聚來車仔麵

Open Now

Now Closed

𝕊𝕊ℙ 深水埗 • 聚來車仔麵🏠📍深水埗基隆街𝟙𝟟𝟚號地舖➰聚來，寓意有緣再「聚」，歡迎再「來」，以家庭形式運作的小店，期望帶給食客「家」的味道。➰🔸招牌鮮炸肉丸 $𝟸𝟾 🧆以豬肉、蘿蔔、豆腐、蔥花搓成的肉丸，炸後香脆不油膩，推介必點。🔸瑞士雞翼 $𝟸𝟾 🐥雞翼有三種口味，可選瑞士/蒜香/柚子蜜，肉質滑嫩但未夠入味。🔹招牌煎炸餃子 $𝟺𝟶 🥟每日新鮮手製餃子，外皮煎得薄脆，內餡有兩款，可雙拼韭菜餃/椰菜餃，沾上醋汁或豆瓣醬，非常惹味。🔹三餸車仔麵 $𝟺𝟶 🍜車仔麵方面，湯底及配料未夠濃郁，與店家閒談時順帶反映意見，希望之後會愈做愈好。

我比較少食車仔麵，月初約咗個好鍾意食車仔麵嘅朋友食但最後食唔到，今餐補返數，哈哈！睇Openrice揀咗呢間喺深水埗嘅試吓。【招牌鮮煎餃子（韭菜餃/椰菜餃）】一心嚟買車仔麵，但俾佢哋寫住「招牌」嘅小食吸引到，一於叫埋嚟食吓！可以叫韭菜餃、椰菜餃各半，咁就可以每樣都試啲。煎餃即叫即煎，上枱時熱辣辣出晒煙，個皮一面煎到微焦好香口，麵粉香味重面啲餡料仲好Juicy，韭菜或者椰菜兩款都好食，點醋或者豆瓣醬食都好夾！【招牌鮮炸肉丸】又係即叫即炸！呢個比相像中特別，原本以為係就咁免治豬肉丸，不過原來入面仲有蘿蔔同豆腐，所以唔會食到好膩，又炸到脆卜卜好正！見呢道菜式咁特別就問下老闆啦，原來係老闆嘅家鄉菜，真係唔係度度都食到。【自選車仔麵】車仔麵啲餸每款由9至13蚊不等，好多款都好想食，我又選擇困難症喇，哈哈！最後我揀咗牛腩、豬紅、蘿蔔、魚片頭，揀咗腩汁同粗麵，辣度分大中小我揀咗少。湯底清甜飲落冇落味精，辣醬係放喺羹上邊，撈晒落去都唔算太辣。我另外再加咗辣椒菜脯，好惹味！餸來講比較出色係好入味嘅豬紅同鮮甜嘅蘿蔔！朋友個碗我淨係食咗魚腐，大大舊索晒湯汁好食。碗麵份量都好多，我哋食完都好飽好滿足！我最推介

深水埗食肆咁多，早幾日搵到呢間位於基隆街嘅聚來車仔麵，店內除左有車仔麵之外，有好幾款小食都好好食。呢三款係我最鍾意嘅小食。餐牌大致係咁，車仔麵兩餸只係$35，價錢合理。牛腩同豬紅都算入味呢！其他淨餸系列。煎釀三寶（$18）秘制辣魷魚（$35）煎釀三寶煎得香口，魚肉入味；辣魷魚食落有辣勁，嗜辣者必食！招牌鮮炸肉丸（$28）店家家鄉招牌小吃，肉丸炸得乾身又好味。最最最推介係呢個招牌煎餃子（$40）入口juicy，餡料新鮮，仲有生餃子可以外賣呢！

車仔麵都算係港式名物嚟早、午、晚、下午茶、宵夜都會有人食車仔麵嘅配料都好齊全仲有飯揀~最正係仲有好多小食可惜今日自己嚟食 無朋友仔同我share豬頸肉$13 + 韭菜餃$11 + 生根$9番薯粉$10 (腩汁)可樂 +$7豬頸肉好好味外面燶邊 夠晒香然後入面又爽口依個都算係我食車仔麵 一定會嗌嘅餸韭菜餃都好飽滿爆晒餡咁樣生根就係生根啦蠔油生菜 $13好似要健康啲 所以嗌返個菜蠔油+生菜 都係啲唔會出事嘅配搭食食下 屎忽太痕試咗枱面嘅辣菜脯🥵一開始唔知咩事 放咗好一大啖辣親.........🥲平和咗10分鐘先可以繼續食🥲難得嘅係 依到服務態度幾好

