ねずみの王冠 喫茶店

营业中

休息中

前排見到有promo觀塘依間餐廳，環境好靚好日式，今晚係附近收工就過黎試下左口魚忌廉沙律 $72依度竟然有我最中意既左口魚丫有6大片左口魚，依個價錢竟然有咁大份量，口感嫩滑彈牙，好新鮮和牛串&牛脷串 $39+$37依個和牛既牛味唔算濃郁，不過肉質非常嫩口牛脷偏硬小小，不過依然爽口燒松葉蟹棒串 $36好大條蟹棒，燒得好香，每份燒物都有配沙律菜，非常健康燒羊架 $42羊架唔算好大件，不過贏在夠嫩夠香一品昆布海鮮鍋 $143兩個人食既份量，有蝦、青口、魚塊等等，食材新鮮，仲有好多唔同既菜類，加埋甜甜地既湯底，好入味

返工忙裏偷閒，搵個地方同朋友歇腳傾計食個飯，呢間係觀塘區首選。環境安靜舒適，係繁囂工廈既一個綠洲 🥗呢度專食休閒modern日式菜，好過去mu字連鎖式店食果d一堆堆 🤦🏻‍♀️ 至少擺盤似番係人食既，而且價格更相宜，味道更好。黑松露意粉永遠係我地既最愛，每次黎都要食，因為無肉多菜，非常健康。炸雞同甜腐皮湯烏冬又係好好食。烏冬煙韌彈牙，加埋甜甜地既腐皮 炸雞又熱又脆，沾滿柚蜜味 Yum yum yum~ 餐仲有野飲。晏晝可以咁歎，夫復何求？😂 拋書包

餐廳地點樓上舖，可算旺中帶靜，門口好日本童話feel同餐廳內都有日式小擺設， 環境有家一樣的感覺。還設置左小賣部，可供客人選購日本產的用品添，幾特別。汁燒八爪魚丸 6粒 其實還有10粒選擇，但兩個女人6粒可以還好試其他食物，八爪魚丸外脆內軟，醬汁同沙律醬木魚紫菜絲配合得好味。大板麵豉豚肉豆腐鍋淡淡的麵豉湯，清清的食到食材的原味，豆腐滑豚肉較有咬口，配菜，鮮冬菇同粗粉絲，健康之選。雞翅串燒燒得比較乾咗少少，但雞皮夠香脆嘅。十勝一口牛呢個一口牛就比較失望，肉質偏肥又過淋，不過味道尚可。蟹子沙律係一個賣相精美而非常清新的一道前菜，所以食完一碟後都忍唔住要加單，好新鮮爽口！

有時世事就係咁無奈，明知山有虎，偏向虎山行，可謂今晚既寫照。 平日夜晚想約班姊妹傾行程，但發現心儀既餐廳滿座，惟有隨便揀左間夠近、輕易訂到位但評價一般既工廈cafe。一到埗朋友就俾放係座位既毛公仔Frederick收服左，原來大田鼠Frederick係美國兒童繪本既主角，平時鐘意訓覺同旅行，無論座位定角落既小商店都有佢既蹤影，隱約有少少慢活既意味。食物選擇唔多，主食以鍋物最吸引，另有四款飯。 小食除左串燒之外，只有炸物同沙律，一時之間大家重複睇左幾次餐牌都揀唔落手。 鍋物真係得個鍋，嚴格黎講只係一個餸，於是問店員有冇得加烏冬，原來全店都冇麵食，只可以加白飯 ($15)。最想叫既北海道3.7牛乳皇帝蟹腳鍋同明太子雞翼原來已經停售，餐牌亦冇寫明，有少少失望。特意問埋二人餐牌上係咪寫緊一人價錢，店員明確地答我$498係成個餐既價錢，即係除返人均$250左右。神戶野菜牛肉鍋($118) 配白飯 (+$15)薄切牛肉偏硬、多肥膏，反而平時任食邊爐既肥牛更嫩滑，勝在有兜芝麻醬點下。 幾欣賞配料有大量紹菜，熬出清甜湯底，撈飯食好滿足。 除左大路既冬菇、金針菇同豆腐外，最底仲有韓國粉絲，煙煙韌韌索哂湯

