烤吧31

Open Now

Now Closed

依排成日落雨，上唔到深圳，但又好想食中式烤魚同串燒，就搵左間評價唔錯既中式燒烤店，解解饞😋✨江團魚$298 （鮮青椒加 $20）我地問左店員邊款魚最少骨，店員推介左江團魚，果然冇介紹錯，真係冇咩骨！仲要好滑😛 湯底我地就揀左鮮青椒，推介鍾意食麻既朋友！相信會令你回味冇窮😊✨配菜 5款 $88我哋另外揀咗五款配菜，分別係滑豆腐、娃娃菜、蘆筍、蓮藕片、豆卜，每一款再加上個鮮青椒湯底，吸咗啲汁之後真係好好食，份量仲要好多，我同朋友都唔係好食得晒😂✨扇貝（2隻） $56 & 蒜蓉生蠔（4隻） $88見到張相嘅燒海鮮十分之吸引，我同朋友都忍唔住叫咗扇貝同埋生蠔，size俾我哋想像中大隻，十分之足料，食落去做食到海鮮嘅鮮甜味，完全唔腥，超級滿足😛✨雞全翼 $28雞全翼大大隻，燒得十分之香，簡直滿足食肉獸😎✨茄子 $35 & 蒜蓉牛油粉絲金針菇兜 $36食串燒又點會少得過燒茄子同埋燒金針菇，每一啖都充滿着蒜油香氣，必食😝✨竹蔗茅根水［札］$38食左咁多邪惡嘢，梗係要飲返啲涼茶，店員仲要話係啱啱煲起，即日製造🥰✨燒韭菜1串 $13 燒韭菜好香孜然味😝好食✨燒日本蕃薯仔2串 $28比想像份量要多，味道正

深水埗食肆的價錢比較較便宜，餐廳就在地下容易找到，店外雖然有泊車位置，但是都放滿了雜物。【海鱸魚】選了鮮青椒味湯底，辣度比較易入口。一整條魚還有四款配菜，抵食得來又嘗到不同種類的菜式。【31秘香制香烤黃花魚】味道非常濃郁，已經烤得外脆內嫩。【烤牛脷】濃郁的醬汁沾滿了薄切的大牛舌片。【燒牛肉】牛肉串又是索滿了調味料的味道很濃郁的。【雞全翼】雞翼內裡多汁外皮香脆。【燒雞軟骨】粒粒爽口有咬口。【燒白鱔】脆卜卜咸香味十足。【茄子】充滿了蒜香的調味。【燒豆腐乾】一片片薄薄的，不過又不失煙靭。【燒日本番薯仔】中間幾軟腍，甜甜蜜蜜夠開胃。【粟米】烤得香脆又保留了粟米的香甜。【燒鮮冬菇】非常香口好吃，又多冬菇汁。【燒韭菜】惹味香口。【可樂】細細支不怕喝得太飽。【椰汁】清涼解渴，價錢就貴了些少。

雖然國內消費真係比較平.但係我湊住個一歲小朋友唔想去咁遠.始終一來一回都要兩個幾鐘都唔係幾方便.想支持返香港食肆.朋友介紹話哩間好食.所以同老公帶埋BB去完玩具街買玩具就過嚟食晚飯.岩岩好😉食物方面:⚪️剁椒豆豉味清江烤魚 bb辣烤魚本身有小小大豆芽同蓮藕片.清江魚好滑冇咩骨啖啖肉.湯底好惹味唔辣👍🏻⚪️海蝦乾鍋(+白鱔片.蘿蔔片.蓮藕片.冬瓜片)bb辣好足料.一上枱就見到有成6/7隻海蝦.加埋配料好大兜.好惹味有獲氣又唔會好咸😋串燒叫咗四串⚪️牛脷.牛仔骨.羊架.白鱔最鍾意係個牛脷燒得啱啱好.肉質好爽脆.其他都係岩岩熟唔會好乾吾錯🙌🏻⚪️扇貝兩隻同燒茄子值得一讚個扇貝真係好好食.大粒鮮甜.而且好多蒜蓉同芝士好香口加咗超多蒜蓉嘅燒茄子絕對係必食👍🏻⚪️竹蔗茅根水一札清甜解渴而且一啲都唔甜食串燒飲一流😊整體方面:餐廳都坐得好舒服冷氣好涼.全部即叫即整都唔會等太耐.味道都好味.價錢唔會太貴.性價比好高😜

