一鳴拉麵

营业中

休息中

係大埔返學所以成日都會搵下附近有咩食 一鳴拉麵算係隱世小店 因為位置唔算顯眼 但食物質素一啲都唔馬虎👍🏻 而且價錢公道合理 依家like 社交平台仲可以送小食/飲品 真係超抵食😍 而且服務都好好 真係難得🥳✿ 赤辛拉麵 ✿ [$78]見到menu寫地獄醬以為好辣🔥 所以寫左小辣 但原來係冇得揀辣度 不過食開三哥三小辣嘅程度完全冇問題 湯頭好濃郁 加埋櫻花蝦🦐令到湯頭更鮮甜 拉麵有得揀太面同細麵 我地都揀左細麵 湯汁好掛面 叉燒有兩大塊 好滿足😋✿ 一鳴拉麵 ✿ [$75]拉麵嘅湯底係豬骨湯🍜而麵就係用咗博多拉麵 係我鐘意食嘅拉麵之一 湯底有得揀唐辛醬🌶️ 叉燒係用咗五花腩 而且燒過好香🤤 大大塊 性價比好高🥳✿ 味筍 ✿ [+$10]味筍醃得啱啱好 爽口✿ 一鳴創作醬炸雞 ✿ [$46]佢嘅創意醬好似蜜糖芥末醬🍯 而且炸雞都唔會話好乾身 好juicy 仲要係啱啱出爐 食落仲會岀煙🍗✿ 香炸餃子伴日式醬油 ✿ [$32]餃子餡係韭菜豬肉 🥟出邊有炸蒜 而且日式醬油裏面都有蒜味 如果唔鍾意食好重蒜🧄嘅人 可以試吓其他★好食指數★：8/10★服務態度★：10/10 ★CP值★：9/10★🈶️加一

今日去附近玩大老遠就過咗嚟呢度，玩之前梗係醫飽個肚先啦！見到呢間嘢都幾近火車站，所以過咗嚟呢度食咗嘢先😙佢每款拉麵$78我就揀咗款黑蒜拉麵，豬骨濃湯配以自家製黑蒜油🤩配料我就揀咗係叉燒，另外都有得揀麵款、麵質😚佢呢度啲湯頭好濃稠，啲麵超級掛湯！好正❤️湯頭係好濃郁好香既黑蒜味👍🏻好好飲🥹叉燒一啲都唔鞋，入口即化😋我仲追加多咗隻溏心蛋同辣味荀，溏心蛋係一定要加架！呢度整得好好食！溏心得黎又入味🤤辣味荀就辣咗少少🤏但係味道都醃得剛剛好😍另外仲追加左個套餐🥢烏龍茶加餃子🥟$20餃子外脆內軟，裏面仲好多肉汁🥰

今日去大埔穩朋友，朋友話介紹一間好正既日式拉麵我試下，朋友講得好正咁一定要去試下拉，位置係一條小巷入面，如果唔識路有機會錯過，不過都唔算太難穩，因為去個時下午，人唔算好多，所以唔使等位，員工同我地講因為lunch time，所以現在只有拉麵套餐選擇，晚市選擇會更多😌不過唔緊要。lunchset 已經夠食😍一共有4款湯底選擇一鳴湯底、黑蒜、赤辛、香菜4款黎到當然試下最傳統既湯底，湯底味道好出，味道唔會太濃，如果鐘意食辣都可以選擇加辣，面軟硬都可以選擇，另外都可以追加一d配菜，都有10幾款選擇，😍如果需要加飲品套餐，另外再配一款小食 ，整體黎講，拉麵湯底好正，而且配料小食都唔錯，價錢上平靚正，下次如果黎大埔，要再試下其他湯底😍

喺大埔住咗五年幾，已經食厭咗集團式嘅食物兜。有一次經過廣福道，見到有條街有好多小店，決定入嚟呢間試吓。點左幾樣串燒，一個丼飯，同埋一碗拉麵，真係好好食呀！店員仲要非常之有禮貌同埋細心，絕對值得推介！

這日我們放工來到大埔墟站附近的一間拉麵店：一鳴拉麵。拉麵店舖雖小，充滿日式嘅感覺，亦都有唔少附近嘅街坊過嚟食。聲好我哋大約6:00來到，再過多一陣就要等位。我哋嗌咗一個拉麵，兩個小食。咖喱薯餅$26外層炸得香脆，乾身。薯蓉充滿咖喱香味，軟綿綿。薯餅亦有配搭住一個醬汁，鹹鹹地都幾濃郁嘅，加咗落去又有另外一番感覺。明太子海鮮什錦御好燒$78有心思嘅製作！椰菜爽甜，明太子醬汁香濃，海鮮包括蝦及魷魚，份量很多。一鳴拉麵$75一上枱嘅時候已經感覺到好吸引！湯底濃郁，白白嘅豬骨湯底充滿骨髓嘅香味。麵好有彈性，配合埋豬骨湯一齊食好好味。叉燒炆得好入味，其他配料都非常之好味，尤其是糖心蛋內醬油味道好濃郁。開心滿足的一餐

