潮盛館

Open Now

Now Closed

之前夜晚去新蒲崗經過呢間餐廳見到好多人幫襯，呢排終於約到朋友一齊試下呢間餐廳；餐廳喺mikiki附近，位置都幾方便。當日係平日夜晚，餐廳都坐到滿座。🍽️晚市孖寶套餐 （包白飯+罐裝飲品）🐟剁椒蒸鱔👍平時喺屋企好難處理鱔，難得餐廳做優惠，梗係要叫黎試下；鱔嘅肉質都頗彈牙，下面放咗粉絲，吸收哂鱔同醬汁嘅味道，非常入味！🥦蝦乾鮮菌浸時蔬蔬菜嘅份量都幾多，湯底帶清甜嘅味道，而蝦乾增加咗湯嘅鮮味，令湯底無咁單調。🍽️醉乳鴿👍👍呢個係餐廳嘅招牌菜，當日有其他客人都想點佢，但佢已經售罄，建議大家去餐廳點咗呢個菜式先！乳鴿切成一片片嘅肉，擺盤非常精緻；一入口就已經食到香濃嘅酒味，同時又唔會搶到乳鴿嘅味道，而肉質亦都非常嫩滑，值得一試！🍽️小食雙拼（海蜇+金錢肚）海蜇口感非常爽脆，每一條海蜇都沾滿麻油同淡淡辣味，呢個冷盤好適合熱辣辣嘅夏天食；而金錢肚非常入味，肉質都頗軟嫩，又唔會好韌。

今天9月3日星期二, 見到食評不錯 中午午飯時間一行5人. 由彩虹道公司行過嚟試試. 11:55就出發 過到嚟門口幾12:10分. 店鋪已坐滿. 拎飛C1 5位. 等 等 等 到12:30有張6人枱. 竟然比左後嚟的6位客人..真的激氣了. 很憤怒 😡 攞飛時又吾講明等幾張枱, 午飯時間係打工仔都趕頭趕命..真係想講操口罵員工. 香港飲食業搞到咁真係吾好怪人北上消費. 一行5人改去酒樓食..如此垃圾安排 永不幫襯, 祝佢生意興隆🤬🤬🤬🤬附上有關照片作證實

店名/Shop Name：潮盛館 (新蒲崗)地址/ Adresss: 新蒲崗寧遠街3-23號越秀廣場地下G25-G27號舖種類/Type：潮州菜，順德菜推介/Recommend：煎蠔餅，滷水鵝片人均價錢：$200店舖環境: 簡約中式設計，座位尚算寬敞，坐得舒適交通: 啟德地鐵站C出口行12分鐘上菜速度: ⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️滷水鵝片（例）（醋） $228滷水鵝片色澤誘人，肉質鮮嫩，味道濃郁，醬香四溢，加埋個醋汁超好味。蠔餅 $108潮式煎蠔餅外脆內軟，蠔肉鮮嫩多汁，搭配香蔥魚露，口感豐富，香氣四溢，好吃到唔停得口韭菜豬紅$68潮式韭菜豬紅是一道經典的潮汕小吃，韭菜與豬紅的搭配，帶來獨特的風味

上次嚟過呢一間潮州餐廳食夜晚，覺得呢間餐廳嘅食物質素好好，今日晏晝經過發現佢哋午餐同埋下午茶好抵食，於是決定再返兜幫襯！午市二人套餐👯 $168午市二人套餐嘅內容好豐富，包括咗是日豐料燉湯2客🥣、鵝肉拼鹽香雞🪿、翠綠炒蝦球帶子🦐、白飯兩碗🍚、茶或咖啡☕️，當日嘅燉湯係海底椰螺頭燉雞湯，燉湯非常足料而且比起平時嘅燉湯大碗，平時嘅舖頭賣$50-60 一盅都絕對唔過分～鵝肉拼盤份量又係多到嚇親😂😂而且佢哋嘅滷水鵝真係整得好好食，大家記住嚟試吓！砂薑豬手 🐷$53豬手酸酸地好爽口，有好多蒜粒同埋沙薑碎，好惹味！煎釀虎皮尖椒🫑$48不嬲都好鍾意食尖椒，呢度嘅尖椒仲要釀左超級多鯪魚肉，真正真材實料！宮廷蘿蔔🥕$28酸酸地好開胃，而且仲有助消油解膩㖭～

