ねずみの王冠 喫茶店

营业中

休息中

今晚又係唔係太有餓意， 所以又去搵啲有輕食嘅地方。 日式料理係一個唔錯嘅選擇。 今次就試吓呢間樓上日式料理餐廳。餐廳環境好靚， 好有日本feel， 佈置得好精緻。 而且餐廳都算大， 坐得舒服， 整體感覺好warm。 餐廳入面仲有啲包裝精美嘅茶葉賣添。大蝦蟹子沙律個沙律都好新鮮， 隻蝦又真係幾大隻， 配埋黑醋， 感覺都好醒胃。神戶野菜牛肉鍋 湯底清甜， 入面啲粉絲口感彈牙， 略嫌啲牛肉份量比較少和牛串無用好多嘅調味， 純粹用黑椒吊出和牛嘅肉味， 食落都好juicy凍鮮牛奶朱古力 呢杯北海道富良野 3.7 牛乳系列嘅凍朱古力， 又滑又濃， 幾好飲。侍應服務態度殷勤有禮， 會不斷自覺咁幫你加茶， 亦會主動收碟食物品質唔錯， 餐廳環境雅緻， 服務態度親切， 唯獨係價錢稍高。下次有機會我諗我會考慮試吓佢嘅二人前料理。

難得一天週末放假,便跟寶寶去觀塘,去看一位日本藝術家在港的插畫畫展.平時幾乎不太會到觀塘逛,就算去都多在APM內，這次走到工商大廈看展覽，發覺原來大廈內都有不同餐廳。看完展覽後，看到附近有間日式餐廳，除了提供食品外，還有不少日本的貨品在發售，於是便前往看看。餐廳在大廈的最高層，而偏偏電梯是不能到達最高層的，所以要先走一層樓梯才能到達。餐廳面積都蠻大，一半是餐廳部份，用上木餐枱櫈，感覺舒服。而另一半則放了不少日本產品，有化妝品﹑小玩具及擺設等，以供食客選購。MENU食客種類多，日式CAFE的食品選擇。日式他他醬吉列魷魚($68)新鮮炸起，外層香脆可口，裡面的魷魚都好軟身，易於咬開，加上日式他他醬，更是惹味。熱氣都忍唔住多食幾口。雞翼串($28)外皮燒至金黃乾脆，咬落肉嫩，加上黑椒稍為調味。汁燒牛脷串($37)可以選擇鹽燒或是汁燒，牛脷都好軟身，不過醬汁味較濃，稍為蓋過牛舌香味，下次要試鹽燒。鹽燒鯖魚($86)每次食日式食品必點的燒物。鯖魚燒過後魚肉好香，而且還保持到一點油脂肉汁，食落唔會覺得鞋口。明太子蟹肉炒飯($118)感覺上似蟹籽炒飯比較多，沒有明太子的味道。不過蟹籽和蟹肉的份量都好

自從知道觀塘多嘢食後, 當有朋友提議去觀塘食飯, 我地也沒有異議, 今次由一個喜歡日本嘢的友人帶我去一間充滿日本風味的樓上café, 叫Hamsta Crown Coffee. 先點一款小食, 大蝦蟹籽沙律. 蝦唔算大隻, 但幾彈牙. 蔬菜夠新鮮爽脆, 最適合作為前菜食. 當中混入蟹籽, 食的時候多了卜卜的口感. 主菜點了原條蒲燒鰻魚炒飯. 上枱時已被賣相所吸引, 因為係整條鰻魚, 見到也開心. 鰻魚尚算厚身, 唔會太薄身, 所以食時較有口感. 肉質幾肥美, 與飯係最夾, 最好味. 見到唔少客人也點鍋來食, 我地也趁熱鬧, 點了一品昆布海鮮鍋. 當中有各式各樣的海鮮, 感覺幾豐材. 入口幾鮮美, 唔會太濃, 食完較濃味的鰻魚飯, 食番這個鍋可以起中和作用.

