ねずみの王冠 喫茶店

营业中

休息中

旺角既樓上cafe就去得多，今日就去左依間位於觀塘既樓上cafe。cafe係工廠大廈既15樓，但係升降機淨係去到14樓，所以去到14樓要行一層樓梯先上到去。cafe唔會好難搵，一上完樓梯就會見到。因為cafe連門口既計設都好有心思，餐廳門口既設計會令你忘記左自己係係工廠大廈入面。入到去既環境同氣氛亦到好好，坐位亦都好舒適，唔好有好迫既感覺。不得不提既係就係佢既擺設，每張台都有啲小擺設，非常配合餐廳既主題。cafe除左環境同氣氛，另一個重點就係食物啦一開始點左依個炸軟殼蟹既小食，咬落外脆内軟，加上檸檬汁，再點少少沙津醬，味道一流！跟住係就係主食，蟹肉明太子炒飯同鰻魚飯明太子炒飯味道好好，亦到好足料，明太子既味好特出得黎又食到蟹肉既甜味，平衡做得好好。而鰻魚飯既原條鰻魚大條得黎亦好厚身，加上汁，鰻魚同飯即味道都配合得好好，食落非常滿足最後就有野菜牛肉鍋，菜同肉都好新鮮，味道好好，湯飲落去亦都好甜，雖然望落去好似好少野咁，但係其實有好多配料！如果想搵一間坐後舒服而食物質素又好既cafe，依間都係一個唔錯既選擇

黎到觀塘覓食，焦點已經由大商場、連鎖店轉移到工廈區。試過好幾次係工廈食到好餐廳後，今次就試下呢間走溫馨家居風既和式小店。座位多且闊落，坐得舒適。而每張櫈下面都有置物籃放個人物品，係貼心既舉動☺️大窗戶透光十足，令餐廳感覺更闊落。再加上大量自然光引入，配合裝修既木建築，的確舒適溫馨。話咁快就上第一道菜：咖哩豬排飯定食呢到上菜真係好快，如果我冇記錯，當日叫左十五分鐘左右成個定食就上左枱。咖哩帶微甜，典型日式咖哩。豬排皮做唔到吉烈效果，第一啖已經霖左。第二道送，蒲燒x魚腩定食同頭先既豬排定食一樣，有牛舌、麵鼓湯做前菜。嘩！主角上場啦！點解係蒲燒x魚腩呢？係因為我已經唔記得係咩魚，只記得每塊魚肉中間近骨位都有魚油。食起黎非常滑口，令燒過既魚肉食起黎都唔會乾身，唯有細味之下先食到微弱既魚油腥味。但對我黎講，個蒲燒汁略為重口味左右d，所以愈食愈咸。最後都要叫杯飲品。呢杯白桃梳打，清清甜甜，好岩我口味。而另一杯烏龍檸茶就失色d。烏龍同檸檬兩種味道格格不入，做唔到混和效果，而且檸檬太酸，就算倒曬糖水落去都係酸左少少。整體黎講，都係一間優閒舒適既餐廳。

.🔺日式棒棒雞奕 $56雞奕開兩邊，完全岩曬我呢啲懶惰既人一口食曬😻，熱辣辣炸得好好味，面頭加上辣粉，少少辣好過癮。無論去到邊都要食雞奕，checked✔️.🔺汁燒八爪魚丸 $48/6粒 $72/10粒大大粒八爪魚，而且內裏都好飽滿，燒到脹卜卜，面頭微脆，朋友實在太中意食小丸子👍🏻。.🔺明太子海鮮意粉 $78呢個推薦比大家，好好味。入面有蝦肉粒等等，好爽好口既蝦肉，而明太子沙律醬超多超多，入口creamy，意粉軟度量中，加上面既溫泉蛋，整爆蛋黃，蛋黃漿混合意粉，好好味😻😻😻，完美清碟。.🔺迷你鹽味焦糖鬆餅 $52個朱古力公仔會唔會太可愛😻，以為個鬆餅平平無其，咬開入面原來有流心既焦糖醬，驚喜👍🏻

