聚來車仔麵

Open Now

Now Closed

《聚來車仔麵》好耐冇食過車仔麵！ 去深水埗買完加強版芭蕉扇行過見到呢間有小店，就拉埋朋友入去試下！🥟煎餃子（半打，$𝟹𝟶)佢有生餃子、熟餃子同煎餃子，生餃子應該係俾你外帶返屋企自己煮～ 我地就叫咗個鴛鴦煎餃😍 包括韭菜&椰菜😋 嚟到見到啲餃煎得勁靚同好香～ 入面好足料，皮薄餡靚，如果煎餃嚟講韭菜比較惹味❤️🍜車仔麵（香辣魷魚、牛栢葉，豬紅，$𝟺𝟻)佢啲車仔麵分咗$𝟷𝟹/$𝟷𝟸/$𝟷𝟶，睇下你叫咩配料～ 佢啲料都俾得好足～ 成碗麵好靚仔～ 食親車仔麵一定要買魷魚！佢啲魷魚辣辣地幾惹味！食落爽口彈牙，幾正～ 牛栢葉我食唔到，朋友話唔錯～ 反而豬紅有少少失色～🍜車仔麵（牛筋、木耳，魚腐，$𝟺𝟸)呢碗係我點既！係咪好似好健康xd 木耳份量超多～ 好爽口～ 牛筋好多骨膠原❤️ 魚腐大大舊～ 湯底揀咗腩汁～ 唔算好濃味，冇咩味精，食完都唔駛點飲水～ 麵就揀咗薯粉，好彈牙唔錯～🍢 煎釀三寶（$𝟷𝟾)好耐冇食過🙈 佢有青椒、茄子同豆腐～ 煎得幾香～ 最鍾意係茄子！好多汁～ 美中不足係個肉餡有啲少～

一向中意食餃子既我早排同男友去左間小店😋有車仔麵、餃子仲有多款小食 一次滿足多個願望但出奇既係 佢竟然比到一種家的味道我地💖似細個屋企人整既野食之餘亦大大碗好抵食😆車仔麵有甘多餸樣樣都想食 於是簡左好多款😌🎐男友之選分別有花膠、辣魷魚、牛腩、豬紅、生菜、蘿蔔佢個辣魷魚係有咬口得黎又吾會咬吾開辣辣地惹味又開胃 比我偷左吾少黎食🤪識我既都知我係好簡飲擇食既人🥶偏食到傻細個食過好苦好難食既蘿蔔所以好怕食蘿蔔☹️但呢間既蘿蔔吾苦之餘仲吸收曬個湯既日月精華🎐我甘為食我又簡左d乜東東呢？花膠、豬頸肉、豬大腸、牛筋、豆卜仲配餃子麵多餸到店員都超級細心話幫我分2碗上菜😂😂我原先係想試個餃子架咋！係咩驅使我叫甘多🤨咪就係佢地個menu簡完餸仲可以簡餃子麵囉🥳正所謂「執輸行頭慘過敗家」有食曬無放過啦～正當你以為佢個餃子麵會係甘而比2隻你之際⋯少年你太年輕啦 佢係足足比夠半打你 仲雙拼添個韮菜夠入味之餘仲大大隻無偷工減料架😙男友食完都話好好味要encore再黎食🤣以後去深水埗除左文記又可以多個選擇啦～～-📍聚來車仔麵地址: 深水埗基隆街172號地舖

呢間餐廳係家庭式經營，嗰日去食飯仲見到老闆嘅囡囡坐埋一邊打機😂全家人態度都勁好，嗰陣唔係食飯時間所以同佢地傾咗陣計，成件事好有人情味😎態度好已經食得開心好多，更何況連啲食物都咁高質，feel到好用心整作🥳.🥟秘製蔥油豬扒飯 $43超級豐富嘅一個飯，除咗豬扒仲有煎蛋同餐肉/腸仔二選一🤣件豬扒好大塊，煎得好香口，每一啖都食到少少油脂😍同埋完全冇落鬆肉粉嘅嗰種口感🥰.🥟三餸車仔麵套餐 $40雖然用車仔麵做餐廳名，但反而相對較普通，不過勝在夠足料🥳小編叫咗生菜、豬紅同埋牛腩，不過上枱個時仲多咗三條芝士腸😂牛腩比得好多，炆得夠淋同入味😻.🥟招牌鮮煎餃子 $40/8隻分別有韭菜同埋椰菜揀，小編揀咗韭菜😚個餃子真係超級超級好食，好難忘記到陣味🥲岀面啲餃子好難食到豬肉嘅鮮味，但係呢間食得出所有材料都非常新鮮😻同埋煎得好靚，皮薄餡靚，一咬啲汁咇曬岀黎😆係我食過數一數二好食嘅餃子😳.🥟招牌鮮炸肉丸 $28/10粒肉丸都係餐廳招牌，一樣係用新鮮豬肉去炸，非常香口😍餐廳仲好細心比埋醃菜去吊味，減低油膩感😋講多句就係所有餃子肉丸呢啲都係即叫即整，所以需要等耐少少😜.🍽味道: 4.5/5🏙環境: 4/5‍👨🏼‍🍳

