ねずみの王冠 喫茶店

营业中

休息中

今日收工同朋友係觀塘區工廈搵食！黎左冠力工廠大廈食日式嘢！ 朋友之前去過介紹我地黎！朋友一向好少食日式野，但佢都推薦，咁就即管放馬去啦，估唔到呢間餐廳又幾特別！竟然有化妝品買，好得意，可以等嘢食嚟嘅時候逛一逛！ 唔洗去日本買，哈哈！食完晚飯，仲買左好多野，唔知真係以為去完日本買手信返嚟！享受左一個晚上！ 我坐低叫個大蝦蟹子沙律！ 裏面才料份量十足 有大蝦好鮮甜味！ 仲有叫和牛串！、雞軟骨串，再嚟多一個份蛋黃醬燒鬆葉蟹唪棒串！紫番薯串！火候剛剛好，同日本式嘅味道差唔多，多謝侍應熱情同親切嘅招待！

今晚同朋友去左觀塘apm 行街, 行到食飯時間, 都覺得食黎食去apm 好悶, 於是試下其他野.search 到間cafe 好似唔錯, 於是去坐下..佢位於巧明街既冠力工業大廈, 上到去裝修幾靚.. 一開始先點左杯榛子朱古力飲, 榛子味濃, 好正~另外點左個明太子蟹肉炒飯, 雖然唔算大碟, 但有豐富蟹肉，賣相又吸引，都可以值得一試。亦點左個野菜牛肉鍋，入面勁多料，有牛肉、豆腐、菜、菇、金菇等。。食落味道甜，而且粉絲吸收到湯既精華，唔錯。之後亦點左幾條串燒，有雞翼、雞軟骨、蟹肉串，咸味適中,overall 燒得幾好!最後仲有個章魚小丸子, 外脆內嫩, 正~

樓上Cafe出名隔涉，不嬲要整熟人介紹先識揾食，呢間都係一樣隱藏左係工廠大廈入面，係一個好樓上cafe精朋友帶我上去😳位置算方便地鐵站行五至10分鐘左右去到，個工廠大廈都會見到有個易拉架，不過要留意佢係頂層搭lift到到頂樓要自己行樓梯上一層先去到，我都唔知個friend點揾食到呢個位😵入番正題，一入門口就俾佢嘅裝橫驚艷咗，勁似去咗日本嘅溫泉酒店咁，因為佢嗰種木質配搭，昏黃色嘅燈光，仲有揀咗一個位做紀念品小賣部，仲以為自己去咗日本😍最最特別係一處疑似tatami既角落，有啲好軟綿綿既坐墊，簡直可以響度死蛇爛鱔咁坐🙈不過我地得兩個人冇得坐嗰度😭又拉遠咗講翻食野，因為晏晝食得太飽，同朋友揀咗小食過下口癮，十勝一口牛原本想食和牛味，唔覺有可能我未食過十勝牛怪錯佢🙈筋位比較多唔夠鬆軟。牛油主菌煎帶子幾香，不過食得出唔係新鮮帶子，不過呢個價用雪藏食材好正常左口魚沙律係店員推薦，上次食完左手魚刺身愛上咗佢，鍾意食魚刺身既你值得一試！未夠飽再來一客串燒，京蔥不嬲冇得輸，松葉蟹棒我以為係真蟹肉，結果係普通蟹柳所以有啲失望咗，不過蟹柳來講佢係食得出個種鮮甜味其實幾好味，改翻嗰名我就唔會誤解咗🙈食得幾飽都

