烤吧31

Open Now

Now Closed

今日去深水埗接朋友收工 佢就帶我去食烤魚串燒 呢間烤吧31唔算起眼 但係都幾多街坊捧場我哋純粹想飲下啤酒食下串燒 所以叫咗好多唔同種類嘅串燒蒜蓉燒生蠔 生蠔厚肉又新鮮食落鮮甜有汁 唔會腥串燒新鮮燒起 灑上味粉孜然粉 好容易食下又一串食下又一串 燒雞全翼 燒牛仔骨 燒雞腎 燒雞中翼 燒鮮冬菇 用黎送酒一流串燒五花肉 將五花肉嘅肥油燒出 食落唔會油膩而好香口食咁多串燒當然會想飲下涼茶同啤酒 我哋就叫左竹蔗茅根水 裏面非常足料 啤酒亦有好多唔同種類選擇 我哋就叫咗Asaki同藍妹啤酒 夠凍解熱氣

住太子嘅朋友介紹 話深水埗有間食烤魚 串燒嘅餐廳 食物質素吾錯又平 所以今次我都專登過黎試下🤣 🍀剁椒豆豉烤海鱸魚餐廳有江團魚 沙巴魚 海鱸魚 清江魚 黑魚片同埋田雞選擇 咁我同朋友就揀左海鱸魚🐟 魚嘅肉質有嚼勁 岩晒鐘意咬口嘅朋友😚 另外我地仲哪左萵荀 土豆片 豆卜 金菇做配菜😉 加埋啲剁椒豆豉 少少辣嘅口味更加過隱😝🍀燒物必叫蒜蓉生蠔 每一隻蠔都好大隻好新鮮 好有咬口 加埋滿滿嘅蒜蓉真係超正🦪 蒜蓉扇貝同埋好出色 超級大隻 忍吾住成舊直接放入口🤩 烤牛脷同埋燒豬肚好有嚼勁 加埋啲調味粉更加好食😍 燒鮮冬菇 茄子🍆 煮嘅時間火候控制得好好 保留到水分 好好食😋

越開越多烤魚店，作為烤魚忠粉，真的想試勻全港各區小店。早2日好友告知深水埗有間不錯的烤魚店，而且還有最愛的烤串，所以約我今晚一齊去試試。店家有半露天位置，方便吸煙人士，而且空間都濶落，環境乾淨又舒服。【江團魚-剁椒豆豉味】將剁椒、蒜末、豆豉、蒸魚豉油在碗中攪拌成剁椒醬備用，把拌好的剁椒醬均勻地鋪在江團魚上烤，而整條魚預先煎香過外皮，令到魚肉加熱起來不太易爛，而且多了一份焦香，江團魚肉質鮮嫩，細骨比較少，油脂較其他魚豐富，口感細膩滑溜，剁椒味辣而鲜咸，口感偏重，做成烤魚湯底最適合不過。配菜任選4樣才$68真的非常便宜，我們選了蓮藕片、鮮腐竹、雲耳、大豆芽，最喜愛蓮藕片爽脆清甜，大豆芽吸收了湯汁，辛辣又爽口。【扇貝】扇貝的香氣非常吸引，大量的蒜蓉醬覆蓋整個扇貝上，扇貝厚肉肥美，鮮嫩多汁。【燒海蝦】海蝦鮮甜彈牙，保留海鮮鮮味。【燒秋葵】用簡單鹽、孜然粉烤的方式，烤去秋葵𥚃大部分水分，既保持軟嫩，也降低黏膩感，非常可口。【燒紐西蘭羊架】羊架不算厚身，但肉質鮮嫩，而且沒有羶味，肉味清香帶甜。【燒白鱔】厚身肥美，外皮香脆，魚肉鮮甜爽彈。【燒墨魚咀2串】墨魚咀超大粒，趁熱食非常爽脆彈牙，面層的孜然粉