深水涉基隆街小店-聚來車仔麵試下這間車仔麵，地方細細，尚算整潔，俾人有食得舒適，安心的感覺。食野環境當然重要，係深水涉食野，唔係間間都令你安然進食😄米線+牛根+魚腐+小辣煎韮菜餃+椰菜餃秘制辣魷魚凍檸檬茶車仔麵有誠意又大碗，湯味比較淡一點，原來係因為無味噌的烹調。牛根夠淋，魚腐大大粒，仲配生菜俾你，非常好！$33碗抵食！自家製作嘅餃子，即叫即煎。外脆內軟，有肉汁，好味！ $40有8隻 / $30有6隻仲可以外賣生餃子。$42一打魷魚有彈口，辣味適中。#支持小食

“自選車仔麵：豬頸肉+香辣魷魚+豬大腸+豬皮+出前一丁”($61)“4餸套餐：蘿蔔+煎蛋+牛腩+豬肚”($45)“招牌鮮煎餃子(8隻)：韭菜餃+椰菜餃”($40)深水埗近年嚟開得最多嘅就係cafe但其實都有唔少貼地啲嘅小店可以幫襯吓嘅🥰呢間車仔麵店就係其中一個選擇😆舖頭光猛企理,都坐得幾舒服🤗呢道除咗車仔麵,仲有飯餐提供🍚見都一段時間冇食車仔麵,一於一人一碗啦😛男朋友要咗散叫嘅豬頸肉+香辣魷魚+豬大腸+豬皮+出前一丁湯底就要咗腩汁😙而我就要咗4餸餐☺雖然配料選擇冇咁多但超抵食😆配料點咗蘿蔔+煎蛋🍳+牛腩+豬肚+米線湯底就要咗沙嗲汁😋想講呢道啲餸係畀得超多😍食到最後竟然有好多餸淨,超飽🤣要大讚啲蘿蔔,超腍超甜😍另外就係個秘製辣醬🌶,食落好香好惹味🤤仲愈食愈辣好過癮🤤呢間車仔麵仲有一樣名物,就係煎餃🥟一場嚟到要咗份雙拼椰菜餃同韭菜餃試試😍首先啲餃子賣相已經好吸引😍隻隻都漲卜卜仲煎得超金黃🤩一咬落去係爆汁架😍😍個人就鍾意韭菜餃多啲,食落香濃啲😚好開心又食到高質餃子啦🤣

🥢煎餃子🥟（韮菜餃、椰菜餃）：餡料配得好👍🏻，韮菜配少量肥肉香口，椰菜配木耳則爽脆。餃子香脆之餘餡料新鮮，必食！🥢車仔麵配料當中：花膠、冬菇幾出色。花膠軟淋、冬菇肉厚又入味，煮得用心❤️。🥢柚子蜜雞翼：開胃，啱大人小朋友食。味道：🔅🔅🔅🔅🔅新鮮：🔅🔅🔅🔅🔅分量：🔅🔅🔅🔅衛生：🔅🔅🔅服務：🔅🔅🔅🔅（5🔅為滿分）

