一鳴丼食堂

营业中

休息中

三文魚腩壽司 $38 海膽刺身$48三文魚腩有少少爽口，而且有強烈既油香味，一般三文魚完全冇得比海膽好新鮮，鮮味得尼唔腥。點少少Wasabi，味道更高一層次，海膽既鮮甜味浮出尼。（紫菜放耐左潮左，本身好脆，記住要盡快食）炙熱牛肉丼$138以為睇落好細份，其實份量滿滿，食完好飽依個牛肉丼有三個步驟去食第一個係沙律汁滿滿嘅沙律汁鋪滿牛肉 本身勁唔鍾意食沙律汁 但依隻沙律汁真心好食，佢比平時嘅沙律汁酸少少，再加上牛肉淡淡嘅燒烤味，令依個汁好易入口食到一半，篤爆隻蛋黃，變蛋黃沙律汁。蛋黃慢慢流落碗邊依一幕莫名有種治癒嘅感覺 。牛肉、白飯再加埋蛋黃沙律汁，食落口有些許黏 蛋黃獨有嘅腥味中和左沙律汁嘅膩。最後剩返一兩嚿牛肉嘅時候，用筷子點少少wasabi再夾牛肉，刺激你嘅味蕾

白桃一千零一夜 $32即係🍑薄荷梳打 仲有青檸既清香 甜度岩岩好 少少清涼感 想要再清涼啲就壓幾下薄荷葉四重火熖盛 $138上菜既時候已經聞到炙燒獨有既香味 估唔到會有蛋黃係上面。加左蛋黃，香滑好多。蟹棒比較結實 唔係坊間既咁鬆散又多水。帶子軟綿綿 好鮮甜 加埋蛋黃之後味道更加濃厚。三文魚只係表面熟左 底部就未熟 口感好特別 炙燒帶出左油香味 蛋黃將D油香更進一步咁濃縮。帶子裙邊幾爽口 清爽得來帶有少少海鮮味。醋飯配合埋上面既食材 溫度同酸度都岩岩好，就算就咁食都好好味。

聽說朋友介紹【一鳴丼】是大埔的隱世和風食堂， 尤其以海鮮刺身丼聞名。 小妹今晚就千里迢迢，收工由中環乘搭港鐵前往大埔墟，一嘗這間穩世小店。雖然該小店位於小街巷，但因為鄰近港鐵，位置亦十分方便，距離港鐵步行路程大約5分鐘左右。 不熟大埔街道的我亦覺相當容易尋找。 門口已滲透著和風氣息到達後，可能是因為閒日關係，不用等位，店員非常有禮並客氣地安排坐位。 客人可以看到廚師主理食物一試聞名【四重火焰盛】五個字來形容【色·香·味俱全】。三文魚、帶子、左口魚裙邊、蟹柳棒被堆砌得如一坐小山，十分豐盛。食物顏色配搭亦顯心思。由於刺身都經過適當既火灸， 灸熟了的刺身香味亦緩緩滲入鼻腔， 令人食慾大增。由於各樣刺身灸得剛好，不會太熟， 刺身沾了濃滑蛋味的蛋醬與白飯一起吃，間直是令人滿足感大增 。原隻【活赤貝】，用心看著吧枱前的師傅為我處理活赤貝，師傅把活赤貝刺身捧在我面前，像盛開的鮮花一樣，視覺與味覺一同享受。 二字概之【鮮甜】小店除了刺身新鮮， 熟食亦十分美味。【芝士明太子玉子燒】大推介，即叫即製，上枱熱燙燙，份量十足。玉子燒口感層次十分豐富，吃得出層層的玉子夾帶住一絲絲溶化既芝士。每一口玉子燒香軟鬆化

