鮨燐

[鮨燐]  日式餐廳,  設計高尚,  店員服務有禮.今晚訂了廚師發辨,  時令壽司套餐 $1,380-,  (正做優惠有六折)  包含: 先付, 壽司 14 貫, 湯及甜品.餐前三品 已送到.  秋日擺設,  日本靜崗縣糖蕃茄, 山口縣貝, 松葉蟹肉啫喱.  山口縣貝, 彈牙美味.   松葉蟹肉香滑.  吃壽司的前奏, 漬物已給我們準備好:  牛蒡,  酸子薑, 酸蘿蔔.   師傅開始弄壽司. 第一道壽司:  北海道烏賊,   口感彈牙, 極新鮮. 北海道帆立貝, 肉質鮮甜,  質素很高.北海道左口魚,  肥美又甘香,  肉質細膩,  鮮味不凡.深海池魚, 油脂豐富, 入口即化, 香氣濃郁.島根縣 池魚仔, 味道非常鮮甜, 油分比較少,  配些紫蘇葉,  清香, 高享受.  兵庫縣甜蝦, 肉質結實嫩滑, 鮮甜香口. 岩手縣赤貝, 十分新鮮, 師傅準備時, 仍鬱動.  即刻食, 好爽口.  鮮甜而有質感.北海道銀鱈魚,  輕輕火灸,   魚油慢慢滲出.  味道好獨特,肉質嫩滑, 燒香後更有脂香.北海道秋刀魚, 魚脂平衡得剛好，既肥美又爽口。北海道野生油甘魚,  肉質細緻得不得了, 鮮美程度簡直沒話說！中吞拿魚腩,    油脂豐富, 入口的感覺就像在吃奶油一樣滑順, 壽司控絕對不能錯過啊！長崎縣鯖魚,  師傅用火槍火炙, 皮有斑紋, 火炙後脂香味濃, 肉質緊致清甜, 非常好食.馬糞海膽,  紫菜香脆包著滿滿海膽,   海膽口感滑溜無比, 口感一流, 大滿足.面䜴湯,  香濃美味, 有豆腐, 香菌,  可口又暖胃.宇治抹茶奶凍, 自家制, 質感很軟滑,  混上香濃抹茶味, 更添秋日快感！ Omakase 食材上乘, 食刺身壽司新鮮, 唔油膩, 師傅及服務員好專業,  非常欣賞.  …查看更多

今日又去撐枱腳食omakase啦，位置好方便，收工直接過去好快，出地鐵口之後都唔使行好遠。店裏面嘅環境好好，服務員嘅服務都好到位，餐具非常漂亮精緻。前菜有菜之花加柴魚，蝸牛已經處理好內臟，口感很爽脆，螢光魷魚擺盤非常精緻，食起身未到非常鮮，配上柚子汁，口感黏口味道非常之搭。有幾款壽司，我覺得非常值得推薦扇貝壽司，上邊有柚子皮扇貝非常鮮甜，食起身仲有淡淡的柚子清香。鮫鰈魚, 頂部有一小塊是魚的不同部位，質細嫩柔軟，吃下有點點清甜味，油分十分充足。大分縣深海池魚, 相對其他硬身少少，魚肉特別肥美，魚肉紮實，肉質紮實彈牙，上面放柚子胡椒醬作點綴，鮮香濃郁四溢。靜岡縣產金目鯛, 肉質非常鮮嫩,鱼肉具有甜香浓郁的味道，颜色浅粉，肌理紧实，口感肥而不腻，脂肪豐厚,味道濃厚，有點輕輕炙烤的香氣，搭配九州博多的蔥，味道很特別。北海道北極貝, 有種天然独特的鲜甜味道，貝肉鮮甜得來又口感爽脆，滋味一流! 青森縣三文魚子, 保存了三文魚籽的天然色澤及鮮味，魚卵粒粒飽滿、晶瑩剔透，入口滲出點點甜香, 還摻透著淡淡的醬油香味, 口感一流。甜品係抹茶奶凍，上面有盒日本黑豆非常Q彈，好濃嘅抹茶味，奶味亦都非常之足味道好，唔會太甜，特別食完仲想再食，好適合女士。總體而言，環境很舒適，廚師製作很用心，每道菜式都會作介紹，我同老公都覺得非常滿意，食材新鮮，性價比好高，下次應該會繼續與朋友來再食一次！…查看更多