有時出外揸車食飯，想搵個車位停一停都幾難，尤其是深水埗等地方。就連收費停車場亦不近食肆，而位於深水埗福榮街 #烤吧31 ，除左街邊可供暫時停泊，更設有戶外位置。方便睇住架車!!主食:清江魚$298配菜:蓮藕片，豆卜，栗米，唐生菜醬香野菌湯底湯底本身屬微辣，醬香味濃郁，魚身很大條，整條魚骨已去又無細骨，每塊魚肉都集醬香既甜於一身。煮左咁耐都唔散，個人覺得魚尾位置比較嫩滑😎 食完仲外加入配料打邊爐!!就咁都飽左一半!!特級牛細細一片，淥一淥即可入口。而且牛味濃郁!!白鱔片白鱔份量同樣唔少，白鱔片一淥即熟，肉質彈牙爽口!!牛筋丸蒜蓉牛油娃娃菜配粉絲底娃娃菜蒜蓉味重，配埋粉絲做底，都幾飽肚!!薯粉薯粉十分適合耐煮，煮咁耐都冇咩縮水。仲吸湯夠香辣👅整體黎講，食物質素高，好岩成班人一齊食辣打邊爐!!

烤吧31 - 深水埗福榮街因為去咗深水埗食烤魚配串燒 雖然係街邊小舖 但食物質素真心唔錯 首先叫咗條烤魚 我哋揀咗江團魚 都算厚似唔多骨 而且肉質都嫰滑 味道我哋揀咗蒜香酸菜味另外加68蚊可以揀四款底料 我哋就揀咗豆卜 大豆芽 娃娃菜 萵筍 前兩者吸湯汁之選 後兩者就有啲蔬菜食我哋仲加咗啲大份嘅特級手切牛肉 油脂分佈平均 而且肉質嫰滑 唔係平價貨 食落口帶點油脂燒扇貝 扇貝厚肉超大隻 而且超級新鮮鮮甜 火喉亦啱啱好唔會Overcook黃金墨魚餅 炸漿唔會厚 非常輕薄 但又保持到鬆脆口感 墨魚餅彈牙 係出面未食過嘅做法 非常推介

深水埗區一向都多平民小食，呢間除咗食串燒仲有主打烤魚，適合唔同人需要，仲有室外座位，方便食煙嘅人士✨燒雞軟骨2串$26一客有兩串，超鍾意食雞軟骨嘅口感，好爽脆，食到索索聲✨烤墨魚嘴2串$32墨魚咀口感爽口✨烤台灣腸$19孜然粉味好香，腸仔非常Juicy✨燒水魷魚2串$32非常新鮮大隻，口感彈牙爽滑✨燒牛胸爽2串$28牛油花旺盛，口感肥嫩而具彈性✨烤牛脷2串$42做得好出色，牛舌非常厚切，爽口彈牙，一啲根都無✨雞腎2串$28雞腎燒到爽脆彈牙，唔乾身✨白鱔$38白鱔非常新鮮，外皮燒到金黃色，好香口，肉質彈牙，魚油脂豐富✨燒牛仔骨$68牛仔骨有兩大塊，牛味濃，而且生熟程度剛剛好✨茄子$35調味非常出色，蒜蓉，辣椒🌶️，孜然粉非常香，非常惹味，燒茄子又係燒烤裏面必點嘅菜式✨蒜蓉生蠔（4隻）$88生蠔大大隻好新鮮，肉質好creamy，加埋蒜蓉一齊燒更加惹味✨秘香製香烤魚（黃花魚）$88魚肉較多，口感較好，魚肉軟滑，烤魚嘅時間剛剛好，仲保留與本身鮮甜味，加埋燒汁同芝麻就咁惹味✨蒜蓉牛油粉絲金針菇$32又係必食嘅選擇，金菇粉絲吸晒蒜蓉牛油汁，真係超香，冇得頂✨香辣毛血旺$48麻辣湯不是太辣，花椒八角味