大埔多隱世小食次次去都唔會失望，今次都唔例外火車站去大埔墟大約5~10分鐘左右今次想試下拉麵大埔咁大，估唔到佢嘅拉麵店，真係up 都up 唔出幾多間要openrice 先知有今日去嘅依間小店中嘅表表姐入面坐唔到幾多人lunch 去要等menu 都係簡單tick 咩就比咩你仲有中午學生set 叫十分抵炸雞加$30 有野飲同小食跟必叫餐前有d 小食唔錯$70 豬骨濃湯拉麵再加左d 餸湯好飲，唔口渴，濃味d 肉份量夠麵自家製，師傅會fing 走麵d 水再上碗西柚soda特別可以一戰

📍啲人都話大埔多嘢食，今次嚟到大埔墟梗係要搵好嘢食！好耐都冇去過日本呀，唔知大家會唔會思鄉呢？一鳴成間舖頭主要嘅建築素材都係木，望落就好日本feel，好似橫町窄巷嘅一間居酒屋咁。🔻入到去成個舖頭都係細細間，窄長型，一行窄木臺沿着廚房延伸，好似日本當地拉麵店，中間area有幾張四人枱，位置唔算多。所以去到食飯時間七點幾都幾多人喺出面等，不過我哋六點幾就到所以都唔使太點等位。🔻見到啲嘢食都唔算貴，一碗拉麵差唔多$80，加其他小食都係幾十蚊落枱，拍拖放工同人哋食嘢，喺呢度都唔錯，低消費得來，氣氛又靜靜地，好啱當去轉旅行，放鬆一下心情🌼🔻豬骨濃湯拉麵（$78）好似點車仔麵咁，有得揀面嘅曲直、硬度，要唔要蔥同埋要豬軟骨/叉燒，都幾客製化，小店嘅做法同大型商鋪果然唔太一樣，盡量還原番原汁原味。唔駛等好耐就上枱，由於我同個朋友都鍾意經典豬骨味拉麵，所以大家都掂左一模一樣嘅，不過有驚喜！湯好濃稠，唔係味精嗰種濃，而食到一啲豬骨嘅鮮味。加上曲面更加能夠掛湯，唔係出邊湯同面分離嘅感覺。加上佢比豬軟骨都俾咗好大舊，足足有1/3個碗❤️佢炆得好淋，啲軟骨入口即化，非常滿足，加上湯汁加持，用到好似jam住個口咁。

今日嘅小確幸就係喺誤打誤撞下竟然發掘到一間位於橫街小巷嘅高質拉麵店，重點係價錢相宜，午市有4款拉麵可供選擇，款款都係$70 ，仲可以+$20/$30 升級去套餐連小食同飲品。一鳴雖然係小店但食物質素絕不馬虎，除咗湯底之外，你仲可以自己選擇麵條、麵質、蔥、配料同唐辛醬添，自己調配屬於你嘅獨特口味。我地就揀咗特別口味嘅黑蒜同芫荽湯底分前配上細麵同太麵，自家製黑蒜油香而不膩，為基底嘅豬骨濃湯再提高一個層次，芫荽湯底就啱哂健康嘅朋友，芫荽醬為豬骨湯加添一入清新感又中和濃湯嘅油膩感😋😋另一特別之處係仲可以揀配叉燒定豬軟骨，想再豐富d 仲有10數款配菜可加點，叉燒肥瘦適中，兩片真係唔夠喉，仲有半隻溏心蛋，美味非常👍🏻👍🏻小食方面有炸雞同餃子🥟我地就各選一款，估唔到炸物都有驚喜，炸雞脆卜卜但勁juicy ，餃子就粒粒飽滿，沾上特製醬油一絕👍🏻

超級城係多野行 多餐廳但唔想捱貴價 食啲非連鎖餐廳大埔街市一帶多野食運頭街果頭好多低調高手今日食呢間係一間陀地港人開既拉麵店上水都有分店一。鳴。拉。麵每款拉麵$70 4種湯底 4選1一鳴 黑蒜 赤辛 香菜細麵與太麵 好多人唔知咩叫太麵 係一種比較粗身小小嘅日本拉麵唐辛醬 必加 免費的 今日叫咗個秘制地獄將豬骨湯底 赤辛配叉燒 追加櫻花蝦 紫菜 辛口芽菜 蛋豐富嘅一餐櫻花蝦愛好者要試 $12勁多櫻花蝦一一一一一一一一一一一一一一一一一一一鳴拉麵 🍜大埔運頭街20-26號廣安大廈地下E舖

