ねずみの王冠 喫茶店

每次同朋友約在觀塘一定想到這cafe 環境帶日式家居感今次再訪沒有日本產品小賣部但有午餐優惠，lunch set 有85折-赤富士紅咖喱雞定食🍛紅咖喱辣味強好勁，入口好香辣愈食多一啖，口腔的辣味會累積再強勁點拌飯好開胃咖喱伴有雞球、洋蔥🧅、瓜等等雞球炸得幾香口，咬開又保留到肉汁富士山飯份量十足-燒牛肩胛 Eggs Benedict我幾鍾意這一set，幾特別 好少見法包🥖上面沾上牛油夾住牛肩胛、生菜、雞蛋等等牛肩胛口感微乾，但有豐富嘅燒汁補救加上蛋醬都好juicy 整體仍然好鍾意同有驚喜法包份量同樣好足-加配小食餃子裡面有酸嘅味道，八爪魚丸味道就正常發揮-鮮奶咖啡味道比較柔和，入口好順滑，滿足到週末嘅咖啡因需求，如果啡味再濃些會更好-抹茶鮮奶抹茶粉濃密，入口即時嚐到抹茶的甘香，沒有額外加糖，是少咖啡因之選-Jam Lemon Tart上層用蛋白糖霜代替忌廉，有輕微灼過的焦香增加了口感對不喜歡忌廉的我，是個絕好的配搭裡面有酸勁十足的檸檬蓉有原個檸檬的感覺咬落有煙韌口感而且撻皮較薄，完全與平時的檸檬撻不一樣值得encore！-塩漬櫻花福餅 草莓 柚子雪葩福餅口感較厚實，有點似果凍包住較軟的草莓乾柚子雪葩味道酸甜且清新整個甜品以酸為主，幫助消化😆…查看更多

係工廈入面 餐廳唔係好大但枱櫈好cozy 坐得好舒服不過人手好似唔係幾夠上菜都要等一段時間赤富士紅咖哩雞定食 ($108)勁大份 勁多飯 整到火山咁賣相十分唔錯👍🏻 紅咖哩少辣勁送飯 雞都幾嫩 有好多件另外有d柴魚絲 茄子洋蔥飯太多食唔哂😂 都幾好食！個set另外有麵豉湯同前菜前菜係牛肉粒幾好食😋有包熱飲 或者補差價叫其他烏龍檸檬茶 (+$6凍飲)另外比糖漿自己加 正常味道～…查看更多

🌱 在悠閒的假日，放下腳步，到休閒的café好好享受一頓美好餐點，呷一口抹茶牛奶，也會是你們的選擇嗎 ? 在工廈區的日式cafe「ねずみの王冠 喫茶店」，淺木色調裝潢、充滿溫馨居家風格，在這裡過一個悠然自得的下午，愜意又舒適。🐔 赤富士紅咖喱雞定食 $108雞肉經煎封過，香口美味；紅咖喱辛辣度強勁，辣度餘韻久久在口腔徘徊，嗜辣者必點！咖喱醬汁中加入茄子及翠肉瓜，配以片狀的三色年糕片，充滿特色。🐮 日式燒牛肩胛·賓尼迪配馬蘇里拉芝士薯蓉 $108一般餐廳的賓尼迪多配以英式鬆餅，這裡卻以法式麵包作基底，配以燒汁牛肩胛和水波蛋。薯蓉加入馬蘇里拉芝士更顯香濃，豐富美味。跟餐：🥟 餃子 $18🐙 汁燒八爪魚丸 $18跟餐的小食亦相當有驚喜，炸的金黃的餃子香脆可口，淋上酸酸的醬汁，令人眼前一亮。八爪魚丸真材實料，每粒有2-3粒八爪魚粒粒。☕️ Latte (Set) $20🍵 Matcha Latte (Set) $18店家會隨心畫上不同圖案的飲品畫花喔！🌸 「櫻花季限定」塩漬櫻花福餅 草莓 柚子雪葩$62顏值擔當的甜品，酸酸甜甜的配搭，是春夏最合適的味道！🍋 檸檬撻 $38蛋白撻上淋上檸檬汁，內餡有檸檬果醬，甜中帶酸，屬醒神之選。✨ 星期六、日午餐更有85折優惠🍽 餐廳：ねずみの王冠 喫茶店Hamsta Crown Coffee🌐地址: 觀塘巧明街106號冠力工業大廈15樓1501室…查看更多

同幾位朋友平日lunch 相聚，朋友推介話之前試過唔錯，咁我哋就一於試吓😚 我哋4個人叫咗4個lunch set , 可以加$叫佢d 特飲，但係我最後都係叫返跟餐嘅烏龍茶！朋友就加咗$叫matcha latte 😚佢話好飲喎！ 我叫嗰個意粉🍝份量算幾多，仲有乾蕃茄伴意粉，👍🏻整體感覺好ok… 個價$只係$91，有這個質素、飲品同環境，超值👍🏻 特別一提，lift 唔到，要行樓梯上多一層！另外，我哋慢慢傾慢慢食坐咗成個下晏，完全無被趕的感覺，真係享受了一個真正的悠閒下午！ 如果係觀塘想遠離繁華鬧市，可以一試😚…查看更多

