一鳴丼食堂

营业中

休息中

新開餐廳，十分多人，好彩友人訂左位，否則真係要等一小時以上入面有吧台及數張四人台，地方十分淺窄，要慢坐長談唔使諗講番食物，除左最吸晴既丼飯，仲有好多唔同既小食揀，如煮物燒物玉子燒等我地每樣叫左d，小食類就無乜大驚喜，唔係唔好食又唔係特別出色主角丼飯評比一睇蟹丼上台，就覺得好吸引好似好好食好似好專業，其實最失望，蟹腳無乜味，不過不失啦北海丼有帶子三文魚油甘魚海膽牡丹蝦每樣野都好新鮮，海膽黎講算係咁啦，係香港食中伏率都好高黎講我覺得佢係合格炙燒丼都好食略嫌用料差左少少，寧願佢set貴少少比多少少貴料總括黎講係可以既，賣相打卡一流，份量都好足，係大埔黎講做高質丼飯既market無乜咅競爭，但係同其他丼飯餐廳黎講，只熟正常水平

今日一放工黎到大埔一嗚丼食堂，地方尚方便，由大埔墟火車站去到上址都只係需要5分鐘就到步，入到店內裝飾以居酒屋作藍本。黎!入正題，第一道菜係壽司六點盛，顧名思義係會有六款壽司，分別有章紅魚，墨魚，三文魚，油甘魚，甜蝦和海膽，到菜後發現還多了1款6件卷物，卷物以積物及蟹柳捲成味道清新，估計是在品嘗每一件壽司之後食一件以消滯之用。        跟著落黎就係紫菜櫻花蝦玉子燒，對櫻花蝦有情意結既朋友值得一試，玉子方面質感比較硬身和蝦既質感配合恰當，和外邊以入口即溶見稱既玉子燒可能會有所分別，但味道方面絕對令人滿意。        第三道菜是牛脷串燒，牛味非常重，質感方面可能未必個個人接受，我只可以用彈牙黎形容，同平時焗牛脷既質感會有所不同，味道方面主要係用鹽輕輕帶出牛味，所以著重質感既朋友可能未必啱你口味。 最後一道是豪快海膽盛，呢一味絕對係我食過最滿意既海膽，一點腥味都沒有，當中是以三款不同產地(國家)既海膽組成，印象北海道那款是最甜最有海水味，試完有點對海膽改觀。

之前食過呢間一嗚堂嘅拉麵同小食,今次決定係佢隔離嗰間一嗚丼試吓佢最出名嘅炙燒丼。作為炙燒愛好者，未去就已經好興奮!大約夜晚八點鐘去到，都已經好多人係度等位！好彩等左一陣，有一班人出咗嚟，我哋兩個就被安排去吧枱坐！師傅就係我地面前整壽司，證明真係即叫即整，好新鮮👍🏻打開menu, 發覺淨係丼飯都有好多個選擇，我地決定要一個四重火焰盛，包括有三文魚、帶子、左口魚裙邊同埋蟹棒，真係好豐富！每一樣都好好味，各有千秋！三文魚燒過之後會更加甘香，加埋啲沙律醬，好正！帶子有兩隻，好肥美大隻！左口魚裙邊唔會韌，係有啲鋪頭食嘅會韌，咬唔開，呢度嘅入口即溶，值得一讚！仲額外叫咗客甜蝦手握壽司，彌補個丼飯無蝦嘅少少遺憾～甜蝦都好新鮮，好鮮甜！

係小巷中係唔同港式小店中，竟然發現到一間日本食店🇯🇵奇怪兩間店係唔可以互通🤔想食拉麵要去左面🍜壽司剌身類🍣要去右面🤔唔知點解🤷🏻‍♀️最後我地揀咗呢間有唔同嘅丼飯選擇，但因為唔係太食三文魚所以少咗好多選擇🍣咁唯有逐樣叫啦首先叫咗牡丹蝦，蝦🦐都十分大，大過半個手掌🖐️十分鮮甜，唔會有雪藏冰鮮嘅味道🍤一口擺入口🤤好滿足店內仲有串燒和炸物類店內見到有promo，就試咗火炙3點壽司，分別有油甘魚、章紅魚和立魚味道比較清，挺不錯👍🏼可以一試最後重頭戲嚟啦，極上壽司9點盛，十分豐富可以見到海膽份量十分多，而且最緊要係新鮮而唔腥❗️之前試過其他店我頂唔到咁腥🤢呢個好正😻帶子係十分厚切，完美遮蓋個飯👍🏼😽鮮甜9點只係238，呢個質素十分對得住呢個價😼🤛🏻