早排同朋友約左食飯,一時唔知食咩好, 同事推薦公司附近一間cafe, 話入面舒服, 可以坐得幾耐傾下計, 我地就決定去呢度食下飯入到去係要係頂樓再行一層樓梯,係有少少唔方便既, 門口就已經佈置到綠色森林咁, 勁易認店員安排左我地係sofa 位坐, 周圍無其他人我地叫左大蝦蟹子沙律, 好快就上菜, 沙律都幾多沙律醬, 大蝦望真d 就真係唔係太大既,不過肉質幾厚實, 都新鮮唔霉肉, 蟹子都多既之後叫左明太子雞翼, 入面既明太子裝得滿滿的, 燒得岩岩好, 可能我係雞翼控, 所以我最鍾意呢樣菜跟住食左燒3文魚頭, 魚頭就無咩肉架啦,不過燒得幾香, 魚頭要交返比專業食家先識食, 即係我同行既朋友haha之後叫左北海道3.7牛乳黃帝蟹腳鍋, 普遍湯底偏淡, 除左蟹腳,入面都幾多配料, 食下食下都飽左7成最後叫左饅魚飯, 鰻魚都算中等size, 燒得幾靚既, 有少少骨, 炒飯有d少份量, 多人share 就唔夠了, 一人食就ok 的總括而言呢度都幾岩朋友傾計食飯的

星期五放工，約了表姐吃晚飯。大家住得很近，一般都在觀塘覓食。觀塘餐廳眾多，她剛在日本學成歸來不久，所以我特地選了一家日本咖啡廳。餐廳門口一片綠油油，招牌顏色設計繽紛，有點宮崎駿的風格。餐廳燈光柔和，座位以沙發為主，環境舒適。餐牌有不少沙律、日式鍋物和串燒等，選擇不算少。⭐️大蝦蟹籽沙律$78沙律是不錯的前菜，大蝦爽脆，沙律新鮮。⭐️原隻蒲燒鰻魚炒飯$148鰻魚很巨型，炒飯也調以鰻魚汁，味道中規中矩，如果鰻魚再濕潤一點，口感更佳。⭐️神戶野菜牛肉鍋$118小小一鍋，適合一人吃。配料有金針菇、雞蛋、野菜和香菇等。⭐️和牛串$39我們另外加$3加芝士，更添風味。▫️餐廳的沙發座很好坐，我們聊得捨不得走呢！食物份量較少，價錢如果更親民會更吸引呢！

觀塘的樓上食肆真係梗有一間响左近，不過之前好多時呢區工作，平時要揾個可以 hea 的地方都會响第二區揾。而最近走動多，好少返呢區，反而唔抗拒搭升降機上到最頂，再行樓梯上多一層，响呢間 coffee shop 享受休閒一刻。無論係餐廳門口，或者裡面的環境，都係感受到可愛的氣息。門口有林林總總的精品，而每張枱都是梳化椅，坐得好舒服，而我們那張枱仲有隻可愛的老鼠仔。職員隨即奉上熱茶，帶點穀物的香味。榛子鮮牛奶朱古力牛奶是選用了 富良野3.7牛乳，所以奶味超香濃，而且奶泡是掛杯的，而榛子味是淡淡的。蘋果梳打一上枱經已聞到好香的蘋果味，飲落涼浸浸的。大蝦蟹籽沙律沙律菜食落很清新，而且帶點酸味味，配上粒粒蝦籽很有咬口，另外蝦是很新鮮爽口的。明太子蟹肉炒飯明太子佈滿飯間，加上蟹肉絲，軟硬集於一身，香味得來口感完全不單調。味淋魚乾甜甜地帶點黏身，口感似蜜味的魚乾。串燒和牛串︰外面乾身，裡面煙韌雞軟骨串︰粒粒分明，暖暖地，肉和骨比例均勻，外面啖啖肉裡面卜卜脆菠蘿串︰外面微焦，裡面甜甜地很多汁

一個人嘅晚餐食乜好? 雖然一個人容易搵位, 但係周街都咁多人, 只想靜靜咁食個晚餐, 所以決定主攻樓上店!今次去到觀塘搵到呢間位於工業區嘅樓上店, 上去嘅時候先發現原來15樓係無電梯到, 要去到14樓再上一層樓梯. 夜晚自己行上去有少少靜. 但當上到店內, 覺得值得! 店內有一個角落可以閒逛買精品。店內環境寧靜, 空間寬闊.  燈光柔和. 並以綠色及木色為主, 感覺悠閒安逸. 最岩一個人或者三五知己相聚平日嘅夜晚係工業區, 以為一定沒有客人. 但原來都有幾枱客人, 都係三五知己相聚. 店內食物以日式為主, 除了有飯麵, 仲有鍋物同小食. 食物的份量唔算多, 一班朋友不仿叫多幾種慢慢食.今次叫咗個明太子蟹內炒飯. 飯上面配有一顆沙拉菜做配搭.明太子同蟹肉均勻咁同炒飯混埋一齊. 每啖都食到粒粒明太子仲有蟹肉用心製作嘅炒飯.餐牌上有不同嘅特色飲品. 一定會搵到一種岩自己的.下次會再試下其他食物