之前黎食過lunch set，覺得又抵食又吸引😚 但次次都好趕 所以就諗住悠閒啲放工再黎食一次晚餐。.神戶野菜牛肉鍋 $118食落有陣陣牛肉壽喜燒味～都好足料：有娃娃菜，大冬菇，菇，粉絲！全部都索晒啲壽喜燒味 食落比起平時更加juicy🙈 牛肉都好大片而且唔會話好un 同個湯底真係好match😚.原條蒲燒鰻魚炒飯 $148原條個賣相真係無得輸😍 鰻魚燒過好香口而且啖啖肉 襯埋個炒飯更加香口濃郁.日式他他醬吉列魷魚 $68見到賣相好吸引就忍唔住嗌住😍 炸粉包住新鮮既魷魚圈😚 咬落去依然係好彈牙 唔會話比炸粉味蓋住啲魷魚香味～好香脆 配埋他他醬簡直perfect👅.富士山特飲 $52平時lunch飲得多咖啡，今次就試下d特色野😍 果陣一上枱好呃like 入面既led燈會不停轉色 配埋3.6牛乳雪糕🍦真係好有富士山既感覺😚 .總結，店內環境好有日本風味而且擺盤都好比心機，仲有一個concer比客人可以買啲日本代購既產品😚，而且環境都好舒適好適合gathering同傾下心事🧡絕對係一間好有誠意既小店～

前陣子工作太忙壓力太大，終於等到放假，當然要不停食食食😋呢間喺觀塘既喫茶店環境舒適，好啱同閨密傾成晚計❤食物同飲品的選擇都唔少~山梨懸之富士山 Yamanashi Fujiyama special drinks（$52）平時飲品最後講，但呢杯飲品將成個富士山搬過嚟，仲閃下閃下咁好夢幻呀，係視覺上既享受！其實佢係藍柑橘加檸檬，再配上北海道3.6牛乳雪糕。飲落有種清爽既檸檬味，雪糕球散發淡淡奶香，好睇又好飲。原條蒲燒鰻魚炒飯（$148）完全冇諗過條鰻魚咁大條咁厚肉，難得既係去哂刺，再配上惹味既鰻魚燒汁，食落毫無腥味，讚！炒飯分量頗多，d飯粒粒飽滿分明，每粒都沾滿醬油，一直食唔停口。七味墨魚咀（$68）平時係食開椒鹽墨魚咀，所以覺得呢度既墨魚咀味道淡d，但咬落又幾爽脆，唔錯。鹿兒島豬軟骨野菜鍋（$128）d豬軟骨軟身又入味，更重要既係湯底鮮美濃郁，即使飲埋都唔會覺得口渴。我地兩個女仔食到好飽，埋單每人$220。

《工廈又一好去處》大蝦蟹籽沙律 $78*🌕🌕🌕🌗🌑有3隻大蝦，蝦好大隻，食落彈牙。沙律用醋調味，開胃唔膩，沙律2個人食岩岩好。-原條蒲燒鰻魚炒飯 $148*🌕🌕🌕🌖🌑原條鰻魚上，鰻魚好好味，鰻魚汁好香岩哂我。不過個飯有少少失望，飯加左燈籠椒炒，無乜鰻魚味，如果個飯日式啲會有滿分。-長崎潮鯛3.7牛乳鍋 $132*🌕🌕🌕🌕🌗一人份量火鍋，魚片約5片，但無乜味、而且有些少乾身。但個湯底真係幾正，奶味濃度適中，將菜同南瓜浸係入面好正！仲有粉絲！呼，係吉野家以外既另一種享受。如果唔係魚，係蟹肉做配料，我會比爆分！可惜當日售罄左。-雜草莓Smoothie $42*🌕🌕🌑🌑🌑沙冰質地，第一啖飲落去有啲藥水味，好大杯，但視覺效果好好。-凍香濃朱古力 $30*🌕🌕🌗🌑🌑上面舊cream好治癒，但朱古力不太濃郁，我第一啖就飲到2粒冰，凍到牙周病既我HiHi，如果又凍又無冰就好。-不過環境真係值得一讚，樓底高，又有日本格調，同朋友傾下計都幾正，打卡一流。

