ねずみの王冠 喫茶店

营业中

休息中

同事話食日本野，有間精緻cafe仔想試，咁就去試下啦。上到去感覺真係好日系！原木加白色配搭，一串串櫻花吊飾，感覺清新。午市餐牌七十幾至一百鬆啲。點左個廣島炸蠔定食，都有五隻蠔，賣相唔錯，食落好juicy，讚。但飯好似少左啲，食完好快又肚餓。最後加杯凍朱古力，飲完再返工搏殺。

秘書安娜興高彩烈地和我說，觀塘的工厦又開了一間漂亮的Hamsta Crown Coffee,  我們女孩子最愛偷得浮山半日閑，希望休閑地嘆下午茶，剛巧我們大假又要放，所以我們2人請了半日假去嘆下午茶!十五樓的咖啡店很舒服，因為走和式的風格，尤如Tokyo的咖啡店，桃紅色的桃花滿滿的，令我們很感舒服!我和安娜点了自家制日式棒棒雞翼，等了大概十分鍾，熱辣辣的奉上，雞棒很香而且肉質嫰滑，很有口感，我和安娜吃到停不了口!意猶未盡我們又点了香噴噴的意大利芝士蛋糕，鬆鬆軟軟的入口，甜度適中又香滑，令人回味無窮!最後我要上一杯士多卑梨沙冰，又香又解喝，如果每天也可以嘆下午茶，真的是快樂之事了!

朋友介紹嚟咗觀塘工廈一間唔錯餐廳，呢度裝修氣氛柔和而且非常坐位舒適，係朋友同情人相聚嘅好地方。一入黎已經覺得好舒服，仲有好多老鼠公仔，忍唔住不停自拍。服務員態度好好，介紹咗我哋食三樣嘢都好好味，有原條蒲燒鰻魚炒飯，長埼潮鯛3.7牛乳鍋；左囗魚芥末忌廉沙律🥗。個沙律好特別，因為識開都係雞肉或者煙三文魚比較多，蔬菜新鮮，夾住左口魚一齊食，好味！長埼潮鯛3.7牛乳鍋個湯好重奶味，2個人食剛剛好，每人2碗，湯底令整個鍋都好好味，果然冇介紹錯。而原條蒲燒鰻魚炒飯嘅嘅鰻魚仲大過啲飯，大大啖鰻魚配小小飯，好滿足，條燒鰻魚好好味。食咗呢三樣嘢都好正，日後會再黎。仲有呢度有好多日本野賣，非常有特色的餐廳。

觀塘工廈環境超舒適cafe日式設計，牆上面都會有日本雜誌。坐既位置十分寬敞，最適合同知己食野傾偈，好relax仲好乾淨 今次下午茶時間黎食，茶餐都好精緻，每樣份量都少少地，所以可以叫多幾款一齊食叫咗日式大阪燒餅($62)，日式芝士釀蟹蓋 ($62)，汁燒八爪魚丸 ($48/ 6粒)，同tiramisu ($63) 芝士釀蟹蓋係食得岀入面有蟹肉，蟹子芝士味都幾重。而最推介最好食就係章魚小丸子，入面有超多章魚，有2-3粒，仲大粒過日船果粒章魚！不過如果入面加多少少菜就更好食。

呢間餐廳既門面俾我一種好似森林中的小屋既童話感覺😆裡面既環境就充滿著舒適悠閒既氣氛。桌上同椅上有好多可愛公仔擺設，是有童心既設計。食物方面都唔錯。呢個沙律好清新，d海草好新鮮好脆口，d洋蔥就好甜。佢既味道真係好淡，鍾意濃味既朋友未必鍾意，但我覺得唔錯，係一個有營健康既選擇。魷魚炸得好脆，配他他醬食，好味😋登登登，我地係專登為左呢個鰻魚飯黎呢間餐廳的。鰻魚真係好大，而且肉質好滑好嫩，d醬汁又甜甜地，配個軟硬適中既炒飯，一個字，正呀呢個鍋既湯底好好味，有d似係甜豉油湯底咁，d牛肉幾滑，其他蔬菜菇類配料都唔錯。如果有得加個烏冬面底就prefect啦😆，可惜無😂飲品方面就一般啦，下次未必點了，因為佢提供既玄米茶都唔錯。餐廳內仲有個賣特色產品既角落，都幾靚幾特別。餐廳職員服務都唔錯，有耐心，食物會等我地食完一碟，再上另一碟。當晚有唔少都是父母帶著小朋友來用餐，其實都岩，呢間餐廳無論係食物同環境都好適合小朋友😊

