一鳴丼食堂

营业中

休息中

之前試過一鳴拉麵，覺得唔錯，而今日又想食下丼飯，所以就試埋係一鳴拉麵旁既一嗚丼食堂。好好彩今日早左少少去唔駛等位，入坐之後已經有2台人等緊。裝修都係一般日本餐廳既設計，感覺都幾光亮整潔，餐廳有做足消毒清潔，某程度上令食客都安心不少。餐牌同埋落Order既紙係同一張，直接寫要邊一款，係好方便既。今日好想食丼飯，而我最愛既係海膽同三文魚子，所以就叫左個北海五品盛，呢個盛有牡丹蝦，帶子，油甘魚，三文魚，海膽同三文魚子。一眼望落去就知呢個盛既主角係牡丹蝦，真係好大隻，新鮮好味。但我眼中既主角係海膽，第一口梗係要食佢啦。大大啖，鮮甜到呢。其實呢個北海五品盛真係好大碗，而D魚生真係幾新鮮下，份量又多，呢個價錢有咁既質素同份量，都算抵食。食完個丼飯已經勁飽，但個炙燒饅魚壽司賣相太吸引，其實味道都相當唔錯，個醬做得唔錯。

這次和友人去的是一嗚井食堂，來到是老板娘(?)招呼我們。她跟我們就疫情關係，現在最多只能容納12人😭。送上了熱茶，很好喝，仲會幫我地refill,態度很好。挺喜歡店內的裝修，柔和的燈光讓人很舒服。店內還會播着差不多十年前我會聽的日文舊歌🤭老板娘人都好nice, 會同我地傾下計，所以我都好好奇咁問d 歌係邊個揀的。Menu設計得幾有心機🤪來到當然要食我最愛的玉子壽司，玉子很甜，我很喜歡。甜蝦都幾大隻，分量也不小，吃下去挺新鮮，不錯。(我很喜歡他們用的碟，有design，幾好看的。點了鰻魚飯，好吃。飯的份量都幾多，但鰻魚都唔少，仲有隻帶子，好好餸飯，適合我這個飯桶。而飯有豉油但也不會太鹹，底部都有的，所以不會愈食愈冇味，都幾貼心。而且附上玉子，太好了。我們總共點了這些食物。總結：雖然舖位唔太大，但都食得好開心，令人覺得好舒服，價錢合理，值得再黎。同埋menu都有好多野可以試。

食過隔離嗰間一名拉麵好好食，所以就試埋佢嘅丼飯。佢嘅裝修都好有日本風格，播埋啲日本歌好有feel。我哋叫咗兩個丼飯，一個壽司同埋一個刺身。佢呢個四重火焰丼有蟹棒、燒三文魚、帶子同埋左口魚裙邊。每樣食材都好新鮮，佢仲有隻生蛋喺中間俾你撈埋啲飯，味道一流。睇相就見到佢啲料真係好多，性價比非常高。我哋嗌左個玉子壽司。雖然好似好普通，但係佢啲玉子超級甜好多汁，確實係用心製作嘅舖頭。跟住我哋嗌左個甜蝦刺身。令啲蝦好新鮮，如果大隻啲就好。朋友叫咗個蒲燒鰻魚飯立貝丼。就咁睇相就知道佢鰻魚超多，堆到成座山咁，多到要將啲餸擺落個細碗度慢慢食。仲有隻勁大既帆立貝，同樣佢都係有隻生蛋俾你撈飯，超級好味。服務員都好Nice，周不時都會加茶俾我哋，非常細心。

疫情之下想出街食飯都要深思熟慮，去細間啲啲嘅舖頭可以減少啲接觸其他人。收咗工就黎呢間之前坐到好迫嘅人氣日本餐廳。  雖然係疫情之下比較少人，但都係要留電話等位。 入去前當然要度體溫同同雙手消毒，而且因為疫情關係加咗膠板隔開，食野除咗食物環境，安全都好重要。  呢度出名嘅就係食丼飯，一定唔可以錯過。因為收工比較肚嘅關係，所以加多份鰻魚壽司同八爪魚刺身  上菜啦，豐盛滿滿嘅一碗，以一個魚生丼飯黎計真係好過份，啲餸多得咁誇張，仲好高。而佢地嘅wasabi 係用磨蓉嘅，唔係一般用膏狀嘅，有芥辣嘅辛辣味。 個丼嘅食材多我要攞個碗放起晒啲吞拿魚蓉同三文魚生先有位攞啲飯出黎，而啲魚生係好新鮮嘅。值得一食。 舖頭有提供飯素可以拌飯，不過其實魚生拌飯都已經非常夠，口痕嘅可以試一下嘅。 至於八爪魚刺身都OK嘅，唔會係擦子膠八爪魚，加埋少少wasabi 唔錯。 炙燒鰻魚壽司比我想像中嘅好，佢嘅飯唔會太散或者太硬，而鰻魚本身汁煮嘅時間都夠，最後加上炙燒，香味唔錯，而且size 都好足。 舖頭只可以坐4/5枱客，不過都見到晚市都要等位，可見呢度都多fans，而佢食物質素同份量都確實不錯。 