在觀塘工作, 對上一次食係一年前, 當時已經覺得食物質素麻麻, 上菜好慢, 所以隔了一年先再去,  可惜今次食物依然令人失望。另外, 平日Menu 有分星期一/三/五 及 星期二/四的, 我是因為喺社交平台贂完menu才去, 諗住order期間限定，點知又無 (一年前又係咁)。…查看更多

觀塘出名多工廈又多美食🍘🌯🍔，今次揀咗一間日系風嘅Cafe，裝修已經充滿日本風🇯🇵，位置都好闊落，坐得幾舒服，但當日係星期六嘅下午，竟然得4、5枱客，香港食肆真係要加油啦🥸❣️自家製王冠咖喱吉列豬扒定食 $98豬扒採用里肌肉，肥瘦均勻，欣賞佢哋嘅吉列豬扒🍛係即叫即炸，上到枱仲熱辣辣脆卜卜，咖喱食唔出有咩特別，感覺有啲似即食咖喱嘅味道，跟餐會配埋麵豉湯🥄同胡麻醬凍豆腐❣️三文魚子忌廉海鮮墨魚汁麵 $88海鮮種類算多，味道唔算好鮮甜，墨魚汁麵食唔出墨魚汁味，份量亦唔太多🥸❣️自家製宮崎唐揚南蠻雞定食 $108炸雞好多肉汁，可惜個醬太濃味，成份定食份量都係偏細🤪❣️蒲燒潮鯛魚腩定食 $128份量都係偏細，鯛魚腩被醬汁蓋過晒個味道🥲❣️汁燒八爪魚丸 $15額外問咗店員有冇小食加，原來週末午餐只有汁燒八爪魚，$15 有3粒，味道冇咩特別，似超市買番嚟😂❣️Iced Chocolate Milk 跟餐價$17.5個杯好細，朱古力味亦唔濃，反而淨係飲到甜味🥸❣️Smoothie Strawberry 跟餐價$21.5❣️Smoothie Strawberry Yogurt 跟餐價 $22.5味道正正常常，冇話特別驚艷🫢🏦是次消費總額 $524（人均消費 $131） 👅好味度：7.5（10分滿分）有啲驚訝午餐餐牌嘅選擇咁少，基本上冇咩選擇下已經揀晒餐牌可以食嘅嘢，小食都係特別問店員有冇得嗌🤣，而且食物份量偏少，同行四個女仔食完都唔覺得飽🤩…查看更多

觀塘區跟姐姐派嘅傳單上樓日式餐廳日式設計風格門口位置 有日式擺設販賣區適逢萬聖節有萬聖節公仔環境好舒適每一張凳 都係布梳化椅午市坐到滿曬有需要可能要提早book枱或者可以提前叫定啲嘢食先上嚟到人多嘅時候出菜有啲慢職員服務態度好好 秉承住日本人禮貌之道讚選擇了汁燒青魚定食湯有少少淡配菜只有麻醬豆腐汁燒鯖魚 唔似用普通 燒汁醬有種獨特嘅熏香味半價加配富士山特飲有盞燈係入面唔同角度座山唔同顏色波子汽水 配雲呢拿雪糕甜上加甜不過影相真係好靚…查看更多

午餐時段光顧，地方空間感好好，雖然是落雨天🌧️，有大量自然光從窗外照射，感覺好有正能量☺️食物係有質素，唔同嘅餐都有佢嘅特色🍛見佢哋晚餐時段仲有折扣，有時間應該會去試吓。…查看更多

假日與朋友來到觀塘工業區辦事，午餐想食啲light少少嘅嘢食，咁就search到呢間餐廳。和風全日朝食（玉子/溫泉蛋、燒鰭魚、野菜薯餅、明太子照燒汁飯團、唐揚味噌豆腐、蕃茄、野菜沙律（$118）睇個名好似好多嘢食好豐富咁，和風all day breastfast好似幾新穎，就嗌嚟試吓。點知嚟到，賣相一般，樣樣有啲，份量較少，無話邊一樣特別好食，有點失望。自家製 王冠咖喱吉列豬扒 定食（$98）豬扒同飯係凍嘅，飯係暖嘅，成個餐一上枱唔夠熱就已經大打折扣。至於吉列豬扒味道好普通，不過不失，咖喱汁好過平時咖喱嘅咖喱磚。餐飲：凍檸檬伯爵茶 （因為本身鐘意飲伯爵茶，就覺得好飲過普通紅茶底）。不過呢個餐廳勝在裝修佈置別緻，有參考日本喫茶店的和風設計，收銀旁有精美souvenirs賣。但平時趕時間的上班族就要考慮清楚，因為出餐時間較長，由點餐到上菜要多次催促店員。…查看更多