已經很久沒有到深水埗，今晚便來黃金商場附近逛街，順便吃串燒。剁椒豆豉味江團魚$298，江團魚外表已經煎得好香脆，放在剁椒豆豉湯底內吸收了鮮味之後，更加惹味可口。燒白鱔$38，白鱔皮香脆可口，肉質鮮嫩，辣度適中。燒茄子$35，茄子表面鋪滿了蒜蓉和辣椒粉，生熟程度適中，非常有四川特色。冰鎮秋葵$36，秋葵是超級食物，對身體很有益處，加點豉油和芥末，更加爽口清甜。燒田雞一隻$36 ，田雞已經燒得很香脆可口，是非常配合冰凍的啤酒。竹蔗茅根水$38，夏天吃串燒，必定要點這個竹蔗茅根水，因為具有潤喉作用。青島$28，冰凍的啤酒一向是串燒的最佳伴侶。

今晚去咗呢間餐廳真係好正，我哋點咗一個肉罷不能干鍋🥘，入面有五花腩、牛肉、大腸、午餐肉同雞軟骨，真係冇得頂，全部食材都好新鮮，煮出嚟個汁底濃郁香滑，啲肉質鮮嫩，好有咬口，真係越食越惹味唔捨得停🉐另外，我哋仲加咗啲配菜，田雞、海蝦、牛脷、蒿荀、豆腐乾同埋半打原味生蠔，啲配菜都好出色。🐸田雞夠滑，海蝦鮮甜，牛脷入口即溶，蒿荀同豆腐乾都好有風味，至於🦪生蠔更係鮮甜無比，食完真係齋呼過癮❤️仲有，秘香製香烤黃花魚🐟、燒白鱔串、黃金墨魚餅🐙同埋蒜香小龍蝦🦞都係必試之選。黃花魚烤得外脆內嫩，燒白鱔串啲肉質嫩滑，黃金墨魚餅香脆可口，而蒜香小龍蝦就係又香又辣👍🏻，啱晒我哋廣東人口味🩷飲品方面，我哋試咗桃味Hoegaarden同竹蔗茅根水。桃味Hoegaarden啱啱好有啲甜味，竹蔗茅根水就係清涼解渴，飲完好滿足🍻呢餐飯真係令我大飽口福😻，無論係食物質素定服務態度都好好，下次一定會再嚟🍻

深水埗主打串燒的餐廳不少，這家位於福榮街的餐廳，有室內同室外，座位闊落，好啱下班之後過來chill chill ，菜品廣泛串燒、海鮮、烤魚、火鍋，應有盡有！🔻🔻🔻🔻🔻🔻🔻🔻🔻🔻🔹江團魚 - $298.0 蒜（香酸菜味 + $20.0）江團魚肉質細嫩鮮美，皮煎香，油份豐盈，辣度適中，份量都唔少！而且吸收了香酸菜湯底，由其開胃，另外加了配菜任選4樣式（ + $68.0），包括支竹、冬瓜等等，好風度！🔹烤牛脷2串 - $42.0 精心挑選優質的牛脷肉，肉質軟嫩，牛味濃郁。入口即化，回味無窮！🔹燒牛肉2串 - $28.0 牛肉肉質嫩中帶勁,入口即化。無需太多調味,單純的燒烤就已經發揮出牛肉的美味！🔹燒雞軟骨2串 - $26.0雞軟骨外脆內嫩,咬下去骨頭與肉的口感層次分明。調味恰到好處,不過鹹，適合作為下酒菜！🔹燒白鱔 - $38.0 / 燒田雞（隻） - $36.0 / 奇味雞泡魚干 - $33.0只是三款串燒都稍顯特別！燒白鱔皮脆，肉質夠彈牙，燒得恰到好處！燒田雞原來原隻田雞，賣相好可愛，好有焦香。🔹 烤墨魚嘴2串 - $32.0烤墨魚嘴口感十足，佐酒一流！🔹串燒五花肉2串 - $28.0