一直都知道觀塘工廈有好多隱世美食，今次收工就搵左呢一間。地點有啲靜，不過整體來講都相當唔錯！我哋三個人，只係叫咗佢個二人set, Menu就冇影啦，只係影咗一啲美食呢個三文魚沙律都幾好味，但係有少少鹹最後有碟小甜品，為呢餐畫上豐富的句號。

觀塘的樓上食肆真係梗有一間响左近，不過之前好多時呢區工作，平時要揾個可以 hea 的地方都會响第二區揾。而最近走動多，好少返呢區，反而唔抗拒搭升降機上到最頂，再行樓梯上多一層，响呢間 coffee shop 享受休閒一刻。無論係餐廳門口，或者裡面的環境，都係感受到可愛的氣息。門口有林林總總的精品，而每張枱都是梳化椅，坐得好舒服，而我們那張枱仲有隻可愛的老鼠仔。職員隨即奉上熱茶，帶點穀物的香味。榛子鮮牛奶朱古力牛奶是選用了 富良野3.7牛乳，所以奶味超香濃，而且奶泡是掛杯的，而榛子味是淡淡的。蘋果梳打一上枱經已聞到好香的蘋果味，飲落涼浸浸的。大蝦蟹籽沙律沙律菜食落很清新，而且帶點酸味味，配上粒粒蝦籽很有咬口，另外蝦是很新鮮爽口的。明太子蟹肉炒飯明太子佈滿飯間，加上蟹肉絲，軟硬集於一身，香味得來口感完全不單調。味淋魚乾甜甜地帶點黏身，口感似蜜味的魚乾。串燒和牛串︰外面乾身，裡面煙韌雞軟骨串︰粒粒分明，暖暖地，肉和骨比例均勻，外面啖啖肉裡面卜卜脆菠蘿串︰外面微焦，裡面甜甜地很多汁

依家越來越多向工廠區入邊嘅餐廳，而今次我就去咗依間觀塘工廠大廈入邊嘅日式餐廳。咁依間餐廳嘅外觀睇落已經係非常靚，入到去就見到更加靚既日式裝修，而且仲掛住左D櫻花喺度，感覺直情去咗日本咁。值得一提嘅係依間餐廳入邊有個角落係賣化妝品，如果食飽或者未食之前就可以去行吓。好啦咁入正題啦，咁我哋一入到去就有店員帶我地去左角落頭嘅沙發位坐低。咁我哋諗左諗之後就決定叫佢重點推介嘅二人套餐。依個二人套餐總共有五樣款式嘅菜。首先前菜原本我哋揀咗左口魚邊裙芥末忌廉沙律。但係因為賣曬，所以轉左蟹子大蝦沙律配檸檬汁。我最欣賞係個沙律個汁，食完之後非常開胃。而係副菜即係小食嗰度呢我哋就叫咗吉列魷魚配他他汁。雖然係小食但係份量十足，吉列魷魚即叫即炸超級好食，加埋d醬食無咁熱氣。而係主菜我哋就叫咗大阪汁芝士焗虎蝦，一碟有兩隻，肉汁鮮嫩令人回味無窮。另外我哋亦都叫咗一品昆布海鮮鍋。我好欣賞呢個海鮮鍋因為個湯底十分清甜，而且海鮮亦都新鮮同埋粉絲亦都好好食，推介。最後我哋叫咗一個日式帶子牛柳粒炒飯，個炒飯粒粒分明，加埋新鮮嘅帶子同牛柳非常好食。最後就有個甜品係十勝紅豆餅，賣相一流。如果你鍾意食甜野就一定好開心！最後埋單我

