一鳴拉麵

营业中

休息中

喺早前已經食過呢一間大埔嘅一鳴拉麵，雖然位於小巷之中，但都唔少人專程入嚟食。店內雖然位置唔多，但裝修格調非常具有日本居酒屋嘅感覺。我哋三個人叫咗三碗唔同湯底嘅拉麵同部份小食，例如有炸雞、玉子燒同炸薯餅等等。我自己就叫咗赤辛軟骨拉麵，面質係按自己嘅喜好去選擇，分別有軟、普通同硬。我自己就比較鍾意食軟既細麵。湯底好濃郁，秘製地獄醬豬軟骨濃湯，辣得來好刺激之如，仲有櫻花蝦去配搭豬軟骨非常軟腍，而且入味，仲有成三大嚿咁多，好滿足至於朋友就叫咗普通嘅叉燒豬軟骨濃湯拉麵同黑蒜油叉燒拉麵🍜偷偷的嘗試左佢哋嘅湯底，黑蒜油相對比較出色，一啲都唔油膩，蒜香味好突出，而半肥瘦叉燒係輕輕燒過，入口即溶小食當中，芝士粟米玉子燒同雞肉京蔥燒係值得推介俾大家！玉子燒份量好大，而係中間有芝士同粟米，增加左口感京蔥燒嘅醬汁係令到雞肉好入味，雞肉係有頗多肉汁，燒到唔會太乾咖喱薯餅同埋炸雞就可以按自己嘅喜好選擇叫唔叫，因為都係正常嘅口感同味道！

平日晚上七點嚟到，唔使等位，入到去都幾乎坐滿。檯面一早已經放咗張點餐紙，重有炸蒜、芝麻、七味粉等嘅調味料。我哋兩個人點咗一碗香菜拉麵、一碗豬骨拉麵同一份小食。羊架　$56 師傅好細心，已經將份羊架切好～羊架肉質都幾腍，香而唔羶。香菜拉麵 $78麵條揀咗細麵，軟硬適中。芫荽味剛剛好，唔會太搶蓋過本身豬骨湯底嘅味，又唔會淡到只係裝飾咁，好佩服店家嘅調配！我剔咗要少少辛辣醬（一隻辣椒），唔會好辣，我唔食得辣都完全ok，我好推薦要加剔呢隻醬！係一個好好嘅點綴！豬骨拉麵 $75都係揀咗細麵～豬骨湯底好夠濃郁，同埋好欣賞呢度嘅湯底真係好夠熱，食到最後一啖都重會出煙平時拉麵多數都配叉燒，呢度除咗叉燒，仲可以揀豬軟骨。呢到嘅豬軟骨我覺得係好出色！豬軟骨好入味，而且質感啱啱好，唔會好碎好軟，但係又可以好輕易就𡁻到，仲要有少少張住個口嘅骨膠感！一食就知花咗好多心機，完勝好多餐廳！

終於開返晚市！可以同老公撐檯腳食拉麵，上次喺上水食過一鳴嘅芫茜拉麵，今次去大埔分店返尋味MEUN除咗有拉麵，重有玉子燒、串燒小食同SAKE，可以好似居酒屋咁，放工同朋友喺度暢聚一番。拉麵有五款湯底：一鳴（豬骨濃湯）／黑蒜／赤辛／香菜／限定（墨魚汁黑松露豬骨湯），我哋今次揀咗豬骨同香菜湯底。豬骨濃湯拉麵(細麵)豬骨湯底味道濃郁得嚟唔會太鹹，加咗兩隻辣椒嘅唐辛醬，唔會好辣，重會令到個湯底更香更惹味！細麵煮得軟硬適中，「掛湯力」高；配料我哋揀咗豬軟骨，因為上次食過一鳴嘅豬軟骨真係一試難忘，軟腍入味，勁正！香菜豬骨濃湯拉麵(細麵)芫茜味真係冇得輸，次次嚟都必點。我本身對芫茜冇特別嘅喜惡，但呢個湯底真係好有驚喜，清新得嚟唔會有草青味，非常推薦！除咗豬軟骨，我哋重追加咗一份叉燒（+$20），燒過嘅叉燒有少少脆邊，都幾好食。