今年聖誕節都未能外遊，於是約定好友在本地盡情吃喝玩樂。今次我們的主題是要尋找日本美食，大家立即想到Omakase。我們聽聞這間位於上環蘇杭街地舖的「鮨燐」質素高、服務好，於是預訂了午市時間到來。中午時段座無虛席，廚師很有熱誠地和客人互動。我們點選了兩份壽司14貫定食的廚師發辦。茶碗蒸首先是茶碗蒸，蒸蛋口感嫩滑，與雲耳和蟹柳一起食用，非常滋味。鮮菜沙律沙律菜新鮮清爽，加上醋汁，令人開胃。壽司14貫定食廚師說會用上時令食材，食用時將會由淡至濃味。北海道帆立貝廚師說要先用刀拍打帆立貝數下，讓其神經收縮，食落肉質更爽口。鯛魚這款是愛媛縣養殖鯛魚，膠原蛋白高，比一般鯛魚營養價值還多，食落味道較淡。深海池魚表面經過炙燒，迫出魚油甘香，肉質爽口；放上柚子胡椒醬，加添微辣味道。赤貝廚師用刀把赤貝𠝹至八爪魚形狀，並在表面放上靜岡柚子皮，柚子味十分出眾，帶出清香口味，爽滑有嚼口。鰤魚即大條油甘魚，廚師解釋80 cm以上才叫鰤魚，口感柔滑細膩。池魚相對深海池魚，這種較細條，肉質較軟腍，魚味較濃，表面放上碎蔥，加添香味。北海道牡丹蝦爽口甜美彈牙，廚師把蝦膏拆出微燒，香氣撲鼻。秋刀魚表皮𠝹開放上蔥花，肉質較軟腍，肥美甘香。中吞拿魚腩肥美腍身，油脂味濃，入口即溶。馬糞海膽海膽味道非常鮮甜，鋪滿壽司面層，口感十分creamy，齒頰留香。日本梭子魚即竹籤魚，肉質清爽，炙燒表面將魚油逼出，食落更甘香。醬油漬赤身即瘦吞拿魚，經過醬油醃製，肉質較實，有嚼感。 鯖魚長崎縣養殖鯖魚油份較重，魚味香濃。卷物黃蘿蔔紫蘇葉吞拿魚茸卷：黃蘿蔔爽脆，紫蘇葉清香，加上軟綿吞拿魚茸，多了一份層次感。乾飄卷：即冬瓜乾卷，味道帶微鹹，還加添wasabi辣味。腐皮昆布絲麵栗子雪糕最後還有香滑腐皮昆布絲麵和栗子雪糕，非常豐富。值得一讚的是廚師細心講解每一道壽司，讓我們加深認識 ; 態度有禮，常與客人互動。店員亦不時加添熱茶和更換毛巾，得悉我不吃菇類，便通知廚師不要放在茶碗蒸內，非常貼心。食材新鮮，性價比高，這次享用Omakase的體驗真的不錯。…查看更多

鮨燐 Sushi Rin上環隱蔽Omakase  食材有質素師傅有功架🧁食物質素：😍😍😍😍😍📸打卡指數：😍😍😍😍🧹衛生指數：😍😍😍😍😍💁🏻‍♂️店員表現：😍😍😍😍😍💵性價之比：😍😍😍地址:上環蘇杭街128號號地下🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹鮨燐 Sushi Rin 位於上環的內街人多車多店舖多 比較難找到鋪面在尖沙咀也有分店店內日式裝修，有兩層，有房間坐位間隔不多，坐得親密服務員非常有禮貌，服務周到師傅有交流，會說笑感覺多來幾次會建立到良好的關係食材新鮮，師傅有功架與手藝今次是午餐的Omkase 價錢HK$880加10％服務費有5刺生，6壽司，1和食🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.長崎産小長井真蠔。夠大隻，很滿足。口感爽身。入口味道清甜。配上酸的啫喱和芽葱。整個口腔都充滿蠔味2.茶碗蒸。口感滑嫩。配上蟹柳絲。味道不但有濃郁的蛋香。還融入了鮮香味3.中拖羅。油脂平均。與魚香平衡。吃下去沒有筋。証明刀功了得4.大拖羅。入口即溶。無話可說5.牡丹蝦 。材料新鮮。加上燒蝦膏及醬汁。蝦味更突出6.赤貝。很大塊。爽口彈牙7.馬糞海膽 。馬糞特色非常鮮甜。入口非常滿足8.燒左口魚群邊。油香十足。油脂極之香口。但又不會吃到很腻9.櫻花蝦白素麵。蝦味好濃郁好香。上面加了天婦羅碎。有咬口。份量剛好10.柚子雪葩。最後配上雪葩作結。柚子味清新。可以中和整餐飯的味道🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹…查看更多