平時去開觀塘嘅工廈大部份都係去party room，今次嚟到呢間裝潢非常日式，環境休閒嘅喫茶店真係第一次，以食物質素嚟講真係比好多地舖出名嘅鋪頭更高🥰========================原條蒲燒鰻魚炒飯🐟 $148成晚最驚喜就係呢個份量十足嘅鰻魚炒飯呀🤩本來都冇預計鰻魚會咁大條，點知佢竟然唱多差啲掂到張枱添🤭高質嘅鰻魚食落應該已經去骨，而呢條鰻魚係我食落咁多啖裏邊都冇挑到任何嘅刺，真係意外中嘅驚喜。厚肉嘅鰻魚淋上惹味濃郁嘅鰻魚燒汁，配搭上經醬油煮過嘅炒飯，真係食極都唔停口😋鰻魚愛好者嚟到一定要試試佢💕========================明太子蟹肉炒飯🥘 $119碟菜上到枱橙橙紅紅咁賣相好靚🤩以前都冇試過蟹肉配明太子嘅菜式，原來除咗顏色之外佢哋食落都幾搭配嘅👅炒飯炒得夠乾身，粒粒分明，啖啖飯之間有一舊舊蟹柳肉🦀配埋蛋絲🍳同彈牙嘅明太子食落開胃，飯量適中係平時碗半白飯左右，啱晒大家齊齊share😆========================日式他他醬吉列魷魚🦑 $68平時都幾好吉列系列嘅嘢食，而唔少時候都會嫌外層嘅炸皮太厚，但係呢個吉列魷魚🦑就完全冇呢個問題😋首

今日約咗同好耐冇見嘅好姐妹食飯 官塘有好多日本菜選擇，要數到有特色又坐得舒服嘅 好難搵到點知比我搵到間喺觀塘工廈 地鐵站又近去到嘅cafe 本身都唔係好大期望因為cafe有時 都唔係坐得好舒服 但係去到發覺裝修都好新 而且全部梳化 位與位之間又好鬆動， 窗口仲有風景睇添 最值得一讚係本身訂位訂咗兩個 去到先至話加多一個 店員都好努力幫我哋搵下有冇預約咗唔嚟嘅客人等我哋可以坐得鬆動啲 雖然最後都 冇三個位坐不過店員嘅服務態度真係好好又有禮貌 今次我哋嗌咗幾樣食物， 呢個係鰻魚炒飯條鰻魚好肥味炒飯又好食 跟住都仲有嗌墨魚嘴 明太子雞翼 同埋燒牛脷 價錢都合理不過以上嘅小食都有少少辣 總括而言食物質素幾好但係份量較少如果有男仔去就可能唔夠食

#MJ觀塘#MJcafe香港地物價高 租金貴 相信大家都知嫁啦，所以好多食肆為左避開高昂既租金 都會選擇將間鋪開係啲樓上鋪或者工廠大廈，以減少租金上既開支。今次黎食既呢間cafe就真係名不經傳，我都係從朋友既推介先知原來有呢一間cafe既存在，聽佢講都唔錯既 所以就親身黎試下。呢度既環境主打日式裝修風格，以淺色 白色為主，用木既傢私較多 有啲位就咁一個坐墊 都幾日系。暗黃既燈光加上白色小射燈 令燈光柔和而唔會有燈光不足既情況，而枱與枱之間既距離都幾足夠，幾岩幾個朋友黎傾下計 食下野。🔽🍛原條蒲燒鰻魚炒飯呢個飯個人認為係黎呢度必叫之選 淨係呢條肥美既鰻魚已經值回票價，鰻魚同個炒飯精美咁放左係個碟度 已經令人垂涎三尺。鰻魚肥美肉夠厚 加埋個甜甜地既鰻魚汁 就咁食已經好美味，食質夠厚令個口感好滿足，而且好嫩好似係口度化開咁。個炒飯吸左鰻魚汁 令個香味提升左，有少少既蔬菜粒令個飯既感覺平衡啲 無咁膩。🔽🍤日式他他醬吉列魷魚個魷魚炸得幾酥脆 但係一啲都唔油膩，因為佢個他他醬幾清新，帶微微酸味，配合炸物黎食幾唔錯。除左有咁多大大件既炸魷魚之外，原來碟中間仲有啲蛋沙律，可以中和一下口腔。🔽🍲神戶野菜