▶️在觀塘區有很美食地方💋大多選擇自己喜歡的想去食的 但行行下見到滿滿可愛特色日式風格😍吸引我想去食呢😋Hamsta Crown Cafe🤣▶️一入門口有小可愛飾物迎接我🤩..真係好忍不住想拍照😍▶️一到晚上大部份客人坐滿呢..比大量柔和燈光環境底下比吸引着🤣選擇來這裏食呢😌真心感覺非常舒服👍🏻▶️豐富色彩嘅餐牌 有店裏特別推介👍🏻▶️明太子蟹肉炒飯 炒飯得剛剛好份量 加上青椒加蟹肉和明太子 一定要推介的👍🏻▶️Milk Chocolate Hazeinut 牛奶加朱古力帶有榛子味道 送的牛奶是日本北海道3.6牛乳架 非常正👍🏻▶️十勝一口牛 店主推介一定要食的👍🏻肉質鮮美多汁加大量洋蔥 吾會炒得太過熟 剛剛好 非常正👍🏻▶️日式他他醬吉列魷魚🦑 有新鮮魷魚炸到剛剛好 加上沙津菜 又食平衡一下健康👍🏻

心血來潮想食all day breakfast 就openrice下近近地既Kwun tong有邊到有得食！見呢間多食評就試下啦！Cafe係15樓，要搭電梯到14樓，再行一層樓梯，樓下保安都嚴，要登記今日係5月1勞動節，我地下午茶時間去，去到見到都多人，對食物都有d期望😪最後有期望果然有失望我叫左all day($118)，老公叫左curry chicken($80)呢個價錢其實唔算平，但食物就好一般，平時食all day其中吸引我既係雞蛋，呢到無班尼狄蛋都算，炒蛋仲炒到一撻水咁，我炒得仲好食過佢！另外，麵包已經凍哂惟一好食d竟然係蕃茄，夠甜！咁既價錢真係好失望囉話哂係日式餐廳，咖哩應該都ok啦點知完全無咖哩味本身都知日式咖哩係甜d，但唔至於係0咖哩味份量貌相味道都唔ok，但係收$80惟一好飲d係呢杯額外加$12既榛子咖啡，易入口，有咖啡香環境算坐得舒服，但食物唔掂，性價比低無下次Kwun tong cafe一定有其他更好選擇

觀塘工廈區臥虎藏龍，今次同同事收工後來試下日式cafe。好有品味嘅門面。一入門口有售各種口味嘅茶/咖啡包，亦有各種特式精品，幾特別。餐廳內部幾幽靜，俾人感覺幾舒服。我哋獲安排坐榻榻米，請除鞋。唔係個個坐得慣，我就覺得ok同幾乾淨。明太子蟹肉炒飯，不太油，幾易入口。好邪惡嘅日式他他醬吉烈魷魚，幾香同有咬口。啲串燒都好好食，特別欣賞免治雞肉串同牛舌，調味唔錯。都係有個鍋開心～ 長崎潮鯛3.7牛乳鍋，奶味幾重，睇下你鍾唔鍾意呢種味，我個人就幾ok，同埋睇落都幾健康養顏呢。食下呢樣食下嗰樣原來都幾飽，正～

