一鳴拉麵

营业中

休息中

一開頭被門外既餐牌吸引，好鐘意手繪風格的線條，總覺得餐牌設計得有心思，餐廳主理人所製作既食物都必定有其一套哲學。一入餐廳，就嗅到一陣濃濃既肉湯味。同友人望咗餐牌一陣，心思思想點6、7款串燒同小食，不過諗諗下叫得「一鳴拉麵」唔叫碗拉麵食好似唔make sense，所以最後點左一碗豬骨湯底豬軟骨拉麵，同當日限定魚湯湯底叉燒拉麵，仲有3款小食。兩款拉麵湯底味道都好濃郁，但又唔會太重口味（好怕啲好鹹嘅湯底），唔會愈食愈口渴；濃稠程度岩岩好，即係有潤滑既口感，但又吾會太黏牙；試一啖湯，入口既味道同店內飄浮係空氣中既味道融合，感覺幾奇妙。汁燒雞翼食落甜甜地，可能係用左日本醬油既關係。雞肉亦嫩滑多汁。岩鹽燒赤蝦係是日廚師推介，蝦肉實淨，蝦頭相對燒得比較入味，送酒應該好正。黑醋汁南瓜秋葵沙律既黑醋味稍為太重，如果混合其他汁中和平衡一下更好。