《Hamsta Crown Coffee》 #食在觀塘📍觀塘巧明街106號冠力工業大廈15樓1501-觀塘工廠區向來多美食 今次同朋友黎間靜啲既cafe食下野飲下野 入到去好舒服 地方裝飾得很精緻🔸明太子蟹肉炒飯 $118蟹子加上少許蟹肉 食落有少少蕃茄醬汁加上醬油 突顯蟹肉的鮮味🔸七味軟殼蟹 $82軟殼蟹兩塊 蟹肉比較厚身 炸得都好甘脆香口 配上沙律醬 🔸十勝一口牛 $108份量較多 比較抵食 小許黑椒汁炒過牛 再加上燒汁 提升牛的味道🔸和牛串 $39和十勝一口牛差不多的味道 但和牛串有4塊牛 再燒汁配上 咬口比較滋味🔸汁燒牛脷串 $37牛脷厚身 肉質有彈式 唔會好乾身配上燒汁醬 一串有三塊🔸(Iced)Mint Mokaccino $38薄荷味重 面頭有濃濃的忌廉甜度適中 咖啡味唔會比薄荷蓋過 🔸Peppermint Tea $28薄荷茶包泡成 香濃的茶味 可以叫侍應比杯熱水 再泡-整體來說 坐位可以寬敞一些較好價錢公道 算係唔錯的餐廳環境較靜 想傾下計 唔中意嘈的朋友很適合🍴7/10

今日喺觀塘工廈發現一間日式格調嘅咖啡店，工廈地點都幾近地鐵站，大概5至10分鐘路程就會到。工廈𨋢只可以去到14樓，要另外上一層樓梯先至到。去到餐廳環境都好大，而且裝修得幾靚充滿日本風格，而且好多梳化位，望落去似家庭式嘅格調，感覺好舒服餐廳都幾多嘢食，食物多元化，都以日式為主。我哋叫咗鰻魚飯，鰻魚飯呢度係原條㗎好大條，非常厚，充滿鰻魚汁而且配嘅唔係白飯，係類似炒飯咁，啲飯都係充滿鰻魚汁架調味非常好。另外，我哋仲嗌咗豚肉豆腐鍋，湯底係麵豉湯底。呢個個味道清清地幾好味，又唔會完全冇味，但係又唔會太濃。入面以蔬菜為主，有金菇 、紹菜、小棠菜等。開頭望落豚肉以為好少，但係夾夾下原來有好多塊，只係黐埋一齊 不過我最鍾意食係啲豆腐，因為好滑同埋湯底仲有少少粉，食落清清哋幾健康我哋仲叫咗一啲串燒，免治雞肉串-咬落去有啲軟骨，呢個燒得幾好食仲叫咗雞翼一客有兩隻，呢個鹽味比較重。另外，雞軟骨都燒得幾好食，爽口香脆。 串燒有居酒屋質素。叫完下發覺原來叫咗好多雞我哋仲加咗個明太子雞翼，雞翼燒到脹卜卜，而且個面仲有少少蟹子，咬落去入面仲有明太子味，相當香口 環境都幾正，幾適合同朋友嚟食飯傾計，坐下坐下我哋都大