今晚一家人去用餐，6:30左右落order，我等到差唔多7點都未上菜，我去問侍應幾時會有野食，佢竟然同我講大廚唔係到大佬你應該一開始通知我，而唔係由得我係度等。…查看更多

5個人5個set 兩個豬-好硬一個salad-似街市貨6：30即質素一個豚肉-自己整仲好啲以為89-100呢個價錢走日式精致路線但原來係。。。🚁🚁🚁🚁減一半價錢就差唔多啲嘢飲冇咩好講，不過凍飲+5蚊呀～我哋5個人冇其他位要坐tatami就辛苦啲同埋要係14樓行上一層重點係好熱冇咩冷氣，可能日頭曬啦雖然有好多把fan但真係太焗啦呀，不過冇加一同有lunch 9折囉咁但係都大唔過佢既缺點唔好浪費錢同時間 …查看更多

用外賣app叫咗個溫泉蛋照燒雞扒定食，睇佢個圖片好有期待， 點知送到嚟一打開就見到以下咁嘅樣大家可以見到，嗰幾粒雞塊，我都唔知可唔可以叫做雞扒。成個餐送埋嚟total $63, 份量仲要唔滿， 我食完盒飯之後我仲要自己食多個杯麵。 個餐完全係圖文不符。打電話去同舖頭反映返佢完全係「唔關我事」嘅態度。上嚟睇返食評原來都有好多受害者係有同我一樣有類似嘅情況，證明呢間舖頭唔係一時三刻係咁嘅水準。如果商戶係有心淨係俾咁少份量或者咁嘅質素，我建議你喺外賣app度寫返「份量只有三分一」。非常推介細食或者有厭食症嘅朋友叫呢一間外賣…查看更多

之前光顧過多次堂食午餐都覺得食物美味價錢合理。今日第一次試外賣，打開飯盒一看呆了！在觀塘區賣50多元的外賣午餐，個飯竟然只得三小塊雞肉和一隻破了的溫泉蛋 ! 而且準時到取但飯也只是微暖，希望餐廳改善。…查看更多

除非你想減肥，否則別去這間店。一行四人晚上打算搵間舒適的日本店食吓炸物和鍋物，誰不知進了這間位處工廈的日本CAFÉ店，等我從各方面話俾大家知，這間店有幾唔掂。店鋪環境：首先大廈是沒有電LIFT直達此店的樓層，必須在14樓行一層樓梯上去，店內的座位是沒大問題，但我們晚上在預訂時間晚上7時抵達，店內只有2檯客人，共三人(晚飯時段只有2檯客已經覺得有啲中伏)。而外面的溫度高達34度，我們坐下良久仍感受不了冷氣的舒適感，才發現可能因為客人少，店家為慳成本，只開了一台三匹天花冷氣，三催四請店內的職員開啟另一台冷氣，店員還表示要請示老闆(哇！熱到焗桑拿咁都唔係以客為先，仲要去問老闆開唔開得，我真係服了)。好啦！終於被「大方」的老闆示意可以開了，我們便開始點菜。食物質素和性價比：店家晚上只主打一個兩人套餐$498，價錢不算昂貴但當然份量也不多，所以當晚我們叫了兩個套餐加炸物，但我要講的是，套餐內的食物如帶子這麼基本的食材都話無，佢話用生蠔替代，好啦，我們接受！再叫牛舌和雞軟骨，落單約10分鐘後才告知我們話沒有牛舌，如是者再過了5分鐘，我們問店員還有雞軟骨未到，經店員查證後才發現他們漏落單，吓！當時就只有我們和另一檯客人，咁都可以漏，我真係又服了。店員工作態度：如香港一般食肆的店員招待模式，套用新加坡給香港侍應的形容詞—「長期憤怒」。我要重申我們用餐時，店內只有我們一檯客和另一台1男1女的客人，除了廚房外，樓面共有2位侍應，人手應該是十分足夠，但侍應不請係不會來加茶的。來加茶時，明明4隻杯都無茶，佢就只加3杯，唔知佢係心不在焉，定係唔識計數囉！總結各方面因素，我係唔會再來光顧，亦強烈不推薦大家去。…查看更多

很久以前已經很喜歡這間食 環境恬靜座位寬敞舒適有親和感 疫情過後再次到訪 晚市人流慘得可憐 感到擔憂 希望大家多多支持晚市食物質素優良，價錢公道，服務質素高真心推介，本人不是廣告，只是一名吃貨美女l點內有貨品出售這個小鼠鼠公仔特別可愛點了牛肉湯窩 雞肉沙律 燒茄子和炸墨魚咀分量充實 材料種類蠻多的呢。…查看更多