深水埗食店林立，早幾日到深水埗逛逛後就到到基隆街吃晚餐。這家聚來車仔麵是家小店，除了車仔麵外，還有多款食物如扒飯套餐、咖喱、餃子、港式小食、滷味淨餸等等。我們點了一個車仔麵三餸套餐、淨湯餃、一碟油菜、香辣豬紅及淨牛筋。淨湯餃一客有八隻，可以韭菜餃及椰菜餃各半，水餃大大粒非常飽滿足料，味道也好不似有味精，健康有營。淨牛筋一上枱已經很吸引，牛筋充滿五香味，軟硬適中，而且使用新鮮牛筋！補充骨膠原！香辣豬紅非常惹味，而豬紅亦很入味，有地道風味，好吃！車仔麵大碗，蘿蔔香甜、魚旦豬紅也好味，米粉特別好味，有咬口不會太淋。腩汁菜芯香甜好味。整體用餐體驗佳，座位舒適空間夠，店員服務態度也好。

是日去深水埗咖啡店打卡前，來到基隆街的「聚來車仔麵」吃東西先醫肚。車仔麵最開心就是有多種款式的餸選擇，每次都可拼出不同配搭，隨個人口味，揀出是日心水美食。今次先點來一碗「豬紅、豬皮、蘿蔔及韭菜，再配秘製辣汁」。豬皮入味爽口，豬紅還算可以，蘿蔔也甜，而秘製辣汁有料到。再來點了「香辣魷魚、牛栢葉、炸魚皮及生菜，配清湯」。 魷魚是玻璃魷魚， 入口爽脆彈牙，牛柏葉大大件，腍身易咬，炸魚皮薄脆不油。「煎餃子半打 - 鴛鴦餃」有韭菜及椰菜兩款口味， 外面煎得脆皮， 餡料豐富，吃到豬肉的香甜，味道不錯。誠意小食推介「煎釀三寶」，即叫即煎，三寶有尖椒、茄子及豆腐，每件都煎到金香，亦有魚肉味，真材實料。整體上「聚來車仔麵」真是像牆身所寫「家」的味道， 食物質素不油不膩很健康，服務誠懇有禮又貼心，給你有一種回家的溫暖和味道。

平時都比較少去深水埗,但今日專登去深水埗買材料整小手作,行到攰攰地諗住食個下午茶見到店員企係門口叫人黎試下,我又好耐無食車仔麵,所以同朋友入去試下!食物方面叫了自選4送車仔麵)⚪️豬頸肉豬耳豬皮貢丸米線份量都幾多,豬頸肉同豬耳都好脆豬皮好入味而且好乾淨完全無毛,貢丸正常,個湯底好清甜,加上自製既辣菜圃勁辣好惹味!⚪️椰菜煎餃8隻新鮮熱辣即叫即煎,上枱超脆口隻隻都好飽滿脹卜卜.皮薄餡靚👍🏻⚪️凍檸茶正常.茶唔澀ok整體方面:餐廳唔算好大但都有十幾幾張枱.吾迫.去果日係平日所以唔算好多人.所以店員過嚟問我味道如何同我傾計😼跟住就介紹湯底係用雞腳豬骨淆出黎冇加味精.所有食材都係一早開始整.每日新鮮🤗真係食得出冇味精而且食物新鮮又入味.價錢又相宜.去開深水埗一定要試吓!

聚來車仔麵有份親切既感覺，家室式經營！份外體貼。menu大部食車仔麵為主，配料比一般車仔麵店為多！還有好多唔同款式既小食，鹵水款式！蔥油香煎豬扒飯再配腸仔煎蛋，水汪汪既煎蛋 mix埋飯一齊食，正到無比！蛋汁夠香！ 豬扒煎到非常嫩滑，size大大份又夠厚切，車仔麵叫左豬肚，牛筋， 鹵水雞腎 番薯粉，份量超多，非常足料！湯頭夠濃，好香既豬骨湯！無味精食完唔口渴！配料豬肚無怪味，質感軟綿！夠綿滑。牛筋好厚身，qq彈彈！質感水嫩！雞腎爽彈夠入味！番薯粉夠爽身，吸到豬骨湯既味！正。另外香辣豬紅好入味，夠嫩夠滑！

