一鳴丼食堂

营业中

休息中

要發掘美食有時要到大街小巷尋找，友人知道我去大埔墟覓食後便推介我到《一鳴丼食堂》啦 有酒吧椅即使一人也不會感尷尬！ 及多人座位用餐。 幸好早點過來，入座後人流不斷沒停但座位有限要提早點～ 平時食丼飯定必會叫全蟹、全海膽、鰻魚比較濃但這裡提供罕有全火焰，甘就豪不猶豫啦！ 四重火焰盛 HKD 138用炙燒處理過的食物把魚油包棵著。 三文魚、左口魚、元貝、蟹子。食物放滿了整個碗，而且像一座山。一口咬下燒過的刺身，魚油在口內溶化，再把又香又滑雞蛋混合。 如果再火焰時間再多一點會更好 😁燒鰻魚 HKD 42 即叫即燒鰻魚，還灑上紫菜及芝麻以提升香味及脆口度。

平時放工行過呢條街都會見到好多人排隊，但都冇機會食過，今日終於得閒約咗個friend嚟試吓。呢間鋪頭係主打刺身、丼飯等等，我最鍾意就係食日本野，啱晒我胃口個Menu好得意，每個丼飯都係有幅畫喺度，畫風係好日本風我哋叫咗個四重火焰盛，有三文魚、帶子、左口魚裙邊、蟹棒，再加一隻蛋。啲刺身全部都係燒過嘅，我本人幾鍾意食火炙既刺身，我覺得好食過就咁嘅刺身一送到黎發現啲刺身多到鋪滿哂成個飯，仲鋪到成個山咁，食落啲刺身好新鮮好滑，我覺得個左口魚裙邊係最正芥辣八爪魚：份量好多，Wasabi味唔算係太重，我就算唔食Wasabi都覺得接受到，啲八爪魚都好爽口串燒翠玉瓜超好味，咬落去好多汁我哋叫咗三文魚魚腩、海膽、帆立貝，個海膽一啲都唔腥，三文魚腩都好肥美叫咗超多壽司，全部都好好味。特別要讚下嘅係個拖羅，真係入口即溶食壽司當然唔少得要加生薑啦，佢啲生薑唔算好辣，又有少少甜個串燒日本番薯都好正，超級甜啲嘢食多到成個枱都擺唔晒我覺得兩個人嚟細其實唔使叫咁多，食完都超飽，但係全部都好好味，下次一定會再嚟試吓其他

一直都好想試呢間日式料理好耐，佢位置唔起眼，但每次經過都好多人等位。今次8點前去到都full曬，要等一陣先有位。入面地方唔大，只有bar台同幾張細台，雖然地方細細，但又幾有日本居酒屋既味道。Menu設計又幾精緻，有丼飯，串燒，炸物，刺身壽司同set等等見好多人都推介佢既丼飯，應該係必試！北海五品盛超豐富，同menu描述一樣，賣相已經好吸引，每款刺身都有2至3件，最吸睛既係巨型牡丹蝦，好鮮甜，蝦頭仲有好多膏可以慢慢嘆四重火焰盛有三文魚，左口魚，帶子同蟹棒， 因為加左火炙，令d油脂滲埋落d飯到，好香，簡直係味蕾一大享受值得加分既係每個位附近都有鼓油同調味粉外，仲有飯素！！！可以任加，配飯一流另外試埋佢既串燒，燒得唔錯，仲有食到好少見既墨魚咀如果想食好少少，有質素既，呢間絕對值得一試

聽人講呢間餐廳好易full，所以我特登揀左平日去，六點半去到冇咩人，唔使等位。入面環境唔錯，播埋日文歌，氣氛好好。呢間餐廳菜式幾多，除左丼仲有好多款壽司同刺身，有選擇困難症嘅我諗左好耐，最後決定直接叫極上壽司九點盛，因為有我鐘意嘅海膽，拖羅同赤貝壽司每件壽司都好厚切，特別係帆立貝同活亦貝，口感好好。我冇諗過件三文魚壽司會咁長，起碼有十幾cm，好正我覺得最好味嘅係海膽壽司，真係好新鮮，用嘅又係大片嘅海膽，值得一試！雖然呢個九點盛做得好精緻，材料又好新鮮，一個人食會多左D，好飽。下次會想去試埋D丼飯

