聚來車仔麵

Open Now

Now Closed

位於深水埗基隆街的「聚來車仔麵」，係一間開業已經5年的車仔麵店。餐牌上主打不同配料的港式車仔麵、車仔飯、秘製咖喱飯及自家製煎餃等等食物招牌煎餃餐廳自家製的韭菜餃，每隻都煎得金黃色，外脆內軟，勁多韭菜豬肉餡，好足料，肉汁豐富！生根、豬紅、生菜配米粉及秘製辣醬米粉爽口幼滑，好掛湯～配料揀咗豬紅、生根及生菜🥬配上秘製的蒜蓉辣醬，微微辣，都幾惹味肥牛、豬皮、燒賣、魚肉春卷配油麵及咖哩汁豬皮軟腍又入味；肥牛啖啖肉，春卷同燒賣都口感彈牙，幾好食👍🏻配上咖喱汁及油麵，滋味飽肚之選爆漿阿華田西多士即叫即製的爆漿阿華田西多士，表面灑滿阿華田粉，非常邪惡！西多士厚薄適中，香脆鬆軟，中間夾心餡塗滿朱古力榛子醬，香滑濃郁，甜而不膩凍奶茶港式凍奶茶入口絲滑，紅茶同淡奶嘅黃金比例恰當剛好

之前黎開深水埗呢邊食cafe，經過呢間車仔麵見到都人流唔少，果次食完就過黎八下睇下有咩特別，見佢唔止有車仔麵食，仲有其他野，同埋都有d明星黎食過，就搵日再過左黎試啦😛餐廳環境幾乾淨，類似茶餐廳冰室咁既坐位，枱上有佢地自己整既辣菜脯比客人自己落😁車仔麵麵底（$12）牛腩（$14）豬大腸（$14）雞翼尖（$10）呢度既車仔麵配搭好多元化，無論麵底定餸，諗得出既都基本上有，湯底仲有多款醬汁選擇，我就揀左腩汁，三款餸我都覺得揀岩，牛腩肉嫩，豬大腸大大粒，最正係個雞翼尖，整得好入味🍜招牌煎餃8隻（$45）煎餃有3款口味，韮菜豬肉，椰菜雲耳豬肉，芝士粟米，我地揀左雙拼椰菜同韮菜，芝士粟米就要加$3，佢地個餃子好有驚喜，裡面充滿肉汁，真係用皮簿餡靚黎形容都不為過🥟爆漿阿華田西多士（$38）呢個西多士都係佢地既招牌，餐廳牆身貼既西多士相出黎，賣相好吸引，西多士既中間係滿滿既流心奶，好正，個西多士可以揀花生醬或榛子醬，榛子醬就要加$2，我地都照揀榛子醬，覺得咁先夾個西多士，佢佈滿曬阿華田粉，啖啖都食到香濃既阿華田味😋凍檸茶（跟餐+$8）就係普通一杯茶記凍檸茶，冇咩特別🍹呢間車仔麵店估唔到佢其他食物係咁有

Fish balls in curry, sausages and seaweed noodles 咖喱魚蛋🥘、芝士腸、紫菜米線🍜 $39有好多餸菜自由配搭嘅車仔麵絕對係餐廳招牌菜✨，超級受食客歡迎，今次叫咗夠晒彈牙又煮得入味嘅咖喱魚蛋🍢、裏面有半溶化芝士嘅芝士腸🫕同埋健康嘅紫菜，確實幾好食，值得推介👍🏻Cart rice with 3 sides 車仔三餸飯 $47特色嘅車仔三餸飯可以按自己嘅喜好自由配搭餸菜，今次揀咗補血嘅豬紅、惹味港式咖喱魚蛋🌶️同埋高質素秘製瑞士雞中翼🍗，配上套餐包埋嘅飲品，性價比好高，而且味道唔錯Fried stuffed three treasures 煎釀三寶 $27有代表性嘅煎釀三寶分別有煎到香噴噴嘅豆腐、超級腍生身嘅茄子🍆同埋煎豆卜，每一舊嘅面頭都有少少新鮮鯪魚肉🐟，食落去味道一啲都唔腥，同煎釀三寶一齊食好match啊