喜歡嘗試和支持不同的小店，在深水埗有一家新開的車仔麵店，看樣子像家庭式經營，有家的感覺。有緣相聚 歡迎再來 就是店名的解說和朋友去叫了車仔麵和餃子分享來吃。餃子有白菜餃和韭菜餃，皮薄但不易爛，菜和肉比例好而且新鮮，也沒有我不喜歡的太多調味，吃出原材的鮮味，我喜歡，湯底也吸引我們去喝，是豬骨雞湯，味道剛好不會過鹹。車仔麵選了豬手、蘿蔔、墨魚丸、豬皮、豬腸、辣魚蛋等，配上油麵，湯底基底一樣是豬骨雞，但加上腩汁多了層次，豬手夠腍但不多肉，夠入味，其餘材料也不俗，簡單的港式美食永遠都是百吃不厭的。相宜的價錢配上飲品，凍檸茶和凍奶茶，也沖得不錯啊。

今日係深水埗翻part time ~下午茶時間朋友話而間唔錯！ 而且仲係新開無耐嘅舖頭 當然要支持下啦👍🏻蒜泥白肉 而個份量好多啊👍🏻薄薄的五花腩，再淋上醬汁！成口滿滿的蒜蓉味，加上芝麻碎， 不錯喔~韭菜煎餃一啖咬落去就聽到卡滋卡滋~煎到十分脆皮！而餡料亦都好味多汁！ 秘製辣魷魚🦑辣魷魚味道鹹鹹香香，且有少少偏辣~惹味脆口辣得你有幾過癮下！ 真係送酒一流架🤤香煎豬扒香煎豬扒煎至兩面金黃色之餘仲啖啖肉！而且外酥肉質鮮美多汁🤘🏻👍🏻招牌鮮炸肉丸呢個菜式出邊d細舖頭真係唔係成日見到！ 肉丸外酥內軟👍🏻👍🏻蒜香雞翼對於雞翼控嘅我嚟講簡直係每次見到必吃！雞翼新鮮即炸~ 脆口蒜香兼備👍🏻🤘🏻

呢間位於深水埗既聚來車仔麵，店舖雖小，但五臟俱全，而且勝在有人情味。難得黎到食本土菜，緊係要食佢有香港風味同特色既車仔麵啦。今次我同朋友叫左兩碗車仔麵同一款小食，全部都係招牌菜。先講朋友果碗車仔麵，佢叫左手打魚肉、牛筋同招牌香辣魷魚🦑。先講湯底，店員非常用心話我地知佢地既湯底每日新鮮用雞骨同豬骨熬製，堅持唔落味精，所以食完都唔會口渴。至於麵底，佢地唔係用鹼水麵，但依然食落爽口。材料方面，手打魚肉食落好滑，魚味十足。而香辣魷魚就非常惹味，但唔會太辣。當中，牛筋較為出色，食落會好韌，好有牛味同埋滷水味，淋得黎非常入味。至於我果碗車仔麵，我叫左上湯花膠、自家製白菜餃同豬頸肉。呢碗車仔麵，有淡淡沙嗲味，唔會太辣太鹹。上湯花膠非常大塊，食落會有雪藏味，反而上湯好入味。豬頸肉方面，店舖應該有將豬頸肉炸過，所以好香口。至於白菜餃，一睇就知技術十足，因為邊緣收口位唔會太厚皮，每隻都脹卜卜，餡料有木耳、豬肉同白菜🥬，呢隻食落都食到好爽口。最後我地叫左招牌炸肉丸，呢款肉丸我從來未食過，食得出蘿蔔含量比豬肉多，但不失彈牙口感，應該係將豬肉打到起膠再混入蘿蔔絲炸成。但正正因為蘿蔔含量多，所以更加健康。

今日去深水埗到買嘢😛見到附近有一間好出名食餃子嘅舖頭 見好多人無論堂食定外賣都會帶佢哋呢個招牌餃子所以我哋都試吓😙餐廳嘅選擇都幾多有唔同嘅小食或者車仔麵男朋友首先要咗一個套餐😍本身湯底都幾濃郁冇味精 😍😍而且係用雞腳淆成嘅清湯湯底上面就叫咗牛腩同豬肚同焯生菜👍佢哋清潔得好乾淨而且整得非常入味好鍾意佢哋嘅牛腩唔會有太黐牙嘅感覺而且豬肚嘅感覺爽彈😎我自己就叫咗生煎餃子 鴛鴦嘅配搭每邊有六隻分別有椰菜同韭菜🙋其實識落就知佢哋真係名副其實嘅皮薄餡靚因為好少食到煎餃嘅皮係咁薄🤪但脆身得來又好多汁😏加上佢哋落得唔多油，食落去一啲油膩嘅感覺都冇 勁啱唔同嘅女士食如果佢哋多番唔同嘅餡料選擇就更加正啦！🤓見唔夠喉我哋另外再嗌左佢哋柚子蜜雞翼😉🍴食落去大大隻上面有少少甜甜地嘅感覺都幾正而且價錢一啲都唔貴嗌得過😂加上我哋仲嗌咗佢地嘅秘製辣魷魚🍴嘩如果鍾意食辣嘅朋友一定唔可以錯過因為真係好正啊 ！好舒食到啲真係咁辣咁辣嘅魷魚🦑呢啲窩心小店真係好正要多多支持好似我哋今日咁樣就搵到寶藏啦💗