為左打卡 朋友介紹我到觀塘喱間日式小店上到去見到間鋪咁靚完全無工業大廈區feel店鋪行少女風 空間感好大 又有舒服的大綿椅成個環境專為少女們而設我一行三人 叫左好多野食第一當然是 蟹肉明太子炒飯 細細碟份量真的不多 應該只夠細食女吃不過內裡真的好多蟹肉 每食一啖都有 所以貴少少都可以接受小食叫了一個炸魷魚圈菜係底吸油 一碟都有6-7塊 都叫不錯了即炸 又香又脆再來就叫了串燒我個人覺得喱到串燒真的一般份量不多 和牛串燒都還可以雞翼串燒的雞翼好細隻 食左一陣風咁無肉的雞翼 只有咸味 可惜可惜我仲叫了一個牛肉火鍋 真心好食底有粉絲、菜 加上牛肉都大塊 店員會有禮地幫你 點火 加蛋食火鍋暖下胃都幾適合最後我地一邊食一邊傾計 都坐左2小時唔趕客 幫忙加水 地方舒服 食物中上如約三五好友相聚 喱間cafe真是好選擇

呢間行和式路線既樓上隱世cafe 係位於官塘工業區既15樓 佢要搭到14樓 再行上一層佢個門口已經好有日系既感覺😆店內仲有一部分係賣日本黎既貨品🇯🇵日式明太子海鮮意粉($88)明太子份量十分足料😳海鮮配料有 蟹柳 帶子青口等 加埋隻温泉蛋 成個意粉口感食落夠曬濃厚 跟餐包埋一碗味噌湯 蜆肉既伴餐 同埋加左21蚊嗌左杯柚子smoothies😋😋😋杯野好抵讚既係用左真材實料既柚子肉 👍🏻👍🏻咖喱牛肉稻庭湯烏冬定食配糖心蛋($88)呢碗咖喱烏冬唔好睇佢好似細細份 但配埋糖心蛋 飯團仲有伴菜 都咪話唔飽肚🤪食得出烏冬十分彈牙湯底 亦都有好濃郁嘅咖喱味另外 呢個餐分別加左18蚊嗌左店員推介嘅白桃烏龍茶桃味清新得黎又唔會太甜😋👍🏻

放工後，同事介紹一間日式餐廳位於宏業工業大廈裡，入到去原來餐廳的旁邊是連埋日本美妝店，裡面的產品好多都是在日本美妝店熱賣產品，食客順便可以在這個小天地購物，忙碌的打工仔又可以爭取購物時間。另外，餐廳的牆邊位置也掛了不少日本雜誌，也可以邊食邊睇。餐廳有塌塌米的座位或梳化的位置供客人選擇。紫番薯串（$36），一串五粒，是紫心迷你紫心甜薯，燒到剛剛好，甘甜美味。燒明太子雞翼（$56），雞翼釀入了大量明太子也可以加上粒粒蟹籽一齊食，令雞翼的外表更飽滿，咬落去會有卜卜聲。燒羊架（$42），燒得肉質鮮嫰多汁，加上檸檬汁調味，更好食，羊架亦不帶有羊羶味。原條蒲燒鰻魚炒飯（$148），原條鰻魚好大條、厚身，而且底層起骨起得很乾淨，鰻魚塗上了大量燒汁，味道不會覺得寡，是送飯的良伴，炒飯底質地較為濕潤，整體都不錯。神戶野菜牛肉鍋（$118）加白飯（$15），白飯用上了珍珠米，飯質較為飽滿，牛肉鍋的牛肉不會覺得肥，內有冬菇、菜、腐皮、豆腐、粉絲，當煲熟後，就倒上已攪拌的雞蛋，令牛肉的肉質更滑、鬆軟，可點上芝麻醬一齊食更美味。

今日試咗呢間樓上嘅日式🇯🇵cafe，佢喺工廠大廈嘅頂樓🏬，入到去好似去咗個日本嘅屋企咁，佢仲有一個corner有好多日本野賣叫咗個最多人叫嘅原條蒲燒鰻魚炒飯，一擺上台，嘩😲😲😲真係好大條，長到掂到張枱面😂😂照燒汁好食，配埋有炒過嘅飯，整體食落唔錯👍🏻另外仲叫咗個神戶野菜牛肉鍋🥘，湯底食到最後好甜，好味架😋另外仲叫咗個和牛串，免治雞肉串🍢同菠蘿串🍍整體嚟講，地方幾舒服，嘢食都ok,同啲朋友嚟食下飯，傾吓計係唔錯嘅選擇🙂