潮州嘢都食得多，滷水打冷呢啲例牌嘢。今日去到呢間潮州菜館，本身係做咗20年日本食物，再加埋潮州菜廣東菜師傅嘅fusion餐廳，咁就第一次試。吸引到我嘅係佢哋嘅醉香三寶，分別係墨魚、鵝肝、雞髀。擺盤當然企企理理喇。佢哋嘅醉酒汁好出色，酒味好濃，又唔會太鹹同埋太甜。突出咗酒香。雞髀浸到嫩滑，鵝肝直情入口即化，醉墨魚真係第一次食，以為係橙色嗰啲，原來係新鮮大墨魚。好厚肉好爽。午餐就包埋嘢飲，價錢就同食個拉麵差唔多，但係呢度就好明顯呢啲舒服啲。

星期五晚留港消費，同朋友去左呢間喺新蒲崗既潮盛館。因為唔太熟果區，所以喺啟德站出左再行過去，其實經天橋去到Mikiki 再落返地面過去都好快（唔好問我點解識）。醉鵝肝醉左既鵝肝，味道食落唔‘漏’，清清地既酒香味，鵝肝咬落軟綿綿，同會喺口到有種溶化既感覺！真係好味，大推！半份三個人食啱啱好👍🏻醉鮑魚一人一隻醉鮑魚，酒味清香，鮑魚食落爽口唔硬，仲好細心切左件同起埋底果粒成隻元貝既肉，好味😋鴨片拼盤因為成九點先點菜，好多出名既料都賣哂，揀左鴨片、魷魚、鵝腸三拼。鴨片正常唔會太咸，而且啲肉幾滑嫩；魷魚爽口好咬感，加埋個醋，正👍🏻個鵝腸值得一讚，佢地起哂啲腸入面既肥膏，所以成條鵝腸都好爽口🧡蠔仔粥我唔太鍾意食粥，不過呢個粥都好好味🤤上到黎會比較似湯飯咁，但食落好鮮味，入面好多蠔仔，仲有啲類似魚乾片咁既料，食粥之餘都有啲咬口。（最後食唔哂，我打包左粥返屋企食，過左晚再煮黎食都好好味，可能擺耐左，再濃味啲）醉乳鴿喺炸同醉之間糾結左好耐，見有啲熱氣所以揀左醉乳鴿。醉乳鴿真係第一次試，啲肉好滑嫩呀，雖然係一隻，但都份量幾多，建議試下👍🏻另外仲叫左兩個湯一齊share飲，有個係濃湯料既，會按當日既料有啲唔

餐廳在越秀廣場臨街轉角處，舖面相當顯眼。晚膳時間經過店前外賣處掛出令人垂涎欲滴的潮州滷水鵝、鹽香雞和各式滷味，非常吸引，於是入內用餐。店內裝修整潔，燈光明亮，一幅“清明上河圖”平添了一份古雅氣氛。「滷水鵝件」，雖然是“例牌”，但份量也不少。大大件鵝件，色澤油潤，肉厚飽滿，鮮嫩多汁，鵝肉特別幼滑，不肥膩，而且滷得入味，口感非常好。「鹽香雞」，賣相別緻，有小盆栽裝飾。半隻大黃油雞，肉厚多汁，滑溜細膩，鮮嫩無比。鹹香口感，更能帶出雞肉的鮮味。「滷水三拼」，自選滷味：元蹄、墨魚、金錢肚。元蹄爽滑，膠原質豐富；墨魚鮮甜可口，越嚼越出味；金錢肚最入味，滷水香噴噴，十分惹味。「牛奶卷」，酥炸牛奶，外皮炸得香脆，包住幼滑牛奶，真正做到外脆內軟，雙重口感。「蠔仔粥」，蠔仔份量充足，厚身肥美，鮮甜多汁，更配有柴魚調味，效果很好。飽餐一頓，意猶未盡，下次再來品嚐其他菜式。

