱食啊，如果凍咗芝士硬d就冇咁好食！另外我哋仲叫咗炸雞軟骨同幾串燒物，雞軟骨點沙律醬，呢個組合係天衣無縫串物當中，比較深刻嘅係牛柳粒，因為佢唔會太煙韌，一入口已經即刻充滿牛香味。其他串物就覺得普普通通。不過整體來講係大滿足，一定會再嚟食過

1️⃣[ 焰。鳴拉麵🍜 ］ʜᴋᴅ60✍🏻 麵底可以揀直麵或者曲麵食麵就比較有咬口 曲麵腍啲粗啲呢款拉麵係辣味拉麵 湯底非常濃郁🥰係原本豬骨湯再加秘製地獄醬 好正流心蛋煮得啱啱好 叉燒肥瘦均勻 🤩配菜仲有櫻花蝦 木耳絲 紫菜足料又好味😋😋🌟推薦指數：8/102️⃣ [ 芝士明太子玉子燒🧈 ] ʜᴋᴅ78✍🏻 外表好吸引 滿滿嘅明太子同柴魚片喺面份量亦非常多 而且係原條上可以自己切我地食完拉麵切開仲係熱辣辣😝一啖食到曬玉子 芝士同明太子邪惡得嚟仲好滿足🥳🥳🌟推薦指數：8/10______________________________🥑整體嚟講🥚整體感覺十足十日本拉麵店木枱櫈 黃燈 紅布 仲有杯冰水都令我覺得好似去咗日本咁🇯🇵而且拉麵質素非常高 價錢合理絕對會再回頭🌝😋好味指數：8/10🏃回頭指數：8/10🔎🏷️ #letus新界 #我要吃掉全世界 #letus日本菜系列 🔍

已經幫襯過呢間拉麵店好幾次，今日又黎食個Quick Lunch。店內既裝潢係行簡約日式路線。午市拉麵🍜可以自己配搭，自己揀湯底，配料、麵既軟硬度，最驚喜係可以揀叉燒/豬軟骨。叫左 🔥焰。鳴 - 地獄醬豬骨湯底唔算超辣，大約係平時x仔既小辣Level。叉燒正常，溏心蛋ok喎！揀左直麵，彈牙👍🏻佢d櫻花版將成個味道既層次昇華左！午市可以加$20追加小食+飲品，叫左餃子：我分唔清係煎餃定炸餃😂但好食，夠熱。👍🏻平時係出面食碗拉麵閒閒地都要成百蚊，宜家只係$60真係超抵食！食埋餃子🥟包野飲都只係$80！真係好滿足呀🤰🏻。呢間野好多學生幫襯！因為呢到學生有得減$10，加替玉只係要$5咋！良心小店！👍🏻

今日我朋友經過大埔墟的時候發現一間隱世拉麵店因為疫情關係都是外賣自取為主我們點了三個拉麵兩個小吃分別是白、黑、赤三種湯底就是一鳴、黑蒜。鳴、焰。鳴因為朋友不吃香菜所以沒辦法點青湯小吃方面點了玉子燒和豚平燒現在外賣自取八五折比平時平宜很多不過外賣的拉麵是沒有現場的好吃但是值得一讚的是貴店的包裝很用心而家湯和麵分開拉麵不會因為泡湯而糊掉雖然賣相沒有那麼好但能吃到外賣拉麵實在難得焰。鳴的辣度適中辣而不渴吃完拉麵再配上辣湯頭 十分滿足直麵稍為偏硬下次還是點太麵試試黑蒜。鳴的黑蒜味十分濃郁像一個一個蒜蒜吃著呢不過因為湯頭是黑的所以拍照只能拍到黑的一鳴就是豬骨濃湯拉麵雖然是最普通的但是湯頭絕不馬虎吃到一口一口的小吃最令我驚人的因為玉子燒做到嫩滑剛熟的不容易一鳴。拉麵能做到嫩嫩的玉子燒加上熱辣辣出爐真是伎足100分！另外一個叫豚平燒這是推介菜外面是玉子燒但裡面是包裹著滿滿的菜和豬肉加外面淋的沙拉醬就是搭配得很讚小店還有很多串燒下次也可以試一下

大埔墟其實有好多小店有好多唔同嘅嘢食媽咪今日同我講好想食日本拉麵我真係好乖咁買埋返去同佢一齊食個靚靚下午茶啊近大埔新街市間叫做一鳴拉麵嘅小店店雖然細細地但係呢入去就好有親切咁好似真係入咗一間日本嘅拉麵店日式嘅裝修加上店員好有禮貌準備好點麵張紙比大家選購唔同口味嘅嘢拉麵有四款唔同口味嘅拉麵麵條麵條質細蔥唐辛醬都由你自己選一個拉麵性價比非常之高只係60蚊可以加錢配搭唔同嘅配菜根據你想飲嘅餐飲加$20加或者$30仲有餐飲同埋小食親民貼地我就替媽媽叫咗個黑蒜鳴叉燒拉麵。配炸雞自己就叫焰鳴豬軟肉拉麵加叉燒。配餃子呢度啲店員仲細心咁幫你包好而且外賣盒好緊實，放心攞凍飲都會比張紙巾幫你包好抵讚一返到屋企打開外表依舊好靚仔先講焰鳴豬軟肉拉麵追加叉燒。拉面本身除咗有呢個豬軟骨同埋我自己加嘅叉燒之外已經有半隻蛋，大量嘅細蔥，木耳絲，仲有櫻花蝦⋯食料好豐富首先個湯底真係好有層次先有豬骨做湯底帶有辣味仲要加埋櫻花味嘅香三個層次配合得好豬軟骨都好入味我揀咗做呢個曲面質地啱啱軟硬適中正餃子只加左本身個秘制醬汁有小小酸但好好食之後到黑蒜鳴叉燒拉麵。配炸雞自家製嘅黑蒜好香令到成個湯都有層黑蒜油喺面湯底濃稠但係絕對唔會