首先鐘意食勁辣嘅朋友，可以黎挑戰「失傳之辣味」勁辣雞翼！😂成功係5分鐘內食到2/3/5隻，都會有優惠券！輕鬆？！自問鐘意食辣，但呢個辣真係甘拜下風🙏🏻個種係舌頭上迴盪嘅麻同辣⋯真心不得了⋯但其實係好食！！雖然我地最後都挑戰失敗😹😹😹入返正題～主角烤魚我地揀左毛血旺湯底配江團魚，要左小辣。雖然毛血旺湯底要額外加錢，但真心推介，好惹味，鴨血好好食。江團魚啖啖肉，魚肉好滑，細骨唔多。配料絕對建議叫手切牛、水魷同柏葉🙌🏻串燒我就好鍾意燒牛胸，口感好爽脆特別；燒白鱔都唔錯。另外蒜蓉娃娃菜看似好普通，但佢個牛油同蒜味都極香濃，推介！

天氣酷熱口淡淡，突然想吃辣，上網找到這家烤吧31好像不錯，就來試試水準。餐廳位置空間感足夠，環境令人放鬆，裝潢風格現代，平日晚市亦接近全院滿座，記得要早點訂座。餐廳主打烤魚，亦有多種不同的串燒及前菜選擇。黃金墨魚餅 $52先點一客小食，一看墨魚餅形狀不一就知道應該是店家自製，墨魚餅一咬外層香脆，而內裡墨魚味重，口感爽滑彈牙，配以日式蛋黃醬汁，十分合襯。江團魚烤魚 $298侍者端上桌後一股香氣撲鼻而來，點了最經典的的香辣味道，湯底麻辣鮮香，層次分明，不腥不燥，回味悠長。烤魚選擇了江團魚，江團魚魚肉厚實而少刺，皮滑肉嫩，肉質肥美魚味濃郁，十分適合麻辣烤魚的食法。扇貝(兩隻) $56燒扇貝一客兩隻，個頭不少，加入蒜蓉同燒，蒜香正好能帶出扇貝的鮮甜真味。蒜蓉生蠔(四隻) $88新鮮的生蠔肥大飽滿，燒至生熟程度剛好，一咬蠔味鮮冶而肉質嫩滑，味道清甜可喜，加上恰量的蒜蓉醬，非常惹味。串燒另外點了不同的串燒，新鮮白鱔慢燒以迫出油脂，燒至肉酥皮脆，入口香酥脆嫩，同時油脂甘香，特別一提失傳之辣味雞全翼是極極極辣，非同小可，要做足心理準備。燒茄子 $35最後點了一客燒茄子，茄子肉質軟滑中而帶柔韌的口感，一

與朋友相聚，其中一個最好選擇是吃燒烤，這天好朋友就帶我到深水埗的「烤吧31」，所有燒烤菜品都非常出色，我和朋友都食到舔舔脷！清江魚（$288）這道菜式使用了新鮮優質的清江魚肉，魚肉經過巧妙的調味與烹飪，成就了一道色香味俱全的絕佳菜品。魚肉細嫩多汁，富有彈性，入口即化。蒜香四溢，酸菜爽脆，蒜香與酸菜（+$20）的完美搭配，與清江魚肉的鮮美完美融合，為這道菜增添了層次感和鮮明的風味。我們加了清脆的蘿蔔片（$28），更添一股清新解膩的口感！蒜蓉生蠔（4隻）（$88）這4隻肥美的生蠔，表面塗抹著誘人的蒜蓉醬汁，散發著濃郁的香氣。蠔肉飽滿肥美，極富海鮮鮮甜的風味。蒜蓉醬汁入口微麻微辣，與蠔肉的鮮甜完美融合，給人以層次豐富的味覺體驗。黃金墨魚餅（$52）這款黃金墨魚餅外表金黃酥脆，一咬即破，軟嫩多汁的墨魚餡料瞬間在口中綻放。墨魚本身鮮甜柔軟的口感，與外層金黃酥脆的外皮形成強烈對比，層次豐富，令人欲罷不能。失傳之辣味雞全翼（$28）這道失傳已久的辣味雞全翼令人驚艷。雞翼經過特製的醃料與烹調工藝，外皮焦脆可口，內裡肉質依然鮮嫩多汁。辣味來自於獨特的配料與調制工序，帶有火辣的麻辣感，喜歡刺激者也要適當食