潮盛館地址: 新蒲崗寧遠街3-23號越秀廣場地下G25-G27號舖=====================假日搵地方食個lunch 先，係橫街小巷行一個圈，看看有什麼吃才決定。因過了lunch ，可以慢慢坐。滷水飯，自製3寶飯先，因見到窗口掛了很多雞，叫了個$48元蹄飯，另加$15 有雞髀同海蜇$15。因本人覺得元蹄同海蜇是不可分割的。另外仲加了個小食 $58 醉香鴨舌，淡淡酒甜香，吃內藏及鴨舌都是豬某某導我的！本身連coffee / tea 假日食得豐富，真是飽到連dinner #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

🍊 餐廳名稱：潮盛館 (新蒲崗)🐝 味道：7.5/10環境：7/10整體分數：7/10💰人均：$60-120———————————————————午市二人餐💰 168一個性價比幾高嘅二人餐，有湯有肉有菜，一應俱全。首先每人會有碗燉湯，非常足料，有螺頭瘦肉冬菇，而且味道鮮甜！話晒食潮州嘢，當然唔少得滷水鵝啦，二人餐入面仲可以拼埋鹽香雞或者其他潮式小菜。鵝肉都夠入味，份量都幾多！最後就係炒碟小蔬菜，翠綠炒蝦球帶子。潮式炸蠔餅💰108一場嚟到無理由唔食蠔餅嘅！size分分鐘大過我塊面，而且新鮮炸出嚟非常脆口，蠔仔嘅份量都唔算少，整體感覺幾好！

潮盛館 (新蒲崗)新蒲崗寧遠街3-23號越秀廣場地下G25-G27號舖新蒲崗lunch好地方最近發現越秀廣場地下，有間潮州嘢Lunch$50左右好抵食坐得舒服，同同事兩個揀咗個二人餐二人餐每日一個燉湯包小菜滷水同白飯另外叫多咗個蔬菜二人餐都只係168如果多啲人share都夠食圍翻開$80都唔使成班同事黎仲可以坐大枱唔錯嘅選擇年市2人套餐1是日豊料燉湯鵝肉雙拼（鹽香雞、牛腱、大腸、元蹄、豬腩肉、墨魚)翠綠炒蝦球帶子/虎皮椒炒鹹肉免費飲品燉湯非常足料雞肉、瘦肉足料燉湯清甜好味潮州嘢點可以唔嗌鵝肉滷水鵝肉入，肉質鮮嫩另外拼元蹄炆得好淋，份量非常多滿足小菜揀咗蝦球帶子，西蘭花蝦球同帶子Lunch都可以食得好豐富蝦球啖啖肉，超正新蒲崗不可錯過嘅潮州餐廳非常抵食午餐

好耐冇食過一間滷水店係咁正，招牌滷水鵝片拼墨魚絕對值得一讚，鵝片入口即化，墨魚超爽彈，味道濃郁不油膩。薑蔥蠔香氣四溢，蠔與蔥和薑配搭非常，清爽中帶著微辣，蠔好大隻，煮熟左都冇縮。蠔仔粥都唔差，粥濃郁滑潤，加上蠔既鮮甜，好有家的味道。滷水店裝修都簡樸得來精緻，牆上古畫古色古香，感受到每一道菜都用心，口味地道。店內免收加一，性價比不錯，人均消費$200左右，座位都坐得舒服，服務都有禮。#滷味 #滷水 #滷水鵝 #滷水墨魚 #蠔仔粥 #蠔 #新蒲崗 #新蒲崗美食 #晚餐 #高性價比 #foodie #foodiehk

