ねずみの王冠 喫茶店

营业中

休息中

日本餐廳食得多，不過日式Cafe好似就少見啲。一入到餐廳，果然感覺好清新，同一般日本餐廳嘅感覺好唔同，真係幾有日本小清新feel。餐廳環境就唔錯啦，講下啲食物先。炸魷魚圈配他他醬同沙律菜，感覺果然一樣清新，魷魚圈配他他醬呢個組合無得輸。炸軟殼蟹，香脆入口juicy，不錯。牛油煎帶子，幾香口，味道偏濃。北海道牛乳皇帝蟹腳鍋，味道清甜，蟹肉新鮮，蔬菜亦都好好食，清清地。和牛串，肉味濃郁，肉質好嫩好juicy，正👍🏼雞軟骨串，不過不失。飲品方面，叫咗兩杯芒果沙冰，幾清甜，唔會似藥水味。呢度除咗係餐廳之外，門口位置仲有一個賣日本雜貨嘅角落，有護膚品同精品等等，都幾得意。

咁岩去開觀塘拎野之後要同幾個朋友食飯，就想搵個地方可以坐得舒服又唔洗趕住交枱既，就試左呢間Hamsta Crown Corner。未入到去已經見到係森林系既裝修，入門口右手邊有個賣精品既地方都幾得意。我地一行五人叫左八樣野食，大蝦沙律好有驚喜因為我好鐘意食海鮮而呢個沙律既蝦一啲都唔梅! 明太子雞翼味道都OK。燒三文魚頭比我想像中好味，因為我從來都唔好魚頭，只係朋友想試就叫左黎食下，好彩佢一啲都唔腥仲比幾多肉下。仲叫左兩個炒飯，鰻魚同蟹肉兩款，我鐘意蟹肉個個多啲因為鮮味D而男朋友就話鰻魚好食啲不過食物可以大碟D，鰻魚都大條既~3.6牛乳蟹腳窩，個湯比我地想像中清淡，但蟹好新鮮仲有好多菜同菇食。最後點左兩款串燒，雞翼同羊架，味道算唔錯但唔特別突出。但最緊要坐得舒服又唔會比人趕交枱岩晒我地。

最近先發現到呢間網上評價幾高既食店。。。咁啱今日男友放假過黎接我收工就一齊上去。一入門口有一些日本美容化妝產品擺賣，可以食下野睇下野。地方環境好舒服，望到大大本餐牌，相片又影得靚，樣樣食物都好吸引。汁燒牛脷串 $37/串 好乾又鞋，勁唔抵食！仲以為即叫即燒，結果唔似，因為係暖既他他醬炸魷魚圈 $68，一樣唔夠熱，但好彩夠脆，魷魚好彈牙，有我至愛既他他醬3.7牛乳皇帝蟹腳鍋 $156 份量得一隻蟹腳斬件，鍋中仲有蔬菜，金菇，冬菇。牛乳湯底係好飲既，邊煮邊食，夠晒熱辣辣等左一個鐘先有既原條鰻魚炒飯 $148 其實等左半個中先詢問是否漏單，店員話炒緊，咁以為好快啦，再過15分中都無，見枱枱人都發呆咁，再追又話炒緊其實漏單或未煮，我真係想唔要走人。 見話炒緊又炒緊就焗住等左一粒中，一粒中過後，幾枱人都一齊上鰻魚飯。 等左咁耐，梗係滿心期望，點知炒飯好濕，好似爛飯，無炒過咁，鰻魚都係唔夠熱，魚尾部分又燶又硬，仲有D咸😣 雖然環境唔錯，但價錢同質素唔成比例

觀塘出名多工業大廈，就在觀塘巧明街這裏就已經臨立不少。今晚我就和朋友上去冠力工業大廈位於15樓的hamsta crown coffee一試。但是大廈的升降機只能上到14樓，所以要自行步行多一層上去。起初以為餐廳會很小型，但原來這裏環境很大， 更有一些沙發椅。沙發椅上更有一些可愛cushion 陪同食客用膳。一進門，門口有一間紀念品店放了很多日本特色手工藝品。在等食物上枱時，我也前去看看。這裏的食物以日式為主，有鍋物，炸物等等。我和朋友分別點了一個鍋物和一個鰻魚飯。鍋物選擇都有很多，有海鮮鍋，蟹腳鍋，牛肉鍋等等。神戶野菜牛肉鍋 ＄128這個牛肉鍋我們加了＄10追加了芝士。芝士能夠拉絲，令每一片牛肉都增添了芝士的香氣。牛肉鍋上更有一隻溫泉蛋，把它拌勻，讓牛肉肉質更添嫩滑。這個牛肉湯底很香濃，味道帶甜，帶出濃郁的牛肉鮮味。鍋裏的野菜和香菇吸收了牛肉湯的精華，很入味。原條蒲燒鰻魚炒飯 $148鰻魚炒飯賣相很精緻，鰻魚原條上，非常厚身，而且真的很長的一條。鰻魚上面更灑上芝麻和紫菜絲，讓炒飯更添滋味。鰻魚肉質嫩滑，味道濃郁，鰻魚汁滲入鰻魚之中。鰻魚外面煎得香脆，內裏滑溜。炒飯用了蔬菜粒和鰻魚汁調

