ねずみの王冠 喫茶店

营业中

休息中

呢間位於工廠區嘅樓上咖啡店，餐廳裝修風格非常之日系🇯🇵色調好warm，其中一個角落好似日本嘅榻榻米，放左楓葉🍁嘅裝飾好可愛好少女心。除咗用餐區之外，門口位置仲有賣一d日本產品同化妝品旁邊亦放咗唔少日本雜誌。餐廳裏面播放日文歌，感覺恍如置身日本🧡•🍱原條蒲燒鰻魚炒飯（$148）🔸7/10超大條鰻魚鋪喺面😳影相一流呀！蒲燒鰻魚肉質比較嫩滑，炒飯亦都用咗蒲燒鰻魚醬汁黎炒，比一般炒飯冇咁乾身，味道唔錯🥢•🍲長崎潮鯛3.7牛乳鍋（$132）🔸8.5/10湯底用咗北海道富良野3.7牛奶🥛（我之前係百佳度都買過呢隻，係薰衣草田做封面，勁好飲），香滑濃郁鮮奶味同鯛魚好襯！店員話呢隻鯛魚🐟可以當sashimi咁食，所以唔使煮熟已經可以食，生食果然係滑啲！幾正！裏面仲有啡菇、小蘑菇、金菇同白菜、娃娃菜同粉絲，都幾豐富😆•🐔燒明太子雞翼($56/2隻）🔸8/10燒得個皮好脆，入面有滿滿既明太子，有少少辣好香，好好味😋•🦐燒原隻虎蝦（$48/1隻）🔸7.5/10隻蝦好多膏，係用鹽燒，燒得啱啱好唔會過老，仲係好彈牙👅

🗣朋友介紹話觀塘開左間環境唔錯既日式樓上 cafe 👉🏻Hamsta Crown Coffee👈🏻 就梗係去試下喇💁🏻‍♀️ 因爲係大廈保安問題，要係樓下登記左✏️ 再撘life 到14/F 行多一層樓梯就會見到😌.✨去到見到個門口裝飾都幾日式既:.🖼環境都大，又寬敞:.遲左起身🛏去到已經3pm 就只可以點下午茶喇🙈 叫左個日式明太子海鮮意粉 🍝 同一個 All Day Breakfast 🍳 ..食落意粉都好彈口，明太子好多只係海鮮就少左d ，整體都okay 既👅.All Day Breakfast 好好食，一定要讚下個薯餅夠熱又夠脆👍🏻 ..另外，咖啡☕️係好飲既，咖啡味濃，奶又夠滑。

喺工廠區工作後覓食，成條街靜英英拉曬閘，雖然係個客度都食咗唔小嘢，但天氣凍感覺要再填啲嘢入肚。在過馬路處附近的一座大廈有日式嘢食， 二話不說盲衝住去， 𨋢門打開等我呀！!再直衝， 不過被保安捉返出嚟，唔該登記身份証。 搭完𨋢行多一層樓梯就到啦， 呢架𨋢好似搭咗程飛機去日本，勁日式裝修。要食嘢攞位先係常識，姐姐開口唔係問幾位，係問有無訂枱，實打道回府啦！等咗一陣可以安排到張枱，天寒地凍唔洗再搵食坐邊個位都願，同埋個個位都咁靚， 坐邊都一樣。呢度有充足時間同朋暢談，傾到戲肉就有嘢食! 烤物份量小小，唔算好特別。出奇好味嘅雞翼真係搵啲嘢填下肚，傾下計。叫咗個沙律，食極都食唔完嘅，菜好新鮮， 味道調教得恰到好處。炒飯嚟到枱面無位擺， 應該係我哋share嚟食擺多咗隻碟，所以唔夠位。好小事啫輕易解決到!炒飯唔油膩，粒粒分明，香味撲鼻。周圍見人叫鰻魚飯多， 下次有機會要試下先。

今日喺觀塘搵到一間裝修好精緻嘅cafe店。要上嚟餐廳，要先喺樓下做登記，然後lift按14/F再行上一層樓梯就到了。 餐廳裝修以黃燈爲主，感覺都幾溫馨。另外餐廳仲好貼心用咗梳化椅，又放滿咕𠱸，食物桌上更放咗得意嘅公仔擺設，好似入咗一個溫馨嘅屋企，可以同朋友輕鬆吓傾吓計。 多人聚會可以選擇呢個榻榻米area，可以同朋友坐得近啲傾計呀😋 首先叫咗明太子海鮮意粉，一上菜已經嗅到好香。意粉Q彈，明太子份量充足。唯一不足海鮮份量較少，整體算中上。 另外叫咗All day breakfast （英式金馬倫腸），整體做得唔油，且味道岀色，值得一讚。薯餅炸得脆口，黑松露磨菇入味。上菜時唔連蕃茄皮更是細心😛 巨峰葡萄梳打，不過不失～