作為大埔人，平時都會周圍行下發掘唔同嘅隱世小店，今次就黎到廣福道街市附近橫街，一間位置不算起眼裝潢好日式嘅小店。雖然係橫街入面，人氣都好旺盛嫁，即使係平日晚上都需要等位，等左大概十五分鐘左右，而係等位果時發現門口有冰茶提供相當貼心最近食得太多生冷野腸胃麻麻地，所以今次就冇機會食到刺身壽司，我叫左，128蚊價錢合理。鰻魚即叫即燒，所以都等左十五分鐘左右先整好，不過等待係值得嘅，一上桌即聞到好香嘅鰻魚香味，即刻食指大動份量比預期大，成個飯都滿載住一片片厚切鰻魚，好似食緊一座鰻魚山咁。鰻魚帆一啲碎骨都冇，口感嫩滑肥美帆立貝都大大粒，食落幾彈口!小店仲有柴魚飯素同埋薑片任食，薑片好好食口感脆脆，味道酸嗆微甜，推介

成日行過都見到呢間好多人食，今次終於都食到8點黎到都多人等緊位，等左大約15分鐘左右就有位，入面空間唔算大，我地四個人要坐bar枱，傾計會冇咁方使同坐得冇咁舒服餐牌都好多選擇，主要係丼飯，刺身壽司，串燒，沙律等等日式小食我地叫左一個北海道五品盛丼飯同一個四重火焰盛丼飯，三文魚刺身，鰻魚壽司，仲有雞腎同墨魚咀串燒😋😋😋兩個丼飯都好足料！五品盛有帶子，三文魚，蝦，油甘魚同海膽👍🏻刺身好新鮮，每樣有3片左右，海膽都算冇腥味而個四重火焰盛就有炙燒三文魚、左口魚群邊、蟹棒同帶子，左口魚油脂好豐富好香，入口即溶😋😋面頭仲有個玉子添值得一提佢有提供飯素可以加落丼飯到食，味道同口感天好味😋😋串燒都唔錯，雞腎好爽口，墨魚咀好大粒，好好咬口，咬到好攰🤣🤣

上次同朋友食飯，因為想食串燒所以揀左呢間餐廳入去食🤩 餐廳好新淨、環境光猛，全木設計好靚。而且，食物擺位靚、有心機，所以要讚呢間大埔日食新店👍🏻▶️食物種類有：丼、壽司、刺身、串燒餐牌插畫好得意，好吸引視線😍：👇🏻甜蝦、油甘魚刺身。新鮮、好味道。👇🏻我地4個人叫左生蠔5隻，味道鮮甜😋壽司部分就叫左：1️⃣燒左口魚壽司 2️⃣蟹膏甜蝦壽司串燒部分叫左：1️⃣牛舌 2️⃣牛柳粒朋友另外叫左胡麻醬秋葵 （冇影相）👇🏻芝士明太子玉子燒：味道不錯👇🏻北海五品盛丼飯，我地幾人分開share左埋單每人$200幾。

今日放學去到周圍行下街，係朋友推介下嚟到呢間一鳴丼，雖然間鋪係橫巷，不過見menu咁吸引，梗係要試下!店員姐姐好nice咁請我地入嚟，即刻俾咗杯茶我地，服務態度又nice又熱情間店雖然唔大，不過勝在裝修靚，真係有種係日本食飯既感覺(而且廚師哥哥既日文發音好準，唔似其它香港既日本餐廳)我同朋友各叫咗一碗刺身丼，等咗無耐就到啦賣相一流，刺身鋪滿晒面，最正係上面既生蛋，撈飯真係好正😙好推薦各位食客一口食晒刺身，飯同蛋，真係好幸福既感覺👅刺身表現亦好，味道好而且新鮮只食刺身係唔夠喉，真係要連埋飯同蛋一齊食先發揮到佢1000%既好味(好重要所以重申多次)本身諗住再叫多啲壽司食，但係無諗過食完個丼已經好飽，所以最後只好打消念頭，決定下次再嚟食過😛見佢menu仲有海膽丼，雖然我地無叫，但係隔嚟枱有叫到，望落超吸引好新鮮好正咁真係好想試埋佢，可惜胃容量有限，決定加入待食list！只係食咗一款刺身丼真係唔夠過癮推薦各位帶多啲朋友嚟食咁就可以叫多啲款試多啲嘢食啦！