不嬲都好鍾意喺深水埗搵嘢食，其實除咗滿街都係一式一樣嘅文青Cafe之外，仲有好多立區多年，人情味滿滿嘅小店。「有緣相聚，歡迎再來」係聚來車仔麵取名之由。店內除咗見到唔少「家」呢個詞語之外，仲可以親眼見到溫馨滿滿，三代同堂嘅畫面。唔知有冇聽錯，由放咗學，校服都未換嘅表姐教表弟功課呢啲畫面，我以為呢個年代只會喺以前嘅粵語殘片入面見到。年長嘅姨姨叔叔一句「小姐，請慢用。」「得你一個人嘅？慢慢食啊。」喺現今社會餐廳用餐，實屬非常罕見。招牌鮮肉丸食得出洋蔥和豬肉嘅鮮甜味。沒有過多師傅調味，食完唔會好口渴。個人認為仲好食過傢俬肉丸。椰菜餃子真係好似媽媽包既味，食多幾隻都冇負擔。要特別一提咖喱汁係葡式咖喱，椰香味重，是我喜愛的咖喱。短短半小時嘅個人用餐，除咗真係有家的味道之外，仲有滿滿嘅人情味。

去黃金商場前要搵地方醫肚，朋友話有間餐廳，入面有個爆漿流心阿華田西多士，仲要係網上cap左圖比我睇，我呢d螞蟻人一見到就立即心心眼，對於呢類甜品，真係完全沒有拒絕的能力。一踏入餐廳，已經見到寫住給你家的味道，充滿親切感。店內裝修簡潔，職員也很親切。爆漿阿華田西多士 – 麵包炸到非常脆口，中間一切開已經見到流心漿傾瀉出來，味道濃郁而又不過份甜。白華田脆脆特飲 – 初頭飲時，覺得味道稍為淡薄，但之後就越飲越有味道，配埋朱古力脆脆，口感和味道都十分豐富。車仔麵 – 選擇了牛筋、豬頸肉和魚肉春卷，這三款餸都很不錯，尤其是牛筋夠軟淋。湯底味道都幾有驚喜。

今日喺小店試咗車仔麵同阿華田流心西多士，真係太滿足啦！車仔麵湯底鮮美，配料又多，牛腩同豬紅特別入味，每一口都係幸福感爆棚！🥰 阿華田流心西多士更加驚喜，外脆內軟，咬落去流心嘅巧克力超濃郁，配埋一杯港式奶茶，真係完美下午茶組合！☕️🍞 而且個店環境都幾舒服，服務態度好，讓人覺得好有親切感。真係好適合同朋友傾計或者一個人靜靜享受美食。今次美食體驗令我心情大好，強烈推薦大家試下，特別係對於鍾意港式小食嘅朋友！下次一定再來，期待再試多啲其他美味！✨

諗住淨係嚟食碗車仔麵？噉你就miss咗好多好嘢食啦😌‼️ 雖然佢個名寫「車仔麵」，個人認為更值得要試佢嘅煎餃同特色多士😍🥟招牌煎餃（12隻）平時我鍾意食湯餃多啲，因為好驚有啲舖煎到又乾又油又熱氣，但呢度嘅煎餃令我會想encore!!😋今次嗌咗韮菜豬肉 + 粟米芝士（雙拼），兩款都好足料，韮菜嗰款一咬就爆汁，好juicy，芝士嗰款雖然唔係拉絲，但好濃芝士味，好creamy💖 🍜三餸車仔麵今次嗌咗豬頸肉、肥牛、生菜公仔麵，再加沙嗲汁，餸嘅份量都幾足料，至於沙爹汁好香，偏向蒜味重～🍞阿華田多士 $40個個都話嚟呢度一定要試，所以飽飽地都照嗌咗🙈 有得揀入面係花生醬定榛子醬，今次揀咗後者～ 雖然阿華田味一早預想到，但佢嘅流心效果同埋落粉份量都好邪惡，好滿足🤤 兩個人唔覺意就輕鬆清晒😎📍聚來車仔麵 (深水埗)深水埗基隆街172號地舖