一鳴開左新野啦！拉麵就食得多，見到佢系隔離開左題新的井食堂主打日式井飯，當日要試試啦。可能新開張，明顯地比隔離一鳴原店多好多人排隊，人總是貪新鮮的...我都唔例外，哈哈哈。等左一陣肚子已經咕咕聲，一坐低同友人黎到二話不說一人一個井！一上台已經視覺上及震撼，d料多到就黎倒瀉甘！四重火焰盛 $128四重火焰包括有火焰蟹柳，三文魚，帶子，左口魚裙邊同蛋黃。蟹柳就一般貨式，不過三文魚同帶子就好新鮮，大大舊。我最鐘意既係沙拉醬！！左口魚入口即溶啊！ 由於d料實在太多 侍應主動攞個碟仔比我地裝送，見佢做法咁純熟，平時應該好多客人問佢攞碟或者佢地都特登整呢個滿瀉既效果。蒲燒鰻魚帆立貝盛 $ 118鰻魚份量都好多，熱辣辣上台，而且鰻魚食落口好軟綿👍🏻個丼仲有好大粒嘅帆立貝 都係火焰。小店有小店的人情味道，我地一路食一路傾計坐左好耐都無黑面，而且侍應仲好主動幫我地加幾次水。

大埔面積咁大，有好多隱世小店值得去發掘，但交通始終唔太方便，有好多地方要巴士先到到，唔係大埔人既我最多每次去下火車站附近捐窿捐罅。今次朋友介紹，由火車站行5分鐘到，橫街有一間好好食既日本丼食！入面唔算闊落，好彩我同友人早入去，好快就座無虛席，有好多人排隊等 。有唔同日本野食，不過今次我地一行三人全部都好餓，一於叫三個日本丼！鮭火山 ＄118魚生多到就黎滿瀉，吞拿拖羅蓉食落好香口軟綿綿，除左魚生另外仲有青瓜同甜蛋，基本上每一口都會有新鮮既魚生，甘香既魚子，爽脆既青瓜，甜甜的蛋粒，口感味道都好豐富，而家諗番個肚都打鼓！北海五品盛 ＄178再黎一個更豐富的！三文魚，油甘魚，帶子，海膽(!!!!)，牡丹蝦，每一樣魚生都好新鮮，178蚊一個真係唔貴，估唔到可以o係大埔都可以食好咁高品質咁新鮮既海鮮丼！

經過大埔，突然好想食日本菜，行過大埔舊墟見到一間超人氣日本菜，睇個樣好似好好食咁，環境唔錯，仲要大排長龍～急不及待就去排隊～試完啲嘢食，果然物超所值！我哋兩個人帶咗好多嘢食，開頭以為會唔夠飽，點知黎到先發覺大左太多，不過都好好食！呢個係甜日本番薯串，甜甜地，好好味，一串有六粒，下次嚟一定會再叫！我哋仲叫咗唔同嘅壽司：甜蝦、墨魚、吞拿魚、左口魚、蟹柳。樣樣都好新鮮好好食！左口魚值得一試！之後仲叫咗海膽刺身同三文魚刺身，三文魚魚腩肥美新鮮，海膽正！呢間鋪頭仲有得買魚生飯，睇落好似好細碗但其實都好飽架！冇得彈！之後呢樣係芥辣八爪魚，呢個應該屬於前菜，啲八爪魚煙煙韌韌再加上Wasabi嘅味道，感覺好新鮮！推介大家嚟食！yummy~

上星期經過大埔，聽朋友講呢到有間魚生飯好好食，就黎左試一鳴丼食堂。門口裝俢行日系風格，有分吧枱同普通位，感覺有Ｄ似日本Ｄ居酒屋。不過我同朋友都唔飲酒，所以就坐一般卡位就算。坐位坐落偏窄，不過可以接受。睇返menu，餐廳主打刺身同蓋飯。我地就叫左海膽蓋飯同雜綿魚生蓋飯。另外，重叫左幾款燒物：鰻魚，雞軟骨同埋牛油焗雜菌。先講Ｄ蓋飯，三色海膽蓋飯用左三款唔同嘅海膽，配埋鵪鶉蛋，食落口感好順滑，而且層次分明。雜綿魚生飯就比較普通，不過不失咁。至於燒物方面，鰻魚水平都唔錯，叫做外脆內軟。雞軟骨就略嫌唔太夠味啦。牛油焗雜菌入面就有金菇，牛肝菌等等嘅菇類，加上洋蔥，牛油香幾重，ＢＢＱ中意食煨金菇嘅友千奇唔好錯過啦。總體黎講，算係幾唔錯嘅。