之前同朋友試過喺呢度食晚飯, 所以發現咗呢間餐廳😎今次又返嚟呢間餐廳, 仲要帶同事一齊嚟食lunch😋由於一早諗住喺呢度食, 所以我一早就打電話嚟預約喇☎ 咁樣保證有位坐😎平時如果七個人唔book位, 都唔使諗有位, 或者要等好耐! 😑 雖然我地七個人, 但係我哋叫嘅食物都係差唔多, 哈哈🤣🤣🤣🤣自家製宫崎唐揚南蛮雞😍吉列炸蝦稲庭烏冬定食😍同事分享咗一舊雞俾我食, 我覺得皮比較厚, 肉比較少🤔 可讚既就係肉嫩仍有肉汁! 跟餐有黑芝麻嘅白飯, 尚算匹配😆我個烏冬就十分讚😋 幼幼嘅稲庭烏冬十分滑口😊 配上少少冷烏冬汁😋未嚟得及咬碎已經吞咗🤣個炸蝦比炸雞出色, 賣相金黃色之餘, 炸蝦仲好彈牙❤美中不足係覺得個跟餐沙律😱 但另一方面, 同事好欣賞個熱咖啡, 因為佢啲奶係暖架🤣

世界盃進入左分組賽最後一輪，頭場22:00先開波，終於可以同老婆搵個地方慢慢嘆返餐而唔駛趕睇波。我地今晚係OPENRICE搵左呢間ねずみの王冠 喫茶店，評價非常好，而且咖啡店係以小鼠做主題，老婆一定鍾意。😁ねずみの王冠 喫茶店位於巧明街冠力工業大廈，雖然係觀塘工業區，不過距離地鐵站都幾近。我地6點半已經到餐廳，餐廳入面嘅感覺同工業大廈截然不同，和風嘅裝修設計風格配以木製家具，加上好多不同款式嘅可愛小鼠公仔擺設，環境非常舒適。😙雖然只係咖啡店，不過菜色款式都唔少，特別係飲品，竟然有滿滿5頁嘅選擇。我地點左蟹肉炒飯、鰻魚飯同一客小食，加埋飲品一定夠哂食。准山醬油漬 $48老婆好鐘意食准山，呢款准山醬油漬佢好滿意，准山比一般的鮮嫩而且好入味，口感爽脆，份量唔少，足夠兩個人share。👍原條蒲燒鰻魚炒飯 $148鰻魚炒飯好巨型，原條蒲燒鰻魚係加左鰻魚汁嘅炒飯上面，鰻魚肥美，啖啖肉，配菜嘅沙律菜都好爽甜。😋明太子蟹肉炒飯 $118蟹肉炒飯味道有驚喜，炒飯混有好多蟹肉，加上同樣鮮味濃郁嘅蟹籽，非常惹味。👍富良野3.7鮮牛奶 $23唔飲甜嘅老婆點左熱鮮牛奶，牛奶係使用富良野3.7牛奶，味道特別香濃。

幾個禮拜前已約定兩位童顏靚媽食飯, 但到正日都未決定好食邊間....難得兩位靚媽甩難, 老公們樂意在家湊仔 (佢地其實係懶得出門), 又見到呢間係梳化位好似幾舒服, 我就自把自為地決定食呢度餐牌上主要係一人鍋, 炸/ 燒物咁, 我地就叫左個appetizer 同一人叫左個鍋 (枱枱都叫鍋咁濟)我地叫左 【日式他他醬吉列魷魚】,【鹿兒島豬軟骨野菜鍋】,【一品昆布海鮮鍋】同【大阪麵豉豚肉豆腐鍋】 , 原來已經冇左皇帝蟹腳鍋!【日式他他醬吉列魷魚】其實唔太想食炸野, 但睇落已經係appetizer之中最吸引, 魷魚圈剛炸起熱辣辣脆卜卜 (好熱氣哈) , 魷魚亦唔un, 炸物基本上好少出錯, 但估唔到已經係4樣野之中比較好食...【鹿兒島豬軟骨野菜鍋】我的先來到, 店員細心咁為我點火, 一睇, 個鍋好多湯....多到唔係好見到D料 (所以冇到影相...), 唔知點解個湯好似唔識滾咁, 等到靚媽果2個鍋到哂, 個湯都係冇咩反應, 到佢地果2個滾起哂滾到卜卜卜咁重要食緊果時!! 我個湯都重係得D"微波" 同蒸氣, 跟住個火直頭熄埋...原來係D火酒膏燒哂...馬上請店員幫我換過個火, 之後繼續等.