🌗車仔麵套餐C （四餸加粉麵） $45 凍飲加$2如果想自由搭配餸嘅話就唔好揀餐，因為套餐嘅選擇唔多，勝左份量夠大，揀左牛腩、蘿蔔、生菜、芝士腸，牛腩份量尤其足料，大概有四五大件；蘿蔔清甜舊舊都無渣！辣椒醬🌶係分裝係湯匙之內，辣度可隨自己喜好再增減。🌖招牌鮮煎餃子（8 隻） $40 餃子有分椰菜餃同韮菜餃，可以揀雙拼。餃子皮薄餡多，外皮煎得香脆，咬落仲識滴汁。椰菜餃清爽鮮味，韮菜餃味道濃烈，煎餃本身就會比較油，但點左醋就油膩感減半。🌖招牌鮮炸肉丸 $28肉丸勁鬆軟，軟綿綿到無牙都食到呀！內裡鬆軟但外面炸得香脆，比起宜家傢俬嘅招牌肉丸，呢個絕對更勝一籌‼️美中不足係配菜方面選擇左酸醃蔬菜，如果配搭紅莓醬就真係無得頂😍！OMG！唔記得咗問老闆有冇賣急凍肉丸，等我放係屋企隨時拎出黎食。🌗蒜泥白肉 $28呢道小食不太推介，肉切得唔夠薄又太乾，蒜係蒜粒而非蒜泥，食完嚇唔走吸血鬼喎。📢車仔麵以外其實仲有飯餐架，唔好比個舖頭名呃左😆。

深水埗好多好嘢食，價錢都好親民，而且份量都好大，一定食得飽！呢間餐廳主要係食鍋貼同牛肉麵，我就點左呢個牛腩河同八隻鍋貼。鍋貼一睇個樣就知煎得非常之好，入面啲餡夠晒足料，都好juicy! 佢嘅韭菜餃非常好食，韭菜味好出！牛腩河牛腩份量好多，肥瘦比例啱啱好，仲有啲菜心，Balance番成碗麵，令到個口冇咁油膩。除咗牛肉麵之外，亦都可以點一啲淨餸系列，買返屋企食價錢都幾抵呀！可以就咁煮碗麵或者飯，然後喺餐廳買淨牛腩食，諗起都正呀！

收工要去學車，學車前要醫飽個肚，就同朋友去佢推介既車仔麵檔食晚餐。入到去環境企理，坐得又舒服，不錯。👍食物我覺得係車仔麵檔黎講好高質！招牌鮮煎餃子 韭菜餃 ($40 8隻）我係超級鍾意食煎餃。佢呢個煎餃應該都可以話係我食過既Top3. 首先一上枱已經贏曬，煎得好靚好金黃，而且唔會覺得佢油淋淋。😍一食，個皮夠曬脆，又唔會覺得肥膩，仲要好Juicy。極度推介！😋生菜 （$18/碟）菜有得揀配蠔油/腩汁，我地就揀左腩汁。生菜份量都足夠，而且幾新鮮。自選車仔麵 （牛筋 冬菇 蟹籽丸 魚腐米線 $54）配中辣秘製辣醬同沙嗲汁。牛筋好有咬口，冬菇夠淋夠入味，個湯底好正，沙嗲汁好香濃。自選車仔麵 （豬頸肉 牛腩 芝心丸 手打魚肉 番薯粉 $56） 配小辣秘製辣醬同腩汁，沙嗲汁 。豬勁肉超爽口，牛腩好夠味而且好淋，易入口。手打魚肉都好正。番薯粉好彈牙好煙韌，湯底配上藍汁再加沙爹汁真係一流！👍雖然個車仔麵食咗56蚊，但係我都覺得好抵。😋

今日同朋友喺玩具街買嘢，跟住就去基隆街嗰邊搵嘢食，呢條街好多小店，咁啱見到呢間聚來車仔麵，tea time都幾多人喺門口排隊外賣添。四餸車仔麵牛筋、豬大腸、韭菜餃、魚腐～呢度啲餸菜都幾大份，牛筋亦都夠晒淋，豬大腸好入味，估唔到連個湯底都咁多選擇，我哋選擇咗沙嗲湯底，唔辣得來又充滿花生香味，用料都唔錯👍另外見好多人叫小食，我哋order了香辣豬紅、煎釀三寶、生菜魚肉～全部都係即叫即整，雖然都要等10分鐘左右先有得食，但係上枱熱辣辣😍夠晒新鮮。估唔到小店嘅餸菜都會擺靚靚，見到隔離枱叫咗個煎蛋蔥油豬扒飯，半生熟嘅蛋擺喺圖形造形嘅飯上，蔥油淋上面充滿園林氣息，睇得出店家嘅細心添。性價比極高👍👍