太掛住日本啦，每次見到拉麵店都忍唔住，呢間拉麵店唔喺大街，本來應該見佢唔到，但因為門口嘅人群太吸晴，心諗咁多人有咩好食呢？行近一睇……拉麵!!! 好彩見到人群，如果唔係就差d錯過日本的味道。由門面到裝修，根本就係地道日本風，暗暗地嘅燈光，突然諗起深夜食堂🇯🇵呢度唔賣花巧，簡簡單單，就只得四款湯底拉麵。基本湯底都係豬骨濃湯，再加入不同自家製醬料就變左幾種不同層次嘅味道。自己手剔落單，麵嘅粗幼、軟硬度、配料、辣度都有得揀。點左一鳴拉麵，一場嚟到，當然要食主打嘅原味豬骨濃湯啦，果然湯如其名，個湯底好厚身，非常濃郁，入口都好滑。另外仲點左赤辛，係豬骨濃湯再加秘製地獄醬嘅湯底，揀左較粗身嘅太麵，兩隻辣椒嘅辣度。嘩!成碗湯紅卜卜，仲有堆類似辣粉，未食以為會辣到食唔到，但食落原來幾好味喎，好香嘅辛辣味，但食落口又唔會覺得勁辣(利申:本身只係可以接受小辣程度)午市套餐加$20，仲可以有飲品及小食，餃子同雞都係炸嘅，炸得勁金黃，夠乾身，非常脆口。😃又一次回味日本味道成功。

喺大埔大明里附近 個位置有啲難搵所以稱之為大埔隱世拉麵店😳🤫🤭🤭*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*門面設計幾有特色 有啲古典嘅味道連續幾吸引眼球嘅門面 小編認為做得幾成功⬆️ 雞刺木嘅木色系 配合埋打燈 效果幾好👀餐廳裏面有一種日本夜晚拉麵店嘅感覺偏暗紅嘅射燈加上白光打燈嘅配合 仲有唔少既日本🇯🇵poster裝飾擺設 鍾意食環境嘅人一鳴拉麵係一個唔錯嘅選擇(●°u°●)​ 」 ♪───Ｏ（≧∇≦）Ｏ────♪一鳴拉面 基本價$70 自選 湯底有四款我揀左 一鳴湯底 1️⃣太麵 2️⃣麵質 普通 3️⃣多蔥 4️⃣配料 叉燒 5️⃣少量唐辛醬另加配菜 $12 櫻花蝦 $紫菜跟套餐 +$30 飲乳酸梳打🤓炸雞和餃子之間 最後揀咗炸雞首先講咗嗰個底先 香濃豬骨湯味 好正 😛食拉麵就係要湯底好味 最尾連埋個湯一齊飲晒叉燒半肥瘦適中👍🏻麵質幾好 唔會淋志志另外想講加$12有咁多櫻花蝦 JENG😋😆炸雞超級好味 好食過好多餐廳 重要嘅嘢講多次 必食 炸雞必食！絕對有驚喜 😌

-{大埔拉麵小店🍜}又去食拉麵啦！今次去大埔嘅拉麵店食午餐😆🤤黑蒜🤤 ($90)麵係太麵 普通麵身算彈身嘅😍兩塊薄叉燒半肥瘦👻香肥肉又油脂香 隻溏心蛋好流心🥰好香醬油味🤓湯底方面好香豬骨同少量黑蒜味😂真係好好稠身☺️👖褲評: 8/10🤤餃子🤤 (跟餐)普通煎餃子但唔油 料肥肉偏多如果醬係柚子汁好開胃😜👖褲評: 7.3/10🤤炸雞🤤 (跟餐)炸雞粉偏厚 不過個汁係似蜜糖芥茉好鍾意🤩👖褲評: 7/10餐廳有學生餐出示學生證減$10🥰服務同埋環境都好好🥳日式風格😎性價比: 8.8/10服務: 8.8/10環境: 8.5/10🚩 一鳴拉麵 🚩地址: 大埔運頭街20-26號廣安大廈地下E舖#fuudjai #fuudjai日本菜 #fuudjai拉麵 #fuudjai大埔

臨近新年唔知食乜好，出到大街到到都好多人，朋友就帶咗我嚟呢度食。咁依間舖就係個巷仔入面，大概兩點左右去食，人流就唔算多，店員幫我哋執一執枱都可以入啦————————————————————————今次就叫咗赤辛拉麵（太麵+普通+走蔥+豬軟骨）一嚟到見到個湯紅噹噹，連裏面啲面都係紅色嘅，仲以為會好辣好辣。但食落口還好，湯底濃郁，而佢嘅辣唔會停留喺你個口好耐，啱晒想食辣但又驚辛苦嘅人碗面入面有大量櫻花蝦，令到碗麵增添左蝦嘅風味。但要彈一彈嘅係，豬軟骨比較乾身，有幾啖係會黐住你啲牙，如果炆得再淋啲就好啦咁日式餃子就不過不失啦，炸得脆同埋乾身嘅，識落唔會成口油。有機會諗唔到食咩都會再試多次～