同朋友去開觀塘聚會cafe 係一個好選擇 最近開咗好多特色嘅cafe喺觀塘工業邨嗰頭 今日呢間係行日本風格嘅樓上cafe 地點有啲難搵 係要商業大廈搭升降機上到頂樓 再行一層樓梯上去 裝修完全係日式無印風格 用咗好多木去做枱櫈同埋麻布 用咗令人感到溫暖嘅黃色燈光 加上有幾張枱係以"他他me"嘅設計 更加有屋企嘅感覺 首先叫咗個七味軟殼蟹 軟殼蟹係即叫即炸 需要等10至15分鐘 軟殼蟹夠新鮮 海水味十足外脆內軟 而且鮮味好突出 原條蒲燒鰻魚炒飯 鰻魚足足有成隻筷子咁長 好吸引上面加上濃濃嘅燒鰻魚汁 撈埋炒飯食1流 炒飯偏濕都係偏向日式風格 鹿兒島豬軟骨野菜煲 豬軟骨煲得夠入味 而軟骨半透明好似啫喱咁好吸引 入面野菜分量都多 索晒豬軟骨嘅湯 加上有好似紅薯粉嘅麵條 同樣地吸曬個湯底 食落去超惹味 同時亦推薦呢度嘅飲品 二十幾至三十幾就有一杯 勁抵飲 同朋友叫杯嘢飲就可以坐一個下晝

今次男小編放學就同同學嚟咗觀塘近近地食個飯😝呢到嘅裝修都幾日系，餐廳座位唔算多，所以等緊位嘅時候就去咗餐廳入面賣嘢嘅地方睇下😝#一品昆布海鮮鍋 ($143)😋好味指數：(7/10)海鮮有青口、帶子、魚、蝦😍青口同帶子唔好滾太耐，唔係就會韌😣今次啲魚滾得太耐，所以有啲淋，記得自己就番時間🤣冬菇食落去就比較爽口😚粉絲吸咗啲湯好正，有昆布啲海鮮嘅鮮甜味😋#神戶野菜牛肉鍋 ($118)😋好味指數：(7.5/10)呢個鍋有冬菇、金菇、洋蔥同蘿蔔😚牛嘅份量都足夠，不過食落去都幾淋嘅😆呢個鍋嘅湯飲落去咸咸地，同頭先個鍋一樣，都係有粉絲咖😆#原條蒲燒鰻魚炒飯 ($148)😋好味指數：(7.5/10)條鰻魚都幾大條，食落去冇咩骨，燒汁味幾香😚不過最特別係個炒飯，食落去有啲煙燻味😝#十勝一口牛 ($108)😋好味指數：(6.5/10)牛嘅份量比較小😢肉質都比較淋，但就偏油🤔#牛油雜菌煎帶子 ($158)😋好味指數：(6.5/10)帶子都幾重牛油味，表面煎到微脆，入面唔會😚都幾大粒咖，不過食落去唔算特別鮮，冇乜特別🤔#七味軟殼蟹 ($82)😋好味指數：(6/10)一隻軟殼蟹切開咗兩邊🤔食落去都算脆，七味粉落