大埔的日式小店，隱蔽的橫街窄巷，實在不起眼的食街，附近拉麵店、日式串燒等選擇多元化。一鳴丼食堂的口碑似乎不錯，但疫情之下前來光顧的食客同樣疏落，但當日仍有不少街坊熟客來點外賣回家。海鮮丼飯三心兩意的我選擇了這個包羅萬有的海鮮丼，刺身類包括帶子、牡丹蝦、三文魚、海膽、油甘魚、三文魚籽。眾多的刺身款式絕對令人眼花撩亂，1）牡丹蝦蝦身光澤十足，蝦肉軟滑，海水味不算十分重，蝦的鮮味則平實自然，但份量十足，原隻吞食十分滿足。2）油甘魚及三文魚籽的鮮味爆發，厚切的油甘魚，豐厚的魚脂，加上三文魚籽的咸鮮，配上微暖的壽司飯，複雜而多元的味道便是刺身丼飯的精髓。3）海膽是相對失色的食材，沒有清爽的質感，也缺少了海膽的鮮味和海水味，質素只算平庸。4）開邊帶子鮮甜軟滑，粒粒皆珠圓玉潤，三文魚🍣刺身則紅潤肥美丼飯份量看似偏細，但由於各樣刺身的油脂感十足，而且廚師也是大方厚切，吃畢整碗丼飯後其實也十足飽肚！！汁燒厚切牛舌鹽燒牛舌十分常見，用乾燒的方式將牛舌兩邊燒至微焦，再添上鹽花，做到外脆內軟的效果。但這裡的汁燒牛舌卻是少有的吃法，厚厚的牛舌被特製的醬汁包圍，肉質外內都保持濕潤，若事前不知情，整體味覺與口感會讓

一嗚拉麵與一嗚丼食堂兩間姊姊店並列在一起，由於店舖藏於住宅大廈的胡同裡，光顧食客都以大埔住客為主。早於搬進大埔之時已嚐過拉麵舖的玉子燒，如今新舖也有供應著各款小食。主打丼飯之外也有居酒屋的酒及串燒炸物，同行男友一嚐招牌丼飯，我則偏好壽司類。脆口小食雞軟骨是最佳的下酒小食，一籃子的炸物僅三十多元。日式唐揚的調味，配合BB沙律醬，主菜還未來經已被我們清空。若不喜歡油膩Menu上亦有鹽燒雞軟骨的做法。軟骨油份不多，炸得非常輕盈而且粒粒分明，還真的是軟骨，最怕吃到的是硬骨頭 哈哈。比較壽司盛的份量，不追求頂端食材的話單點壽司似乎更經濟。大部分款式約$22~38兩件，海膽或拖羅壽司單件則售數十元。鱆紅魚壽司兩件$30，常常被錯認為油甘魚。鱆紅魚肉質柔軟細膩，油脂少但魚肉較爽甜。魚生份量屬刺身級，非常足料。火炙左口魚裙邊蠻大的，燒香後滿口都是魚油，肥呀但好滿足! 蔥花畫龍點睛令壽司整體更清新。鰻魚壽司炙燒過後乾爽不會滿是糊口的醬汁，既然未來不能去旅行，閉眼幻想一下自己身處日本享受饅魚丼吧～蟹膏甜蝦軍艦$42/2貫。圍繞飯糰的紫菜較高，可以盛載更大量的蝦膏。由於蝦膏帶有苦味配以甜蝦剛好中和味道，男朋

今日難得出街去開大埔，就諗住食好D。見到日本野就二話不說入去啦。舖面裝修都幾有日本feel~而家呢個非常時期，呢間都有為我探熱貼埋噴酒精搓手液，都真係唔話得啦坐到落來，梗係要試佢最出名既丼飯啦，再加個雜菜哈哈首先來到既係雜菜。分量好多啊，堆到成座山咁，食果陣都要小心D，如果唔係就好容易整跌啦！炒得爽脆，而且有d木耳絲，木魚碎增加個口感，令人忍唔住食完一啖又一啖心心念念既火炙丼終於來啦！！！份量都好多啊。蟹柳有三條，帶子6粒，再加埋左口魚同三文魚，可謂啖啖肉啊！最正係佢上面仲有隻蛋，督爆佢加埋鼓油撈埋落飯到，一啖飯一啖肉，簡直雙重享受🥳🥳