之前試過一鳴拉麵唔錯，所以就打算試埋丼食堂，惟整體用餐體驗極差。坐低就點左九貫壽司拼盤，隔左一陣之後師傅話冇珍寶帆立貝要換蟹肉壽司，因為本身唔食得蟹，見餐牌上珍寶帆立貝同拖羅同價，遂問待應可否改轉拖羅，但師傅話拖羅比珍寶帆立貝貴所以唔轉得。但餐牌上兩者係同一價錢，於是問待應，佢話：我都唔知喎，你一係轉蟹肉一係取消。即刻咩心情都冇哂。首先，餐廳冇貨但冇其他選擇比食客（同枱都有其他人有同樣問題而待應係唔識處理）其次，餐牌上寫明兩樣食物係同樣價錢，但冇人解釋點解係"貴左"第三，完全感覺唔到待應想解釋問題，只係逼你硬食或者取消本身唔係想為難任何人，但冇令人信服嘅解釋真係唔想食，食物再好都好難有下一次。最後只係食左兩份小食就埋單了。

今日係2019最後一日！梗係食餐好啲 慰勞自己啦！由於吾想去市區既關係，我同男朋友就揀左係大埔食飯。無意之中發現呢間日本餐廳～望見人哋post既相好似幾正～我地約左7點半。去到已經見到坐無虛席，都有人係到排隊！好似book左 先吾洗等甘耐咋😂見到menu 樣樣都好想食😂😂成個丼飯都係餸，你叫人點揀😂😂最終我哋叫左兩個丼飯加一個小食！叫左（北海5品盛），入面三文魚、油甘魚、帶子、海膽同大大隻牡丹蝦🦐！超正！刺身全部都好新鮮、好鮮甜！平時都食吾到一碗飯既我 都全部食晒😂😂😂另外，叫左（炙燒牛肉丼）本身見人哋叫個碗好細甘，以為吾夠食！點知原來好滿！啲牛肉燒得剛剛好！正👍🏼👍🏼👍🏼仲有叫左個雞軟骨zip牙罅😂😂😂甘就完左我哋2019最後晚餐啦🥰

又係一個人覓食o既時侯。大時大節，下下邊度都一pair pair 係咁放閃，想食好d 搵間decent 一d o既餐廳，同時又唔想到時要搭檯、或者自己一個一張檯好似好lonely Christmas 咁，去間有bar 檯o既餐廳都係個幾唔錯o既idea~呢間日本o野d 座位有少少窄，都要坐得親密d，但仍然無損食客喜愛佢o既程度，晚市都好full 下。雖然都忙，但員工姐姐仍會不停幫大家加茶，然後如果坐bar 檯位，壽司師傅可能又會同你搭下嗲，見佢同隔離d 食客幾好傾。叫得做丼食堂，當然要試下佢d 丼飯。有八款丼飯提供，由最基本o既三文魚拖羅至高級o既松葉蟹同全海膽都有，豐儉由人。寫o左一個鮭火山($118 未加一)，上面鋪住滿滿o既三文魚刺身碎、三文魚籽同埋玉子青瓜呢d，再pat 上一pat 拖羅蓉，冧到一座小山咁高，係幾誘人……拖羅凍凍的，雖然已經打成蓉，但仍然感受到佢o既油份，入口即溶。加上d 三文魚籽咬落去爆漿然後就係鹹鹹o既味道，配上丼飯自然最適合不過。有樣o野抵讚o既係o係跟檯o既調味料堆之中係有飯素的，喜歡o既落幾多都得！ 另外都點o左d 壽司刺身。間八章紅魚壽司($30/2

繼上次試完隔離間拉麵，經過門口時比呢間個灸燒牛肉丼吸引住。終於有時間黎試，裝潢設計同日本壽司店相似，有吧台，但位置唔多。灸燒牛肉丼牛肉份量重，好新鮮，飯亦都唔小，食一個已經好飽。一分錢，交足貨，讚！

大埔真是一個美食雲集嘅好地方，想食咩菜式嘅餐廳都有，今次就黎試下新開嘅一嗚丼食堂啦! 呢到嘅裝修非常舒服，好有日本嘅感覺。我點了一個北海五品盛，坐bar枱師傅整好就會直接遞上丼飯，一遞上來嘅時候真係嘩左一聲，唔好睇個丼飯細細碗，其實用料十分豐富，賣相非常吸睛，丼飯360度都鋪滿刺身，令人迫不急待想試!! 因為個丼飯實在太多料，所以店員俾多個碗我地放啲刺身，非常體貼。北海五品盛有三文魚，油甘魚，帶子，海膽同埋牡丹蝦。所有食材都非常新鮮，海膽鮮甜，三文魚同油甘魚都非常厚切，充滿魚油味。帶子都非常厚身，食落鮮味十足，啖啖肉。甜蝦大大隻，非常爽口。最後仲有魚子撈飯，令口感更豐富。呢個丼飯真係令人再三回味，而丼食堂仲有好多不同款式嘅丼飯，一定要再搵時間嚟試埋其他先得!!!