為食豬仔尋食記🐖知道呢排佢哋係粉嶺新開左分店，所以同男朋友就去到大埔試吓，佢哋碗拉麵係咪真係咁得🥳😎餐牌設計好得意，好似平時係拉麵店一樣，揀自己鍾意食嘅湯底，拉麵嘅硬度，配料，等等。佢哋大致分四個湯底，四個都好吸引😂🤣🥳仲有一個限定湯，不過我哋兩個人試唔曬咁多，就試兩個湯底啦🥘赤辛拉麵🌶🍜男朋友食得辣，都揀咗呢碗赤身拉麵，滿滿嘅櫻花蝦，香濃嘅海鮮味，加埋佢隻糖心蛋🥚好正🤤黑蒜拉麵🧄🍜我就叫咗呢會黑蒜拉麵，碗麵一出到嚟已經係非常之香，蒜香味滿滿，而且拉麵恰到好處，沾埋啲湯汁，味道非常香👍🏼😋好吃！除咗拉麵之外🥳呢度仲有好多小食串燒㗎😹牛油炒雜菌🍄超級香濃嘅牛油炒雜菌，見到佢哋滿滿嘅蒜同牛油，菇菇都入曬味，juicy😎好味燒翠玉瓜🥒薄薄地，覺得可以整厚啲🥳😋但係入邊水份仍然十足嘅！👍🏼香燒茄子🍆一樣滿滿水份嘅茄子，用咗另一種醬汁去醬燒，別有一番風味😍喜歡————————🐖豬仔總評🐖(一鳴拉麵 大埔）食物方面🍌🍌🍌🍌🍌抵食方面🍌🍌🍌🍌環境方面🍌🍌🍌份量方面 🍌🍌🍌🍌服務方面🍌🍌🍌🍌🔔Last Words : 整體來講都唔錯，拉麵質素以新界區來講幾好，做得好仔細，可以一試👍🏼

#chuchu食在大埔📍 一鳴拉麵係大埔墟街市附近，見評分都幾高就去試吓！嗰日平日9點先到都full house等左一陣，一入到去就好有日本嘅感覺🥹咁啱🐷就坐係吧枱，對住師傅煮麵，好掛住日本🥲overall唔差幾好食添，不過如果你係芫荽控黎試芫荽拉麵就要失望！—————————————————————❣️ 一鳴拉麵配叉燒 $75🐷仔試signature嘅一鳴拉麵，即係好濃嘅豬骨湯，湯底好厚身，揀左細麵，麵條夠彈牙，另外仲加左麵🤣叉燒就半肥瘦，炙燒過既叉燒更有油脂香，仲配半隻流心蛋（比左🐷食❤️），流心蛋煮得啱啱好！建議加少少辛辣醬，唔會話好辣，係一個好好嘅點綴！.❣️ 香菜拉麵配豬軟骨 $78見到有芫荽湯底，🐷毫無懸念一定揀！芫荽味係🐷呢啲芫荽控就略嫌唔夠香，因為飲落係冇乜芫荽味的，不過就唔會搶左豬骨湯嘅味，一般啦！麵條都係揀咗細麵，軟硬適中！除咗叉燒，仲可以揀豬軟骨，好入味，而且炆到啱啱好，唔會好碎好軟，好易就咬到，食完feel到個口會有骨膠原🤣—————————————————————不專業評分👅好味指數:7/10💰性價比:8/10👍🏻推薦:7/10———————————————————

想中午嘆碗正宗拉麵。朋友帶我黎位於大埔嘅*一鳴拉麵*。旁邊有間食丼飯。佢哋係姊妹店。下次可以試下先😍。店舖座位唔多。只有數張小枱。我地坐低無耐。已經好快坐滿。估唔到小店幾受歡迎🤩。可以近距離見到師傅煮拉麵。有種喺日本🇯🇵食拉麵嘅感覺🥰。拉麵有四款口味。分別係一鳴。黑蒜。赤辛。香菜。按個人喜好。選擇麵條。麵質。細蔥。配料。唐辛醬。+$20/$30配埋飲品+小食。自由度甚高❣️。一鳴🍜招牌豬骨濃湯拉麵。麵條選擇咗細麵。非常掛湯。豬軟骨有三大件。骨膠原滿滿🥰。黑蒜🧄🍜其實係豬骨濃湯配自家製黑蒜。朋友係黑蒜粉絲。佢話黑蒜味道濃厚。非常喜歡❤️‍🔥。叉燒半肥瘦。食落唔會鞋口。追加兩款配菜味荀+辣味荀份量十足。味道不會太鹹或者太辣👍🏻。+$20選咗餃子🥟同烏龍茶餃子🥟煎得香口皮脆。做得不錯。