 想起我與友人都好耐沒有食Omakase，上星期時已預訂來到上環食日本菜，這間日本餐廳「鮨燐」位於上環，我朋友在附近上班，等他收工就一起過來食個晚飯。日文「お任せ」 即係「Omakase」，意思是指廚師發辦，師傅憑著他們的獨到的眼光、過往的經驗及專業的技術，選出優質又時令的新鮮食材，再決定客人當日的餐單，大部分的菜式多以為刺身、手握壽司以或一些精選前菜熟食等的日式食物。店中也有供應消毒捶手液給客人用。友人介紹我來到「鮨燐」，聽聞都是新開張不久的日本餐廳，由店員悉心安排我們座位，奉上了杯熱辣辣綠茶及濕毛巾，再遞上餐牌給我們看看。餐牌上有不同價錢的廚師發辦，我們二人都選擇了$1480的廚師發辦，裡面有前菜、七種刺身、、一個和食、六款壽司、一款湯品及一個甜品。點菜後先端上前菜，分別有以下兩款:日本宮崎縣芒果及帕爾瑪火腿帕爾瑪火腿包裹了一件來自日本宮崎縣芒果肉，完熟的芒果肉份外清甜軟熟，一咬開已有芒果的香甜，加上了微鹹的帕爾瑪火腿，吃起來的感覺鹹香中油潤甘香，同時也有啖啖芒果香，清爽不膩。木魚湯茄子凍   一道涼拌木魚湯茄子凍 ，熬成的木魚湯做成啫喱狀，晶瑩剔透而帶金黃色，清澈中見到切條的茄子，把它放入口中感到清涼，柔軟口感中取其清香鮮甜，消暑開胃之選。七種刺身包括有以下右口魚北海道響螺深海池魚黑目魚幻之鰹中拖羅灸燒大拖羅 右口魚右口魚又叫鰈魚，白身魚始終味道較淡，所以廚師向我們介紹可以把魚肉放在岩鹽板上輕輕轆兩下就可以進食，可以不用蘸上醬油，直接吃到魚肉的清鮮，每塊右口魚內都有片紫蘇葉，右口魚的肉質很滑溜，薄切做刺身，每片都是晶瑩剔透，品嘗其鮮味甘香也配搭了簡單岩鹽的自然鹹香。北海道響螺刺身新鮮又爽口彈牙，每塊都是冰涼，味道鮮甜，螺肉上配以土佐醋做成的啫喱狀，再放在螺肉上一同進食，口感滑順有餘帶酸味，讓人非常醒胃，更提昇了螺肉的啖啖鮮味，師傅把它端上來前再灑上清新的柚子皮，吃起來真是refreshing。深海池魚廚師建議我們不用蘸上醬酒吃，魚片上有一些木魚花，調製過木魚花帶點鹹香，帶出了魚肉本身濃郁的鮮味，油脂豐富，而且餘韻悠長，也不錯。都是深海池魚雖然都是深海池魚，但今次的食法就截然不同，廚師把它切絲再混入了大葱、姜、酱油、蔥花撈起，吃時頓覺魚味十足，也有魚油香，質感非常滑帶鹹香，十分好吃。黑鯥魚黑鯥魚表面塗上了日本醬油輕輕炙燒，味道特別可口，吃落魚味很濃，質感滑得來帶點爽口，帶出燒香的惹味味道，油脂香口，簡單地加上wasabi就食得了。幻之鰹師傅在幻之鰹上加了一些鹽再去燒，在幻之鰹魚邊炙燒過，迫出了魚油，燒過後的油脂香更令人垂涎欲滴，把它放入口中，淡淡的煙燻香味散發著整個口腔縈迴不斷。廚師也是建議不用蘸上醬油吃，魚肉質感非常滑，十分好吃中拖羅中拖羅的質感鮮嫩肥美，油脂都豐富，且口感清爽也有回甘，鮮美可口。最後來到一份灸燒大拖羅，看見油脂分佈的紋路很平均，魚邊同樣肥美爽滑，油脂豐腴，而且有入口即溶感覺，它被脆香的紫菜包裹著，一啖咬開滲出了陣陣的魚油脂香，魚油令到很飽滿，真是格外滋味無窮！接下來就是到"和食"，先來一個和食暖下胃，這是「純菜鍋」，內有雞皮被燒過的雞肉、冬菇、甘筍、津白等.....啖啖鮮甜的雞湯，迅速暖胃。黏液凝的純菜，口感也是鮮嫩滑溜，我都是第一次聽到這款純菜，它的功效真是多，例如有消渴、溫脾、安焦和解百藥之毒的等.......吃美味的食物接二連三，跟住就是6款壽司，如下有赤貝牡丹蝦三文魚籽北海道馬糞右口魚群邊赤身赤貝赤貝肉質爽口彈牙又夠厚，味道十分鮮甜牡丹蝦牡丹蝦肉質嫩滑細膩，加埋濃郁的蝦膏點綴，倍加了額外的鮮美，齒頰留香中保留那份鮮甜蝦肉的香氣。三文魚籽三文魚的魚卵粒粒晶瑩剔透，味道都甘味鹹鲜，外觀鮮艷吸引，加上即包脆口的紫菜造成壽司，真是令人回味。北海道馬糞海膽飽滿的北海道馬糞海膽的味道濃郁鮮甜，口感豐腴，鮮甜中微微滲出淡淡海水味，入口即溶，確實是美味。赤身它的色澤鮮紅亮麗，吃起來嫩滑且鮮。右口魚群邊輕輕用火灼過的右口魚群邊，滲出油分更多，吃起來更有豐富，群邊上放了一些辣椒蘿蔔蓉，減輕了部份的油膩感。食完一些壽司又來一碗熱湯， 這個熱湯是「 雜菌清湯」，內裡有豆腐粒、金菇、雜菌及一些青蔥，菌香四溢，味道清甜。最後就是甜品時間，師傅預備了一份抺茶奶凍，中間加了一粒日本黑豆，建議享用時可以把匙羹舀近奶凍的底部，質感真是好香滑，奶香夾雜了清新甘香的抺茶香，清幽、 甘香芳醇，而且不會太甜膩。服務方面真是抵讚服務員及為我們安排今餐的廚師，服務員的招待細心又貼體，不斷為我們斟茶水、換毛巾，又主動巡視留意客人用餐的程度，有換下碟，幫我們清理枱面， 而廚師都把每款菜式食物都好有耐心介紹及講解俾客人聽，用餐時聽著日本的歌曲，仿如身處日本的餐廳之中，今餐Omakase真是吃得滿足。…查看更多

