一鳴丼食堂

营业中

休息中

上次試過一鳴拉麵好有驚喜，今次決定試埋喺隔離同一招牌嘅另一間丼飯。😋七點就黎到好快就入到去坐。鋪店唔大但五臟俱全，木製嘅傢具好有日本居酒屋風格，加上侍應不時都會講幾句日文，真係有錯覺以為自己喺日本hahaha。不得不讚嘅係個menu好靚！係手繪風，靚到我都唔太捨得畫花佢😂 同朋友叫左兩個丼飯，四重火焰盛同鮭火山。我地覺得鮭火山不過不失，三文魚新鮮但個飯未有驚嘆感覺。不過四重火焰盛就好喜出望外，除左三文魚，仲有帶子，蟹棒同左口魚裙邊。蟹棒好好食，再加埋有蛋黃汁流入飯入面，我地好快就清曬。唔好睇佢個碗細細個，但食起上黎好飽，兩個女仔share 再加其他壽司同小食都好足夠。我地之後再叫左壽司六點盛，其中海膽壽司好足料，絕對唔腥，食完好滿足😋 食完見到出面已經有人等緊位，所以建議大家早啲黎。總括黎講，性價比絕對高。