得知在觀塘有間，日式的喫茶店，哈日的我即去懷念下日本的時光，一入店內已經有日本舒服的感覺，由其望見裝修設計，寬敞的空間柔和的燈光，令人很舒服，另外，還有一些賣的物品其實平時我唔食三文魚頭，不過屋企人想食，但又估唔到幾好食，魚皮會有帶少少脆，而魚頭啖啖肉，而且魚肉還很嫩口，味道好好食之後就到鰻魚炒飯，成原條的鰻魚十分肥美，底下的炒飯也不會敷衍，配料十足，再配上肥美鰻魚和鰻魚汗，很充實食緊鰻魚飯中，3.7牛乳皇帝蟹腳就黎到啦，雖然鍋不大，就內含的蟹腳都十分足，因為牛乳的關係，野菜有淡淡的乳香，變得更好食最後都忍唔住再叫多件3.7北海道牛乳蛋糕，當然唔洗思考，每一口都濃濃的牛乳味，很每人開心的蛋糕

呢間店真係嚟過無數次, 三五知己談心好去處, 環境舒適, 而且又靜, 樓上cafe真係不錯既選擇, 預早訂咗位, 所以去到唔駛等就,可以入座大阪日式炒麵配日式煎餃子 - 賣相不錯, 炒麵上面係一片厚蛋, 沾滿了章魚燒汁好好味, 反而餃子就過了火, 有啲硬牛肉烏冬配溏心蛋鰻魚扳卷 - 牛肉係肥牛, 烏冬有煙韌口感, 鰻魚扳卷好味日式雞唐揚配腐皮烏冬 - 炸雞係酸甜醬味道, 好味, 腐皮裡包住烏冬, 食落烏冬有啲甜味總結 : 呢到係不錯既選擇, 所以會繼續支持

1.  第二桌客人進門，沒選位，說已booking 曬，ok  ,搭桌坐沒私人空間也沒計。最好笑是後來有booking 客來到也不可自選位坐，請我問有沒book有何分別？2. 待應有如喪屍，沒笑話可理解，但連反應也沒有？3. 食物質素比茶餐廳差，$118一個鰻魚飯份量細得可憐，味道不及吉野家，真心貼錢買難受！4. 飲品質素差，明白香港2/3支出比租金，但做餐飲行業的怎可以如此沒「心」，咖啡是沖淡了的混豆，檸茶是騙小孩子系列的超淡茶⋯5. 主打漫活態度，但只是「慢活的上菜速度」，食完午飯（1小時後）仍未有飲品，職員仍在遊魂，追了3次飲品，搞什麼？

覾塘工廈樓上的食肆真的試極都唔完。 今晚在觀塘放工， 同事介紹近巧明街樓上有間餐廳坐得幾舒服。這棟工廠大廈之前來過， 今晚我們往15樓， 但原來升降機最多只去到14樓， 要行多一層樓梯。去到門口 原來別有洞天， 全店裝修得溫馨簡潔舒服， 以木裝飾為主， 沒有被其他大廈包圍著，窗外遠景也不錯。 很多座位都很舒服， 店內亦有售賣小飾物，裝飾品等角落。 食物選擇以 cafe食物為主， 亦有日式鍋物。 我們叫了一個 "3.6牛乳皇帝蟹腳鍋"。個湯好清甜又有好濃嘅海鮮味，好在唔重奶味但幾香滑。 皇帝蟹腳都剪好了方便進食， 肉質唔錯唯份量比較少。 還有其他蔬菜，芋絲，冬菇配合，健康又美味。明太子蟹肉炒飯 $118炒飯香軟得來炒得乾身，蟹肉超多， 明太子分佈均勻，推介!燒茄子$68茄子切開一段段淋上燒汁和木魚絲， 很健康沒有油炸或太多汁醬，吃到原汁原味的茄子。焦糖泡沫咖啡 $37這cafe就是有種閒適懶散的感覺， 不其然到最後想喝杯回魂咖啡relax 一下。 焦糖泡沫咖啡。 表面泡沫打得很結實， 每啖咖啡都伴和厚滑的泡身， 咖啡味濃帶點點焦糖香味， 飯後一杯超正~~