超鍾意食烤魚，今日就同好朋友一齊去烤吧31食佢哋主打嘅烤魚。🐟烤江團魚$298，口味加了$20要蒜香酸菜，魚肉鮮嫩，完全吸收了蒜香和酸菜的風味，加上滿滿嘅酸菜，每一口都好滿足。🥬加$68可點四種不同的配菜。蘿蔔片和蓮藕片，爽脆清甜，鮮腐竹同娃娃菜索咗蒜香酸菜汁，好惹味。🍆茄子串 $35茄子係燒烤必食之物。烤得剛剛好，蒜蓉滲入咗全條茄子，味道更為濃郁🐮烤牛脷 $42 雞腎 $28 兩串烤牛脷肉質有嚼勁爽口，帶著牛肉香氣，而雞腎就咁鹽燒都好好食。🐟燒鮮魚卜 $36 兩串第一次食燒鮮魚卜，內裡鮮嫩的口感，都幾特別🐟燒白鱔 $38燒白鱔的魚肉細嫩，魚皮燒得脆口，魚肉有魚油香🐐燒羊架 $42燒羊架則帶著獨特的羊肉酥味，肉質不嚡口🦪燒生蠔$88 四隻好大隻肥美，用蒜蓉燒冇得頂。 🥃竹蔗茅根水 $38口感順滑，帶有淡淡的甘甜，減去食串燒嘅油膩感，清熱又下火

和豬先生遊玩完深水埗鴨寮街和玩具街，特意步行附近的福榮街吃烤魚烤串補充體力🤭。沒想到這家餐廳烤魚的水準，讓我想起內地烤魚的滋味。🐟🍄醬香野菌味烤江團魚餐廳有幾款魚類可供選擇，我們較想吃肉嫩骨小，店員就向我們推薦江團魚，確實真的沒什麼魚刺，可以放心大口吃😍野菌即是雜菇，不同菇類先下油炸香，加上餐廳秘製醬料，湯底濃郁充滿油香！一盤烤魚內還夾雜著很多蔬菜，二人絕對夠吃的。🥓🥩特級手切牛肉（小）有出色嘅烤魚湯底，當然不能浪費，要煮埋個靚牛肉🥰小份牛肉2人吃也足夠。牛肉脂肪分佈平均，很神奇，久灼肉質也不會變老！真的很想來碗白飯呢🤣🥠生炸鮮腐竹普通腐竹再炸一遍，卜卜脆。即食得，灼幾秒吸湯也可。🍡🍢烤串系列我們選擇不加辣。雖然食烤串一般都會選擇加辣粉，但貓太太建議不加更能突出食材鮮味。🦪蒜蓉生蠔和扇貝必須點！絕不是急凍貨式，貝類厚肉肥美而且蒜蓉醬一點不過鹹，讚！🍤海蝦、白鱔、韭菜、冬菇都是必食😂😂

烤吧31 提供湘川風味烤魚🐟、串燒🍡及火鍋🥘，3️⃣大主題菜式，雖然個個都話烤魚🐟出色🥰，但今次冇食烤魚，主要試咗佢哋嘅串燒，同雞煲😂。啫啫雞煲 $258雞肉🐓十分嫩滑又入味😋，辣辣地加上勁多芫茜、乾蔥、薑及蒜等配料，味道又香又惹味🤤。燒水魷魚 $32/2串水魷魚🦑非常入味，而且燒得剛剛好，非常彈牙🥰。烤墨魚咀 $32/2串大大粒墨魚咀🐙烤得勁香口，墨魚嘴新鮮，肉質彈牙😋。燒海蝦 $26/2隻海蝦🦐都叫幾大隻，全部爽口彈牙😋。烤新鮮天梯 $22天梯其實就是豬上顎連接牙齦嘅肉🐖，口感非常脆😍。烤牛脷 $42/2串牛脷燒得乾身香口，質感緊緻有彈性😋。雞全翼 $28🐓大大隻，雞皮燒到脆口，肉質Juicy😋 。奇味雞泡魚干 $33燒魚乾🐟非常香脆，帶有魚香味😋。蒜蓉招牌生蠔 (4隻) $88用上蒜蓉烤香後🔥，每食一口都充滿鮮味及蒜香味🥰。黃金墨魚餅 $52墨魚餅🐙炸漿非常薄身，而且煎得金黄，墨魚肉🐙爽口彈牙。燒茄子 $35原條茄子🍆面層鋪上大量蒜蓉🧄辣椒🌶，燒得剛剛好，香口惹味鮮嫩多汁🤗。竹蔗矛根水(扎) $38勁大扎🫢，而且真材實料，食完串燒飲返杯清涼潤喉🤤。