聚來車仔麵 📍深水埗基隆街172號地舖抵食又好味家庭式小店！環境乾淨又衞生必食自家製餃子🤩每日人手新鮮製作👍🏻叫左煎餃！即叫即煎～煎到金黃香脆又多汁叫左雙拼韭菜餃、芝士粟米餃好好味啊！車仔麵材料款式選擇多簡左牛筋、咖喱魚蛋、魷魚配粗麵配上自家製蒜蓉辣椒菜甫香辣惹味！生菜魚肉都好足料！魚肉又彈口難怪現場禁多熟客仔幫襯～食過返尋

收工拍卡「嘟」聲響起那刻，已經超肚餓了！😫 又趕住去深水埗買電子零件，落車後第一時間衝入《聚來車仔麵》。那滷水香的味道，讓我們很快就決定要來兩個四餸車仔麵共享，加埋有八款唔同餸，一次過滿足晒我地兩個食肉獸嘅慾望。🍜 🥢 **肉食控必點：** - 「瑞士雞翼」Alex至愛，甜鹹平衡，醬汁黐嘴唇得嚟唔膩。🍗 - 「豬手」膠質爆燈，炆到輕輕一啜就骨肉分離。🐖 - 「雞腎」爽脆代表，滷得入味但唔會韌。🍖 - 「豬耳」脆骨控首選，索索聲過足口癮。👂 - 「蘿蔔」清甜擔當，咬落無渣爆汁。🥕 - 「豬皮」吸滿湯汁，彈牙唔油膩。🍢 - 「芝心丸」咬開芝士可拉絲。🧀 配上油麵，唔怕煮到淋哂~😉 💥 終極邪惡加碼➡️「朱古力榛子醬西多士」即叫即炸的厚多士外層金黃脆身，切開是朱古力榛子醬，加埋牛油片慢慢溶化... 罪惡感？食完先算啦！🤣🍫

今日去咗間小店試佢哋嘅車仔麵，真係驚喜滿滿！麵底揀咗幼麵，湯底濃郁得嚟唔會太鹹，配料超豐富——豬皮爽口彈牙，豬肚滷得入味又冇異味，魷魚鮮嫩有嚼勁，咖哩魚蛋辣得嚟好過癮，每樣都足料，撈埋湯一齊食超正！ 小食方面，爆款阿華田西多士絕對係邪惡之選！麵包炸到金黃酥脆，中間夾住榛子醬，切開嗰陣醬汁爆出嚟，甜而不膩，食到停唔到口。鮮肉煎餃子外皮煎得香脆，肉餡多汁，加少少醋更提鮮。招牌鮮炸肉丸都唔輸蝕，外脆內軟，肉香十足，咬落仲有肉汁滲出，好惹味！ 整體嚟講，呢間店嘅食物質素高，價錢合理（車仔麵加小食都係百零蚊），份量夠飽肚，尤其係懷舊風味做得地道。如果鍾意港式小食，呢度絕對值得一試！

依日係深水埗路過見到呢間聚來車仔麵，款式多元化，睇黎唔錯一於入去食下先～車仔麵嘅餸料選擇算幾多，有肉食、丸類、蔬菜等，湯底係猪骨雞湯，可揀麵食或換菜底，仲有多款特色小食同飲品。五款淨餸 (菜底)    $72依碗冇麵係菜底，5餸揀咗軟淋嘅牛筋同有少少咬口嘅牛腩、牛味香濃，湯汁入味清甜嘅蘿蔔，豆卜好吸湯，魚肉春捲口感軟身、帶鹹香味，鮮甜豬骨雞湯底加沙嗲汁，濃郁可口，菜底有生菜或菜心揀，生菜翠綠爽脆。四餸一麵     $58另一碗嘅4餸係厚肉同牛味香濃嘅牛腩，嫩滑雞中翼，鹹香嘅午餐肉同腸仔，豬骨雞湯好鮮味，油麵好吸湯汁，口感很好，加埋自製沙嗲汁，少少辣，特別惹味。凍檸樂(+$10)及凍檸茶(+$7)，茶底唔澀，檸檬清香，可樂爽口，清甜解渴。