呢日係大埔探險日子，多得經驗領隊帶領，我哋來到大埔的新村，大菴，小菴，坪朗找尋碗窑的過去式，終於尋到高度有20呎高嘅呢個碗窑，好開心，行完喺大埔站解散，有位朋友話之前吃過嘅一間日式拉麵幾高質又唔太貴，咁就來咗呢度，但人係貪新鮮嘅，來到見隔離嘅一鳴丼飯好似唔錯，因此分咗两team，一team去咗吃麵，而我就來咗『丼飯』呢邊。3個人點咗118蚊的『鮭火山丼飯』，内裡有三文魚，三文魚籽同埋拖羅蓉，丼飯碗不是太大，但裝满哂，成個富士山咁，好靚，拖羅蓉喺山頂，好特别，有點入口即溶之感，而三文魚切成粒粒，都唔少，三個人吃都幾满足。咁樣當然係唔够的，另一丼飯就係178蚊嘅『北海五品盛』，内有三文魚，油甘魚，帶子，海膽，牡丹蝦，前四樣都有3件，每人一件，新鮮好味，牡丹蝦好大隻，只有一隻，畀位男士吃喇，女士已食飽。其實之前都分别叫咗『北寄貝刺身』和『鰻魚壽司』當小吃，北寄貝够甜，鰻魚軟腍，探險後有美食，好完满，充實。

今日同朋友去開大埔嗰頭，去到食晚飯時間，行過一條好多食店既巷仔，見到一間日式食店，望落細細間，好有日本日式小店既感覺，我地就入左去食晚餐。呢度既餐廳設計得好靚，用左好靚既插畫，食物亦都有好多選擇，有好多款式既丼飯、壽司同埋刺身。我地一行三人，點左兩個丼飯、壽司同埋剌身。其中一個丼飯係鮭火丼，入面有三文魚、三文魚籽同埋拖羅蓉。魚生好新鮮，配埋壽司飯，好味道！另外一個丼飯係北海五品盛，入面好豐富，有勁多料，包括三文魚、油甘魚、帶子、海膽同埋牡丹蝦，有齊我至愛既野食，好滿足啊！另外，我地亦都點左炙燒鰻魚壽司，鰻魚燒到好惹味，而且亦都幾大舊，唔錯！最後仲有呢個北寄貝刺身，好新鮮，有三舊，可以一人一舊，正！

今日返完工，真係要找好野食，黎填補下心靈。特登去呢間壽司店。為個人衛生，餐廳門口都設有消毒搓手機供客人消毒。店內環境簡潔。壽司師傅做好手握壽司。野食唔洗等好耐，一入去立即為我們送上野飲，前菜很清爽我就點左魚生丼，裏面有好多唔同嘅魚生。真係好抵食魚生嘅份量多過飯好多，冇諗過飯同魚生嘅比例會掉轉咗。魚生每一款都好新鮮。呢間餐廳真係值得被推薦！！！

大埔墟一帶有不少質素不錯的小店，之前經過附近都有見到一鳴丼裝修看落不錯，這天便過來試一試。菜單以丼飯作主打，亦有壽司、刺身、串燒、沙律等。最後叫了一碗蒲燒鰻魚帆立貝盛（ $128 ）、一碟炙燒左口魚裙邊壽司（ $38 ）、一碟玉子壽司（$22 ）。左口魚壽司一份有兩件，左口魚是油份比較多的魚類，所以炙燒起來吃特別香口，蔥花點綴也加添了一點清新的味道。玉子壽司蛋及飯的比例不錯，若果玉子再厚多一點點就更加好了。再來的是蒲燒鰻魚帆立貝盛。鰻魚滿滿的圍著飯繞了一圈，鰻魚亦處理得很乾淨沒有骨，加上帆立貝、玉子、蔥花，非常下飯。另外有薑、飯素、唐辛子等可轉換口味。店員添茶的速度也很快。櫃上放着的酒看起來好像也不錯，下次經過附近再來試試看。