說起最Typical的日本菜除了「壽司」二字，我會說是「廚師發辦 Omakase」，除味覺外，還有多方面的美食全體驗，包括師傅主動對菜式的詳細介紹，此互動的分享和體驗，確實令人十分津津樂道。我不敢說我很懂Omakase，但有看我Blog的都知道我還真的嚐過不少，「鮨燐」可算是中價位Omakase當中比較出色的一間，值得推薦給大家。歷史及介紹等廢話我不多說，想知便自己Google，今次我們選擇了$1,180/位的《入門級Omakase 》大吟釀無花果配芝麻醬: 以大吟釀製的無花果於酒精揮發後雖無酒味，但份外甜美，味道與日式芝麻醬蠻搭配。汁煮白梅貝: 日式醬汁香甜，白梅貝相當入味，質感亦軟腍滑嫩。壽司十四貫，不一一細數:-深海池魚 (上圖): 肉質非常爽實，魚味較為清甜，是Omakase常見的高級壽司，也是其中一款我的最愛。池魚 (下圖): 雖同為池魚，但就大不同，池魚的魚味更為濃郁，而肉質無深海池魚的爽實，各有特色。牡丹蝦赤貝 ＆ 石垣貝: 兩款壽司均食其爽脆滑溜的質感，前者加了青檸及黃柚子，格外refreshing；後者鮮甜，跟象拔有點類似，但味道沒那麼濃烈，這好得多。右口魚: 此薄切的右口較爽身，帶微微魚油香，但沒左口魚般的澎湃。鰹魚: 此鰹魚色澤血潤，有點像吞拿魚，但魚味濃郁突出，師傅更把魚皮燒香，把魚油逼出，豐富的魚油香令人回味無窮。燒太刀魚: 同樣經火炙，微焦香搭上鮮濃魚油香，亦都不錯。三文魚籽: 店方自行加以醃製，魚籽爆破後，竟是極度甜美的味道，十分有驚喜。日本馬糞海膽: 質感奶滑，咪道清甜，海膽味不會過於濃郁。中拖羅: 魚味、魚油及筋肉比例均取得相當平衡，為中上級別的拖羅，絕對是極上享受。乾冬菇梳白 — 喬麥麵: 湯底清甜，令平平無奇的喬麥麵提鮮不少，麵質亦爽滑可口。綠茶椰絲牛乳布甸: 牛乳布甸內混入椰絲碎，因此甜滑牛乳中又滲出椰絲的甜，為中和甜度，師傅亦巧妙運用微澀的綠茶粉，非常有深度。…查看更多

食過佢哋個lunch，覺得都不錯，於是試埋晚餐一位$1380嘅Omakase，有前菜、7款刺身、1款和食、6件壽司、湯及甜品，食完飽到不得了！前菜有隱元豆即係日本豆角，本身已經好肚餓，加上落咗芝麻醬，好快就食晒成碟；仲有大學芋，即係炒過嘅番薯，加少少黑芝麻，大大塊又超級甜刺身鮫鰈切成5薄片，加咗柚子皮及蔥，放喺岩鹽板上碌兩碌，鮮味大大提升石垣貝而家係season，上菜前拍一拍，肉質更加彈牙，海水味濃郁蠔北海道蠔加上醋啫喱及海帶，好大隻而且滑溜，食落微酸開胃帶子用紫菜包住帶子，肉厚而且唔加任何調味更加食到帶子嘅鮮甜鯖魚輕輕燒過後加咗柚子汁及一片白板昆布，身形厚實不過油脂唔算多，酸酸哋啱夏天食秋刀魚雖然香港仲熱辣辣，不過日本已經秋天喇，咁就梗係要食秋刀魚啦！加咗自家製梅醬及芝麻，不過我鍾意唔加任何野嘅秋刀魚多啲中拖羅乜都唔加，就咁食，食到原味又鮮甜嘅味道大拖羅輕輕燒過後，再用紫蘇葉及紫菜包住，冇就咁食咁膩，一咬開入口即溶，油份比中拖羅豐富得多青檸柚子啫喱食完刺身，食個啫喱預備食壽司嘞壽司分別有深海池魚、赤貝、池魚、筋子、根室馬糞海膽及右口魚邊。其他就成日食，筋子就要睇季節先有喇和食係煮咗4個鐘嘅鮑魚，肉質軟綿好彈牙食多碗比較少食嘅中華冷麵，啱呀咁熱食冷麵！柚子雪葩最後食多個雪葩，飽晒！…查看更多