今日同朋友去新蒲崗工作, 我哋發現有間潮州菜館, 地方企理乾淨, 服務員都有禮貌。鵝件雙拼大腸鵝肉好厚肉，大腸煙靭， 滷水汁滲入牛肉非常美味。豉汁蒸鱔非常新鮮，鱔肉夠厚又彈牙， 豉汁非常惹味。蝦干鮮菌時蔬蝦乾的香味撲人，配上新鮮蔬菜，這個餸好清甜。海底椰燉湯這個有驚喜，非常之好，而且味道一流。醉鵝肝半份酒味香濃，鵝肝軟熟，食完齒頰留香。蠔餅香脆美味， 送啤酒一流。

這間餐廳位於新蒲崗環境佈置十分之明亮，價錢性價比十分之高.說到家鄉的美食,一定少不了各種醬料滷製的肉類。今天我嘗試了這家餐廳的滷水鵝、鵝腸和豬腩肉拼盤,讓我回味起了家鄉的味道.首先是那塊入口即化的滷水鵝。鵝肉經過慢火悶煮,已經完全軟嫩入味。咬下去,肉質綿密,帶著濃郁的鵝肉香氣,入口即化,彷彿在舌尖化開。滷料中的五香、蒜頭和醬油等調料,恰到好處地點綴了鵝肉的原味.緊接著嘗到的是色澤誘人的鵝腸。鵝腸經過充分煨燉,變得Q彈爽脆,沾上那誘人的紅棕色醬汁,頓時激發了味蕾的興奮。每一口都能感受到鵝腸微微的筋道,卻又不失柔軟,加上滷汁的鹹香,真是讓人停不下嘴。這道看似平凡,卻令人難忘的菜餚,無疑是家鄉味的最佳代表。最後嘗到的則是那份飽滿多汁的豬腩肉。豬腩肉經過慢火滷製,外表呈現深褐色,散發著陣陣肉香。咬下去,肉質鬆軟多汁,帶著淡淡的鹹甜滋味,迷人至極。沾上搭配的辣醬,更能激發出肉汁的鮮美,回味無窮。這樣一份豐盛的滷肉拼盤,無疑讓人體會到家鄉美食的溫暖和魅力。整道菜餚無論是在口感、口味還是視覺上,都讓人回味無窮。滷水鵝、鵝腸和豬腩肉三款家鄉傳統肉類,在這家餐廳的巧手下變得更加嫩滑多汁,香氣四溢。這樣一

同個朋友晚飯，見到mikiki隔離有間食潮式野，裝修都幾新淨，朋友話好累唔想行，兩個人叫左鹽香雞，味道同一般鹽焗雞差唔多。但係隻雞嘅質地就特別D，皮比較黃，比較硬身、脆口。所以唔會食落口就成口油咁。仲叫左個鹵水拼盤，裏面好多選擇嘅；揀左鵝腎、墨魚同埋豬耳。同一煲鹵水，鵝腎同豬耳味道差不多，不過唔會食到好大陣雪藏內臟味，墨魚就唔係一般打冷見到果D橙色嘅，下面有炸豆腐墊底，之後再叫左鹵水鵝片，肉味好濃，如果厚身D就更佳。同樣都係有炸豆腐墊底，正最後，又勁眼闊肚窄叫咗個凍烏頭，鹹味都夠，唔洗下下點醬。魚身有花雕味，幾新奇，不嬲凍魚都係用鹽堆住，好少有酒味。如果再凍身D就仲正。

屋企樓下新開咗一間潮州菜，新開業可以打85折價格適中，之前同朋友去食過幾間都麻麻地，哩間係目前為止個人認為最好食，尤其係招牌鹹魚生煎肉餅同埋潮盛炸蠔餅，煎到啱啱好，味道唔會好咸，因為係新開張所以環境各方面都verygood！