今日係我人生第一次食樓上cafe，係好美好的開始喔！店內裝修雅致，以淺木色為主，大大張的木檯加上大大張的椅子十分舒適。還有粉紅色的花串作為裝飾，牆邊放了一些日本生活雜誌供人閱讀。下午茶時段有4款選擇，還有鬆餅和蛋糕。我揀左其中三個～大阪燒餅味道和用料跟一般的大阪燒無異，但餡料切得幼細，看得出厨師的心思。自家製日式棒棒雞翼，雞中翼開兩邊再炸，食起來很方便，七味粉香辣鬆脆又惹味。仲有紫菜味兩款 有辣有唔辣。芝士釀蟹蓋-兩個蟹蓋內釀滿餡料上面舖上一塊芝士，芝士焗得微微金黃焦香，蟹肉鮮甜。餐飲係chocolate milk 和mint-mokaccino，香濃幼滑甜度適中，餐牌上淨係咖啡都有十多款，選擇很多，蛋糕款式相對較少。近門口一角放置咗一些日本商品，有護膚品和茶葉，都幾多元化，餐後可慢慢選購。整體來說環境感覺十分寫意悠閑，食物好味得來賣相非常棈美，價錢又合理，好想試哂餐牌上嘅菜式喔！

同幾個朋友臨時決定食飯意外地撞入呢間日式餐廳個設計好和風雅緻  梳化好舒服望住窗外環境有一下以為自己真係去左東京食物方面水準其實不錯只係份量&選擇實在太少比一般cafe份量再偏少令到價錢都好有日本feel前菜order左日本鮮海草沙律＆汁燒原隻魷魚筒魷魚好入味  唔會太韌明太子蟹肉炒飯唔好睇我影到好似太空館咁大實際份量大概係1個飯碗吸出來再多少少女仔食量都嫌少左d炒飯黎講  係乾身  不過明太子味唔係太突出茶漬飯就都唔expect佢份量多啦茶味、飯素都係一般  冇乜味另外仲order左 一品昆布海鮮鍋&大阪麵豉豚肉豆腐鍋湯底好甜  refill時都係加湯 唔係加水  唔會溝淡呢個價錢既海鮮鍋都唔會expect係超鮮甜/大隻海鮮正常發揮咁啦如果for sharing主餐牌主食(飯/麵)選擇太少啦我會推介tea黎飲野傾計多過食正餐

和舊同學聚舊，經歷了這一個月辛勞，大家都決定去一個舒服悠閒的環境用餐。除了有多款飲料，餐廳更有各款日式美食，帶給食客多元化的選擇。餐牌都別有心思，令人欲欲想試。雞翼串雞翼燒得香脆，肉質鮮嫩，非常入味。大蝦天婦羅天婦羅蝦大大隻，鮮甜爽滑。明太子蟹肉炒飯有少許辣味，一粒粒的明太子及蟹肉，融於炒飯中，每一淡都有蟹肉的鮮甜味道。神戶野菜牛肉鍋湯底富有日式醬油味道，採用上等肥牛，牛味與醬油味道很匹配。柑橘汁新鮮的果汁，酸甜的味道很開胃。

今日同朋友係觀塘行街，行完街就梗係肚餓要食飯啦，諗黎諗去唔知食咩好既時候就誤打誤撞上左去位於十五樓既HAMSTA CROWN COFFEE，外表望落都幾精緻都花心機佈置，主打日式櫻花環境，令你有種遠離左都市繁囂，一開始望個餐牌都幾花多眼亂，因為望落去好多野都感覺唔錯好想試，最後就叫左大蝦天婦羅，吉列炸蠔，鰻魚炒飯，明太子雞翼，一口牛等食物。估唔到間COFFEE環境優美連食物質素都好有水準，大蝦天婦羅賣相炸到金黃色而且咬口一流好食。吉列炸蠔就好少店舖炸得好食，而佢地就控制到個火喉岩岩好，值得一試。鰻魚炒飯原條鰻魚上不失味道，炒飯底又唔會太咸配合返鰻魚既口感。明太子雞翼就啖啖都係肉而且味道出色，真係諗起都想再食。最後不得不介紹一口牛，佢地燒出黎既一口牛火喉控制真係少一點都唔得，燒完出黎完全鎖住到肉汁保留係肉裡面，重點推介!!下次行經開觀塘都一定會拉個朋友上去再試下其他款式。