今日同朋友嚟到呢間日或小店，鋪頭好骨緻，夜晚7點去到已經坐滿哂人。今次就俾人安排咗坐係吧檯位。嚟到見到好多人都嗌個鰻魚丼所以得地都嗌咗份。個丼百零蚊但鰻魚份量好多，而且鰻魚食落口好軟綿，好好味👍🏻個丼仲跟咗粒好大粒嘅帆立貝，咁就更加抵食🤤然後仲嗌咗個壽司六點盛，6件壽司都係靚嘢，食落仲好新鮮添🤪三文魚有成半隻碟咁長，海膽咬落去成口都係，仲要係鮮甜嘅海膽，作為海膽控真係一本滿足🤤油甘魚油脂飽滿，色澤分明，仲要切到厚身，呢間餐廳一啲都唔吝嗇食材👍🏻最尾仲啦咗個明太子芝士玉子燒，份玉子燒好大份，應該用咗好多蛋，再加埋芝士真係好邪惡😂個玉子燒食落好滑，有淡淡嘅牛油味，同啲明太子醬好夾！趁熱食仲有少少拉絲添。個玉子燒用個size啱啱好嘅木盤裝住，感覺好別緻，好啱影相😊呢餐嗌咗三樣嘢，同朋友都食到飽一飽，仲值得一讚係啲員工服務態度都好好，三斟水斟得好密，臨尾仲會問我地嘢食好唔好味，feel到真係用心經營鋪頭👍🏻

上次試過一鳴拉麵好有驚喜，今次決定試埋喺隔離同一招牌嘅另一間丼飯。😋七點就黎到好快就入到去坐。鋪店唔大但五臟俱全，木製嘅傢具好有日本居酒屋風格，加上侍應不時都會講幾句日文，真係有錯覺以為自己喺日本hahaha。不得不讚嘅係個menu好靚！係手繪風，靚到我都唔太捨得畫花佢😂 同朋友叫左兩個丼飯，四重火焰盛同鮭火山。我地覺得鮭火山不過不失，三文魚新鮮但個飯未有驚嘆感覺。不過四重火焰盛就好喜出望外，除左三文魚，仲有帶子，蟹棒同左口魚裙邊。蟹棒好好食，再加埋有蛋黃汁流入飯入面，我地好快就清曬。唔好睇佢個碗細細個，但食起上黎好飽，兩個女仔share 再加其他壽司同小食都好足夠。我地之後再叫左壽司六點盛，其中海膽壽司好足料，絕對唔腥，食完好滿足😋 食完見到出面已經有人等緊位，所以建議大家早啲黎。總括黎講，性價比絕對高。

琴日收工，突然興起想食餐好既，就係Openrice search 發現大埔開左間新既日本野，而啲食評好似幾好，就決定去試下啦。去到門口，隔離一嗚拉麵好多人排隊，但哩間餐廳就無咩人排，心諗會唔會有伏，但我真係好中意食日本野，最後就決定一試。哩間餐廳主打丼飯，如果我自己食一個丼飯就好似太多，就無得試其他野，所以，我最後同朋友share 一個丼飯再叫小食🤤最後就叫左個北海道五品盛，哩個丼飯好豐富，啲魚生好新鮮。之後仲叫左我最愛既左口邊魚同蟹膏甜蝦軍艦。 師傅將火灸左口邊魚燒到啲油脂出晒黎，既香又滑。 除左壽司、魚生之外，我地仲叫左兩款串燒，包括汁燒雞翼同鹽燒牛柳粒。雞翼大小適中，皮脆肉嫩，而牛柳粒既肉質都幾好，一啲都唔會太熟堅韌難咬。最後就係我最愛既芝士明太子玉子燒，真係好好食，強烈推介！