是日去到工廈搵食，呢間食店比較特別，上到14樓要再行一層樓梯上去，一出lift會望到鋪頭既易拉架，跟住上樓梯就搵到啦。經openrice訂位，好彩去到有留位俾我地，因為都幾多人，幾乎成間鋪full哂。被安排坐4人位，佢D位係梳化黎，坐落勁舒服，裝修走日式簡約風，有D楓葉掛係到做裝飾。甘岩聖誕，所以都有D聖誕裝飾，最中意佢每張枱都放左露營燈，令人覺得更加relax。野食方面我地點左明太子蟹肉炒飯、左口魚邊裙芥末忌廉沙律、日式他他醬吉烈魷魚、海鮮茶漬飯（忘記左影相﹚，野飲方面我點左青瓜乳酪沙冰，朋友就點左熱朱古力。先講果沙律，我第一次食左口魚邊裙，幾彈牙，不過鹹左少少，至於果沙律我覺得好好食，因為我好中意果醬汁，芥末味岩岩好，唔會話太嗆鼻，D菜都夠新鮮，好食。至於果明太子蟹肉炒飯，見網上好多人推介，料係幾足，不過我嫌佢唔夠熱，不過不失，再熱D會好食D。仲點左另一個飯海鮮茶漬飯，不過忘記左影相。海鮮每樣有兩塊鋪面，包括蝦、青口、帶子同魚片甘，我同朋友每人分左少少海鮮、wasabi同飯，先再落湯食，之前係日本食過茶漬飯，但覺得呢到好食D，因為佢D湯除左一般昆布，仲食到落左少少抹茶粉，令到成個湯

觀塘APM出去好快到。門面幾靚，少女味重啲，我見唔到有男性自己去食，女性應該比較鐘意個裝修。有普通座位同類似Tatami位，我坐普通都幾好坐，通道都係香港餐廳正常的窄。正題：嘢食唔錯，不過又唔係同級最好食，價錢中間偏貴啦。鰻魚飯，原條鰻魚幾大條，燒得幾好食。明太子飯，都不錯，反清復明就係靠大量明太子。整體：7.5/10，幾好的樓上餐廳，女士們會比較喜歡，嘢食都幾好，但是賣環境多過食物的感覺。BTW餐廳一入去有女士保養產品賣，也有茶包賣，不過我們無試。

地方空間感比想像中小 有點迫 不過工業區內 都是可以理解的 而且角落有一個閒逛區 讓我們在等位置的時候無咁悶 小店裝潢精緻 坐位是軟軟的沙發 幾舒服當時時間已不早 所以我們只叫了一個鍋 幾樣小菜 味道都不錯 鍋物ok 鯖魚幾鮮味 炸尤魚圈有驚喜飲品方面 朋友叫了一個梳打 他表示都是一般正常梳打😂我本身叫了乳酪 但賣哂😢就叫了香芋鮮奶 意外地係比我自己加糖的 幾好 那我就無加了 健康點😀總括來說 值得光顧的 不過下次可能要早點去 否則東西賣光光 又被催促埋單😂

要d嘢無再提供就唔應該再係個menu出現。一係就畫左佢or同事先通知左先。態度有好大進步空間。野食既quality要檢討一下。地方係OK舒服，不過如果service係咁就唔太安心

從網上找找有什麼好東西的，朋友要求官塘區，日式餐廳，就找到了這間。相片中的介紹食物同環境不錯，是我們要求的條件。於是24/11Book了四位，食生日🎂飯。果然食物同環境質素十分滿意，總算沒有令生日的朋友失望，特別一提製作生日🎂的碟哥哥好好人，為我精心挑選🥧，寫上兩個朋友的名字，好靚😍！值得一讚👍。各位員工都很親切招待令人感到舒服，一定會再來光臨本店。

餵食兵團出動，今次去左一間裝修都幾日式化既喫茶店！亦都係我第一次係香港可以試到既喫茶店，我唸係呢間餐廳既老闆想帶日本🇯🇵文化既喫茶店帶入黎香港！事不宜遲，佢地個Menu 都係走kawaii 風格，所以我就叫左個明太子蟹肉炒飯，個賣相都唔錯，蟹肉都幾多配埋明太子一齊食竟然係咁夾！另外仲叫左個小食；日式他他醬吉列魷魚🦑，炸得好鬆脆，魷魚都好鮮美，佢仲比左一大匙他他醬係面，點左個醬口感更豐富！適合同朋友聚會食飯既好地方！😋++++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

在觀塘區食Lunch的機會就多 dinner就真係少之有少朋友揀食呢間日式Café7pm 來到都未算太多人 環境同座位都舒適不過枱面唔算大 上菜都快 變左唔夠位擺 花多眼亂都係揀個二人前料理$498前菜︰左口魚邊裙芥末忌廉沙律 個人略嫌沙律汁多咗少整少副菜︰吉列魷魚配他他汁 炸物做得唔錯 外皮唔會太油主菜︰牛油雜菌煎帶子神戶雜菜牛肉鍋 食事︰日式帶子牛柳粒炒飯 甜食︰泡芙 仲另外點了杯Purple Potato Latte用了北海道富良野3.7鮮牛奶 好香飲落去有淡淡紫薯味 用料天然 唔會死甜價錢實惠而且都多選擇食物質素不俗 用料捨得 兩人食一定夠飽