是日我地兩個人去試下呢間晚餐環境舒適,我地太肚餓就唔慢慢單叫,所以就直接叫2人set，但價錢 居然是per person? 🤔明明2人套餐緊係兩個人食架啦🙄,但餐牌只show 1個人價錢 真係好陰人埋單時超出左預算,要比x2既價錢😫店員又冇提醒,點都會有種bad feeling😡怪就怪我地都太肚餓 ,只係睇到個價錢ok ,無睇清睇楚就叫今次真係中哂伏好彩環境同食物唔差但價錢真心唔值咁貴～事後得知原來有朋友都去過呢間食,同一個情況中過伏所以希望可以改善下個2人set餐牌,雖然我地都有負任,餐牌上係有寫per person, 但證明唔係人人都睇到,店員都要提醒一下,唔好再誤導人了。本身食得開開心心既晚餐,最後埋單O哂咀無言了 2個人食左$700-800,我可以去食放題/自助餐,仲貴過平時我去食慶祝節日既大餐

上樓cafe呢排都幾多上去呢類餐廳，今次嚟咗日式cafe，上到去有個細細嘅賣啲日式物品嘅位，幾特別。左口魚邊芥末忌廉沙律，令我喜出望外，加咗芥末嘅沙律原來咁好食，所有味道都好夾原條蒲燒鰻魚炒飯，原條大大鰻魚，炒飯亦炒得香口野菜牛肉鍋，鍋細細但足料，牛肉份量夠，湯底夠鮮甜

挺喜歡這一間身處觀塘工廈內的日式cafe的佈置格局。一走進內，給人一種頗溫暖，像回到朋友家中用餐一般的感覺....這兒賣的食物頗多元化的，既有沙律小吃亦有串燒鍋物及炒飯麵供應，最適合我這等心多多樣樣都想試一下之徒....小食由小友揸fit決定點甚麼。若可以給他揀的話，他就必定會選煎炸嘢了....在圓碌碌的炸魷魚上舖了一個帶微辣，溝了wasabi的他他醬，魷魚肉質甚爽不韌；他他醬又甜又酸又有少辣，嚐後甚讓人開胃；只是個人認為太多醬汁的存在令魷魚外層披著的脆衣亦變得不脆了。所以於我而言，這一類酥炸小食，醬還是分開上較好....味道和炸魷魚甚接近的，還有這個左口魚邊群芥辣忌廉沙律。味相似的原因當是來自調味相類的醬汁，都是走甜甜辣辣的路線。有點不喜歡沙律醬有點調得太稀太水，與菜蔬撈勻後整碟東西就變成水汪汪了；可能是醬太多太搶味關係吧，說實在是不太感到有左口魚邊群的存在....另外點了幾客串物嚐嚐。雞中翼燒得皮金黃脆香肉嫩多汁，下鹽的份量也剛啱好；牛脷串可惜的是沒有用上舌芯的部份，入口不太夠爽淰....松葉蟹棒串一睇就知是小友點的東西。這一類"假味"十足的人工食物一向我都不會吃，只是一味的死甜之

近期人氣比較高，所以試試，價錢過貴根本不值，價錢與質素完全不相稱。串燒大多數比較乾身，可以看得出串燒技術差，同街邊的串燒店比，可能街邊還更好食炒飯味道偏咸，送菜調味方面都怪怪的都有小小偏咸，3.6牛乳蟹腳味道過淡，總括來說，味道真係十分普通，跟茶餐廳一樣，不建意去試，以免中伏！！！環境倒是不錯，我也覺得美，菜的外觀也是可以接受，但味道就...最大問題是價錢過貴，我去銅鑼灣食返相約水平，可以食到很多更好既食物＝　＝如果價錢下降２倍倒是可以接受