之前見過大埔墟必食餐廳有呢間一鳴拉麵上榜已經bookmark左！所以趁住放假就黎到一鳴拉麵試下.果然係大埔墟必食店之一,lunch time充滿食客,好彩等一陣已經有位.一嗚奶白色豬骨濃湯拉麵濃郁,入口濃稠,湯底靜止左一陣已經見到起一陣薄薄既膠原膜.湯底重豚骨香,味香而且唔會油膩.配上幼身拉麵充份地掛起濃湯,麵條煙韌彈牙.再配炙燒過後既叉燒,豚脂味更香.旁邊既青蔥同木耳為整碗拉麵增加爽脆感.赤辛秘製地獄醬豬骨湯底呈赤紅色,帶住濃烈辛辣感,刺激味蕾.旁邊配有青蔥,木耳,肉碎及櫻花蝦令味道更鮮肉香及蝦香.配上幼身拉麵同樣滑溜彈牙.整體唔會死辣,辣勁充滿香氣有層次感.炸雞炸雞炸得香脆唔油膩,每件炸雞都好有份量,內裏肉質又唔會過乾.餃子同樣炸得香口,餃子炸成金黃色,皮薄而內裏充滿肉餡又多汁.青檸蘋果梳打&乳酸梳打帶配配甜甜香氣,充港汽泡感.

今日同我個朋友去咗食呢間拉麵，本身都以為冇乜特別，因為其實拉麵都係來來去去都係嗰隻味，但係呢間嘢徹底改變左我嘅觀念呢個拉麵，我揀咗豬軟骨，多蔥，小辣，拉麵硬黑蒜湯底整體上都幾好味，拉麵都幾有嚼口，個湯都好濃郁即係留心蛋真係有做到留心嘅感覺豬軟骨都幾好味，但係就真係骨比肉多，但係都係好味嘅。大家可能以為， $70嘅拉麵冇乜了，但係就係錯嘅，雖然張餐牌都寫到好似好少咁但係其實佢真定俾你嘅料都好多㗎我朋友之後再加多左隻蛋隻蛋基本上同拉麵嗰個一模一樣只不過比多左一隻你咁解姐成個環境都好好，充滿着日本嘅風格，唔講以為去咗日本，但係比較上，間鋪就細啲，所以唔建議大家喺繁忙時間食，唔係嘅話可能就要等比較長嘅時間總括嚟講呢間野係好味嘅，侍應都係好人嘅只不過係間鋪細咗啲啫不過我見佢隔離都有一間自己整嘅當如果大家有興趣可以去試吓可能我自己都會試吓

好耐之前成日同朋友食一鳴, 自從好朋友搬走後就無再食了, 今晚特意約好朋友一齊再去食過!🌟雞皮串燒雞皮外脆內軟, 咬落去油份爆哂出嚟🌟雞肉京蔥燒雞肉大大件啖啖肉, 吸收左京蔥嘅味道, 非常惹味🌟汁燒厚切牛舌心牛舌心好厚切, 口感爽脆多汁🌟鰻魚串燒鰻魚燒得好香, 肉嫩無骨, 配搭醬汁好惹味🌟燒河豚乾口感煙韌, 味道甜甜地, 佐酒一流🌟煎雞軟骨餃子餃子煎得好香口, 外層脆卜卜, 咬落爆汁, 口感不錯🌟雜錦海鮮御好燒海鮮幾多而且食落完全唔厚粉, 味道不錯🌟香菜拉麵豬骨湯味道濃郁, 芫荽充分融入湯底入面, 湯汁質感濃稠, 太麵軟硬適中, 豬軟骨膠質重, 軟腍入味

呢間小店位於大埔墟街市附近 中午時間都有好多人過嚟食 大概12:30舖面已經坐滿啦😮我哋一人帶咗一碗拉麵 午市套餐仲可以加$20或者$30 加多一樣小食同埋飲品 價錢就由飲品而決定😮黑蒜 豬骨湯底再配自家製黑蒜油 黑蒜油聞落已經好香 食落口嘅蒜味亦都好濃 每款拉麵都可以選擇麵條 麵質 細蔥 配料 唐辛醬 我地呢碗揀咗細麵 普通麵質 普通多細蔥 叉燒 兩隻🌶嘅唐辛醬 細麵幾掛湯 唐辛醬就唔係好食得出個味 可能湯底太濃味啦 叉燒有兩塊 都燒得幾香😺赤辛秘製地獄醬豬骨湯底 太麵 普通麵質 多蔥 豬軟骨 一隻🌶嘅唐辛醬 見到個湯紅卜卜 就知一定有返咁上下辣啦 夾起啲麵 啲麵變埋紅色添呀 不過食落嘅辣都仲可以接受😼 係刺激嘅辣 不過唔會持續得好耐 加上湯底有大量櫻花蝦 食落除咗辣之外 櫻花蝦味都好突出 令個湯底幾特別 豬軟骨份量都唔少 咬落都好腍身 叉燒同豬軟骨比較 會鍾意豬軟骨多啲🥰炸雞雖然個樣好似炸得好燶 但係咬開都有啲肉汁 可以話外脆內軟🐥餃子餃子幾熱辣辣 外皮都夠脆🐷飲品烏龍茶 正常味道 冇咩特別😂青檸青蘋果梳打 呢個酸酸甜甜 青檸味都幾fresh 又唔會太甜🍏呢間嘅拉麵都有返咁上下水準