呢日嚟到觀塘工業大廈嘅樓上cafe食晚餐出lift之後要再上多一層樓梯先到 方點少許不方便餐廳門口裝修好有童話嘅感覺門口嘅左手邊 放咗好多唔同種類嘅茶葉 包裝亦都好吸引 右邊就放咗唔同種類嘅日本化妝護膚品肚仔餓 所以決定食完野先再過黎睇入邊都幾大 行日系路線 餐廳環境舒適 梳化好大張 又舒適 坐位間亦有好充裕既空間坐低之後 侍酒放低一杯玄米茶 呢個時候先留意到 佢每張枱都有個迷你既擺設 好得意餐牌好大張 食物圖片好吸引點左個 左口魚芥末忌廉沙律 左口魚份量非常之多 蓋晒啲菜咁制 軟綿綿又滑身 非常好味 上面仲有沙律醬同埋蟹子 滲出芥末味 非常好味又開胃原條蒲燒鰻魚炒飯 真係超大條鰻魚 蓋曬成個飯 肉質肥味 好豐富最後叫多個神戶野菜牛肉鍋 份量都幾足 湯底好清甜 肥牛配上芝麻醬 正正

今日同朋友係Apm睇完戲，就搵左呢間日式cafe試下。估唔到都咁近，由後門過對面就係果座工廈。由於電梯只上到十四樓，要行多層樓梯先到餐廳。轉彎已經跟有banner指示路線，好細心👍🏼👍🏼餐廳入面全部都係日式裝潢，完全忘記左係工廈入面，好舒服。呢個座位都唔算多，唔會台貼台可以靜靜地咁傾計。所以大家記住book左位先。我地等左一陣就有位，見到每台都有火鍋而且天氣咁凍。當然都要叫一個試試。北海道3.7牛乳皇帝蟹腳鍋 $ 156上菜之後，店員幫我地點左火等佢慢慢到煲滾，由於用左3.7牛乳，未打開已經嗅到香味。一打開鍋就見到成隻蟹同好大舊蟹肉😍非常足料，足夠兩個人份量。因為用左3.7牛乳，湯底好簡奶味較濃，令蟹肉更加鮮甜，最後配菜吸曬湯既精華，食落得好好味。左口魚邊裙芥末忌廉沙律 $72左口魚本新鮮甜同口感嫩滑，好適合用黎配沙律。加上蟹籽，非常有口感，好開胃。7味軟殻蟹 $82呢個軟殻蟹唔算炸得好脆，可能用較少炸粉。 反而感覺冇咁油較健康，味嘗到軟殻蟹果到質感雞翼串 $32/串牛脷串 $37/串和牛串 $39/串雞翼..肉質好滑同皮有少少脆。好好味一人一隻有d唔夠喉。牛脷..肉質柔軟完全唔韌和牛

第一次黎到hamster crown cafe，上網睇到好多好評，的確係一間好別緻既主題日式cafe !餐桌擺設十分吸引，坐得舒服。Lunch set 叫左牛肉稻座湯烏冬定食配糖心蛋，飯團$88牛肉份量好多，烏冬湯底夠晒熱，飯團係鰻魚餡的，整體定食十分吸引!日式炸雞，配奈良腐皮烏冬$88炸雞既檸味十分足夠，味道好正宗，感覺去左日本旅行呀，令人十分回味!仲有湯。跟餐有朱古力咖啡，moka 十分creamy, 甜度岩岩好。仲有新鮮橙汁，100%冇加糖。最後仲左叫左甜品$55雙重朱古力鬆餅同鹽味焦糖鬆餅細細件好得意，仲熱同流心的，特別鐘意入面既caramel 原味芝士蛋糕$58 芝士味好香濃，整體好濕潤。

吱吱吱吱吱吱吱，成日行過都會見到佢地個易拉架，覺得都幾得意，於是就搵左日去探下呢堆咁可愛既小鼠。搭電梯之後，望一望你既右手邊，跟住入去要再上一層樓，先可以去到呢間小鼠餐廳，連樓梯都貼滿左佢地既標誌好有心思。行到埋去就會見到勁大個綠色既草場，準備入去同佢地一齊食，放左個好日式既招牌。當然唔少得好多日本既裝飾，一入去已經見到個富士山，入面仲有好多小鼠既公仔，好似大大隻咁有得攬既，或者台上面都有好多好可愛既小裝飾。座位好舒服，用上左小梳化，坐得好舒服仲好悠閒既感覺，另外果邊都有一角好仿日本既座位。上面仲掛左好多布幕，同掛上左好多紅葉，連餐具色系都好有日式既感覺，好明顯花過唔少心機襯過。除左食野之外仲有唔少日本既進口貨賣，實行一路食一路買。好多位都放左啲攬枕，坐得舒舒服服仲有野可以攬，好喜歡粉色櫻花既圖案，上面仲掛左好多唔同既小畫。除左日本既產品之外，上面仲有好多好可愛既公仔既茶罐，全部放哂係個飲品台度真係好靚好吸晴。超濃超白既《北海道3.7牛乳皇帝蟹腳鍋》($156)，用左個木整既底座好特式，先飲啖湯好入味，蟹腳有好多仲好細心開哂，一推啲肉就出黎超方便，入面仲有入哂味既粉絲。小食既《燒雙重芝