是晚只有我跟媽媽二人，做孝女接媽媽放工，帶她去家環境好的餐廳放鬆一下。這家餐廳位於工廈頂樓，連電梯也不到，要乘電梯到14樓後再走一層樓梯上去。原來有兩邊的樓梯，A樓梯一出便是餐廳，B的話要再走過一段較暗的路，老實說也有點嚇人，幸好走進去餐廳以後是完全不同的世界。餐廳門口以大幅草皮牆裝飾，並釘了全日的餐牌在外。坐下的時候店員沒有給我們二人套餐的餐牌，是後來離開餐廳到門外才發現。其實食量正常偏大的話，二人套餐絕對會更花算。餐廳內裡佈置十分有心思，每組座位都有些木公仔擺設甚至是毛公仔。每張都是麻質梳化椅，企理得來又很舒適。最好的是每張枱之間有空間，跟朋友來談心是個很好的選擇。適逢現在是日本的櫻花季節，在天花上放滿了櫻花枝，很浪漫漂亮。用餐區旁還有擺賣的地方，售賣很多不同的日本精品，又吃又買最適合女生呢。正如上述所說，我們所收到的餐牌如下，只有散點的份兒。這裡主打和食，都是熟的日本菜，也算是多選擇。帶子煮熟後仍十分大顆，肉質彈牙不霉口，中心柔軟不韌口，簡單配牛油香草已能帶出其鮮味。中間的雜菌經過牛油炒香後也很不錯的吃。不過略嫌整道菜不夠溫熱，幸好也沒有令帶子變腥。這裡的串燒真不便宜，一串約三十

最近觀塘既工廈多左好多穩世既餐廳都好好食，今次比我發現左呢間以小鼠為主題既cafe,入面好多食材都係日本直送，日本直送即係品質既保證入到店內，餐廳環境好闊路，係香港好少大既cafe,同朋友聊天談心一流蟹子沙律，蟹子一d都無手軟 滿滿的，沙律菜好新鮮，配上沙律汁好開胃，美中不足係份量唔夠多 令我好想叫多份和牛串燒廚師燒到和牛剛剛好 不會過老，保留住和牛既肉汁，再點上黃芥末醬，和牛既味道更突出原條饅魚炒飯有手掌咁大條既饅魚，下面係金黃既炒飯，炒得好乾身，加入左漫魚既醬汁，無需多餘既配菜都已經好夠味，呢個饅魚飯絕對係必食之選店內燈光柔和，坐得好舒服，仲有一個小角落售買日本商品，大家可以去試下

今日同女友行街, 經過試試店鋪方面：入到店舖覺得空間感不足, 地方不算太大, 是日式的餐廳, 不論地方佈置或是食物方面, 都是日式為主。食物方面：落單前看見比較多好評前, 可惜味道比想像中差, 不算好食, 某些菜最多都只是普普通通, 但性價比真的有點差, 鰻魚炒飯 太乾身, 價錢$148 來說質素有待改善, 比想像中貴很多... 計完加一的話, 所有食物都比較貴..總結：除了裝修比較好看, 都沒有什麼特別, 味道普通偏差, 如果計價錢的話, 偏貴, 性價比低, 不太建議 (

餐廳位於工廈頂層，入電梯前要先到管理處登記身份證，再搭電梯往14樓，行一層樓梯到15樓的餐廳。想不到如此繁複才可進入餐廳，居然全場滿座，幸好友人早已訂位，不然真的撲個空。餐廳撥出部分位置售賣茶包、日式精品、護膚品化妝品等，另一邊為用餐區，天花放上不少櫻花支，仿如在櫻花樹下用膳。大蝦蟹籽沙律大蝦每人可以分到兩大隻，蝦肉爽脆，沙律菜用沙律醬及醬油調味，味道十足。燒明太子雞翼釀入明太子的燒雞翼鹹香味足且無骨啖啖肉。明太子蟹肉炒飯炒飯飯量不太多，約一碗左右。配料蟹肉拆絲混入炒飯中，雖然不太見到蟹肉但每一啖又確實食到蟹肉鮮甜味。明太子亦不太見到，但亦食到鹹香味。一品昆布海鮮鍋見到差不多每枱都有熱鍋，我倆亦叫上一鍋。海鮮鍋中有魚塊、帶子、青口、冬菇、金菇、本菇、娃娃菜、小白菜、昆布、紅蘿蔔、韓式粉絲，用料很豐富，味道亦很鮮甜，份量略小。