好耐冇食過香港地道特色嘅車仔麵！呢間嘅湯底每日長時間新鮮熬製， 唔落調味料、味精，湯都可以飲，引來街坊大讚🥰我揀咗五個餸😋最喜歡係手打鯪魚肉，超彈牙！牛味濃郁嘅牛筋，陣陣骨膠原出晒嚟😂清甜白蘿蔔入晒味！仲有大大粒墨魚丸、貢丸！😜除咗以上嘅配料，仲有好多選擇！下次一定要試埋其他嘅款式😋我今次揀咗咖喱湯底，有少少辣，倍感刺激🤪下次可以試吓牛腩汁、沙嗲汁、瑞士汁、滷水汁等等！你諗到嘅咩汁都有啊😂😂😂招牌煎餃仲可以雙拼有韭菜餃椰菜餃！有焦脆的底殼，一夾好實淨，一咬餡料都好足，不愧係我最喜愛嘅小食🥰蒜香雞翼充滿蒜香~皮很脆~中size雞翼~👍🏻香煎雞扒飯太陽蛋煎得很完美~一切個蛋黃會流心！雞扒肉仲係好滑，醃製得不錯👌🏻仲有蔥油，食晒成碟飯冇難度👍🏻👍🏻👍🏻

車仔麵係充滿香港文化既街頭麵食！平 靚 正！麵類多選擇 又有好多款餸揀 記得細細個每個餸幾蚊幾蚊 童年回憶翻唒黎🤡深水埗依間車仔麵店開係一堆cafe附近，Cafe吾夠食既男士們不坊過去醫飽個肚先再去打卡🤣-牛筋 ($13) / 上湯花膠 ($13) / 豬大腸($12) / 冬菇 ($12) / 韮菜餃 ($11) / 蘿蔔 ($9) / 魚腐 ($10) / 豬紅 ($10)我哋兩碗麵總共嗌左依堆餸，基本上想食既餸都有得嗌，選擇超豐富，而且每舊都好大舊！尤其係牛筋 ，啖啖骨膠原，整得好入味好正！😆比較少見既係魚腐， 索唒d腩汁入去好好食！另外麵底係 +$10 可以自由選擇～車仔麵係必揀油麵，彈牙好食😋湯底兩碗都揀左腩汁，吾會太咸 幾正！仲有得揀咖喱汁/ 沙嗲汁 / 鹵水汁同走湯🤔整體抵食好味又大碗！餐飲凍飲都係加$5啊！

有時真係緣份，誤打誤撞就見到 聚來車仔麵，見到價錢相宜就簡單晚膳。我叫了豬手豬肚咖哩魚蛋米粉，湯底是豬骨雞湯，去油去得好清，豬手處理得乾淨，食落軟稔，豐富骨膠原。豬肚好有口感，份量都多，咖哩魚蛋夠辣又大粒。老公叫了上湯花膠豬大腸薯粉，湯底是沙嗲少少甜辣味，花膠大件，豬大腸很乾淨，有啲帶少少肥，很甘香，薯粉彈牙。整體而言車仔麵份量很大碗，很抵食，如果細食就叫少粉比較好，湯底無味精，清清地很健康。餃子真係好正，餃子皮薄，餡係飽滿的，菜多肉少，韮菜味濃，椰菜鮮甜，煎餃上碟唔算太多油，食落很脆口。豬紅望落去細碗，但食落都算多，啡色方磚好入味，辣辣地。柚子雞翼夠大隻，柚子汁沾滿雞翼，柚子食落很香甜，炸雞翼脆卜卜，食落又好入味。最後點少得汽水，叫了兩罐C+檸檬汁，唔係周圍都有，汽水選擇都算多。