一鳴丼食堂

营业中

休息中

今晚同朋友黎到呢度食晚餐，店仔細細，好有日本風味。同朋友叫左松葉蟹丼定食同鐵火丼定食。松葉蟹丼上嘅蟹肉鮮甜，蟹膏更添香濃，配搭飛魚籽，口感層次分明！😋而鐵火丼則以新鮮嘅吞拿魚赤身為主角，肉質滑嫩，搭配吞拿魚蓉和玉子燒，味道令人滿足。😋另外，定食會附送小食、漬物、湯。今晚有蓮藕片，脆口可口，有清新感; 中華沙律清脆爽口; 麵豉湯味道濃郁，為晚餐畫下一個完美既句號。下次會再黎食下拉麵、壽司同刺身！😁

話說今日喺附近打波，諗起之前有個朋友帶我去呢一度食拉麵，所以我就去試一試埋佢嗰啲定食，講一講翻呢間鋪嘅門面，因為係一巷仔入面唔係朋友推介其實係好難搵到，入到去你會以為自己去咗日本果啲居酒屋。我就叫咗個蛋汁吉列豬扒定食，佢就有餐前小食同埋面豉湯。個吉列豬扒炸得好脆唔油，個豬扒亦算薄身得嚟有肉汁，另外，微微食到去豬扒裡面有啲芝士味道，幾驚喜，好好味😋😋😋但本身個飯啲汁就唔算多，有多啲汁會好送飯啲😝。

平時間唔中都會去大埔食飯，如果唔係行到熟，都唔會知呢條小巷原來有間隱秘餐廳！🍱炙燒左口魚邊丼定食 $138左口魚邊油脂豐富，食落好有油脂甘香😍😍好滿足啊！佢嘅油脂甚至滲到落下面嘅珍珠米飯，令個白飯嘅味道冇咁單調😍不過如果左口魚份量再多少少就更好啦😆不過定食仲包埋湯同兩個小菜，絕對夠飽😆🍣精選壽司八點盛 $128有八件唔同嘅壽司，每件壽司嘅質素都好不錯，而且都夠新鮮，整體都幾鮮甜。除左左口魚，最鍾意赤海老，肉質爽口，味道鮮甜😆佢個wasabi都好得我歡心！唔係現成一包包嘅，見到佢有一粒粒嘅芥末，似係自己磨嘅，比現成嘅wasabi好食好多！大埔嘅街坊經過又想食海鮮嘅不妨give it a try😝

大埔一鳴丼食堂，提供多款日式料理，包括前菜及小食、玉子燒、揚物、屋台料理、刺身、壽司、拉麵和各款料理丼定食；而家餐廳做緊推廣，日本生啤有買一送一優惠，最啱和朋友放工嚟飲番兩杯。每款丼飯定食都包含小鉢、漬物、味噌湯。醃青瓜章魚粒：青瓜醃得入味，章魚粒彈牙，配上酸辣醬汁，開胃前菜。海草沙律：海草纖維豐富，口感爽脆，配埋日式醬和芝麻，滋味無窮。味噌湯：材料有豆腐皮、蔥花、海帶，味道濃郁惹味。溫泉蛋牛燒肉丼定食：牛肉份量好多，撈埋蔥花、洋蔥、溫泉蛋、燒汁，味道真係一流。汁燒三文魚扒丼定食：三文魚扒煎得恰到好處，肉質保持嫩滑，肥美肉厚，點埋餐廳秘製醬汁，令魚肉味道更加提鮮。總結，食物美味，份量十足，價格合理，值得推介。