一鳴拉麵食過幾次，見佢開左間一鳴丼食堂喺隔黎，就專登黎試下。座位數目同隔黎既一鳴拉麵差唔多，同朋友夜晚七點半左右黎到，入面已經坐左九成滿。小食既menu同一鳴拉麵差唔多。好多唔同既丼揀，選擇困難症發作呀同朋友叫左炙燒左口魚裙邊、汁燒腩肉、豪快海膽盛、炙燒牛肉丼。炙燒左口魚裙邊︰肥美爽口，而且燒過所以好香！汁燒腩肉︰燒得比較乾身，略嫌唔係好夠腍，上邊有辣辣地既汁。豪快海膽盛︰三色海膽！當日都見唔少食客叫左呢個，超吸引！鏡頭下面既海膽唔算好甜，左邊同上邊既超甜超正！好好食呀炙燒牛肉丼︰好多牛！上面既應該係蛋黃醬，令到牛唔會太dry，牛就好腍好好食。到左八點左右就要開始排隊，想食既朋友要預早少少黎，或者預返要排隊等下位。總括黎講丼飯好正好好食，壽司都好吸引好好食，值得一試既新店！

7點黎到，唔算多人，可以即刻入座。7:30 開始就有人潮，要排隊，建議大家可以早少少黎。入面裝修都有日式家庭小店感覺！呢到食物選擇都幾多，有壽司、刺身、丼飯、串燒、玉子燒、炸物等等。呢到丼飯有8款簡，睇餐牌都覺得好吸引！我叫左四重火焰丼，入面有三文魚、帶子、蟹棒、左口魚裙邊，每樣都有3-4 件，幾足料，食到帶子好新鮮好厚肉！之後仲叫左個鮭火山，三文魚份量好多，仲配有玉子粒同青瓜粒！另外叫左個壽司六點盛，有墨魚、油甘魚、甜蝦壽司等等。當中既海膽壽司，食得出好新鮮，幾鮮甜。本身以為套餐包既三文魚係普通個款，點知係超長既一片三文魚壽司！好滿足啊！而且呢到既店員態度殷勤，會好主動過黎幫手加茶。呢到食物高質，值得一來！

星期日下午尼食，可能新開，所以唔算太多人～丼飯有蟹棒、帶子、灸燒三文魚同灸燒左口魚，燒得好香～小食叫左雞軟骨餃子：餃子皮好脆，好香胡麻醬豆腐沙律：好多胡麻醬，不過不失串燒汁燒雞翼：燒得好香，個汁好好味👍🏻

運頭街個邊都好多餐廳，今次揀咗個門面較為日式居酒屋風格嘅試下。店員安排咗吧枱比我地兩個坐，可以一路食一路睇住師傅整壽司。呢到都有好多不同種類嘅食物選擇，主打寿司，刺身同寿司丼，見佢個寿司丼嘅畫畫得咁吸引，忍唔住都要叫返個黎食下。海老戰隊($168)嘩!真係好似由個menu 跳岀黎咁，寿司飯上放咗大嘅牡丹蝦，中嘅赤蝦同細嘅甜蝦。全部蝦都好鮮甜爽口，飯嘅比例都唔太多，鐘意食蝦嘅人真係唔可以錯過。海膽($48/一件)叫寿司丼的時候，有個限定海膽盛非常吸引但無奈兩個女生食唔哂兩個寿司丼，最後決定叫一人一口嘅海膽寿司。見個造型口水已經流岀黎，由兩種海膽整成，飯同紫菜配合海膽嘅甜味，食落非常creamy，好難言語形容，慢慢咀嚼慢慢品味。鹽燒鯖魚($38)串燒款式好多，今晚係海鮮之夜，差咁條魚呢🤔落單時店員有提醒燒嘅時間需要耐一啲，因為係即燒㗎。燒鯖魚皮脆肉嫩，食落有啖啖魚油香，食嘅時候亦可以沾酸酸地嘅柚子醬油或加上青檸汁，減低油膩感。

依次來到距離大埔壚火車站約六分鐘路程嘅日式食店晚餐。如果唔熟路，可能有少少難搵，認住依條小巷。依度店仔細細但好多客人，相信食物有一定質素。我地坐在一個最入嘅二人枱，靜少少幾好。旁邊有水吧，整體裝修都幾有日式感覺。點餐紙好精美。聽到都有其他食客點日本酒，佢有好多唔同酒類。先來兩客壽司。飛魚子壽司粒粒脆，蟹棒味道都幾好。好足料😊一上枱就香噴噴，非常之吸引！鰻魚燒得好香，有微微嘅焦連同油脂味好好。帆立貝都幾大隻多肉，味道鮮甜。而珍珠米飯都好香，連同蛋絲同蔥一齊食好好味。我習慣左加少少wasabi 入米飯內，食入口更香。今次食得好滿足開心😊在此店旁邊，有一間都係同名嘅一鳴拉麵，我地以前食過都幾好食。