📍 烤吧31 -深水埗福榮街 食個雞煲暖一暖個胃！呢一間嘅八角等配料都好足料所以雞煲都好入味，除咗雞煲之外，仲有烤魚、串燒、海鮮等選擇！簡直係可以同朋友相約聚餐嘅好地方！呢一間店設有室內同室外，可以嘆住啤酒同朋友吹水❣️✨ 啫啫雞煲啫啫雞煲的湯汁鮮美濃郁，嗌左中辣，辣度剛好🌶️雞肉鮮嫩多汁啖啖肉，滋味醇厚。超火辣夠惹味。✨ 香辣毛血旺辣味四溢，有齊豬大腸，豬紅，薯粉～豬大腸洗得好乾淨，唔怕食到肚痛，豬紅醃得好入味，中辣啱啱好，另外配菜仲有芽菜，薯粉，木耳🌶️沒有偷工減料的毛血旺🌶️店內仲有燒烤串燒類，好多選擇～串燒類有蔬菜🥬肉類🥩海鮮🦞辣度可以自己選擇，本人比較欣賞燒白鱔，同埋燒烤嘅調味料，店主嘅調味料都係自己調整過，所以與其他嘅味道都不一樣，誤會只有死鹹🍢✨ 燒秋葵✨ 燒韭菜✨ 燒白鱔鱔魚肉質鮮嫩，搭配獨特的燒烤調味，口感香脆又多汁🐟✨ 寸燒五花肉肥瘦相間，正👍✨ 燒雞軟骨表面呈現金黃色，外脆內嫩。口感酥脆，咬下去有一種嚼勁。✨ 原味燒生蠔肥美鮮甜，原汁原味嘅新鮮燒生蠔🦪每一隻都好飽滿，而且帶點淡淡海水味，啱啱燒完仲有溫度，食落去係海水新鮮嘅鹹味，唔使特登調味，真心推介😘✨蒜蓉牛油娃娃菜香氣

放假落大雨真係影響心情，想心情變靚就去搵下好嘢食，男朋友帶路去深水埗福榮街食烤魚加燒烤，滿足重口味嘅我😍呢間餐廳好多元化，有串燒、烤魚、雞煲，仲有打邊爐。而且價錢好抵食，我哋就點左烤魚、蔬菜加燒烤串燒😋烤魚揀左江團魚$298鮮青椒味+$20可揀辣度，揀左小辣，有好多青椒粒、藤椒舖面，烤魚大條厚身，魚皮有陣陣香烤味道，魚肉雪白緊緻又軟嫩，啖啖鮮魚香而沒有腥味。湯底味道濃郁惹味，所以我們再點了一些配菜加入湯底，有即炸響鈴、粟米、萵筍、土豆片和生菜！燒生蠔（4隻）$88香噴噴嘅蒜蓉、配上新鮮嘅生蠔，鮮香味無窮燒鮮魚卜（2串）$36坊間極少有的菜色，於餐單見到時毫不猶豫便點選！外層軟糯，內層爽脆，調味恰到好處燒海蝦（2隻）$26大隻厚肉，肉質緊實，味道鮮甜燒白鱔$38皮脆肉彈牙烤茄子$35每次食燒烤必食，茄子經過烤製後質地變得柔軟，蒜香味十足燒韭菜$13條條嫰綠分明，惹味香口﹗燒秋葵$18平時秋葵中間滑潺潺未必人人鍾意食，但燒完就變咗乾身仲要脆卜卜總結：烤魚、配菜份量十足，燒烤食材新鮮調味惹味，當晚越夜越多人👍🏻

呢間係深水埗嘅烤魚及串燒都非常不錯，店員服務態度親善有禮前菜叫咗個芥未魚皮，唔會好辣，魚皮香滑爽口蒜蓉牛油娃娃菜嘅份量都算多，底層仲🈶粉絲，娃娃菜充滿牛油香味生蠔一碟4隻，蒜蓉味香濃，蠔肉肥美多汁烤魚揀咗鮮青椒味江團魚，另外再加大豆芽、蓮藕片、秋葵➕ 滑豆腐，除咗豆腐係碟上之外，其他配料都放入鍋內一齊煮。魚肉香嫩入味，食落又辣又麻，十分開胃燒物叫咗雞全翼、雞腎、海蝦、白鱔，件件都燒到好好味😋燒紐西蘭羊架唔會羶， 韭菜亦好香嫩飲品叫咗一札竹蔗茅根水，份量十足，兩個人都飲唔晒，而且唔會好甜，值得推介👍🏻