作為一個愛吃海鮮料理，日本料理的人我對這家餐廳還是很愛的！這家的食材比較豐富做法也很獨特！是次點了 "北海丼定食"口感細膩，鮮美無比是我很喜歡的系列！我相信這是店里的招牌之一我喜歡松葉蟹的味道，很濃郁的蟹肉香氣配合壽司飯和蟹籽們是相當合拍因為食材比較新鮮。越吃越喜歡！刺身很符合我的口味每一口都很嫩、鮮甜吃得出來是十分新鮮還有我愛的三文魚，油脂豐富帶子新鮮清新一口甜蝦一口蟹膏的食法是我個人最推薦的!!定食會附有 2道漬物豆角香口開胃但不會太辣關東煮很入味店里的環境很棒獨特的裝修風格很和式風味！有種日式的平靜，在這里享受美食

今晚去大埔行街，見到呢間舖頭有日本居酒屋嘅風格，再入去食飯，味道真係唔錯。我哋order咗1.雜菌松露醬油豬骨濃湯叉燒拉麵$88呢碗拉麵湯頭濃郁鮮甜,加埋雜菌同松露既香氣,真係香得令人口水直流。麵條彈牙,叉燒肉軟滑鮮甜,又有份濃厚豐富既感覺。每一口都好過癮,仲好飽肚,係間拉麵店度食最爽快既一餐。價錢都合理,性價比超高,下次仲會再嚟食!2.角切魚生丼定食$88呢碗魚生丼好好味!魚片新鮮肥美,口感滑順入口即溶。飯粒帶點黏性,配搭魚片非常協調。加埋秘製醬汁,酸甜鹹香味道平衡得好,入口回甘。另外,配菜都新鮮爽口,為整個丼飯添加好多層次。份量十足,夠飽肚,性價比又高,真係平民價優質餐單。

每個月最少幫襯一兩次。本人覺得壽司好味過拉麵。靚女侍應（相信係老闆娘）服務勁好，笑容滿面！前幾日去食，入面有幾個日本人叔叔識搵到呢間居酒屋，食野飲酒飲得好開心，佢地幾個不停日文傾計令我感覺好似返左鄉下（日本）一樣 🤣

又是大埔的隱世小店 Google map上沒有自己的tag😳不過應該是因為 和隔壁的拉麵店同一店主，就合併了一個tag～其實幾年前吃過他們的豬軟骨拉麵，完全被驚艷到(ㆁωㆁ*)不過今天太熱，想吃丼飯😝而丼飯也不錯!😍 ✿ 自選丼飯油甘魚 $38 | 真鯛 $42 | 醬油燒紋甲烏賊 $28 |炙燒左口魚邊 $38 | 蟹膏 $30可以自選最合意的配料! 未食先加分🤣廢話不多說，強烈推薦蟹膏😍😍味道鮮美，分量超足，伴著飯吃，正٩(♡ε♡ )۶左口魚和烏賊也推推，軟嫩鹹香油甘魚和真鯛都好吃，只是不及上述的驚喜另外一讚飯底，已調味，軟硬適中，粒粒分明，微煙韌，高質🤤選擇3款以上可以免費升級為定食👍 有關東煮(?), 味噌湯, 甜品甜品看似生巧克力，其實是類似布甸，挺特別 店鋪小小的，但6pm開門就陸續來了不少客人，看來其實很多人 都知道這間隱世小店🤣

行完山，坐返出大埔，今晚想食日本野，就黎左呢間一鳴丼食堂，入面裝修格局真係好似去左日本啲居酒屋咁。原來佢兩邊店舖係互通，Menu 兩邊的野食都可以order，有刺身丼，熟食，小食，拉麵都有，種類算好多。鮭魚籽 鮭魚 油甘魚刺身丼定食 $108啲刺身好新鮮，個飯好香醋味，越食越開胃。汁燒鯖魚丼定食 $78鯖魚皮好香好脆口，入面啲魚肉好嫩juicy，一啲都唔會乾，仲要大大條，配滿滿的一碗飯，性價比好高呀。所有定食都包左個前菜，麵豉湯同甜品。一鳴創作醬炸雞 $42有五大舊炸雞，炸到個皮好香脆，入面仲保留到肉汁，加埋個佢個秘製醬汁，好好食呀，大推。總括嚟講，呢間餐廳食物種類好多，質素都唔錯，下次再食其他先啦😎😎