原來大埔一鳴拉麵，旁邊新開左一鳴丼飯屋，喜愛壽司刺身丼飯既我，呢晚同大埔朋友去食晚飯。黎到隱世小巷裡，店子內外甚有日本味道。除咗丼飯，仲有一些日式地道小食，串燒等，有著居酒屋風味. 首先點左壽司，價錢以兩件計：灸燒左□魚裙邊壽司 $38白身魚中頗喜愛左口魚獨特魚油，鮮香又唔腥，灸燒更迫出魚油香，清香又豐潤，無得頂！赤身壽司 $68吞拿魚赤身又係有種獨有濃厚的魚香，切成厚片，鮮度十足，魚的質素甚有水準。海鮮丼飯有好多款，我哋選咗比較多合口味刺身的北海五品盛 $178 ，當中五款刺食有三文魚,油甘魚,帶子,海膽,牡丹蝦。每款份量足，有手掌咁大嘅牡丹蝦。蝦身亮晶晶，好甜潤。三文魚同油甘魚都好厚切，入口魚油豐盈。北海道黃金色海膽，鮮甜度豐富，用紫菜包黎食無咁單調又提升層次。帶子都好鮮好大粒。 卜卜脆的魚子要來送壽司飯，真係可食多幾口。朋友同我都覺得丼飯黎講，質素算高，唔怪得客人不斷，下次會再黎試吓其他熱食。

同大埔街坊食晚飯，聽佢講一鳴拉麵在旁新開了一鳴屋台料理，主打壽司刺身丼飯。本身食過一鳴拉麵，質素有返咁上下，呢晚一於去試下新店。餐廳怖置親民有日式居酒屋感覺，有bar檯位可望到師傅握壽司。餐牌畫得好靚。北海五品盛 $178 呢個五品包括五款刺食：三文魚,油甘魚,帶子,海膽,牡丹蝦。賣相吸晴，非常豐富，首先吸引我既有金黃海膽，味道新鮮甜美，用紫菜包住來吃，一脆一軟，刺激味蕾。牡丹蝦有成個飯碗長度，大大隻，晶瑩通透，蝦肉爽甜，讓人回味無窮！油甘魚好厚切，魚油豐富。帶子亦肥美厚身，豐腴美味！壽司飯好大碗，配埋魚子咸鮮口感刺激味蕾！而壽司價錢為兩件計，蟹膏甜蝦軍艦 $42蟹膏濃郁，相對甜蝦甜潤，配合來吃非常夾！ 軍艦的紫菜好脆！立魚壽司$30比較獨特的魚味，口感較韌，比較有質感的白魚，喜愛嘗新的要一試。整體感覺食物有水準，大埔又多間性價比高的日式丼飯店！

最近特別喜歡光顧小店，這晚上試了大埔在後街的一間日式小店。一鳴分兩邊，一邊是吃居酒屋的東西和拉麵，一邊是吃海鮮丼。平日晚上來到都很旺場，在等位的時候，待應很親切地告訴我們有冰茶可以喝，小店總是窩心的。走到店入面，面積雖然不大，喜歡他精美的食具，感覺自己就在東京的一角。我點了究極甲羅盛，其實是原隻蟹放在壽司飯上，外貌實在威武。蟹膏非常鮮嫩，與蟹籽拌在一起味到極上，很久沒有試過這樣鮮味的海鮮飯，蟹腳肉也很嫩，份量看似不多，吃下卻飽飽的。我們也想試試刺身，點了珍寶帆立貝，肥美無比，鮮甜可口，再試了新鮮海膽刺身，也是上等貨色，$48一份非常合理。除了刺身，也很想試試他的燒物，燒物很出色的，果然一鳴驚人，蒲燒鰻魚帆立貝盛裡的鰻魚是極品，外皮脆脆的，有焦香和薰香，沒有魚腥味，只有鮮甜魚肉味。我認為是必吃之一。如果要推介一間日本小店，這間真是不二之選。