朋友話上個星期食過呢一間位於深水埗福榮街，主打烤魚串燒的餐廳， 地道味美而且價錢合理，印象深刻。 在附近睇開玩具， 就決定一試。 舖頭都算闊落，分開戶外位和室內位， 裝修有點居酒屋感覺， 總之適合一班朋友過來吃吃喝喝， 氣氛一流。先上枱係一大壺竹蔗茅根， 由於啱啱煲起，店員好細心畀冰我哋降溫， 清涼潤喉， 非常適合食燒烤。我們選擇了蒜香酸菜味 海鱸魚， 份量大得震撼， 味道酸辣適中充滿蒜香， 鱸魚一梳梳啖啖肉， 厚實而不失嫩滑。 湯底更加可以用來打邊爐， 當中強烈推介即炸響鈴， 豆香十足，浸湯後依然保留少量香脆。當然亦都要預留一定肚子空間給烤物，分別叫了奇味雞泡魚乾，燒田雞，燒白鱔，燒牛胸爽，燒羊架，烤牛脷，燒牛肉，烤茄子。整體質素都非常好， 食物都有預先醃製 ，味道一流， 配合師傅燒烤功力恰到好處， 越食越爽。 當中強烈推介鱔皮燒得香脆，肉含有大量魚油脂的燒白鱔， 同樣充滿油脂， 部門位置帶爽脆而充滿牛香的燒牛胸爽， 烤和醃味剛剛好的燒羊架。 性價比高，值得推介！

魚好滑、新鮮、大條 欣賞條魚👍🏻👍🏻食完魚順便打邊爐叫咗d好吸湯嘅瓜類、腐竹、豆卜惹味又夠辣叫少辣都好夠味除咗烤魚仲有串燒、佐酒小食串燒當中我最鍾意台灣腸😋香脆juicy白鱔皮脆肉彈特別嘅有鮮天梯同埋有水魷、豆干燒茄子、拍青瓜、娃娃菜蒜味十足仲食咗算血旺食物味道夠辣、濃、惹味～感覺似去左北上食地道小食風味不錯而且仲有室外位放便邊食邊「透氣」嘅朋友🚬🔸清江魚小辣🔸蘿蔔片 🔸鮮腐竹 🔸豆卜 🔸蓮藕片🔸烤新鮮天梯🔸奇味雞泡魚干🔸臺灣腸🔸燒白鱔🔸燒水魷魚🔸燒豆腐干🔸茄子🔸燒韭菜🔸蒜蓉牛油娃娃菜🔸香辣毛血旺🔸蒜香拍青瓜

好耐冇出深水埗食飯, 深水埗素來有平民美食天堂之美譽, 今晚揀咗間有生啤飲、有串燒食, 也可以食雞煲、打邊爐及食烤魚的食店 ~  烤吧31。窒外開放座位今天收5：00, 早食早享受, 食店裝修上復古的紅磚牆, 很RAW很舒服的視野。至於食品方面, 數十款即叫即燒串燒, 雞、魚、牛、豬、海鮮齊備, 多款烤魚可自由配湯底, 有辣有唔辣, 也有雞煲及打邊爐湯底, 藥膳牛骨湯底好吸引呢。烤吧當然少不了酒精, 除咗呢幾款啤酒, 還有好多其他牌子, 黑啤都有供應。鎖匙生啤 ($26)食串燒又怎能少了這杯生啤呢？ beck's 品牌的生啤還是第一次飲, 麥味較濃厚, 幸好是生啤, 夠凍冰之餘, 口感清爽, 配濃味的串燒食物剛剛好。川味無骨鳳爪 ($38)香香辣辣, 佐酒一流。串燒推介 ;1. 燒白鱔 ~  白鱔出名油脂豐富, 燒得皮脆肉爽, 油香四溢。2. 雞泡魚乾 ~ 有點嚼口, 甜甜地烤汁, 日本居酒屋佐酒名物。3. 雞全翼 ~ 大大隻, 雞皮燒脆口, 雞肉香滑, 鹹香惹味。4. 燒新鮮天梯 ~ 天梯即猪的上颚, 出名爽口,  撒上椒鹽辣椒粉, 惹味非常。5. 臺灣腸 ~ 很久沒吃台灣香腸了,