今日嚟左食大埔嘅一間隱世日本居酒屋，佢係一個橫巷入面，環境好小巧精美。一踏入去，就感受到一種自然同埋放鬆嘅氛圍。啲燈光溫暖，令人感到舒適。坐低嗰陣，就彷彿進入咗一個隱世嘅世界，遠離煩囂。叫左松葉蟹海老丼飯定食，我真係滿口蟹肉同蟹膏，加埋新鮮嘅海老，真係爽味到冇得頂！先話蟹肉同蟹膏，真係好好味！每一啖都飽滿咗蟹肉嘅鮮嫩同埋微甜，再加埋爆多既蟹籽，咬落去真係食到停唔到口！加埋啲濃郁嘅蟹膏，真係味蕾爆炸！佢嘅金黃色澤同埋濃郁蟹味，真係絕配！咁好味，真係忍唔住一直食！唔好忘記佢哋嘅新鮮海老！每一隻都鮮嫩多汁，一口咬落去就係滿口鮮甜！同蟹肉同蟹膏一齊食，真係絕妙組合！整個丼飯就係好濃郁海鮮味，真係令人嘴巴開花，停唔住啊！定食入面小食漬物青瓜海藻可以解膩清新又開胃。呢啲小食真係平衡咗整個餐，令你一路食到底都唔會厭膩。仲有個味噌湯，好足料，好好飲丫

係大埔竟然有一間隱世驚喜小店日式居酒屋，係大埔墟既一條小巷入面，真係好易忽略既巷仔入面。雖然店鋪環境唔太，位置亦有限，但真係做到小巧得黎舒服，而且裝修上亦都好貼心咁有個小掛鈎方便掛隨身物品，讚👍👍👍🐻火炙海鮮丼飯定食（$148）真係好有驚喜丫！丼飯入面有帆立貝、鮭魚、左口魚邊同埋赤海老，真係好豐富丫！好重點既一樣野，一定要讚左先，個壽司飯個醋較得岩岩好，唔會太酸又做到粒粒分明，唔洗食海鮮，我都可以淨食醋飯丫🤤🤤🤤帆立貝真係好新鮮，d貝肉好嫩，一咬落去就滋味爆炸，真係好鮮甜！加埋佢哋火炙過嘅表面，啲貝肉就有啲微焦嘅口感，好香好脆！鮭魚同左口魚邊就更加令人驚訝！鮭魚肉質好鬆軟，每一口都滲透住濃郁嘅油脂，咬落去就好滑順！左口魚邊就係嚟到新鮮嘅一邊，有啲微咸微酸嘅味道，好開胃又爽口！赤海老好大一隻，佢嘅鮮紅色好吸引，一咬落去就食到滿口嘅鮮甜！啲質感又脆又多汁，正正丫🐻刺身（帆立貝$38&吞拿魚$48）刺身出色，超新鮮，帆立貝好鮮甜，口感彈牙，吞拿魚肉質鮮嫩，帶有微微嘅油脂，好滑又好食💖💖

今日喺大埔做嘢，收工決定約埋媽咪試同事推薦嘅呢間一鳴丼食堂 ！餐廳裝修好似啲日式居酒屋咁，播住日文歌，好有feel 🤩。好彩我哋6:30嚟到霸位，啱啱好避過人潮，喺我哋食緊嘢個陣啲人已經陸續入嚟，外面已經排緊隊啦🫣我哋叫咗兩個定食，分別係鮭魚籽，鮭魚，油甘魚刺身丼定食 （$108）同蛋汁吉列豬扒丼定食（$78）。定食包咗一碗麵豉湯同兩個前菜，味道唔錯，夠哂開胃🤤！.鮭魚籽，鮭魚，油甘魚刺身丼定食 三文魚同油甘魚各有三大塊、好厚身，非常鮮甜、肥美，軟綿綿嘅日本米，配合爆汁嘅三文魚籽，真係好好食呀！.蛋汁吉列豬扒丼定食吉列豬扒好大塊，外脆內軟，配合嫩滑嘅滑蛋同醬汁，超級惹味！.總括嚟講呢間一鳴丼食堂都幾高質🤔，幾啱同家人、朋友飯聚，好食得嚟環境又好chill ~