大埔廣福道街市附近，由於属於舊發展地區，沒有新建屋苑，所以周圍的食肆都是消費便宜的茶餐廳、小菜館為主。因為最近出外交通時常有改動，家住新界而想外出到港九開餐要多一重顧慮，反而令我積極地幫襯區內店舖。 今日比我係一條橫街度搵到間拍得住尖沙咀區既和式丼餐廳- 一鳴丼，其實之前都有去過佢隔離間分店一鳴拉面，但新開的丼屋還是首次到訪。店內面積不大，但裝修很有日本小店風格。我哋叫咗一個蒲燒鰻魚凡立貝盛，店員話呢款要等30分鐘，心入面有啲猶豫，但都決定一試。果然好嘢是值得等待，鰻魚燒得很香很趣，而且仲係有成10多塊。仲叫多咗幾樣刺身一個珍寶帆立貝另外一個係海膽，味道很鮮很甜，同埋價錢都好合理。若果大家嚟到大埔去得來又試吓一鳴呢兩間餐廳。

.間舖有左右兩間，一間係壽司🍣，一間係食拉麵🍜。我今次就去左食壽司果間。.甜蝦刺身 （推薦指數：😋😋😋😋😋)甜蝦的size來講都真係算係大隻，甜味都夠，都好新鮮。推薦！.極上壽司九點盛 （推薦指數：😋😋😋😋😋)如果唔想煩點邊款先好？咁就可以叫d壽司set，等大家唔洗咁煩。有三文魚、章紅魚、拖羅、左口魚群邊、海贍、赤蝦、帆立貝、三文魚籽、赤貝、卷物。由圖中可以見到，三文魚好長好長，可以包晒成個飯嚟食，正！值得一讚嘅係個海膽壽司，好重海水味，但一啲都無魚腥味。同埋吞拿魚壽司，佢係俾咗魚腩，而唔係赤身，呢一樣都值得讚既！.火炙3點壽司 (推薦指數：😋😋😋😋)章紅魚、立魚、油甘魚。三種魚都俾咗少少，啲魚香出晒！

Weekday六點到，冇乜人。店入面位唔多，大部分係2人枱或吧枱，8人枱有一張。北海五品盛賣相不錯，但份量少，油甘魚刺身甚薄，除了三文魚外其他刺身份量也不多。生蠔離殼帶汁，沒有很creamy，48蚊唔平，略貴。相對於同區的御和亭，性價比差太遠。

有朋友話想試下，咁大概6點幾嚟到。個logo都搶眼易認。裝潢好日式，有一種優閒嘅感覺，適合幾個人嚟聚會，係傾下計好地方亦有刺身枱，保證新鮮切俾你食。擺設都好精緻，我尤其鐘意呢個簡約風格嘅杯。先嚟左個蒲燒鰻魚帆立貝盛，鰻魚量多，無碎骨，嫩滑，軟身，但未算肥美。鰻魚汁亦好提味。新鮮雞蛋整玉子燒，充滿蛋味，加鰻魚食，一流！帆立貝就得一舊，有點失望，但肉質彈口，唔會難咬。而且飯係真正嘅日本壽司飯，正！另外又叫左個四重火焰盛。一嚟到三文魚就好吸引，相當肥美，燒完仲好香口，食落去有重三文魚油味左口魚裙邊好爽口，送飯唔錯。蟹棒就相對短左d，但食得出係日本蟹柳。帶子就無咩燒到，可能怕會太燶，但入口爽。店員亦好貼心俾個小碗裝住d餸，可以先食啖飯，或者同人share仼添柴魚飯素，撈飯正每個人都係100多d，食物質素絕對抵食。