餐廳設於觀塘工廠大廈最頂層，睇落去好有家嘅感覺！首先，門口會有一間細Shop，放有日本產品,包括一些化妝品、茶葉 同埋一啲家庭嘅用品！之後，其他地方就有榻榻米嘅餐桌，還有一啲靠近窗口嘅普通茶座！餐廳菜式主要以日本菜為主！我點了一個長腳蟹火鍋湯底，以3.6牛乳作為湯底， 跟蟹腳味道配合非常好！而份量亦充足，還配有一碗白飯，非常飽肚。另外，還點了一些串燒，包括：雞軟骨、一口牛、串燒，非常特別，富有很香嘅椒鹽粉 並入口香滑鬆軟，還帶有陣陣的和牛味道。另外亦叫了鰻魚炒飯，鰻魚非常大份，鰻魚炒飯飯底亦非常香甜，係一般日本餐廳都未能食到的！餐廳還有很多特飲包括，來自不同產地嘅茶，而我們點了蘋果烏龍茶、紅茶帶有一點茶香和苦澀嘅蘋果味！亦帶有一些甜美配搭起來非常香滑而入口！

Nosir在觀塘工作多年，樓 上餐廳多不勝數，無意中發現了一間非常特別的餐廳Hamsta Crown Coffee，有甚麼特別？這間日式喫茶店不單止佈置裝橫充滿日本的感覺，還集購物與飲食於一身，跟友人聚餐之餘還可以選購各種日本商品⋯踏進Hamster Crown Coffee，就會見到一個購物Corner，當中有化妝品、護膚品、各種日式精品、健康用品等等，非常吸引⋯有刺蝟公仔啊﹗另外鼠鼠公仔也超可愛﹗座位方面都非常別緻，有各種日種座椅，還有不小鼠鼠佈置，未開始進餐己經令人心情愉快了﹗大蝦蟹籽沙律蔬菜爽脆，蟹子也粒粒飽滿，在嘴巴裡卜卜聲爆開，蝦身中段已去殻，非常細心⋯明太子蟹肉炒飯有豐富蟹肉，絕對沒有偷工減料，味道鮮甜⋯日式他他醬吉列魷魚，魷魚有咬口得來軟腍，外表脆口乾身，內裡水份十足⋯神戶野菜牛肉鍋，湯頭清甜，牛肉有咬口，筋肉分明有彈性⋯鹿兒島豬軟骨野菜鍋，湯底較神戶野菜牛肉鍋更清，豬軟骨醃得入味，豆腐非常嫩滑⋯從食物味道可以吃得出廚師的用心製作，整體味道佳，賣相也吸引，用料新鮮，充滿日本風味，讓人有置身日本的感覺，還可以滿足購物及味嚐美味佳餚的2個願望，假如節日慶祝等日子忙到沒有時間

又到好友聚會時間，今次就我自己約左喺觀塘呢邊食飯，同事介紹呢間ねずみの王冠 喫茶店，位於巧明街近駿業街交界嘅冠力工業大廈15樓，如果搭地鐵喺觀塘站經APM及港貿中心過黎只需5分鐘，相當方便。電梯只到14樓，需要行一層，但樓梯相當企理，仲貼滿色彩繽紛嘅貼紙，感覺良好。位於頂層，自成一角，門口位佈置精美，沒有比人置身工廈嘅感覺。店內裝潢同樣係精緻，仲有一張日式「塌塌米」餐檯，讓你感受到一股和風嘅感覺。店鋪除左餐飲服務仲有零售架，賣下化妝品、精品等等，啱晒午飯時間緊迫嘅OL，食飯之餘又可以SHOPPING，一舉兩得。餐牌圖文並茂可以慢慢揀，而食品價錢又唔貴喎。蝦真係大大隻，仲有蟹籽同新鮮蔬菜配上沙律醬，認真醒胃。吉列魷魚炸得夠晒香脆，而他他醬就調配得相當惹味，兩樣一拍即合。特別一讚呢個七味墨魚咀，外層十分鬆脆，內裡嘅墨魚就非常煙韌，口感十足。天寒地凍梗係要整個牛肉鍋食下啦，除左牛肉，仲有冬菇、豆腐、金菇、野菜，份量十足。佢仲要全程有個爐熱住，保証夠晒熱辣辣。炒飯很精緻，配上清甜蟹肉，滿口鮮味。識食鰻魚一定食原條嘅蒲燒鰻魚，單是視覺已甚具氣勢， 鰻魚厚肉肥美，大家都邊食邊讚，絕對值得一試。