之前食過LUNCH，今晚終於有機會試晚餐Omakase。$1380 一位嘅omakase，有前菜、7款刺身、1款和食，6種壽司，仲有湯同甜品前菜分別有隱元豆同大學芋，隱元豆即係日本豆角，加咗麻醬，好開胃，大學芋，炒過嘅番薯再加黑芝麻，好香甜。刺身有︰鮫鰈5片，配上柚子皮及蔥，放在岩鹽板上轉2個圈，好爽口。石垣貝正合時，鮮甜爽口來自北海島嘅蠔，配上醋啫喱及海帶，海水味重厚灱嘅帶子用紫菜包住，啖啖肉，又鮮甜輕輕燒過嘅鯖魚，上面加了柚子汁同一片白板昆布，加了柚子汁去除了油膩感有秋刀魚食，代表秋天到了，加了自加製的梅醬及芝麻，酸酸哋，好開胃中toro，就咁食，鮮甜得來油份合到好處一向覺得大 toro好油膩，今次呢個輕輕燒過，再用紫蘇葉同紫菜包住食，又不覺膩，仲入口即溶，食完再食個青檸及柚子啫喱，清清口腔6種壽司有深海池魚、赤貝、池魚、筋子、筋室馬糞海膽、右口魚邊。我最喜歡赤貝，好爽口，而筋子都係季性的，唔係成日有機會食的。接住係和食煮鮑魚，花了4小時才煮好的鮑魚，鮮甜無比最後來一個中華冷麵同柚子雪皅，滿足…查看更多

上環因為多寫字樓，近年都多了很多高質食店，但要數高級鮨店，可能暫時只有新開不久的鮨燐。鮨燐晚市就如其他同級鮨店般，人均消費都以一千元起跳，但午市定價相對就親民得多，大部份都是二百多至三百多元，如果不特別追求即日飛機貨，午餐都縛抵食．＊＊＊＊＊＊＊＊＊＊＊＊＊＊鮨燐店面不大，壽司吧枱只可客納九位食客，另有一個小包廂。午餐有定食、壽司和刺身選擇，價位由$258至$398，另有$800的廚師發辦套餐。我點了14貫壽司定食($398)，壽司款式是師傅安排，個人覺得這個定食海膽拖羅都有，跟廚師發辦套餐相差不遠，但索價平一半，性價比較高。沙律新鮮爽脆，酸香十足很開胃。蒸蛋熱辣辣，非常滑溜，內有木耳、蝦、冬菇和蟹柳。上壽司前，師傅先奉上漬物，有酸薑和蘿蔔漬。鮪口魚魚味較淡，上面是味噌醬，令食味大增。帆立貝鮮味夠，但略嫌較為薄身，影響口感。金線鯛本身魚香較淡，但師傅火灸後再加了一點醬油，味道不錯。牡丹蝦夠大隻，蝦肉結實爽甜，超好吃。深海池魚夠厚身，魚味亦濃。赤貝非常爽口。池魚本身魚油不久深海池魚豐富，但師傳加了薑蔥在上面，令味道較為豐富。松葉蟹肉份量非常多，味道鮮甜。海膽入口冰涼，味道超鮮甜，超正！三文魚籽鹹鮮味十足！平政魚不太多地方有，因為漁穫本身就不多，能在這裡吃到著實驚喜，肉質很有咬口，魚味亦濃郁。拖羅入口即融，美味就無需多講。鰤魚口感頗肥嫩，味道不錯。左口魚邊被火灸過，魚油都被迫了出來，食到滿咀酒香。這件玉子賣相雖然毫無特別之處，但口感卻非常滑，有點像吃布甸，非常特別！味噌湯內有豬肉、蘿白和洋蔥，非常清甜，師傅特意減少味噌份量以配合港人口味，所以味噌湯亦不會有過鹹之感。最後來一杯柚子雪葩以清除口腔味道，味道清新怡人。總結，質素拍得住尖沙咀銅鑼灣等高級鮨店，午市雖然魚生都隔了一晚，但仍然非常有看頭，以比晚市便宜一半的價錢能吃壽司吃到飽，性價比非常高。…查看更多