今日嚟到依家係大埔開咗唔係好耐嘅日本野餐廳，原來佢同隔離嘅拉麵店都係叫一鳴㗎喎！就咁睇佢門面嘅裝修覺得好骨子同埋好日式嘅感覺。入到去，我哋安排左坐吧枱位。就咁望雖然成間店並唔大，但係成間鋪頭嘅裝修都幾有心機喎，全部都係以木做主題，小至連牙籤筒都係用木造㗎。坐係到等緊既時候已經聞到好澎湃既炙燒刺身既香味！食物方面，主要分為丼飯、刺身、壽司、串燒同埋其他小食等等。值得一讚嘅係佢嘅點餐紙真係好靚好有心機！我哋嗌左幾款壽司，刺身都好新鮮喎，特別係個免治吞拿魚軍艦，好滑好好味呀！個人覺得仲好味過日本食到嘅哈哈！我哋仲帶咗一個蒲燒鰻魚帆立貝盛，醬汁比較龍未，不過好足料，整體來講呢個都好味，值得推介！佢仲有一個平時可以拎黎拌飯嘅調味粉，食落好香芝麻同埋紫菜味，我哋拎咗啲黎滲喺個飯同埋壽司上面，估唔到又幾好味喎。最後埋單只係$241 ,雖然我哋食咗唔算好多野，但用呢個價食到呢個質素嘅嘢我都覺得幾抵，不過如果坐嘅位可以再闊落少少就好啦。

這晚突然很想吃刺身丼飯，放工搭車來到大埔這間小店嚐嚐賣相吸引的炙燒刺身丼，沒想到其他菜式更有驚喜。約六時許到達店舖，原來店家分兩邊，左邊賣拉麵，右邊賣魚生丼飯。門面走傳統日式風格，適量的射燈令整體感覺光猛企理，能吸引食客駐足。餐廳面積不大，一入內是一條窄巷，一邊是刺身bar及吧枱，一邊是靠牆二人枱；再走入內是長枱和二人枱，全店大約能容納20人左右。餐牌是手繪風，刺身丼的插畫很吸引。除了餐牌以外，黑板還有當日的廚師推介，筆者點了其中兩款壽司。二人枱面積的骰，但仍足夠擺放筷子盒和調味架，不用每次都叫職員幫忙。火炙牛肉壽司 (8/10):牛肉沒有標榜是和牛但口感很像，有滿滿的油脂香，但不會有大大舊肥肉，配上薑末和蔥花味道不錯。炙燒鰻魚壽司 (8/10): 連鎖壽司店的鰻魚壽司通常都是凍冰冰的，難得這裡的鰻魚上碟時仍然微暖，醬汁不會過多，又無幼骨，推介～四重火焰盛 (7/10): 丼飯有炙燒帆立貝、三文魚、左口魚裙邊和蟹柳，還有一顆流心蛋。蛋汁令珍珠米更香，帆立貝夠大粒，左口魚裙邊一梳梳的，口感特別。汁燒雞翼 (9/10): 雖說來丼飯店刺身應是重點，但筆者覺得這個雞翼是全晚的最大驚喜！醬汁香

友人之前已經介紹過一間日本野俾我話好值得一試既，今晚就帶媽媽一齊黎試試新野😆「一鳴丼食堂」位於大埔運頭街，距離大埔墟東鐵站大約10分鐘到。我地7點半到黎到，入面已坐左8成食客啦。店內裝潢頗有日式居酒屋既味道，一行高台大約8-10個位到，可以睇住師傅為你準備食物，另外仲有數張2人檯俾你選擇。 麻雀雖小但五臟俱全，打開菜單你會發現哩到有好多選擇，丼飯、壽司不在話下，連串燒、燒物都有喎👍🏻今次我就揀左壽司六點盛加北寄貝同飛魚子壽司，媽媽就揀左北海五品盛😋👀睇下圖片就知有幾吸引啦🤤1）壽司🍣- 我最鐘意就係海膽軍艦，不單鮮甜仲好creamy~ 其他壽司如油甘魚同三文魚亦都好肥美2)丼飯- 嘩！隻牡丹蝦勁大隻，急不及待要一啖食左佢，帶子又大大粒好厚身。丼飯用料足夠，每款刺身都有3片可以試真d🤩