觀塘工廠區，好多餐廳可以選擇，而樓上cafe更加多到無人介紹，都唔識得點去揀，今次去呢間都係朋友帶我上去，入到cafe就覺得個環境好舒服，而坐位都好多，今日係星期六中午，所以客人無咁多，仲有好多位可以坐，最後揀左個近窗的位置。Set lunch都幾多可以選擇，食物都係比較日式，揀左個鮮菌黑松露意粉，另外要餐湯，今日餐湯係味噌湯，意粉黑松露味啖啖，唔夠重唔夠香，份量就啱啱好，較為失色，餐飲要杯熱咖啡朋友就要個All Day Breakfast, 好豐富，賣相好吸引，有齊炒蛋，香腸，煙肉，炸薯餅等，下次我都要試

識得搵食都知道觀塘呢度已為了成美食天堂，中西日韓，百花齊放，尤其一眾cafe 更各有特色，今晚同個舊同學來到一間以倉鼠為主題的日式cafe . 去到覺得比睇相更靚，成個格局俾人一種好溫暖嘅感覺，加埋燈光效果，同埋木材温和的色調，令到呢度氣氛好溫馨，不期然令人有一種好放鬆嘅感覺。有個小賣部，有好多野賣，幾靚。周邊有好多倉鼠嘅小飾物小擺設，好得意。個鰻魚炒飯，嗰條鰻魚壓力真係大到嚇親人！大大條係放喺上面，真係食鰻魚都食飽，鰻魚萬一肉質算係幾firm ，上面有好多紫菜，紫菜同鰻魚嘅味道好襯，所以特別好味。神戶野菜牛肉鍋好似有成七八片牛肉，而且每一件都唔細㗎！個湯底幾甜。啲菜索左咁甜嘅湯底幾好食。

位於觀塘巧明街冠力工業大廈15樓的Hamsta Crown Coffee (わずみの王冠 喫茶店），是一間環境十分舒適的樓上日本菜餐廳。如果是晚上來用膳，大廈的管理員叔叔可能要求食客登記後才能進入大廈範圍。搭電梯到14樓再步行一層樓梯便會到達餐廳，沿路會有清楚指示，所以不用擔心會迷路。😛餐廳約有十多張桌子，用膳當天是接近九成滿，建議要提前預約。餐廳的佈置以日式家居的風格，用上柔和溫暖的燈光，感覺尤如置身在家中。牆上或座位旁也放置了一些日本雜誌供客人閱讀。食物是即點即製的，落單後約十五分鐘，食物便來到了。首先來到的是日式他他醬吉列魷魚。魷魚圈炸得十分香脆，粉漿也不會沾得太厚，魷魚的肉質也頗彈牙。下面的沙津菜也可以吃少許，平衡一下。汁燒八爪魚丸來到了，丸子來到時還是熱騰騰脆脆的，面頭的木魚絲在微微擺動，十分有趣。裡面的八爪魚粒頗有𡁻頭，配上少許燒汁和沙津醬，味道不錯。特別點了一客神户野菜牛肉鍋去暖暖胃，侍應會同時奉上一小碗日式芝麻醬，湯底為日式野菜湯，到後期鍋內的水分蒸發，味道會有點點鹹，可叫侍應加回少許水進鍋內。鍋的材料還有滑豆腐、金菇、秀珍菇、粉絲等，頗為豐富。牛的味道頗香濃，不會有太

工廠大廈頂樓，鄰近APM後面，地方企理寧靜，座位舒適偏軟，閑談小聚一流，消磨時間也可，食物熱份量精緻，音樂悅耳舒服，設精品小賣部，可愛公仔玩具，美容生活小品，服務態度良好，不會過份打擾，定會再次幫襯。