間舖既空間又大又舒服 店員服務又好 上菜速度又快頭盤既蟹子沙律有青瓜，蟹子同蟹柳，仲有大量既蔬菜 沙律既醬又唔會太膩 份量岩岩好 成個沙律又好味又fresh跟住既神戶牛肉鍋超好味 佢用黎燒既燃料又冇味 當鍋完全熟透既時候，燃料會用晒同無味 可以用鼻同口完完全全咁感受牛肉鍋既味味牛肉鍋既牛肉完全唔老 又唔肥 吸收左鍋既湯底 好好味 入面仲有菜，菇同粉絲 都好好味 個湯底飲落口又唔會話好油膩 甜甜地 又夠味最令我驚喜既係日式他他醬吉列魷魚，本身以為好炸 好乾 點知原來唔係 魷魚係炸粉入面仲keep左水份同口感 1d都唔乾 炸既外殻都唔係炸得好勁 食落唔刮口海鮮土壺茶漬飯都好好味 d茶撈入飯入面令碗飯更加易入口同好味另外我地叫左白桃烏龍茶同Matcha Latte 清清地幾好飲

原條浦燒鰻魚炒飯：份量尚算足夠，鰻魚是現成攞貨已燒好的浦燒鰻魚（整返熱，加返啲汁就攪掂），要求唔高都算ok嘅，但啲飯就唔夠乾，應該話係濕同淋，好似冇炒過就咁撈啲鰻魚汁，冇乜成意，所以有啲失望。大阪麵豉䐁肉豆腐鍋：幾片豚肉加些蔬菜和幾粒豆腐，冇乜特別，湯也沒有麵豉味，唯一要讚係沒有添加味精。總括而言，店舖是想行高格調路缐（價高件頭細），但食物質素背道而馳，以樓上舖（租金較便宜）而言收費是偏高的。建議：得兩個方案，1）將食物質素提升（餐牌種類不多也不是大問題）。2）減價，來迎合返現在的食物素質。補充：這店舖是需要坐升降機往14樓再行一層樓梯的，行動不便的請注意這一點。

喺openrice見到呢間好特色日本feel裝潢嘰餐廳，果晚星期五又book左黎試下，最吸引係有成條鰻魚嘰炒飯，賣相好靚靚♡就叫左黎試，好好味噃!有好香濃嘰鰻魚燒汁，飯底用左日本珍珠米!另外叫左個豆乳牛奶火鍋，好濃郁嘰牛奶味，配了魚肉係最夾嘰!有些配料菇啊！應該都是日本菇♡好好味，不過有些小份量細!仲有叫左個大蝦沙律，其實都唔係大蝦只是普通size嘰蝦蝦🦐🦐，都ok幾好味啊！呢度最靚最舒服都係環境好，有埋日本雜誌供閱讀!好得意比較好多日本牌子嘰物品!我都睇左陣書，佢地冇限定要食幾耐時間，可以慢慢吹水食野唔使趕，不過位置喺工廠大廈入面要轉就是缺點啦！但我覺得如果星期六，星期日黎舒舒服服咁坐成個下午都ok咖!佢地仲有早中午餐，好抵食嘰都♡不嫌地址偏遠都ok咖，喺觀塘，住呢邊區嘰朋友仔好值得黎食下野咖!😁

是日慶祝朋友生日，預先係openrice訂左位同埋留左甜品寫字🤗～入到去餐廳，好多好多好得意既擺設同裝飾，令到好似去左日本咁呀～😍😍😍打開餐牌，朋友同我揀左好耐都唔知好食咩啦😂，最後都係一人揀一款黎share食，因為好多都想試我同朋友叫左3串串燒，一個牛肉鍋，一個鰻魚炒飯因為覺得個鍋應該唔係好大個，我地仲一人叫左一杯牛奶飲品tim🤣先講個鍋，好香既清湯同埋有隻生蛋打上去，d牛肉好味，個湯底好正，再加埋d葛絲同埋豆腐，好好味呀～～天氣開始轉涼，食呢個真係好正😝再黎係鰻魚炒飯，好香既鰻魚汁飯，同埋好大條鰻魚，個飯唔會因為用汁炒所以淋曬，都唔會好濃味，鰻魚整得好香好好食，仲要大大條，正呀最後甜品叫左lemon tart同raspberry tart，細細件，仲要係暖既同中間有小小流心好好食呀，員工仲好細心幫我寫碟比朋友，同埋黎既timing岩岩好，朋友完全唔知，surprise到佢！總結係觀塘愈來愈多工廈餐廳，但有d既質素都係幾好食同埋環境舒服，如果我想回味下日本，我都會揀黎呢間餐廳食飯😎