哈日的友人J相約飯聚，特別要求吃日本菜。剛好這天於上環附近工作，便提議去試試開了不久的鮨燐。店舖位於蘇杭街尾，門面白色雲石牆配上紅色招牌，簡潔寫上「鮨燐」二字，沒有港式日菜的花俏姿態，卻帶點實而不華的氣勢。甫進店便受到招待我們的坤師傅熱情歡迎，亦看到當晚的食材已準備就緒。安坐壽司吧枱後，與師傅寒暄幾句後便開始挑選套餐。首次到訪，先淺嚐$1180的14貫Set，看看師傅的手藝。暖毛巾上亦特意寫上店名二字，看來是立志要在香港壽司界打響名堂！ 不久後店員便端上先付兩款，看似簡單的汁煮白梅貝一嚐已先聲奪人， 口感厚實之餘，也沒有丁點潺或韌的感覺。另一款前菜就是松葉蟹肉配胡麻菠菜，蟹肉多汁清甜，底下的菠菜則混入了芝麻醬汁，兩種層次皆有喚醒味蕾之效。 先付過後，已急不及待想吃壽司，坤師傅也開始發辦。壽司未入口，已先見識到師傅的熟練手藝，由選魚至捏飯，一切一握爽快精準，壽司飯的比例及密度也恰到好處。第一件是深海池魚，上面放了木魚花、大蔥及山わさび製成的調味，咬口及魚香亦因此增加，配搭得而。 接着的赤貝鮮活爽口，再用上幾滴青檸汁帶出其鮮味，貝肉甘香久久不散。扇貝則以碎青柚子皮點綴，獨特的柑橘香與厚肉扇貝併發出清新味道。 牡丹蝦來自加拿大，師傅已貼心剝去頭尾，卻毫不浪費地將原隻蝦膏預先慢火燒香，放回蝦身之上，鹹香濃郁的燒蝦膏襯托甘甜馥郁的牡丹蝦肉，無比提鮮。鮫鰈又稱右口魚，肉質較彈牙，因此將魚肉作三層薄切， 令咬落更易散發魚香，加上以米、味噌及清酒製成的三星漬，香氣突出。 然後就是螢光魷魚，據師傅所說必須當日即蒸，不然第二日便不能保持新鮮飽滿的外形。魷魚裏面盡是墨汁及膏，口感滿足，濃度剛好又不會腥。火炙銀鱈魚是來自日本的刺身級數，魚身軟腍，加上火槍的炙煉，微微焦脆加上瀉出的油香，是對銀鱈魚的另一體會。 池魚軍艦是以たたき手法處理，切粒後混入加大蔥、蔥花及薑蓉，薑蔥的微嗆正好平衡池魚的魚鮮，紫菜也當然爽脆滋味。 吃到一半，坤師傅便奉上自家製蜜柑啫喱，清清口腔，順道給我們試試一些自家製漬物：青瓜、洋蔥及燈籠椒。在準備下半部分壽司的同時，師傅也開始與我們閒聊起來，由如何成為壽司職人談到在日本的所見所聞，言笑間更能體會師傅對食材的熱情、手藝的執着，確實難得。 一輪談天說地過後，焦點又回到了第9款壽司之上，鯖魚壽司伴的是紫蘇絲、芝麻及一片薄薄的昆布，迷人的紫蘇香混合昆布的海洋氣息，與鯖魚十分匹配。鰹魚則以酸汁作經典配搭，上面的兩片生蒜片亦沒有過於濃烈。 醋小肌魚更考驗職人的刀工和手工，師傅以鬢辮方法將魚身互相交疊，令魚肉厚薄不一，口感亦有微妙變化。 三文魚子軍艦也絕不欺場，粒粒飽滿、鹹香味也足夠，再灑上碎柚子皮，非常滿足。 我最期待的海膽軍艦終於出現，來自北海道根室市的馬糞膽瓣瓣晶瑩肥美，鮮甜幼滑，令人甚是回味。大吞拿魚腩遍佈油花，咬下魚鮮及油潤感兼備，絕對值回票價。本以為大拖羅已是今晚的完美句號，豈料師傅特別準備的火炙左口魚邊更為驚喜，左口魚經過熊熊烈火的洗禮後，油脂盡出，做得非常出色。 嚐鮮之旅最後以豚汁及柚子雪葩作結，總的來說，這裏的食材、手藝，以至調味配搭，也非常不錯，而我亦肯定會再次到訪，嚐嚐其他料理及清酒！…查看更多