尋晚食間一鳴拉麵真係唔差😍今晚特登過嚟呢頭食隔離個孖生兄弟‘一鳴丼食堂’，結果都無令小弟失望：pp入到黎，經典壽司鋪頭裝潢，同埋d夥記都好熱情首先整左杯熱茶飲，茶味唔會好濃，水又唔會太熱，好似薛之謙首歌一樣《剛剛好》😈我叫左火炙三文魚脂壽司、海膽😍😍同埋一鳴鮮魚湯烏冬。火炙三文魚脂壽司係超級好食！！！表面層魚脂燒完之後好香，海膽口感好豐滿🤪🤪烏冬既湯底聽員工講係由三文魚骨熬製，唔會好濃，但係有魚香味，好高質🥳🥳🥳一個人實在食唔到咁多野，有機會一定再過黎😚😚😚

好耐之前食過一鳴拉麵 , 覺得唔錯 , 之後都有回頭 1 , 2 次之後佢開咗 "一鳴丼食堂"  , 主打丼飯 , 串燒等等 , 一路都想試 , 而且喺大埔區都幾出名 , 好多人食過都讚好 , 今日終於有機會同屋企人嚟試下啦 !! 😁😁週日午飯時間嚟到啱啱好唔使等 , 店舖都幾細 , 座位有啲逼 , 唔係坐得好舒服 , 不過以小店嚟講 , 呢點可以理解 , 店員服務還可以 蒲燒鰻魚帆立貝盛 ($128) 個飯同餐牌上圖片差唔多樣 ~ 面頭隻帆立貝好大隻 🤤🤤 鰻魚份量都幾多 , 而且係厚切 , 肉厚 , 唔會淨係得塊魚皮同肥膏 , 好味好味 !! 北海五品盛 ($178)有帶子 , 牡丹蝦 , 三文魚 , 三文魚籽 , 油甘魚 , 海膽 , 刺身都唔錯 , 略縑唔夠鮮味 , 款式都夠多 , 同樣好食 !! 芝士明太子玉子燒 ($78) 朋友大推呢個玉子燒 , 所以試下 ! 食後感覺還可以啦 , 明太子味道淡咗少少 , 不過勝在大份 , 3 個人食都覺得多 ~汁燒雞翼 ($28) 正正常常 , 未有驚喜 , 無一般燒雞翼個種驚豔 ~ 雞皮串燒 (2 串) ($28)太硬 , 口感一般 ,

今日朋友黎到大埔，當然要帶佢試下新野！之前上網見到介紹呢間主打丼飯同壽司，款式同賣相都好吸引就決定黎試吓！鋪頭位置係大埔運頭街，係一嗚拉麵格黎，由大埔墟火車站行過去10分鐘左右，唔算難搵！店舖裝修日本風格，令人有置身係日本既感覺！先睇下餐牌，丼飯既種類都幾多，而且有圖片作介紹，令客人可以睇得更清楚！每款都好吸引，而我就揀左北海五品盛。有三文魚、油甘魚、鮮帶子、，海膽同牡丹蝦。一黎到賣相吸晴，睇得出用料非常豐富，拿拿林試下先！牡丹蝦非常大隻，蝦肉十分爽甜，一隻都唔夠喉😅而帶子既鮮味十足，size又夠大夠厚，完全冇雪藏味。令我最驚訝係海膽，非常新鮮，夠鮮甜，唔會有苦味，加埋紫菜一齊食，正！睇落好似好細碗，但其實飯既份量都好多，夠晒飽！另外朋友就叫左個炙燒牛肉丼，遠遠已經嗅到佢既香味！牛肉係用火槍燒過既，濃濃既牛味，入口即溶，食得出係用高級既牛肉，牛肉面頭有隻雞蛋，將蛋打穿，撈埋一齊食！呢款都值得一試！