星期三晚 同朋友係大埔食飯 我地兩個都日本癮起 就揀左一嗚呢間日本野啱啱入店內 感覺好舒服 小店俾人feel warm 燈光柔和 我地坐bar枱 對住師傅 睇住師傅整野食 好有置身日本既感覺•店內裝修係和風 雖然枱數目唔多 但係枱之間距離唔會太貼 感覺唔會太焗悶 店員幫我拉開張櫈 同埋俾酒精搓手液我 防護意識好好 貼心又有禮貌 😽之後店員為我地斟熱綠茶同埋遞上menu 菜式都多選擇 🥢鮭火山🥢四重火焰盛飯好快就到 店員另外俾左個碗仔我 俾我將餸分落碗度 唔洗食到論論盡盡 餸份量多 同飯既比例剛好 師傅用火輕輕灸過 香口又美觀 四盛分別係帶子 左口魚 三文魚同埋蟹柳 每樣都新鮮香口 香味濃郁 飯係日本珍珠米 濕度剛好 鮭火山既三文魚份量多 粒粒厚切 青瓜同玉子襯托減低魚既油膩感 正呀❤️😋加上價錢合理 服務又貼心 係呢個抗疫時期 無得去日本既時候 過左一下”日本癮” 🇯🇵都幾開心

冇得去日本，就係香港食下日本野過下癮先啦，太和呢個地方一直都有好多野食，見呢間門口都幾有日本特式就入去食啦。入面裝修都好日本feel。呢到有串燒、沙律、炸物、小食、玉子燒、壽司、刺身、丼飯等，都幾多選擇。因為係2個人黎食，每人叫左個丼飯。叫左北海五品盛、究極甲羅盛其他款都好吸引，而且餐牌有晒圖片顯示會大概估到出嚟嘅成品係點。究極甲羅盛入面有蟹蓋、松葉蟹肉、蟹鉗、蟹膏、蟹籽，上枱嘅時候碗飯滿到就嚟鯊，好足料啊！店員仲提醒可以將蟹膏撈入飯入邊，唔需要多加豉油就會食到蟹嘅鮮味！撈左蟹膏同蟹子落白飯到真係好好食，好夠味，而且蟹肉好鮮甜。而朋友個北海五品盛，有三文魚、油金魚、海膽、牡丹蝦、帶子， 食落好新鮮，隻蝦仲好大隻添，好滿足！

最近好想食丼飯，今日朋友就帶我黎到大埔呢間主要食丼飯既一鳴丼食堂。餐廳入面設計好有日本餐廳既感覺好地道！一坐低侍應就比menu我地，哇，好多丼飯都好正好想食呀！最後我叫左北海五品盛，因為有齊晒我最鍾意既三文魚、油甘魚、牡丹蝦、帶子，仲有海膽添！剌身全部都好新鮮好厚，超級鮮甜。而我朋友就因為唔太好魚生，所以叫左個究極甲羅盛，呢個全部都係蟹！滿滿既蟹膏用黎撈飯真係超正，好好味，蟹腳又超厚肉好juicy😋其實餐廳仲有壽司同剌身，不過因為我地兩個女仔食唔到咁多就冇叫到嚕。整體黎講真係超級抵，其他餐廳好難呢個價錢食到質素咁高既丼飯，性價比真係超高，已經想再去食多次嚕，下次約多啲朋友一齊再黎試下灸燒牛肉丼蒲同蒲燒鰻魚飯立貝盛先！

機票機位被取消，去不成日本，心思思好想食日本野。睇完OpenRice, 見一鳴丼食堂d食物非常吸引，於是就決定去一鳴食丼飯。餐牌非常精美，睇到流晒口水，十分吸引。我們揀左食北海五品盛（$178），四重火焰盛（$138），北寄貝壽司（$24）及玉子壽司（$22）。北海五品盛（$178）有三文魚，油甘魚，帶子，海膽及牡丹蝦。嘩嘩嘩！賣相超級吸引，超大隻牡丹蝦，令人垂涎三尺。各種新鮮魚生海膽配搭起來，味蕾大爆發，令人愛不釋口。帶子量多又鮮甜肥美，Yummy!十分甜心，wasabi 另上，放在匙上，按自己喜好配搭適當分量。四重火焰盛（$138）有三文魚，帶子，左口魚裙邊及蟹棒。同樣地，一上桌先是視覺震撼，再來味覺大享受。火炙魚生燒得恰到好處，外面燒得香口，內裡保持juicy。所有魚生都分量十足，火炙得恰巧微焦又不會過火，食每一口都令人如痴如醉。最後食埋北寄貝壽司（$24）及玉子壽司（$22），令這一餐畫上完美的句號。店員十分貼心，餐前送上酒精消毒紙給客人，倍覺安心又窩心。最後埋單連加一$398，雖然去唔成日本，不過這一餐卻深深地滿足了我那渴望日本美食的味蕾。Delicious !