-一鳴丼食堂-📍大埔.之前食過隔離的一鳴拉麵覺得不錯，今日經過先知道佢地原來有埋刺身丼飯。.食品選擇都唔少，有壽司、海鮮丼、串燒、玉子燒等。.鮭魚籽，鮭魚，油甘魚刺身丼定食 ($108)刺身都好新鮮，而且都偏厚身。油甘魚好鮮甜，三文魚加埋三文魚籽，食落滿滿三文魚油香。.火灸海鮮丼 ($148)有赤海老、左口魚邊、三文魚同帆立貝，用料新鮮，稍為火炙過帶出刺身的鮮味。.丼飯都有跟埋2碟前菜同味噌湯。前菜都好有誠意，一碟係菌類漬物，另一碟係鴨胸。鴨胸肉質好嫩，唔難咬開。.蒜蓉牛油雜菌 ($48)份量都唔少，簡單調味加上蒜蓉牛油炒香，已經好好味。.

風味屋台日本料理：📍一鳴丼食堂 (大埔)大埔運頭街20-26號廣安大廈地下F號舖今日到一鳴食刺身丼飯，之前食過隔離一鳴拉麵，覺得質素很好👍🏻今次又再食過翻尋味，去試試隔離～成間鋪頭嘅裝修好有日本道地屋台風味，好似去到新宿橫街咁！🔻Menu👇🏻店內環境👇🏻🔻1.蔥吞拿魚丼定食（$88）估唔到而家香港$88都可以食到新鮮魚生定食，仲要連湯連前菜，擺盤精緻！前菜方面，有日式泡菜同蘋果洋蔥凍豆，兩樣前菜都凍凍地，味道口感獨特又新鮮，作為開胃小菜一流。吞拿魚容鋪滿滿，而且好厚一層，食落去完全無魚腥味，仲非常新鮮。🔻2.自選魚生（蟹膏、赤貝、吞拿魚容）（$86）相信大家都對呢種車仔麵式魚生飯唔陌生，大家多多少少都有試過。呢檔又平又多選擇，我就揀左蟹膏、吞拿魚容同埋赤貝。我極度推薦呢度嘅蟹膏，佢比嘅量非常多，拎黎撈飯仲有得剩，連醬油都唔需要落，而且有蟹嘅鮮味。下次一定再黎點呢個蟹膏，睇吓加上蟹肉會唔會再夾d!而赤貝都好爽口，口感獨特。最後我地埋單每人$95，抵食！

今日因為公司無啦啦要入大埔，索性就喺嗰邊食埋晚飯先走人，而家間舖頭距離大埔地鐵站都算近， 落車行一陣就到無論店外定店內裝修滿滿日式style. 餐廳位置唔算多，但就好有小店情懷餐單種類多但又好清晰，分類易明。特別嘅係佢嘅紙質，比較少餐廳會依啲特別嘅紙，文青風嘅人應該幾鍾意呢個就係我叫嘅晚餐啦：松葉蟹丼。飯面又鋪滿曬蟹籽蟹肉蟹膏。而且又有刺身蝦、湯、小菜，咁樣full set 食起黎真心覺得唔錯，感覺特別豐盛😆😆。特別要讚嘅係刺身蝦， size大得黎仲好新鮮。入口滿口鮮甜 好正，好想黎多幾隻店鋪整體價錢都適中，唔會太貴，就算同朋友聚會或者帶小朋友嚟食晚飯都唔洗心痛荷包🙈🙈。 如果我下次再經過的話，好想試吓佢啲玉子燒。