深水埗區不嬲都多美食，而且價錢大眾化。餐廳分室外、室內位置，以木系裝潢為主，環境乾淨企理。串燒可以揀唔辣，好細心。燒牛肉 $28唔會燒到乾柴，保留到肉汁。串燒五花腩 $28外層燒到微脆，入好香口！ 燒雞中翼 $20雞全翼 $28燒雞翼，我中意食😎，所以叫哂兩款！雞肉嫰滑多汁，外皮燒到微脆，簡單調味已經好香口惹味。蒜蓉生蠔 $88/4pcs生蠔肥美肉嫩脹卜卜，蒜香撲鼻。扇貝 $56/2pcs肉厚鮮甜彈牙，配上大糧上蒜蓉粉絲，美味可口。燒秋葵 $18秋葵口感清爽、脆嫩，有一點點既黏滑感。燒茄子 $35茄子口感軟綿綿，蒜香味濃郁。台灣腸 $38紮實，嚼勁十足，煙韌多汁。招牌烤魚 $288 (不同口味及配料另計)由自己決定主菜、口味同埋配菜。我地揀左清江魚，蒜香酸菜口味加配豆卜同埋白蘿蔔。清江魚肉質細嫩清爽，比較少魚骨。底既辣味、酸味溫和，入口舒服，唔會好膩。豆卜浸係湯底度吸哂啲湯汁，超級滿足。

一直覺得同frd食飯傾心，串燒打邊爐就最岩！一邊慢慢食、飲下嘢吹下水好寫意😉咁岩朋友搵到呢間仲開到凌晨，就打算一齊試下，結果味道都令我地好滿意！.💎 $288 招牌烤魚 - 清江魚 + $20 鮮青椒味今次揀嘅呢款魚主打鮮嫩少骨，食落都感覺到除左大既魚骨剌外，基本上無細刺，食落啖啖肉好爽！而且雖然烤魚會keep住煮熱，但魚肉都一直好嫩滑，配埋微酸辣既青椒湯底超惹味，我地食到停唔到口！+ $68 任選4樣式 (蘿蔔片、土豆片、豆腐、娃娃菜)配菜款式都有成超過10款選擇，當中揀4個性價比超高，每個份量都十分充足。最推滑嫩嘅豆腐，撈埋湯汁一齊食超正！而其他配菜都十分新鮮，煮到入晒味，食落滿滿湯汁😝.💎 $118 蒜蓉生蠔(半打)平時食生蠔最怕唔新鮮會有陣怪味，但呢到既生蠔肥美得嚟，蒜蓉味唔會蓋過佢淡淡嘅海水味，更顯新鮮！.💎 $56 扇貝 (2隻)同樣地揀左以蒜蓉配搭，但餐廳更加入金針菇，食落增添左ｄ爽口感，令層次更豐富。.💎 $42 烤牛舌 (2串)每串都有２舊牛舌，烤得岩岩好，多汁又帶脂香，唔會過熟而令到好難𡁻，.💎 $33 奇味雞泡魚干配嘢飲一流！魚干帶微微辣味同烤香，可以藨沙律醬一齊