觀塘工業區愈來愈多餐廳，但大多數是西式料理或泰式，今晚來到一間日式料理餐廳，這裏環境設計偏日式風格，位置寬闊，坐得十分舒適，坐低慢慢吃真的挺有風味的！看似平平無奇的海草，一開始都諗左陣，點唔點好呢？$63一個海草沙律，好像有點貴⋯但結果係出乎意料嘅好食！醬汁似係和風沙拉醬，非常開胃！佢唔係平時中華沙律嗰啲，而係新鮮嘅海藻，有綠色同紫紅色嘅！口感軟軟的又帶爽口，總之食完好清爽！感覺我的生命已離不開鰻魚，估唔到觀塘工業大廈食到令我滿意嘅鰻魚飯鰻魚肉質細緻，油脂豐富，無鞋口感覺，可以入口即溶！而且厚肉又大條，好肥美啊！魚皮燒得焦香，食落好有膠質，帶點煙韌。炒飯用上日本米，加上鰻魚汁調味適中，好好吃喔！最愛鰻魚嘅我對呢個飯好滿意，$148食到呢個水準價錢算合理。汁燒原隻魷魚筒 $118一大隻原條的魷魚切好上枱，賣相非常吸引！食落就知魷魚夠新鮮，食落彈牙爽口，唔會軟淋淋！配上惹味照燒汁，味道不錯！十勝一口牛 $108牛肉肉質嫩滑，油脂豐腴，唔會炒得過熟！而且調味適中，份量比起一般的日本料理餐廳為多，值得一試！長崎潮鯛3.7牛乳鍋 $132牛乳鍋無額外添加味精，就是濃香的牛奶味，加上鯛魚的鮮甜味！

同事係日本迷，帶我來觀塘冠亞工業大廈15樓hamsta coffee食晚餐。首先叫左個蟹籽沙律，勁多蟹籽，沙律唔會太水，剛剛好。新鮮爽脆青瓜絲，沙律菜配上蟹籽，好鮮甜。到蒲燒鰻魚炒飯~勁大片鰻魚肉，肉厚身得來，又質鬆軟多汁，魚皮少許煙韌，好多骨膠原的感覺。配上珍珠米炒飯，米飯索左少少鰻魚汁，配上鰻魚，魚油香飯香融為一體。甚好甚好~呢度有必食一味，豬軟骨雜菜豆腐鍋。要比十個like呀~湯底有肉香，又夾雜蔬菜鮮甜，完全唔肥膩。豬軟骨燉到軟霖霖，入口即化。蔬菜入曬味，好好食。尤其粒菇，充滿精華。撈到底仲有小小薯粉~索曬D個湯。啖湯都唔放過~飲光光。食飽飽，飲下果汁~呢度座位夠闊洛，好好坐。日式風格又帶點cute~適合三五好友靜靜食飯聊天。還有一個小角落可以比食客shopping，買下日本可愛小玩意，買左2件禮物仔~so nice！

朋友見到有間日式cafe，感覺幾新鮮，一於黎試下。地方唔算太大，但環境幾靜幾舒服，完全係日系風格，而睇佢餐牌，野食唔算貴雖然食物價錢唔太貴，但味道比想像中差，點既食物都非常普通，而且上菜速度有點慢。比較之下，同預期中性價比顯得有點低!印象最差係原條蒲燒鰻魚飯，鰻魚飯上台覺得份量算正常，但鰻魚唔算太大條，而且比較乾身。飯用醬汁煮好，味道有點太濃。唯一比較可取係環境同服務態度。店面服務還算不錯，但價錢上加一後比較貴，食物質素又一般，不來也吧

觀塘好多食市，但幾個女仔想揾間較特色又舒服野食又得，應該難滿足我地。不過今次有朋友就介紹左一間係工廈15/F, 具日本風格餐廳比我地，裝修有心思，而店入口處還開設左買日本野小攤檔比客戶，精品，化妝品同公仔。。。 幾吸引。而可坐榻榻米同除鞋換拖鞋好有家的感覺，幾個女仔可以輕輕鬆鬆傾下計同食下野添，好地方。原條蒲燒鰻魚炒飯 $148原條鰻魚上枱而且好震撼，肉身較飽滿肥美，再加上蒲燒汁香香甜甜，肉質好軟綿配炒飯好適合。我個人喜愛燒物，尤其呢款燒得剛好嘅雞免治雞肉串，好惹味又咬口，軟骨較有質感碎碎軟骨。汁燒八爪魚丸 6粒 $58味道好丸面皮脆，不過就無內藏八爪魚，汁燒加埋沙律醬同紫菜都好夠味！蟹籽沙律 $48極新鮮嘅蟹籽沙律，超爽口青瓜絲同蟹柳絲再撈埋蟹籽，食時嗦嗦聲，味道好吻合。日式他他醬吉列尤魚 $68他他醬係吉列尤魚面，尤魚炸漿炸得外香脆內裡軟熟，熱辣辣超鮮味！明太子蟹肉炒飯 $118材料足，每口都有明太子同蟹肉，用上珍珠米粒粒乾身。採用日式餐具！