叫咗個14件壽司set茶碗蒸第一次食有雲耳嘅蒸蛋，好得意！右口魚原來佢有另一個名叫「絞鰈」㗎喎！上面放咗三升漬，即係用米、辣椒及麵豉製成嘅，帶少少酸辣，不過味道好平衡帆立貝賣相同平時嗰啲唔同，原來係廚師用咗另一種切法，令到睇起上嚟有一絲絲嘅效果，口感有趣金扇鯛即係日本嘅紅衫魚，輕輕燒過後，再加少少醬油，口感結實深海池魚加咗醬油及木魚花，有不同口感，食落爽脆又鮮甜甜蝦好大隻，仲有好多勁鮮甜嘅蝦膏赤貝表呈橙紅色，肉質爽口太刀魚魚身充滿光澤，連魚皮上所以清楚睇到銀粉，輕輕燒一燒後再加少少梅醬，肉質爽身銀鱈魚西京燒多，壽司就比較少食。加咗少少柚子胡椒，鮮味更提升，帶少少油份，口感好爽又嫩滑三文魚籽每粒都晶瑩剔透，食落帶甜唔鹹海膽一啲都唔腥，好滑鰤魚肉質甜美，魚脂豐腴入口即溶！！！中拖羅呈粉紅，魚香及魚油好平均，味道甘香又冇筋，正！左口魚裙邊輕輕燒過帶少少燒香，魚油必晒出嚟針魚魚身帶銀光，肉質彈牙，魚味唔算好濃但勝在魚油豐富！麵豉湯第一次飲麵豉湯入面有豚肉！檸檬雪葩食完飽晒！環境舒適，店員服務態度好，會不斷加熱茶，唔洗驚口乾！…查看更多

朋友説上環開了一間新嘅壽司店，今日去開就來一試，看完menu，選了 omakase sushi 14 pieces set先來沙律及茶碗蒸，第一次食有雲耳嘅茶碗蒸，口感好特別右口魚原來右口魚有個好優雅嘅名，叫「絞鰈」，上面放了三升漬，廚師話三升漬即係由米、辣椒和麵豉製成的，入口微酸帆立貝賣相好特別，同平時見嘅好唔同，原來廚師用了新切法，仲可以見到一絲絲嘅效果，口感更佳，仲好鮮甜金扇鯛即係日本嘅紅衫魚，輕輕燒過，再加上醬油，魚油不多，口感實在，有些似食緊吞拿魚深海池魚加上醬油後，再放些木魚花，增加口感甜蝦大大隻嘅甜蝦，上面仲有蝦膏，好鮮甜赤貝輕輕一拍，上碟，好爽口太刀魚魚皮上，切幾刀，輕輕一燒，再配上梅醬銀雪魚醬油上再加上柚子胡椒，帶出鮮味三文魚籽大大粒，晶瑩剔透，鮮味得棧有些咸香海膽味道濃郁，入口即溶，仲留有餘香鰤魚入口滑溜柔軟，油潤得來很有嚼頭，還帶濃郁鮮甜的魚味中TORO入口滑，完全無根，滑身無渣，油份重，口感好豐腴左口魚裙邊輕輕燒過嘅左口魚邊，有些炭燒香，又有少少油，入口即溶針魚閃爍着銀光，肉質彈牙鮮甜最後來一碗麵豉湯同檸檬雪葩，完美一路食，店員會主動幫忙更換熱茶及熱毛巾，服務周到，地方又舒適，好喜歡餐廳的那幅牆，好似魚鱗，好特別…查看更多

雖然廚師發辦總是令人回味無窮，不僅是味覺上的享受，更好比欣賞師傅功架的一場精彩表演。不過，香港普遍一頓廚師發辦晚餐亦要人均約千五元或以上，實在難以視之為家常便飯頻頻享用。得知最近又一間廚師發辦餐廳進駐上環，重點之一更在於其一系列價廉物美的午市套餐。餐廳分為上下兩層，不過只得少量座位，譬如我當天所坐的上層就只有僅僅七個座位，但另一方面師傅與食客的距離就更加接近，而師傅亦可以更加專注。除了各款定食之外，壽司廚師發辦套餐只需三百多元，而全套廚師發辦套餐亦只是八百元，比起一般晚市廚師發辦便宜接近一倍，絕對物超所值。是日午餐選擇了廚師發辦壽司十四貫定食 ($398)，首先會送上帶清爽醋酸的沙律作前菜。茶碗蒸口感軟嫩滑溜，加入絲絲蟹肉材料豐富。首當其衝的是默甘鯛壽司，魚味清淡而肉質軟滑。深海池魚亦即縞鰺，肉質細緻爽嫩，配上木魚絲及大蔥更添香氣。魚味偏淡的針魚巧妙地配上薑蓉更顯鮮美。帆立貝灑上少量青檸汁，晶瑩剔透且味道鮮甜。赤貝以檸檬皮作點綴，口感爽脆。牡丹蝦肉質彈牙略帶黏性，蝦膏加入蝦頭磨製而成增添濃厚鹹鮮。金線鯛與香港所稱的紅衫魚屬同科，比一般鯛魚更加鮮甜，炙燒過後逼出魚油甚為矜貴的鰤魚為巨種油甘魚，魚味較細種油甘魚鮮甜濃郁，脂肪分佈平均，入口油潤柔滑，配上三星漬更帶一絲微辣。梳子魚單純加上芝麻作搭，帶陣陣炙燒焦香。紫蘇葉及壽司薑配上魚味濃厚的小黃魚更加清爽。銀鱈魚用作烹調熟食固然是見慣不怪，但倒是首次品嚐新鮮銀鱈魚刺身；銀鱈魚向來以其豐沛油脂量見稱，入口有如帆立貝一樣滑嫩飽滿，又有如大拖羅一樣油潤腴盈，但又不失鮮美甘甜，絕對令人驚嘆不已、回味再三。醋鯖魚配以白昆布、大葉和芝麻，與剛才品嚐的小黃魚有異曲同工之妙。北海道馬糞海膽色澤金黃鮮豔，鮮甜濃郁之餘細膩綿滑。最後一貫壽司以拖羅作結，雖然並非油脂滿溢而入口即化，但脂肪比例恰到好處令魚香得以顯現，兩者平衡得宜。最後送上一碗溫暖的雞肉白素麵，雞腿嫩滑彈牙，師傅更提醒湯底是精心熬製而成，果真濃而不膩。以一杯白桃雪葩為這頓午餐畫上完美句號，口感綿密幼滑，不過甜度偏高。…查看更多