呢間工廈日式cafe令我地覺得好有驚喜🤤首先，冇諗過佢地既環境係坐得咁舒服，而且安靜既環境播住輕鬆愉快既音樂，加哂分呀♥️坐lift到左之後再行多幾級樓梯就黎到嫁喇，唔會覺得難搵之餘仲有d隱世既感覺😁空間就算幾開揚，都唔會吵，好relax。佢地既坐椅，有厚厚既坐墊坐得特別舒服，簡潔既顏色，有木材色，白色同綠色。令人睇得好舒服😯而且佢地仲有個area 係專賣日本既野！！等野食時侯都可以黎買下野，打發下時間，什至可能俾你執到寶tim😗😗而呢個area主要賣skin care既產品，之後係一d雜貨/擺設，睇到眼花撩亂😏😏講返小小要求先♥️做個好食客。佢地唔同時段都設有最低消費。重點係 唔係繁忙時間，你想坐幾耐都得嫁！🎉係呢個密度高，生活急速既香港到生活。有個唔會主動限你時，又舒服既地方，真係小有🐒🐒呢個准山好爽口，有d似黃瓜既口感同味道，作為小食，佢真係好開胃嫁，而且味道好濃郁，所以一碗有多幾個人些牙就更滿足❤️鮮 鮮 鮮！ 蝦有成三大隻，沙律菜好爽口，而且落左小小沙律醬油，再落沙律醬，加上少少嘅蟹*子*，層次爆燈😋😋第一次食茶漬飯，真係好特別，份量小小，配料多多，魚，蝦，青口，帶子等配料都係齊哂

餐廳著重環境 為左令食物不會掩蓋環境的美 專制造無味食物 好令食客能專心欣賞佈置另外沒有遊戲 卡牌遊戲 再一次 令各位食客欣賞佈置點了雞翼和燒餅 燒餅可以 調味醬的味道可以 質感 沒特別 整體可以接受但雞翼 沒雞味 沒味道 跟本不知道在吃什麼檸檬茶普通3餐m記的價錢 不及m記 或許其他食物會比較好第一次食完打食評這間餐廳給我的感覺實在太沖激了 可能希望太大 見到百幾個讚就算要打二百個字 懶懶的我都要bi二百個字出黎 為左比個人生第一次比既劣評服務態度不錯

上星期四和朋友到了一間 Cafe --- Hamsta Crown Coffee 共享晚餐。這間 Cafe 是我第一次去的, 餐牌上的食物款式很多, 最俾我感覺有新鮮感係有 “Shabushbu" , 第一次喺 Cafe 裏吃。當天晚上, 我點了 “大阪麵豉豚肉豆腐鍋” 及 “凍朱古力榛子奶” 。這個豆腐鍋味道不錯, 湯的濃度適中, 不會太濃或太淡，火鍋材料豐富，一人一個鍋岩岩好。朱古力榛子奶重奶味, 不會太甜。朋友點左熱情果汁，酸甜又開胃。Cafe 環境清幽，還有櫻花作伴，以為真係去左日本，哈哈。我們還叫了數款小食, "和牛串", "免治雞肉串" 及 “雞軟骨串"。這三款小食雖不便宜，但味道肯定令你覺得回本。店鋪仲有賣一些日式飾品，食品和化妝品等，大家可以行一行。最後, 喜歡在一個寧靜的環境, 及吃 Shabushbu 的朋友們, 不仿到訪這間 Cafe 嘗嘗吧。

就如觀塘這個市區，我們都知道各類食店遍地開花，有平有貴、有好食有唔好食、有地道有異國情調、有環境靚有環境差，基本上淨係留喺觀塘食晚餐，我諗應該一兩個月也不用重複。難得今日行完apm...朋友說行到腳都攰不如搵個地方慢慢坐食下野休息下...佢介紹一間由Apm 行黎五分鐘內到既觀塘工厦Cafe…**ねずみの王冠喫茶店**又名為 **Hamsta Crown Coffee**...門面看上去帶種有叢林感覺,好像兒童玩的小天地...令人眼前一亮入門口便會看到一個精品出售的位置...店員說是主要售賣日本商品！再入多點點便是用餐的地方餐廳走的是日式Fusion Style...先不說食物...環境佈置好有日本家庭感覺...夠簡潔溫馨，有一個空間是塌塌米...目測可以坐8個人左右...我們選了梳化...有cushion係則邊...整體空間感足夠...仲以綠色為主...視覺上十分舒服...另外還有雜誌供借閱呢收到餐牌後店員為我們端上玄米茶...餐牌很多種類，我們選擇了以下幾款點了幾款和食，及日本菜左口魚芥末忌廉沙律     $72芥末與上左口魚裙邊真的有點特別...左口魚一向係我最愛的日本食物...稍