今日去深水埗買電子用品我接近傍晚時分想簡簡單單食個車仔麵，一於試吓呢一間呢間餐廳係小店經營，侍應態度超級好 坐得亦算舒服主打車仔麵：可以自由選擇配料，面底，湯底和飲品亦都可以選擇套餐，四餸麵$45如果唔鍾意食麵亦都有飯類選擇自己就揀咗唔同配料：椰菜餃丶芝心丸丶魚腐丶煎蛋🍳，要咗油面，沙嗲汁湯底同凍華田見到啲小食都好吸引，所以亦都叫多碟柚子蜜雞翼等咗一陣就送到，油麵爽口彈牙，湯底係有少少辣嘅沙嗲汁，非常好味😚椰菜餃餡料極多 大力推薦！ 魚腐勁大塊，朔滿咗湯汁好好食😋雞翼加上咗柚子蜜甜甜地，煎得香口 又好吃！一個簡單又好吃嘅晚餐🥣

今日係ssp做完運動之後是但搵個地方醫肚，一個人最岩食車仔麵，見多間新開既車仔檔鋪，野食都幾多選擇，就入去試下幾多野簡，做完運動真係好肚餓，忍唔住叫左好多餸，叫左豬紅、牛腩同豬頸肉，仲有比較少見既花膠，睇黎做運動既原因係因為我想食得更多🙈🤦🏻‍♀️ 麵底叫左米線，湯底係腩汁加中小辣，每款餸既份量都幾合理，要讚下個豬紅，幾鮮甜，另外個湯底都唔錯，唔會死辣，係又香又惹味，鐘意食辣既朋友要試下哦！最後忍唔住試埋煎餃(雙拼韭菜餃同椰菜豬肉餃）好推介啊，個煎餃外皮保持香脆，但入面就勁爆多汁，個人鐘意個餃多過車仔麵🤭

同朋友係深水埗買完野，就係附近食個快靚正既晚餐先返屋企，朋友就推介食車仔麵。我就揀左個自選車仔麵餐，麵底選左蕃薯粉，口感爽滑彈牙，餸就揀左牛筋、魚腐、紅腸同生菜。湯底仲有好多款選擇，我揀左豬骨雞湯，幾清甜，另外仲有秘製辣醬，辣醬係另上既，自己落，唔食得辣既唔好落太多。朋友就揀左個2餸粉麵餐，揀左豬手同蘿蔔，豬手好入味，蘿蔔亦好清甜。另外仲叫左份香煎豬扒同餃子兩份食，豬扒肉質軟熟，有D生蒜鋪係面，好香口。餃子仲可以雙拼，揀左韭菜餃+椰菜餃，煎得好靚，皮唔太厚，餡料都好足。

今日同朋友係深水埗食飯，近排食得太多油膩野，想食d清清地既湯麵，所以特登搵左間黎試下💪🏻——————🐽 上湯花膠、冬菇、紫菜、韭菜餃咖喱汁米粉花膠難得煮得好林，冬菇都好入味，韭菜餃食得出係由鮮豬肉製成，亦包到大大粒，真係好抵食😝個人建議記得落單時加埋秘制嘅咖喱汁，食落味道更豐富！🐽 牛筋、白蘿蔔、金菇、豬皮加腩汁牛筋同白蘿蔔都醃製到入味，食得出用咗好長時間黎煮林佢，而呢碗加咗腩汁嘅清湯飲落一啲都唔會口乾，最尾差唔多飲咗大半碗！一問之下原來湯底係完全唔加味精，用左大量嘅雞同雞腳熬製而成😋🐽 蒜香雞中翼雞翼相對上味道較淡，唔會好重味精，比較貼近屋企平時會食到嘅味道，唔會過咸。亦煎得啱啱好，外脆內軟又多汁🐽 招牌鮮炸肉丸黎個炸肉丸相當有驚喜！一開始以為係普通既炸豬肉丸，食落後先知道佢入面加左洋蔥同薯仔，令到食落有洋蔥既甜味，亦有小小食薯餅既feel！一定要試😆

依家食車仔麵越來越貴，難得搵到一間小店，價錢合理，$40可以食到一個三餸麵仲送一杯熱飲，而且份量都唔少。今晚我食咗食豬大腸 + 豆卜 + 粗麵 $31真係好抵～豆卜好味好大舊豬大腸乾淨，冇一陣豬臭味朋友食淨餸：雞中翼 + 香辣魷魚 + 魚蛋 + 爽脆豬耳 + 凍檸茶 $47+5豬耳唔係周圍有得食，口感幾爽，一份嘅份量都唔少！雞翼幾夠味，一份有兩隻。另外嗌咗 半打煎餃子（鴛鴦）$30餃子煎得好香脆，皮薄餡靚，每隻都好飽滿足料，係必食推介！依家小店越嚟越少，大家經過真係要支持吓