今晚去大埔搵朋友，天氣都幾凍所以我地決定食碗拉麵暖一暖胃。我叫咗香菜拉麵，因為見幾特別同少有。賣相綠得好靚🍀太麵硬身好有口感同咬口，同埋會比較索湯。個湯底會比較似打邊爐既豬骨濃湯，莞茜味唔會話搶過豬骨味，自然得黎有肉脂香，重點會係好清新唔會過咸，做得相當出色。叉燒都柔軟唔會鞋口，如果多d焦香會更好～友人點的黑蒜拉麵既黑蒜味都做到十分到位，濃香好味！整體而言拉麵味道上做得幾出色，如果個量大少少會更加好～

成日周圍試拉麵店嘅我，今次搵到大埔嘅一鳴拉麵，之前朋友話周末去排哂長龍咁，醒目嘅我就揀左平日時間去，11點幾去到，發現冇開門，心諗出事，睇清楚d原來係中午12點開門，我等左5分鐘就開門，大家記住睇清楚營業時間先去12點就準時開門，店內都是柔和黃光，走日式小店風格，午市有一張餐單，可以選擇湯底、麵條及配料醬料分量等等，加$20-$30可配飲料及小食，今次就揀左豬骨黑蒜叉燒太麵，配餃子及乳酸梳打餃子炸得好香口，餡料豐富，乳酸梳打唔會太甜，又夠哂凍，最後到主菜拉麵登場，賣相滿分，感受到日本文化對食物賣相嘅要求，流心蛋及叉燒放中間，不同的配菜環繞，我用左10秒欣賞就開餐啦，叉燒好大塊，有2塊，之前係沙田食過其他同價位嘅得1塊勁薄嘅叉燒，呢度係好足料，唐辛醬都好味，鍾意食辣嘅朋友可以叫多醬。下次去大埔食嘢又多個選擇

以前中學都已經好鍾意黎呢度食嘢😁😁😁今日，呢諗住去埋附近蝶豆花園，就喺度食碗拉麵先！入到去，佢嘅裝修好日式🎎我就揀咗黑蒜拉麵， 成個湯底呢黑色嘅🤣🤣🤣咁我就配左細面，如果呢你未食過， 真係要試一試 ！佢有少少似意大利嘅墨汁意粉！ 打卡一流 同埋個湯唔會話超級蒜頭味，係好香好濃😜😜我諗應該係因為佢，本身個base豬骨湯底淆得好😝見佢本身有叉燒, 仲有糖心蛋, 大食嘅我，就梗係加錢配埋個豬軟骨！一次過試曬佢啦😆😆♥️個豬軟骨好入味亦都好淋，再配少少啫喱係側邊呢，勁sticky, 超級大滿足😆😆😍😍😋🍖跟住我再配咗餃子同埋乳酸梳打, 個餃子去煎到個皮脆咯咯，再畀咗啲醬油我哋點，餃子個味好重芫茜味！所以我非常鍾意😍

喺大埔墟街市行過少少有條後巷，呢條小巷入面，有好多外賣店，其中我就畀呢個日式風味嘅拉麵店吸引住♥️♥️入到去成間舖頭都過住日本嘅音樂，勁似我之前去大阪食嘅拉麵店咁佢午市係免加一，有2隻麵底可以揀嘅，一個就係幼面另一隻就係太麵，我就選擇咗太麵比較彈牙， 湯底我就揀咗 香菜， 我覺得你鍾意食芫茜嘅話一定要揀呢個湯底， 呢個超好食！佢個面好濃， 濃得黎又唔會話太過肥膩佢嘅叉燒亦都做得好好，好滑，唔會話好鞋身😜因為呢我鍾意食少少辣，咁就再加埋唐辛醬😜😜小食我就跟咗炸雞同凍嘅烏龍茶， 佢嘅小食有四件炸雞，我覺得如果你只係一個人嚟食嘅話再有杯嘢飲其實都幾飽佢個雞我覺得好好食，其實即係唐揚炸雞，佢個皮好脆，肉質好嫩，一撕開嗰下仲有啲煙出嚟