今天跟朋友走過街市，之前提過很想一起去吃日本拉麵的，因為疫情的關係今年大家也都沒辦法出國，於是找到了在大埔的一鳴拉麵，進去店內有著日本居酒屋的氛圍，而且牆上還有許多日本卡通的貼圖，實在很貼心。雖店面用餐非常好，但因疫情關係，我們討論之後還是選擇了外帶一起到家裡用餐，沒想到店員很親切地跟我們說外帶還有打85折的優惠!!! 太開心了~等了十分鐘左右，店家已經將外帶的拉麵跟小吃包裝整備好了，工整的2個手提紙袋內裝了2個拉麵跟2個小吃。我們點了黑蒜拉麵跟豚骨拉麵，回到家打開麵碗看到拉麵上灑滿了蔥花，並且用一大片海苔蓋住，掀開海苔還有2大片的拉麵叉燒及1個糖心蛋，小吃的部分我們點了玉子燒與豚平燒，份量十分充足!! 我個人覺得黑蒜拉麵非常特別，因為黑蒜湯是黑色的，搭配豬骨濃湯配叉燒，光是把湯倒出來就已經聞到黑蒜的香氣了。因為外帶關係，外帶的碗具也是黑色，結果拍照看起來整碗拉麵都黑色，拍照看起來就比較不好看了，不過味道倒是很實在的香醇，豚平燒也是他們的招牌，裏頭好像包裹住美乃滋與芝士，咬下全是滿足，要不是疫情的關係我們還是會選擇在店內用餐。因為這間店也是有串燒、壽司跟居酒屋的，有機會來大埔的朋友不訪

一開頭被門外既餐牌吸引，好鐘意手繪風格的線條，總覺得餐牌設計得有心思，餐廳主理人所製作既食物都必定有其一套哲學。一入餐廳，就嗅到一陣濃濃既肉湯味。同友人望咗餐牌一陣，心思思想點6、7款串燒同小食，不過諗諗下叫得「一鳴拉麵」唔叫碗拉麵食好似唔make sense，所以最後點左一碗豬骨湯底豬軟骨拉麵，同當日限定魚湯湯底叉燒拉麵，仲有3款小食。兩款拉麵湯底味道都好濃郁，但又唔會太重口味（好怕啲好鹹嘅湯底），唔會愈食愈口渴；濃稠程度岩岩好，即係有潤滑既口感，但又吾會太黏牙；試一啖湯，入口既味道同店內飄浮係空氣中既味道融合，感覺幾奇妙。汁燒雞翼食落甜甜地，可能係用左日本醬油既關係。雞肉亦嫩滑多汁。岩鹽燒赤蝦係是日廚師推介，蝦肉實淨，蝦頭相對燒得比較入味，送酒應該好正。黑醋汁南瓜秋葵沙律既黑醋味稍為太重，如果混合其他汁中和平衡一下更好。

今日路過見到呢間一鳴好似都幾多人推薦過！就入去試下😍食個靚lunch。叫咗一碗豬骨湯拉麵～揀咗我最鍾意嘅曲面😍食落巧彈牙！剩係食啲面都好滿足了！搭配埋個餃子小食，簡直係100分午餐🥣

見到呢間餐廳平時排哂隊，今日早到少少，見唔洗等好耐位，就去幫襯一下了。見到鋪內外都好日式，而鋪內有好多日式卡通嘅設計同貼畫，好特別啊！至於食物，通常去一間餐廳食，總會有d好食，有d一般，而呢間一鳴拉麵，卻係全部食物都好好水平，唔會話有食物令人失望!我地嗌左招牌「一鳴拉麵 ($75)」同期間限定嘅「魚介豬骨拉麵 ($88)」。拉麵嘅麵質同配料，都好細心咁俾顧客按自己喜好去揀，兩個拉麵嘅湯底好濃郁，特別欣賞期間限定果個拉麵，豬骨味好香濃之餘，卻又唔會搶左魚味，魚同豬骨味都試到，好balance，做得好成功。另外，佢嘅叉燒都做得肥瘦均勻，好好食，食完一個麵都好夠飽!另外，試左個廚師推介嘅燒赤蝦，果然推介冇錯，赤蝦大大隻，食落新鮮，亦有蝦膏，冇幫襯錯，下次會想再嚟食過～～