設有室內室外位置，牆身有不同嘅海報同標語字句，其中最吸睛係個辣王龍虎榜！只要5分鐘內食到勁辣雞翼就可贏現金券！自問食得辣嘅朋友可以黎挑戰下！👉🏻肉罷不能鍋 $98各款肉類包括五花腩、牛肉、大腸、午餐肉同雞軟骨，口感豐富多樣，揀左bb辣，醬汁香濃！另外仲自選加左幾款配料，有豆卜、冬瓜片、萵筍同娃娃菜，非常入味！👉🏻黃金墨魚餅 $52共六大件，薄脆黃金外皮，包住鮮嫩多汁嘅墨魚餡料，層次豐富，墨魚本身嘅鮮甜，又有外皮嘅酥脆！👉🏻扇貝 $56共2隻，鮮嫩肥美，蒜香味濃！👉🏻各式串燒燒牛胸爽，香脆爽口；燒海蝦，大而肥美；燒白鱔，厚身夠滑；燒牛筋丸，非常彈牙；烤墨魚嘴，滑爽！👉🏻茄子 $35多汁軟嫩！👉🏻蒜蓉牛油粉絲金針菇兜 $36好中意牛油味重，粉絲同金菇綿軟！👉🏻竹蔗茅根水 $38超大揸，界料，清爽宜人，口感清透甘甜！

今日嚟咗深水埗呢間食燒烤嘅餐廳食飯。佢選擇都幾多，除咗烤魚、火鍋、干鍋等主食，小食、錫紙燒、燒烤串等都任君選擇，啱晒鍾意食川辣菜式嘅人。芥末魚皮 ($36)次次食川菜都會叫嘅芥末魚皮。入口彈牙爽脆，芥末食落非常之惹味，又唔會Over咗太辣同搶味。毛血旺味江團烤魚 ($298)我哋揀咗江團魚，睇中嘅就係佢話會肉質肥美啲同油份重，而且含膠原蛋白。個烤魚冇諗過佢會比咁多配料，例如有午餐肉、牛柏葉、雲耳、豬紅、寬粉等，即使冇點多其他配料都好夠食。江團魚肉質嫩滑，食落唔算多骨。魚嘅外皮煎到有少少燶，但個魚皮索咗啲辣嘅湯汁好好食。燒鮮冬菇 ($12)仲保留到啲鮮冬菇嘅水份, 調味恰到好處。雞全翼 ($28)老闆再三強調呢款雞翼係好辣嘅，朋友食過就話其實都可接受程度嘅辣。雞皮燒到好香脆，肉質都仲keep住好Juicy。燒牛舌 ($42)燒羊上肋 ($36)牛羊味香濃, 唔會太羶。不過略嫌燒得有少少燶。燒粟米 ($28)粟米嘅表面稍為落咗少少牛油，配上辣椒粉，香口惹味。燒茄子 ($35)燒茄子又係食燒烤必點! 食得出佢嘅調味落咗少少醋提味，燒落又唔算好油。蒜味烤生蠔 ($118)必叫！每隻都脹卜卜啖啖

今日約了朋友去了深水埗買電腦產品，之後選擇了內街一間以烤魚和燒烤出名的餐廳食晚餐。嘗試了獨具匠心的烤魚料理，以及搭配的手切牛小排火鍋，真可謂是味蕾的極致享受。從第一口烤魚開始，便能感受到料理師對食材的精心挑選和對火候的嚴格把控。海爐魚的選用可見其用心，魚肉鮮嫩多汁，口感滑溜，烤制得恰到好處，既保留了魚肉的原始風味，又增添了一絲烤魚的香氣。酸菜作為點睛之筆，微酸的口感與魚肉的鮮美形成了完美的對比，同時又巧妙地中和了微辣的刺激，令人回味無窮。配料方面，薯仔、萵筍、唐生菜和大豆芽的加入，不僅增添了烤魚的層次感，還在口感上形成了豐富的對比。這些蔬菜在烤制過程中吸收了魚肉的精華和調料的香味，變得格外美味可口。而火鍋部分，手切牛小排的絕佳質地令人驚嘆。薄切的牛排在火鍋中稍稍一燙，便展現出其鮮嫩的口感和飄逸的肉香。墨魚滑則以其彈牙的質地和鮮美的海鮮風味，為火鍋增添了另一重風味。白鱔片的爽滑口感和烏冬的筋道嚼勁，在火鍋中相互映襯，形成了獨特的口感組合。此外，燒雞全翼的也不錯。少辣保留了雞肉的醇厚原味，同時帶有一絲恰到好處的辣味，令人胃口大開。原味則更加突出雞肉的風味，兩種口味各有千秋。