有邊個會估到喺一棟平平無奇，甚至有啲簡陋嘅工廈頂樓，會有間好寬敞、裝潢可愛又日式嘅cafe？行入呢間冠力工業大廈時，心裡面其實都冇咩好大嘅期望間cafe喺 15樓，但搭𨋢搭到14樓係要行一層樓梯。不過都開始感受到呢間cafe嘅氣氛一上到去，嘩！完全係兩個世界！簡直有世外桃園嘅感覺。入到去發現地方都算幾大，重點係每張檯同坐位嘅空間都夠大夠闊，啲櫈又係梳化櫈，係坐得超自在超舒服。加上呢度係暖色調嘅裝修，成個感覺好似喺屋企咁。食物款式方面其實好多，有飯有鍋物、有串燒有前菜小食，都唔難揀到想食嘅嘢。咁我哋而家開始講嘢食啦！首先打頭陣真係要講吓我覺得嘅必食推介－－《左口魚裙邊芥末忌廉沙律》＄148我好鍾意食左口魚裙邊，但其實坊間都唔太常見，多數都係壽司又貴一貴，但呢度真係出乎曬我意料地驚喜⋯係原條架！原條！仲要有兩大條！（呢張圖已經係進入忘我境界後食到最尾先醒起要影，大概剩番半條）我夾上手真係一陣嘅震撼，平時我淨係食到一小塊，今日竟然有幸可以成條大啖大啖咁咬😭😭又厚肉又肥美，每一口都係感動嘅味道😭 食完真係滿足到覺得死而無憾😂雖然佢係鹹咗啲，但絕對瑕不掩瑜，可以送沙律菜食嘛～沙律嘅汁係wasab

琴晚約左朋友食飯，咁岩見到呢間CAFE評價唔錯，試試無所謂~上到去原來唔止食野，仲有個CORNER位係賣日本野架由化妝品到飾物都有~明太子雞翼冇骨夠晒方便，啖啖肉，最岩我依啲懶人入面釀滿晒明太子，一咬落去就非常juicy 少少辣又惹味3.6牛乳蟹腳鍋呢個都可以一試👍🏻，牛奶味好重，又香又濃，食落好足料好滿足啊，而且蟹腳煮得岩岩好，又有牛奶味，又有蟹腳既鮮甜味。正食到最尾飲晒啲湯就好圓滿喇酥炸魷魚圈呢個好好味，個個都爭住食熱辣辣啱啱炸起，又脆又juicy，加埋個秘製嘅醬汁，酸酸甜甜，超級開胃，推介必食

