一鳴丼食堂

营业中

休息中

今日同朋友去開大埔嗰頭，去到食晚飯時間，行過一條好多食店既巷仔，見到一間日式食店，望落細細間，好有日本日式小店既感覺，我地就入左去食晚餐。呢度既餐廳設計得好靚，用左好靚既插畫，食物亦都有好多選擇，有好多款式既丼飯、壽司同埋刺身。我地一行三人，點左兩個丼飯、壽司同埋剌身。其中一個丼飯係鮭火丼，入面有三文魚、三文魚籽同埋拖羅蓉。魚生好新鮮，配埋壽司飯，好味道！另外一個丼飯係北海五品盛，入面好豐富，有勁多料，包括三文魚、油甘魚、帶子、海膽同埋牡丹蝦，有齊我至愛既野食，好滿足啊！另外，我地亦都點左炙燒鰻魚壽司，鰻魚燒到好惹味，而且亦都幾大舊，唔錯！最後仲有呢個北寄貝刺身，好新鮮，有三舊，可以一人一舊，正！