Omakase除講求新鮮及時令之外仲充滿驚喜，今日享用了上環新開的「鮨燐」午市十四貫寿司套餐都不過$400，今後又多一家飯堂了鮨燐以日式裝潢為主，用似魚鱗又似日式小屋屋頂瓦片作特色牆，環境舒適。我地坐於高枱位置，睇住師傅以功力做出一件又一件嘅寿司，肚未飽，已經飽受眼福！首先食沙律菜做前菜隨後就上茶碗蒸，蒸蛋入口嫩滑，配小量脆脆加強口感接下來就到十四貫寿司出場: 真鯛、針魚、赤貝、深海池魚、帶刀魚、梭子魚、金線鯛、銀雪魚、三文魚籽、凡立貝、北海道馬糞海膽、赤身、大拖羅、左口魚享受完十四貫寿司，還有麵食及雪糕。簡直係一個滿分嘅lunch set…查看更多

鍾意食魚生又係識食之人, 一定會周圍去搵omakase(廚師發辦)去食, 因為師傅會因應當日最為新鮮既食材, 傾力為食客精挑細選親力炮製出一餐盛宴今晚喺上環文娛中心睇完節目, 預先已經預訂左喺附近既鮨燐, omakase 有3個價錢, 豐斂由人7點半到埗坐低左, 阿威師傅馬上為我地炮製盛宴首先食個parma ham 沙律開開胃先, 做運動都要熱身, 食大餐之前等個胃熱下身都係必需的😂薄切左既parma ham 唔會太咸太膩👍因為咸味有助分泌口水, 再食d 沙律, 有效喚醒味蕾前菜有呢款松葉蟹碎配土佐醋, 土佐醋係日本菜應用最多既醋, 拌涼菜用, 醇厚的酸味與香醇的鰹魚汁, 能夠完美詮釋配料的原有風味😋剝皮魚配肝醬, 一濃一淡既配搭非常聰明👍九州蜜柑梳打呢杯梳打飲落非常似飲緊新鮮即榨既蜜柑汁咁, 因為佢果汁成份有成80%咁多架, 好濃好香壽司 - 剝皮魚壽司 - 針魚壽司 - 北海道帆立貝壽司 - 蜜柑鯛配三升漬壽司 - 深海池魚壽司 - 活赤貝壽司 - 太刀魚壽司 - 新鮮銀鱈魚橘子啫喱壽司 - 白板昆布 鯖魚壽司 - 野生油甘魚壽司 - 金室馬糞海膽壽司 - 醬油漬吞拿魚壽司 - 拖羅壽司 - 左口魚邊壽司部分分左上下半part, 中間用酸酸甜甜既橘子啫喱做間場, 等你可以食到咁上下清一清個味蕾先繼續全部壽司上面既刺身都係師傅精心挑選同處理, 一定係最新鮮既時令魚, 而且一邊食一邊睇住師傅精湛既廚藝, 非常賞心悅目特別推介既係蜜柑鯛, 係用蜜柑飼養既鯛魚, 所以食落去會帶點淡淡蜜柑既幽香, 鯛魚上面既三升漬係用1升辣椒1升麵豉1升米調製而成, 心思誠意之作左口魚邊非常珍貴, 因為一條左口魚邊只能做到大約4件壽司梅酒啫喱紅豆雪糕食埋碗麵, 食埋2款甜品, 今餐真係大快朵頤呀…查看更多