今日和太太往觀塘ねずみの王冠 喫茶店食晚餐, 我們點了原條蒲燒鰻魚炒飯, 准山醬油漬、枝豆和大阪面豉豚肉豆腐鍋配芝士和熱latte。點菜後, 職員奉上的綠茶茶味香濃, 溫度適中,原條蒲燒鰻魚炒飯蒲燒鰻魚肉質鮮甜味美, 鰻魚汁食落惹味, 珍珠米晶瑩剔透,咬落層次分明, 飯味軟綿, 沙律菜食落新鮮爽口, 惹味的原條蒲燒鰻魚炒飯；准山醬油漬准山食落酸酸甜甜, 口感十足, 醬汁令准山食落食落開胃, 配上芝麻一起食令准山食落口感豐富；枝豆食落新鮮爽口, 熱度適中, 枝豆食落鮮甜味美配上適量鹽令口感豐富, 佐酒一流；大阪面豉豚肉豆腐鍋配芝士賣相吸引, 面豉湯底味道適中, 食落不會太鹹, 豚肉食落好滑, 肉質鮮甜、豆腐食落香滑、芝士味道香濃、配菜有大蔥, 冬菇、菜和米粉, 大蔥和菜食落新鮮爽口, 冬菇口感十足, 米粉食落爽滑, 整個太阪面豉豚肉豆腐鍋材料豐富, 口感十足；最後熱latte賣相吸引, 拉花圖案吸睛,latte味道香濃, 奶味甚香。這裡座位寬敞, 很有日本和式風格,我們被安排坐「他他米」, 這裡有很多日本時裝書, 日本特色公仔, 而且有很多日本化妝品和精品售賣, 而且部分精品很有特色和罕

最喜歡在觀塘區捐窿捐罅找尋美食，最近search到一間很可愛的餐廳，取用了日本名字「ねずみの王冠 喫茶店」(英文名是Hamsta Crown Coffee)，一於來看看好不好吃。 走進了餐廳，果然充滿少女風，還有不少日本化粧品、護膚品和茶葉等出售，目標明確。 放眼望過去，餐廳內差不多清一色都是女顧客，也難怪，有很多可愛的毛公仔陪坐陪食，一定能俘虜女孩子的心啦。 日式他他醬吉列魷魚 ($68) 很少吃炸物，但這個吉列魷魚著實做得不錯。魷魚鮮味又不靭，加上薄薄的炸漿，酥脆，我亦喜歡這個他他醬，酸酸的很開胃。 燒明太子雞翼 ($56) 雞翼炸得香脆，吃到粒粒脆卜卜明太子，蘸一些沙律醬吃，味道更佳。 明太子蟹肉炒飯 ($118) 這裡的主菜分量都比較小，大家要有心理準備。這個雖說是「明太子蟹肉炒飯」，但好像吃不到多少蟹肉，餐牌上標示了兩隻辣椒，吃起來亦不覺得辣，不過整體味道算是不賴。 神戶野菜牛肉鍋 ($118) 牛肉鍋都是很小的一鍋，不過味道很好，材料也豐富，牛肉、雜菇、雞蛋、雜菜、豆腐、粉絲等等，用日本甜豉油煮過，味道不會過鹹，喜歡。

又去咗觀塘搵食啦，今日搵到一間非常之日秋風格嘅餐廳其實可以叫做係田園風 哈哈😄因為一入到周圍嘅環境就好似置身於一個綠油油嘅原野入邊用咗好多木造嘅傢俬 ，燈光亦都好柔和座位好舒服 令人有好放鬆嘅感覺更加特別嘅就係佢個Menu非常之大本~~好好睇哈哈嘢食方面我哋就揀咗個牛乳鍋入邊有鯛魚令到個牛乳鍋除咗有好香嘅牛奶味之外 亦都有好鮮甜嘅味道另外我哋仲叫咗個海鮮茶漬飯海鮮嘅份量足夠 而茶漬溫度亦都夠熱同係日本食好相似 令人有不禁懷緬喺日本旅行嘅日子🤤🤤跟著當然唔少得嘅就係我最愛嘅蟹子沙律啦店家非常重手落左唔少嘅沙律醬岩晒我呢啲鍾意食沙律醬嘅人串燒方面我哋就揀咗和牛同朋友最愛既牛舌和牛食落去非常有驚喜輕輕一咬 牛汁爆曬出嚟 勁香又濃厚而朋友就係牛舌專家😂佢擺入口之後都狂讚又話燒得好味道好最係嘢飲方面我哋叫咗一杯牛奶朱古力同埋一杯蘋果梳打 好好飲 簡直係完全完美既晚餐呀❤ encore 之選！