在深水埗，「聚來車仔麵」真係本地食文化嘅瑰寶！呢度嘅招牌菜絕對令人食完回味無窮。***鮮炸豬肉丸*** 每次來都食！外皮香脆，咬開肉汁四濺，仲有新鮮碎洋蔥，真係無得頂！🤤***爆漿阿華田西多士*** 超邪惡但好值得試。外脆內軟，阿華田粉與朱古力完美結合，唔試就會後悔！❤️‍🔥車仔麵典配料推介：豬皮、白蘿蔔、魚肉春卷、豬大腸，滷水雞腎。上海中麵係呢度又係必試之選。記得加腩汁同秘製辣汁，會令味覺神采飛揚！飲品推薦凍檸茶，係車仔麵最佳拍檔。店鋪係家庭經營，服務貼心，畀人一種回家的感覺。💖裝潢溫馨，雖然空間唔大，但畀人感覺舒適。總之，「聚來車仔麵」唔單止提供地道港式美食，仲有超誘人甜品。每一口都係味蕾嘅盛宴，絕對要試！下次想試佢哋嘅咖哩雞扒飯同黑華田脆脆特飲～ 🥳#深水埗必食 #香港隱世美食 #香港美食指南

接皮姐放工 去咗深水埗食晚飯想當年飯堂 都唔記得第幾刷啦呢幾年一直想帶佢嚟 終於得咗地理位置夠晒方便 唔會盪失路之前喺度 食過最出名嘅車仔麵同流心多士 今次食下其他嘢先-咖哩雞扒飯 ($50)秘製咖喱味好香濃 雞扒食落香脆且肉質鮮嫩對於吃貨嚟講 如果雞扒嘅份量多番啲就更好-香煎豬扒飯 配腸仔煎蛋 ($52)賣相好吸引 面上有好多蔥油 撈埋甜豉油嚟食無得彈皮姐話隻蛋超好食 對於佢嚟講 整體嘅份量啱啱好呢-招牌煎餃 ($63/12隻)揀咗個雙併 分別係韭菜豬肉同椰菜雲耳豬肉外皮煎得好香脆 饀料好足而且咬落勁爆多汁

聚來車仔麵 今日去左一間深水埗區因每日新鮮制作餃子＆鮮炸肉丸而出名既米線舖試下，雖然店舖環境雖小，佢地另外仲有滷水小食，套餐(飯）＆特色西多士等～ 💫招牌鮮炸肉丸(10粒)$35即叫即炸因而金黃香脆，唔會覺得放太耐會好乾既口感。內裡包住多汁肉餡，咬落去充滿濃烈既洋蔥味。可能手工制作果然特別彈牙，沾埋佢個秘制醬汁更加惹味～ 💫招牌煎餃(8隻)$45我叫左雙拼(韭菜豬肉+椰菜雲耳豬肉)，兩者外皮都皮薄勻稱，餡料肉汁飽滿同新鮮，無多餘脂肪。個人比較中意後者，可能椰菜同雲耳比較爽口，食起上黎口感豐富啲。 💫煎釀三寶(5件)$27組合有青椒茄子各兩件＆豆腐有一件。整體上食得出材料新鮮，而魚肉彈牙煙韌無腥味。 💫三餸車仔面$48湯底叫咗濃郁既沙嗲汁唔算好辣，飲完因無味精而唔會覺得有口乾感覺。米線方面口感煙韌幼身。而豬頸肉燒身周邊脆卜卜，非常惹味。春卷入面既魚肉幾彈牙；外脆內軟既口感。芝士丸比一般食開既大粒；咬落去爆哂汁好過癮～ 📍深水埗基隆街172號地舖

好耐冇食過啦！一直對聚來嘅車仔麵同西多士念念不忘，最近終於有時間去食！三餸車仔麵套餐 $47呢排好鍾意食豬手，所以逢親食車仔麵都要叫返個豬手嚟食下。呢到嘅豬手炆得幾入味，食落骨膠原滿滿。另外蘿蔔都係食車仔麵時必定要叫嘅餸，蘿蔔非常清甜，食得好滿足！淨冬菇 $30朋友好鍾意食冬菇，所以我地叫咗個淨冬菇嚟試試。冬菇份量都多，食落好有香氣，口感爽滑。芝士粟米煎餃 $42超鍾意食餃子嘅我係絕對唔會放過任何一個食餃子嘅機會！呢到嘅芝士粟米餃真係好特別好好味。今次食嘅時候感覺比以前洋蔥味重咗。爆漿阿華田西多士 $40隔咗一排冇嚟食，今次食依然保持到水準！阿華田粉+榛子醬+花奶真係最佳配搭！建議大家真係一定要試！