今日難得放假，就去咗大埔行吓，今次諗住試下拉麵，喺橫街小巷裏邊好難發現到一啲大埔小店，一入到去就好有日本屋台嘅感覺，一個小小嘅吧枱對住拉麵師傅喺度煮嘢食，感覺就好似日本嘅屋台一樣。店員好細心咁介紹佢哋嘅餐牌同埋俾咗兩杯冰水我哋，拉麵店一定係配冰水。我哋就叫咗一個拉麵同一個拉麵套餐，套餐就會多咗一杯嘢飲同一個小食。一鳴拉麵配豬軟骨（豬骨濃湯拉麵）去到一鳴拉麵就梗係要試吓佢哋signature嘅一鳴拉麵，濃濃嘅豬骨湯，飲落去就覺得好Rich嘅感覺，而拉麵我哋就揀咗太麵，太麵即係粗身嘅麵條，麵條夠彈牙，另外拉麵亦都配咗半隻流心蛋，流心蛋煮得啱啱好，蛋黃仍然係流心嘅，成碗拉麵都處理得好好。赤辛拉麵配叉燒（秘製地獄醬豬骨湯底拉麵）呢款拉麵好有驚喜，我哋都覺得喺香港咁潮濕嘅天氣下應該要食返呢一款嘅拉麵，咁成個人就會舒服晒，去濕一流，佢哋仲額外加咗個秘製辣醬，店員話呢一個辣醬係拉麵師傅親手調製，食落真係好好味，個人認為可以做火鍋醬料既必備醬料。餃子🥟餃子用油炸嘅方式處理，一上碟就熱辣辣。

一日同朋友收工經過呢間日式拉面店，有種久違的感覺，很地道的日式裝修，忍唔佳係門卡拍照留念，等左大約5分鐘，可以入去坐低。裏面裝修都好日式，我地叫左一碗叉燒豬骨湯底拉面，一碗黑蒜油叉燒拉面同一碗辛辣豬軟骨拉面。小食就叫左一份炸雞，一份京蔥雞串同一份芝士栗米玉子燒。落完單後，拉面大概１０分左右就到，拉面可以揀軟硬度，蔥同辣度，豬骨叉燒拉面味道清爽，拉面唔會好硬，軟硬度適中，岩哂唔食辣既朋友；而黑蒜油味道濃郁，一上枱，就聞到突出的蒜香味，如果鍾意黑蒜味道一定要揀！！！最值得讚既就係豬軟骨辛辣拉面，豬軟骨非常入味，又唔會太辣，而且又唔會蓋過豬骨湯既味。另外，芝士栗米玉子燒味道都唔錯，少少咸既芝士再加少少似甜的玉子，味道剛剛好，再加上粒粒既栗米，增加左個口感，非常夾。最後，我地仲叫左呢度出推介的炸雞。炸雞皮薄唔會太厚，雞肉口感很嫩。最後京蔥雞肉串不過不失。整體黎講，係可以再encore 既鋪頭。

終於試到好出名位於大埔墟一間日式小店😍放工約埋幾個同事去小聚一番！由門口到餐廳入邊都好有日本既感覺🥹😆雖然未有得去日本但係而家可以有種回憶返系日本食拉麵嘅感覺！拉麵係有四種湯底選擇另一種就限定呢個係豬骨湯底，味道真係好濃郁😍糖心蛋到剛剛好，叉燒勁香，油脂好正🤤麵條選擇細麵，普通麵質已經剛剛好！呢個系黑蒜油湯底拉麵🍜黑蒜油嘅味道好香，湯底亦一樣都係非常濃郁，同樣亦都係選擇咗叉燒呢一個就選擇赤辛湯底，秘製地獄醬豬骨湯底如果喜歡食辣嘅人應該會好鍾意，同樣又係好濃郁嘅豬骨湯底加上秘製醬。配料加上豬軟骨勁軟身，浸了湯底嘅汁，非常入味😋😚仲有加上櫻花蝦乾，配料十足😝芝士粟米玉子燒面頭有沙律醬再加上鰹魚絲，食落口係甜蛋再加上入邊有芝士😍好好食，我自己本身都好鍾意食甜蛋，再加上芝士十分之配搭咖啡薯餅好香脆可口嘅咖喱薯餅，新鮮炸好脆卜卜😋一邊係超香咖喱味，真心覺得呢個咖喱薯餅好足料炸雞嘅表皮炸到脆卜卜，非常香脆可口，肉質非常嫩滑😙香蔥雞肉串，好香嘅大蒽再加上雞肉都非常之配搭整體嚟講呢間小店值得非常之推介！！性價比非常之高，好大眾化既小店！三五知己或者一個人想食拉麵都非常之適合😉